Ang mag-asawang Pauleen Luna at Vic Sotto ay talagang napakapalad sa pagkakaroon ng napakacute at talentadong anak na tulad ni Baby Tali. Madalas ngang ibahagi ni Mommy Pauleen sa kanyang social media account ang mga nakakatuwang videos ni Baby Tali kung saan ipinapamalas ng munting bata ang kanyang kabibohan.

Photo credits: Pauleen Luna Sotto | Instagram

At dahil nga sa kabibohan at talentong taglay ni Baby Tali, hindi maikakaila ang pagiging proud parents nina Pauleen at Bossing Vic. Bata pa lang nga, ay nakikitaan na ng talento si Baby Tali sa pagsayaw, at talagang nakahiligan na rin nito ang pagti-Tiktok na kung saan ay bigay todo sa pagsayaw.

Talaga namang marami ang natutuwa at naaaliw na netizens sa cute na batang si Baby Tali sa tuwing mapapanood ang mga Tiktok videos na ibinabahagi ng kanyang Mommy Pauleen.

At ngayon nga, ay may bago na namang pinagkakaabalahan si Baby Tali upang mahasa ang kanyang galing sa pagsayaw. Ito nga ang ballet class kung saan ipinasok siya ng kanyang Mommy Pauleen. Ang unang araw sa klase ni Baby Tali ay masaya namang ibinahagi ni Mommy Pauleen sa kanyang Instagram.

Sa post nga ni Mommy Pauleen sa Instagram, ay talagang proud na proud siya sa kanyang anak na makikitang enjoy na enjoy sa pagsayaw sa unang araw ng klase.

“1st day of Ballet Class with Teacher @margarita.ally,”

Photo credits: Pauleen Luna Sotto | Instagram

saad ni Pauleen sa kanyang IG.

Makikita rin na maiging nakikinig at sumusunod si Baby Tali sa kanyang coach na si Teacher Margarita Ally. Maging si Teacher Margarita ay masaya at naeenjoy rin ang pagtuturo kay Baby Tali dahil madali lamang niya itong turuan at agad nakukuha ang bawat steps at gagawin.

 

View this post on Instagram

 

A post shared by Marie Pauleen Luna- Sotto (@pauleenlunasotto) on Oct 2, 2020 at 7:05am PDT

Maririnig naman sa background ng video ang tinig ni Mommy Pauleen na todo suporta sa anak at tuwang-tuwa rin dahil mabilis matuto si Baby Tali ng mga steps.

Dahil nga sa ipinamalas na husay ni Baby Tali sa unang araw ng kanyang ballet class, ay hinangaan at pinuri ang munting bata ng mga netizens na talaga namang giliw na giliw sa napakacute na si Baby Tali. Narito ang komento ng ilang netizens:

“I always have smile in my face everytime I watched her video cute tali💖💖💖”
“Hello cutie pie baby Tali Ang cute mo tlaga❤️ always stay safe team bosleng💞”

“Very good nmn c baby tali nice talaga pagmaagang na naturuan ang bata madaling sumunod even sa ibang activities good work mommy and daddy and stay as good baby tali 😁😁😁 God bless us all!”

Si Baby Tali ang bunsong anak ni Bossing Vic at ang panganay na anak naman ni Pauleen. Magmula nang dumating si Baby Tali sa buhay ng mag-asawa, ay napuno ito ng saya at kulay dahil sa matatamis na ngiti ng kanilang anak.

 

View this post on Instagram

 

A post shared by Marie Pauleen Luna- Sotto (@pauleenlunasotto) on Sep 28, 2020 at 3:24am PDT

Source: Ptama

Isa sa talagang hinahangaan sa industriya ng showbiz pagdating sa fashion statement ay ang aktres na si Heart Evangelista. Talaga namang kahanga-hanga ang pagiging creative ni Heart sa mga bagay na may kinalaman sa fashion. Kaya naman, hindi nakapagtataka upang bansagan siya bilang “Queen of Creative Collaboration”.

Dahil nga, kahanga-hanga ang mga kasuotan ni Heart magmula sa damit, sapatos at bag ay marami sa kanyang mga tagahanga ay nais masilayan ang kanyang walk-in closet. At ang matagal nang hiling ng kanyang mga tagahanga na tour sa kanyang walk-in closet ay binigyang katuparan ni Heart.

Sa video na ibinahagi ni Heart ay talagang mamamangha ang sinuman sa ganda at dami ng laman ng kanyang walk-in closet. Bago tuluyang makapasok sa walk-in closet ng aktres, ay aakyat muna sa hagdan na may pink na carpet at hawakan na gawa naman sa gold.

Photo credits: Love Marie Escudero | Youtube

At nang marating na nga ang kanyang walk-in closet ay masisilayan ang ganda at kaayusan nito. Ang bawat kasuotan ay nakaayos sa bawat klase at kulay. Isa nga sa pinakapaborito ni Heart sa kulay ng kanyang mga damit ay ang simpleng kulay puti. Ito nga ay dahil madali umano itong ibagay sa anumang kulay at accesories.
Ipinakita rin ni Heart ang koleksyon ng kanyang sun glassess at iba’t ibang uri ng accesories na maayos na nakasalansan sa isang glass cabinet.

Photo credits: Love Marie Escudero | Youtube

Photo credits: Love Marie Escudero | Youtube

Samantala, kung kahanga-hanga ang mga nakahilerang kasuotan ni Heart, ay sadyang nakakamangha rin ang kanyang napakarami at naggagandahang sapatos. At isa nga sa memorable sa kanya, ay ang sapatos na isinuot niya sa Schiapareli fashion show.

Photo credits: Love Marie Escudero | Youtube

Photo credits: Love Marie Escudero | Youtube

Hindi lamang kasuotan at sapatos ang hahangaan sa loob ng Paris-themed walk-in closet ni Heart kundi pati na rin ang kanyang mga mamahaling bag na may magagandang disenyo. Isa nga sa ipinakita ni Heart sa kanyang mga mamahaling koleksyon ng bag, ay ang isang vintage black bag na bigay sa kanya ng kanyang ina.

Photo credits: Love Marie Escudero | Youtube

Proud naman na ipinakita ni Heart ang kanyang mga Hermes bag na sadyang may nakakalulang halaga. Kaya naman, pagbibiro ng aktres, kung sakaling magkasunog ang una niyang ililigtas mula sa pagkasunog ay ang kanyang Himalayan Hermes bag.

Marami naman sa mga netizens ang napa-sana all matapos masilayan ang kamangha-mangha sa gandang walk-in closet ni Heart.

Photo credits: Love Marie Escudero | Youtube

Photo credits: Love Marie Escudero | Youtube

Saad nga ng isang netizen matapos mapanood ang walk-in closet tour ni Heart, “Heart is very classy, it’s not all about Louis Vuitton, Gucci, Fendi although they are nice, many wealthy people spend money on hand crafted items, exclusive items, and not extremely expensive waste, I love how Heart is very classy she doesn’t flex and is genuinely a very humble nice person!”

Source: Ptama

Maliban sa kaligayahan ng pagiging isang magulang, isa rin sa talagang inaabangan at naghahatid ng ligaya sa mga magulang ay ang magiging kasarian ng kanilang munting anghel. Sa sinapupunan pa lamang ay talagang kinasasabikan na kung ang dinadala ba ay isang malusog na baby boy o kaya naman ay baby girl. At sa panahon nga ngayon, ay patok na patok ang gender reveal party, kung saan ay nagkakaroon ng masayang pagdiriwang sa pag-aanunsyo ng magiging anak habang ito’y nasa sinapupunan pa lamang.

At kamakailan nga, isa sa mga couple na masayang nagkaroon ng gender reveal party ay ang soon to be parents na sina Mark Herras at Nicole Donesa. Nito lamang, ika-18 ng Setyembre, nang ibahagi ni Mark sa kanyang YouTube channel ang mga kaganapan sa kanilang simpe at masayang gender party kung saan dinaluhan ng kanilang pamilya.

Dahil nga sa COVID, ay tanging miyembro lamang ng kanilang pamilya ang kasama ng couple sa masayang yugto ng kanilang buhay sa pag-reveal ng gender ng kanilang baby.
Sa video, mapapanood na may kanya-kanyang hawak na small articial eggs sina Mark at Nicole kung saan ay naglalaman ng mga gender reveal riddle katulad na lamang ng “Pink or blue, our dream came true”. Girl or boy, I’m sure either way, you’ll jump for joy.”

At matapos basahin ang lahat ng riddles na nakapaloob sa mga itlog, ay may inabot naman na malaking paper bag kay Mark na naglalaman ng isang malaking itlog. Sa pagbukas nga ng itlog, ay bubungad ang ultrasound ng kanilang baby.

Photo credits: Mark Herras | Youtube

Photo credits: Mark Herras | Youtube

Ngunit, hindi parin mawari kung ano nga ang gender ng kanilang magiging baby dahil sa hindi maipintang mukha ni Mark. At ang aktor, ay tuluyan nang naging emosyunal sa sobrang kaligayahan. Nang tingnan nga, ay nakita ang isang kulay blue na onesies at blue na bonnet. Ibig sabihin lamang nito, ay isang baby boy ang nalalapit nang masilayan nina Mark at Nicole.

Photo credits: Mark Herras | Youtube

Matatandaan na ang talagang nais ni Mark na maging anak ay isang baby boy, samantalang si Nicole naman ay baby girl ang hinahangad. Kaya naman, nang mabunyag na isang baby boy ang parating sa buhay nilang mag-fiancee ay talagang hindi napigilan ng aktor ang maging emosyunal. Apat na buwan na lang nga ang hihintayin ng couple at kanila nang masisilayan ang kanilang baby boy.

Photo credits: Mark Herras | Youtube

Samantala, bumuhos naman ang pagbati mula sa kanilang mga tagahanga na masayang-masaya sa pagkakaroon nila ng baby boy. Narito ang pagbati ng mga ito:

“Congrats to both sana maging masaya kayong pamilya at mahalin ninyong dalawa lagi sarili ninyo at ang inyong magiging anak❤❤❤☺😍😀😄”
“congrats mark and nicole.. baby boy hawig yan kay mark herras.”
“Congrats sana eh mg patuloy yun mgandang pg sasama nyo,,God bless to both of u.”

Source: Ptama

Kung isa ka sa tagahanga ng larong basketball at tagasuporta ng kupunang Barangay Ginebra San Miguel sa PBA, tiyak na kilalang-kilala mo ang mahusay na manlalaro na si Scottie Thompson.
Si Earl Scottie Thompson o mas kilala bilang Scottie Thompson sa larangan ng basketball ay isang professional basketball player ng PBA at kabilang sa kupunan ng Barangay Ginebra San Miguel. Bata pa lamang si Scottie ay malaki na ang pagkahilig niya sa larong basketball at iba pang sports. Bagay na dinala niya hanggang sa kanyang paglaki at naging dahilan upang tuluyan niyang pasukin ang larangan ng basketball.

Si Scottie ay nagsimulang maglaro ng basketball noong siya ay nasa Highschool pa lamang. Pagtuntong naman niya ng kolehiyo ay mas lalo pa niyang pinatunayan ang kanyang husay nang napabilang sa basketball team ng University of Perpetual kung saan nakakuha siya ng scholarship. Dito na nga nagsimulang mamayagpag ang karera niya sa larangan ng basketball nang maging kalahok siya at ilaban sa NCAA. Sa unang pagkakataon ay agad niyang nakamit ang parangal na Most Valuable Player sa NCAA noong 2014.

At noong 2015 nga, ay naging ganap na siyang manlalaro ng PBA at napabilang sa team ng Barangay Ginebra San Miguel. Sa pangalawang pagkakataon naman ay muli niyang nakamit ang parangal bilang Most Valuable Player sa PBA 2018 Commissioner’s Cup. Napabilang rin siya sa Sinag Pilipinas team kung saan ay nagwagi ng gold medals noong 2015 sa Southeast Asian Games at sa kaparehong taon sa SEABA Championship.

Dahil nga sa kanyang pagpupursige at pagsusumikap sa buhay, ay hindi nakapagtataka na ang lahat ng kanyang pagod at hirap ay nagbunga na. At ang kahanga-hanga pa rito, sa edad na 27 taong gulang, ay agad niyang natupad ang pangarap niyang makapagpundar ng sariling bahay na bunga ng kanyang pagsisikap.

Maliban naman sa pagiging isang basketbolista, naging libangan naman ni Scottie ang vlogging. At noong ika-14 ng Setyembre, ay ibinahagi niya ang house tour vlog na mapapanood sa kanyang Youtube Channel. Kung saan ay proud niyang inilibot ang kanyang mga tagahanga sa napakalawak at napakaganda niyang bahay.

Sa pagbukas ng pinto ng kanyang tahanan, una niyang ipinasyal ang kanyang mga tagahanga sa ikalawang palapag ng bahay. Pag-akyat pa lang sa hagdan ng 2nd floor ay sasalubong na agad ang mga jersey na naka-frame. Ito nga ang mga jersey na isinuot ni Scottie na may mahalagang papel sa kanyang mga laro na kung saan ay nagkamit siya ng parangal.

Sa 2nd floor matatagpuan ang mga bedrooms ng kanyang tahanan. May 4 bedrooms ang bahay na ito ni Scottie, kabilang na rito ang master’s bedroom.

Ang dalawang silid ay magsisilbing silid ng magiging anak nila ng kanyang girlfriend na si Pau Fajardo, ngunit ngayon nga na wala pa silang anak ay nagsisilbi muna ito guest room.

Ipinasilip rin ni Scottie ang master’s bedroom kung saan silang magkasintahan natutulog. Makikita rito ang open-closet ni Scottie, ayon nga sa basketbolista ay hindi na niya nilagyan pa ng pinto ang closet dahil palagi niyang nakakalimutan ang pagsasara ng pinto.

May sarili namang walk-in closet ang kanyang girlfriend na makikita naman patungo sa kanilang bathroom. Ang bathroom naman ng magkasintahan ay may temang gold, dahil mahilig umano si Pau sa naturang kulay.

Ipinakita rin ni Scottie ang kanyang mga mamahaling sapatos na bigay umano sa kanya ng mga sponsors at kanyang girlfriend. Maging ang koleksyon ng mga sombrero tulad ng Lakers na bigay rin sa kanya, ay ipinasilip rin ng basketbolista.

Sa ngayon, ay hanggang dito lamang ang ipinasilip ni Scottie dahil ang kanyang house tour ay may part 2 na dapat abangan. At sa part 2 nga, ipapasilip naman ni Scottie ang kanyang man cave at ibang bahagi ng kanyang napakagandang bahay.

Source: Ptama

Sa unang pagkakataon ay nagsalita na ang ina ng yumaong vlogger na si Lloyd Cafe Cadena, matapos ang tatlong linggo magmula nang pumanaw ng kanyang anak. Si Mommy Lorita Cadena o mas kilala ng mga netizens bilang “Mother Kween”, ang ina ni Lloyd at madalas na kasama ng yumaong vlogger sa kanyang mga vlogs. At tulad ng anak na si Lloyd o Kween LC, ay isa na ring vlogger si Mother Kween.

Matatandaan na marami ang nalungkot sa pagkawala ni Kween LC, na talaga namang nag-iwan sa puso ng bawat isa ng saya at kaligayahan, hindi lamang sa kanyang mga nakakatuwang mga vlogs kundi pati na rin ang kanyang kabutihan.

Matatandaan naman na una ng nagsalita ang ama ni Lloyd na isang OFW, patungkol sa pagkawala ng kanyang anak. Bagama’t, hindi nakauwi ng Pilipinas upang masilayan sa huling sandali ang anak, idinaan na lamang nito ang nakakaiyak na mensahe para sa anak sa isang video. Hindi nga halos nito matanggap ang pagkawala ng anak.

At kamakailan lamang, araw ng Miyerkules, ika-30 ng Setyembre ay nagsalita na rin ang ina ni Lloyd. Sa isang video ipinaabot ni Mother Kween ang kanyang mensahe patungkol sa pagkawala ng anak. Pinasalamatan nga nito ang mga taong sumuporta at tumulong sa kanila, lalo na ang vlogger na si Ivana. Nagbigay rin ito ng mensahe sa taong nagkukunwari at ginagamit ang pangalan niya online.

Photo credits: Lloyd Cafe Cadena | Instagram 

Pagsisimula ni Mother Kween sa video, ay sinabi nito na ngayon lamang siya nagkaroon ng lakas ng loob at naging handang magsalita upang magbigay ng mensahe tungkol sa pagkawala ng anak.

“Ngayon lang ako magsalita, kasi ngayon ko lang kaya magsalita.”

Matapos magpasalamat sa mga taong tumulong, sumuporta, at nagpaabot ng panalangin sa kanilang pamilya, ay nangako naman itong palaging magbibigay ng update sa kanyang mga vlogs, lalo na sa bahay na binili ni Lloyd para sa kanya na bunga ng pagsisikap nito sa vlogging.

Dahil nga, nagpositibo sa sakit na COVID-19 ang resulta ng test ng yumaong vlogger, nilinaw naman ni Mother Kween na nagpa-test rin silang mga kasama ni Lloyd sa bahay, at naging negatibo ang resulta kung kaya’t wala nang dapat alalahanin.

Photo credits: Mother Kween Vlogs | Youtube

Samantala, inamin naman ni Mother Kween na hindi madaling tanggapin ang pagkawala ng anak. Ayon nga rito, ay napakahirap tanggapin ang nangyari, ngunit hiniram lang umano nito si Lloyd sa Maykapal kung kaya’t wala siyang magagawa.

“Pero wala na tayong magagawa dahil hiram lang naman si Lloyd. Hiram ko lang naman si Lloyd.”

Ika-4 nang Setyembre, nang mapabalita ang pagpanaw ng napakabuting vlogger na si Lloyd Cadena. At ang biglaang pagpanaw nito, ay ikinagulat at ikinalungkot ng lahat. Bagama’t, wala na si Kween LC, mananatili parin sa ating mga puso’t isipan ang kanyang mga masasayang alaala at kabutihan.

Photo credits: Lloyd Cafe Cadena | Instagram

Marami sa kanyang mga tagahanga, mga kaibigan at kapwa vlogger ang nagbigay ng mga nakakaantig na mensahe at tribute nitong nakaraang buwan nang magdiwang ang yumaong vlogger ng kanyang ika-26th birthday kung saan inalala kung gaano kabuting tao ang masayahing si Lloyd.

Source: Ptama

Unang nasilayan ang aktor na si Carlos Agassi sa Star Circle batch 3 kung saan nakasama niya ang mga kapwa artista na sina Piolo Pascual, Kaye Abad, Paolo Contis at Cheska Garcia-Kramer. Napabilang rin si Carlos sa grupo na tinawag na “The Hunks” kung saan nakasama naman niya ang mga makikisig na aktor na sina Piolo, Jericho Rosales, Diether Ocampo, at Bernard Palanca.

Photo credits: Carlos Agassi | Instagram

Maliban naman sa husay sa pag-arte ng aktor, isa rin sa hinahangaan sa kanyang talento ay ang husay niya bilang isang rapper. Sa katunayan nito, ay ilang ulit na siyang nakagawa ng sarili niyang album kung saan nakilala siya sa pangalan na “Amir the Prince of Rap.”

Gumawa nga ng sariling pangalan ang aktor hindi lamang sa larangan ng pag-arte, kundi pati na rin sa mundo ng musika. At kamakailan nga, agaw-atensyon ang aktor sa social media matapos nitong ipakilala ang babaeng nagpapatibok ng kanyang puso.

“My girl”, ganito ipinakilala sa publiko ng aktor at rapper na si Carlos Agassi ang kanyang bagong iniibig na nagbibigay kulay at saya sa buhay niya ngayon. Sa Instagram, noong ika-27 ng Setyembre, araw ng Linggo nang proud na ibinahagi ng aktor ang mga larawan niya kung saan kasama niya ang kanyang non-showbiz girlfriend na si Sarina Yamamoto, na talaga namang napakaganda at napakaseksi.

 

View this post on Instagram

 

A post shared by Sarina Yamamoto (@sarinayamamoto) on Sep 29, 2020 at 6:21am PDT

Makikita sa mga larawan na sweet na sweet ang magkasintahan habang naka-pose at sakay ng mamahaling sasakyan. Makikita naman sa mga Instagram post ng magkasintahan na madalas silang magkasama. Tila nga natagpuan na ni Carlos ang tunay na kaligayahan sa piling ng kanyang non-showbiz girlfriend ngayon.

 

View this post on Instagram

 

A post shared by Sarina Yamamoto (@sarinayamamoto) on Sep 26, 2020 at 9:45am PDT

Ngunit, bago pa man matagpuan ni Carlos ang tamis ng pag-ibig sa kanyang kasalukuyang girlfriend, ay dumaan sa pagkabigo at kalungkutan ang aktor.

Matatandaan na nakarelasyon ni Carlos ang dating PBB Housemate na si Margo Midwinter, isang Filipino-British. Ngunit, matapos ang dalawang taong relasyon ay naghiwalay rin ang mga ito. Labis namang nasaktan si Carlos, dahil bago sila naghiwalay ay inalok pa nito ng kasal ang kanyang ex-girlfriend. At matapos napabalita ang kanilang paghihiwalay, ay inanunsyo naman ng aktor ang dahilan ng kanilang paghihiwalay. Ito nga ay dahil hindi pa umano handang lumagay sa tahimik si Margo.

 

View this post on Instagram

 

A post shared by Sarina Yamamoto (@sarinayamamoto) on Sep 15, 2020 at 11:48am PDT

Nang mga sandaling magkarelasyon pa ang dalawa, ay malayo ang pagitan ng kanilang mga edad kung saan ay halos walong taon ang agwat. Ang aktor na si Carlos ay 34 taong gulang na noon, samantalang si Margo naman ay 26 taong gulang lamang. Di hamak na mas bata si Margo kay Carlos, kung kaya’t hindi na muna nito tinanggap ang proposal ng aktor upang lumagay sa tahimik.

Source: Ptama

Usap-usapan ngayon sa social media ang magandang balita patungkol sa aktres na si Jodi Sta. Maria at aktor na si Raymart Santiago. Ginulat ng dalawa ang publiko at ang kanilang mga tagahanga, matapos nga nilang ibunyag ang kanilang relasyon.

Tila nga, gumawa ng paraan ang tadhana upang masumpungan nina Jodi at Raymart ang hinahanap na kaligayahan sa isa’t isa. Matatandaan na napabalita na rin ang paghihiwalay ng 47 taong gulang na aktor na si Raymart at dati nitong asawang si Claudine Barretto noong 2014, kung saan nagkaroon sila ng dalawang anak, sina Sabina at Santino. Matapos nito, ay nagkaroon naman ng relasyon ang aktor sa non-showbiz girlfriend nito.

Samantalang ang 38 taong gulang na aktres na si Jodi naman, ay matagal nang hiwalay sa dating asawang si Pampi Lacson magmula noong 2011 kung saan ay nagkaroon sila ng isang anak na nagngangalang Thirdy. Nagkahiwalay man, ay nanatili parin ang kanilang magandang relasyon bilang magkaibigan, para sa ikabubuti ng kanilang anak. Muli namang umibig ang aktres sa katauhan ni Cavite Vice Governor Jolo Revilla at nagwakas naman ito noong 2018.

At ngayon nga, matapos ang sunod-sunod na kabiguan sa buhay pag-ibig nina Jodi at Raymart na nagdulot sa kanila ng kalungkutan, ay tila naman nahanap na nila ang pag-ibig na magbibigay sa kanila ng kaligayahan. At ngayon nga ay nagdiwang ang kanilang mga tagahanga matapos nilang ibunyag ang kanilang relasyon.

Nito lamang ika-30 ng Setyembre, araw ng Miyerkules, ay nalantad ang relasyon ng dalawa sa post sa Instagram ng talent manager na si Noel Ferrer. Makikita nga sa larawang ibinahagi ng talent manager na sweet na sweet at magkayakap pa ang dalawa. Ang naturang larawan ay kuha sa isang private place sa Alabang.

Samantala, sa caption naman ng post ay kinumpirma nga nito ang relasyon ng dalawa.

“WE ARE HAPPY THAT YOU ARE HAPPY!!! @raymartsantiago @jodistamaria GOD BLESS YOU BOTH!”

 

View this post on Instagram

 

A post shared by Noel Ferrer (@iamnoelferrer) on Sep 30, 2020 at 4:16am PDT

Hindi na nga maitatanggi pa ang relasyon ng dalawa na talagang naaktuhan ang kanilang kasweetan, bagay na ikinatuwa naman ng kanilang mga tagahanga dahil ang pag-ibig na matagal na nilang hinahangad ay natagpuan sa piling ng bawat isa.

Bumuhos naman ang pagbati mula sa mga netizens at kanilang mga tagahanga na masayang-masaya sa relasyon nilang dalawa. Nawa’y, ang pagsisimula ng kanilang matamis na pag-iibigan ay hindi magwakas, at humantong na sa “forever”.

Source: Ptama