Marahil kahit na sino sa atin ay kilala si Willie Revillame, hindi lang bilang isang mahusay na TV host at komedyante, kundi isa din siya sa mga personalidad sa mundo ng showbiz na hinahangaan dahil sa pagiging isa niyang magaling na mang-aawit at negosyante.

Batid naman ng marami sa atin, na si Willie ay nagsimula sa industriya ng showbiz ng pa-extra-extra lang, pero dahil sa kanyang sipag at dedikasyon sa kanyang trabaho at sa pagiging mahusay niyang komedyante ay bumuhos ang napakaraming oportunidad sa kanya hanggang sa maabot niya ang karangyaang tinatamasa niya ngayon.
Sa tinatamasang karangyaan ni Willie ngayon ay tunay na napakarami na niyang naipundar na ari-arian, katulad na lamang ng mga mamahalin niyang mga sasakyan at mga naglalakihan niyang tahanan.

Isa sa mga ipinagmamalaki at tunay na nakakalulang ari-arian ni Willie ay ang naipundar niyang tahanan sa Tagaytay, na hindi lamang basta mala-mansyon kundi mala-resort din ito. Ang tahanan na ito ni Willie sa Tagaytay at nakatirik sa isang napakagandang lugar na may kahanga-hangang tanawin.

Tunay na napakaganda ng tahanan na ito ni Willie at kahit na sino marahil ang bibisita dito ay mag-e-enjoy. Maliban kasi sa matatanaw mong magandang tanawin mula rito, ay mayroon din ditong infinity pool kung saan pwedeng mag-enjoy at magtampisaw at napakalawak din ng bakuran nito.

Ayon sa ulat, ang mala-mansyon at mala-resort na tahanan na ito ni Willie ay itinayo sa tatlong lote na nabili niya ilang taon na ang nakararaan. Nakuha naman umano ang disenyo ng naturang tahanan na ito ni Willie ay inspirasyon mula sa Bulgari Hotel and Resort na matatagpuan naman sa Bali, Uluwato, Indonesia.

Makikita naman na ang tahanan na ito ni Willie ay maganda sa loob o labas man. Malaki ito at halos gawa sa mga salamin ang mga bintana at pintuan. Mayroon din itong malawak na dining area na tamang-tama kapag mayroong mga gaganaping okasyon.

Ang nakakabilib pa sa tahanan na ito ni Willie ay ang daanan nito papasok kung saan mayroong nakalagay na LED illuminated chairs, lamesa at bar area. Dalawa din ang dining set ng tahanan na ito ng sikat TV host, kung saan ito ay kayang paunlakan ang 20-katao at mula umano ito sa Dedon’s Play collection.

Sa unang palapag ng mala-mansyon na tahanan na ito ni Willie ay agad na mapapansin ang coved ceiling na naghihiwalay sa dining at living area. Open layout din ito, at ang living area ay mayroong top-notch entertainment system.

Hindi din mawawala ang pool area, roof deck at veranda sa tahanan na ito ni Willie, kung saan makikita ang napakagandang tanawin ng Tagaytay.
Magmula nga sa loob at labas ng tahanan na ito ni Willie ay talagang mamangha ka na, dahil halos lahat ng kagamitan dito at mga mwebles pati ang lightning effect ay tunay na nagpadagdag ng kagandahan sa malamansyong tahanan.

Source: Ptama

Muling nagbigay update sa kanyang surfing journey ang celebrity mom at aktres na si Andi Eigenmann sa kanyang mga tagahanga sa pamamagitan ng kanyang Instagram reel. Maliban pa dito ay ibinahagi din ni Andi ang kanyang simple at puno ng karanasan na buhay niya ngayon sa paninirahan niya sa isla ng Siargao.

Matatandaan na si Andi Eigenmann ay isa sa mga kilala at sikat na aktres sa mundo ng showbiz, hindi lamang dahil sa ang mga magulang niya ay parehong mahuhusay na artista kundi dahil maging siya ay nagpamalas din ng kanyang husay at galing sa pagiging isang aktres.

Nito lamang nga lamang nakaraan ay nagbahagi si Andi sa kanyang Instagram reel ng video kung saan makikita ang naging enjoy at masaya niyang pagsi-surf. Ibinahagi din ni Andi sa surfing reel niya sa Instagram na ang tinatamasa niyang buhay ngayon ay ang matagal na niyang pinapangarap, at tunay na kasiyahan ang naaramdaman niya sa kung ano man ang buhay na mayroon siya ngayon kabilang na dito ang mga kinahaharap niyang pagsubok at karanasan.

“I am now legit living the life I’ve always dreamed of. Just as the lyrics of this song say, no, I am not talking about that ~aesthetic~ island life you see in my Instagram. It’s all of it, imperfections, struggles and all. Just like in my surfing, I’m proud to say I’ve come a long way,” saad ni Andi.

Photo credits: Andi Eigenman | Instagram

Photo credits: Andi Eigenman | Instagram

Photo credits: Andi Eigenman | Instagram

Photo credits: Andi Eigenman | Instagram

Ayon pa sa aktres, maikukumpara niya ang kanyang buhay sa surfing. Dagdag nng 32-taong gulang na si Andi, ang buhay at ang surfing journey niya ay pareho niyang nais na ma-improve.

“But what helps me improve is going through it (life + surfing) always wanting to learn more and figure out how to get better. Plus of course, not to forget, doing it all with a smile,” aniya pa.

Photo credits: Andi Eigenman | Instagram

Samantala, noon lamang nakaraang linggo ay lumahok si Andi sa isang surfing competition, at ayon sa ulat ay ito ang kauna-unahang kumpetisyon na nilahukan ng aktres. Dahil sa pagiging isa na ring mahusay na surfer at sa kanyang abilidad sa pagsi-surf ay isa si Andi sa mg ana-qualify para sa next round ng nasabing surfing competition.

Photo credits: Andi Eigenman | Instagram

Sa kasalukuyan naman na nasa bansang Japan ang partner ni Andi na si Philmar Alipayo, na kilala sa ating bansa bilang isang surfing champion. Si Philmar ang magre-represent sa bansang Pilipinas sa gaganaping 2022 JPSA tournament, na nilahukan din ng mahuhusay na surfer mula sa iba’t ibang mga bansa.

Photo credits: Andi Eigenman | Instagram

Dahil sa malayo si Philmar, ay hindi rin naiwasan na ibahagi ni Andi kung gaano na niya nami-miss ang partner. Sa kabila nito ay hindi naman niya maitago kung gaano siya ka-proud dito dahil sa pagpapamalas nito sa ibang bansa ng kakayahan at galing sa surfing.

Source: Ptama

Isang panibagong vlog na naman ang inilabas ng tinaguriang Unkabogable Star na si Vice Ganda. Isang vlog hindi lamang puno ng katatawanan, kundi puno rin ito ng kakulitan at kakyutan, dahil sa kasama niya sa vlog na ito ang sikat na vlogger na si Zeinab Harake at ang napaka-cute nitong anak na si Bia.

Sa inilabas na vlog ni Vice ay makikita ang naging pag-a-apply niya kay Zeinab na maging ‘babysitter’ ng anak nitong si Bia.

Pabirong saad ni Vice, naghahanap siya ng bagong pagkakakitaan dahil na din sa matumal ang negosyo ngayon sa showbiz, at halos wala umano masyadong ganap kaya wala din siyang masyadong kinikita.

Photo credits: Vice Ganda | Youtube

‘Dahil matumal po ang negosyo ngayon sa showbiz, dahil wala pong masyadong ganap dahil pack up ang pelikula ko, so wala din masyadong kita’, ang saad ni Vice.

Dagdag pa ng mahusay na komedyanteng host, dahil sa lumalaki na ang pamilya niya ay kinakailangan niya umano na maghanap ng extrang mapagkakakitaan. Ipinakita rin ng Unkabogable star ang outfit niya ng araw na ‘yon, kaya naman masasabi na ang pagiging isang ‘babysitter’ ang a-applyan nitong trabaho ng araw na ‘yon.

‘So, kinakailangan ko pong maghanap ng ibang paraan para may extra income tayo dahil lumalaki na po ang pamilya natin. Sa araw na ito, mag-aapply tayo ng trabaho. Sa outfit ko, kita naman kung ano ang a-applyan kong trabaho’, ang naging pahayag pa ng Unkabogable star.

Photo credits: Vice Ganda | Youtube

Makikita naman na sa sikat at hinahangaang vlogger na si Zeinab Harake nag-apply bilang baby sitter si Vice. Batid naman ng marami na si Zeinab ay mayroong napaka-cute at bibong baby girl at ito ay si Bia. Kaagad namang ikinatuwa ni Zeinab nang malaman niya na si Meme Vice ang nag-aapply na babysitter para sa anak niyang si Bia.

‘Sakto kailangang-kailangan ko talaga ng magbi-babysit sa anak ko eh’, ang naging saad naman ni Zeinab nang mag-apply bilang babysitter si Meme Vice.

Agad ngang tinanggap ni Zeinab bilang babysitter si Meme Vice basta’t kakayanin umano nitong maalagaan si Bia. Buong pagmamalaki naman na sinagot ni Meme Vice na kayang-kaya niyang gampanan ang pagiging babysitter ni Bia lalo pa’t siya ay lumaki sa hirap kaya naman trained na trained siya sa mga ganitong klaseng trabaho.

“Kaya ko naman ho. Laki naman ho ako sa hirap at tsaka napakarami ko na ho talagang pinagdaanan sa buhay. So trained na trained na ho ako sa lahat ng mga pagsubok sa buhay,” ani Vice.

Samantala, sa pagsisimula ni Meme Vice sa kanyang pagiging isang babysitter ni Bia, ay ang una niyang ginawa ay ang pagpapalit ng mga plastic sa mga babasagin na bagay sa bahay nina Zeinab. Ayon sa kanya, mainam itong gawin para hindi umano masaktan ang kanyang alagang bata.

Photo credits: Vice Ganda | Youtube

Nakakatuwa naman na bilang isang babysitter ay tila may sariling kundisyon si Meme Vice sa kanyang amo na si Zeinab, kagaya na lamang nga na siya umano ay sasabay na kumain kana Zeinab dahil sa hindi umano siya kumakain sa kusina. Dagdag pa ni Meme Vice, isa pa sa mga requirements niya bilang babysitter ni Bia ay 30-minutes lamang umano siya magdu-duty bawat araw at dadating lamang siya kapag tulog na umano ang kanyang alaga.

Photo credits: Vice Ganda | Youtube

Hindi naman mapigilan ni Zeinab ang matuwa sa mga kalokohan at sinasabi ni Meme Vice. Habang abala din sila sa pag-uusap, ay sinama rin ni Zeinab si Meme Vice sa playroom ng kanyang mga anak, at ng makita nila ang laruang kabayo ni Bia ay may naging nakakatawa ngang hirit si Zeinab kay Meme Vice kung saan ay sinabi niya na ang anak niyang si Bia ay mahilig sa kabayo, kaya naman paniguradong matutuwa ito kay Meme Vice.

“Mahilig sa kabayo ang anak ko. Matutuwa sa’yo ‘yun,” ani Zeinab.

Photo credits: Vice Ganda | Youtube

Talaga namang puno ng aliw ang vlog na ito ni Meme Vice kasama si Zeinab at si baby Bia, lalo na ng makuha na niya ang loob ni Bia at magsimula na silang maglaro at magkulitang dalawa.

Source: Ptama

Dream come true para sa Kapamilya actress at It’s Showtime host na si Kim Chiu ang makarating sa Disney World o ang tinaguriang ‘Happiest Place on Earth’ na matatagpuan sa Orlando, Florida. Kamakailan lamang ng mag-US tour si Kim, kaya naman hindi niya pinalampas ang pagkakataon na mapasyalan ang mga lugar na matagal na niyang pinapangarap na mapuntahan, isa na nga sa mga ito ang Disney World.

“And I’m so happy to share my Disney World experience with you, guys.”, saad ni Kim sa unang bahagi ng kanyang vlog.

Ayon pa kay Kim sa kabila ng pagod, jetlag at paiba-ibang panahon dahil sa mainit at biglang umuulan, ay talagang na-achieve pa rin niya ang makapag-vlog, dahil sa nais niyang ma-enjoy at maipasilip sa mga tagasuporta niya ang naging napakaya niyang adventures na ito.

Dagdag pa ni Kim, “Yes! Sa kabila ng lahat ng pagod, jet lag ,init at biglang pag-ulan, na-achieve ko pa rin makapag-vlog because I really want you to enjoy and feel the #KIMadvenCHIUres.”

Photo credits: Kim Chiu | Youtube

Sa naging pag-iikot ni Kim sa Disney World sa Orlando, Florida ay sinubukan din niya ang iba’t ibang mga rides, kagaya na lamang ng space mountain na ayon sa aktres ay talaga namang hindi niya ine-expect na napakabilis ng rides na ito. Nag-enjoy din siya sa panonood ng mga nagagandahang floats, katulad na lamang ng napakalaing float ng dragon at parang malaking whale.

Photo credits: Kim Chiu | Youtube

Photo credits: Kim Chiu | Youtube

Hindi rin pinalampas ng aktres ang makasalamuha ng Disney Princess, kaya naman kahit na mahaba ang pila ay pumila sila, at kitang-kita ang kasiyahan ni Kim ng makita niya ang napakagandang Disney Princess na si Cinderella.

Photo credits: Kim Chiu | Youtube

Pagkatapos na ma-meet ni Kim ang ilang Disney Princess, ay nagtungo naman siya at kanyang mga kasama sa sinasabing ‘castle’ ni beast sa ‘Beauty and the Beast’, at ayon pa sa kanya ay naroroon sila sa mismong silid kung saan makikita ang ‘enchanted rose’.

Isa pa sa talagang na-enjoy ni Kim ay ang makita ang napakagandang fireworks display sa may castle ng Disney World pagdating ng gabi. Kahit sino naman talaga ay mamangha, lalo na’t napakagaganda at makulay ng mga fireworks.

Photo credits: Kim Chiu | Youtube

Sa sobrang saya at galak ni Kim dahil sa natupad na pangarap niyang ito, habang pinapanood nga niya ang napakagandang fireworks display ay tila maluha-luha pa siya habang sumisigaw ng ‘wow’.

Photo credits: Kim Chiu | Youtube

Samantala, maliban sa Disney World ay namasyal din si Kim sa Disney Animal Kingdom sa nasabing bansa, kung saan ay dito ay nasubukan niyang sumakay sa isang ride na mala-roller coaster ang bilis. Pinasok din ni Kim ang ‘Star Tours’ sa Disney World at siyempre hindi din naman nawala sa pamamasyal niyang ito sa Orlando, Florida ang masasarap na pagkain at snacks.

Photo credits: Kim Chiu | Youtube

Photo credits: Kim Chiu | Youtube

Kitang-kita naman kay Kim na super ine-enjoy niya ang experience niya sa Disney World, at mapapa-sana all talaga ang marami sa atin lalo na sa mga nangangarap na marating ang ‘happiest place’ na ito.

Source: Ptama

Isa sa mga pinaka-inaabangang serye ngayon sa sa primetime ng Kapamilya network ay ang ‘DARNA’ ni Mars Ravelos, na pinagbibidahan ng Kapamilya actress na si Jane De Leon. Ito ang pinakamalaking ‘break’ ni Jane sa kanyang showbiz career, at sa kabila ng marami ang nagduda sa kanyang abilidad at kakayahan kung mabibigyan niya ng buhay ang pagigng Pinay Iconic Super Hero, ay pinatunayan naman talaga niya sa lahat na kaya niya. Sa ngayon ay marami ang talagang bumilib sa kanyang galing sa pagiging ‘Darna’ ng henerasyon ngayon.

Samantala, bago naging artista at ‘Darna’ ng henerasyon ngayon, ay aminado si Jane na hindi naging madali ang pinagdaanan niya sa buhay. Kamakailan nga lamang ay nakapanayam si Jane ng broadcaster na si Karen Davila, at dito ay ikinuwento niya ang buhay nila ng kanyang pamilya bago siya naging si ‘Darna.’

Photo credits: Karen Davila | Youtube

Kuwento ni Jane, noon ay maayos naman ang buhay ng kanyang pamilya dahil mayroong negosyo ang kanyang mga magulang, subalit naloko ang kanyang ama ng matalik nitong kaibigan at dito na nagsimula ang hirap ng buhay nila. Na-depress umano ang kanyang ama, at para makaraos, kinailangan nilang ibenta ang kanilang sasakyan at kung noon ay sa pribadong eskwelahan sila nag-aaral ng kanyang kapatid, ay lumipat sila sa pang publikong paaralan, dahil na rin sa pagiging kapos nila.

Photo credits: Karen Davila | Youtube

Ibinahagi din ng Kapamilya actress, na talagang naranasan nila ang hirap ng buhay, kung saan nabaon sila sa utang at halos wala na silang makain. Saad pa niya, naranasan nilang mag-ulam ng asin at toyo’t mantika sa kanin.

Photo credits: Karen Davila | Youtube

Mas lalo pang nawindang ang buhay nina Jane ng pumanaw ang kanyang ama, anim na taon na ang nakalilipas. Aminado din siya na dahil ‘papa’s girl’ siya ay talaga namang masakit para sa kanya ang pagkawala ng kanyang pinakamamahal na ama, ngunit kinailangan niyang maging matatag at mas nagpatatag din sa kanya ang paniniwala at pagtitiwala niya sa Diyos.

Photo credits: Karen Davila | Youtube

Sa ngayon ay masasabi ni Jane na masaya siya dahil naiahon na niya ang kanyang pamilya sa kahirapan, ngunit ang tila ‘regret’ lang niya ay ang hindi na ito naabutan ng kanyang ama.

Para kay Jane isa sa mga aral na natutunan niya sa lahat ng pinagdaanan niya sa buhay ay ang hindi pagsuko, “Don’t give up”, aniya. Ang paborito naman niyang Bible verse ay ang Philippians 4:6 na nagsasaad na “Don’t worry about anything, Instead, pray about everything.”

Photo credits: Karen Davila | Youtube

Photo credits: Karen Davila | Youtube

Photo credits: Karen Davila | Youtube

Photo credits: Karen Davila | Youtube

Photo credits: Karen Davila | Youtube

Photo credits: Karen Davila | Youtube

Photo credits: Karen Davila | Youtube

Photo credits: Karen Davila | Youtube

Photo credits: Karen Davila | Youtube

Makikita naman natin ngayon kung gaano pinabibillib ni Jane ang publiko sa pagiging si Darna niya, marami man ang nagduda sa kakayahan niya noong una, pinatunayan naman niya sa lahat na siya’y may ibubuga.

Source: Ptama

Panibagong milestone ng kanilang anak ang ipinagdiwang at ibinahagi ng mag-asawang Sam Pinto at Anthony Semerad, at ito ay ang ika-1 taong kaarawan ni Baby Aya na ipinagdiwang nila nito lamang nakaraang weekend na may temang Boho rainbow.

Ipinasilip ni Sam sa kanyang Instagram account ang ilang mga larawan at video na kuha sa naging masaya at makulay na birthday celebration ng kanyang anak na ginanap sa isang napakagandang events place na matatagpuan sa Taguig City.

 

View this post on Instagram

 

A post shared by Sam Pinto-Semerad (@sampinto_)

Kalakip ng mga larawang ibinahagi ni Sam ay ang puno ng pagmamahal niyang mensahe ng pagbati para sa kanyang pinakamamahal na baby girl.

“Happy first birthday to my heart! Evvery day you continue to amaze me. You are the most wonderful blessing we ever had. I know the future only holds the best for you. We love you with all our hearts”, saad ni Sam sa kanyang caption.

Makikita naman sa mga larawan na ibinahagi ni Sam kung gaano naging makulay ang 1-taong gulang na kaarawan ng anak niyang si Baby Aya. Sa mga dekorasyon pa lamang sa mismong lugar na pinagdausan ng nasabing okasyon ay talagang masisilayan na ang pagiging makulay nito mula sa mga lobo at boho rainbow na dekorasyon.

 

View this post on Instagram

 

A post shared by Sam Pinto-Semerad (@sampinto_)

Masisilayan din na maliban sa mga pagkaing inihanda para sa mga bisita ay mayroong tila play area para sa mga bisitang bata, kaya naman panigurado na nag-enjoy ang lahat ng mga dumalo sa kaarawan ni Baby Aya.

 

View this post on Instagram

 

A post shared by Niceprintphoto (@niceprintphoto)

Tunay ring napaka-cute ng celebrant na si Baby Aya sa kanyang kasuotan na pink dress, at kamangha-mangha rin ang kanyang 3-layer boho rainbow theme birthday cake.

Nagpaabot naman si Sam ng pasasalamat para sa lahat ng dumalo sa kaarawan ng kanyang anak na nakisaya sa kanilang pamilya.

“Thank you everyone who came, greeted, enjoyed! We appreciate every single one of you! Might not have a photo with some of you guys but do know that your presence was all we needed”, ani Sam.

 

View this post on Instagram

 

A post shared by Sam Pinto-Semerad (@sampinto_)

Samantala, bago pa man ang mismong araw ng selebrasyon ng kaarawan ng anak niyang si Baby Aya, ay nauna ng nagbahagi si Sam sa kanyang Instagram ng mensahe niya para sa anak na tinuturing niyang ang kanyang ‘little mermaid’.

“Happy first birthday my little mermaid!… You are just one but you already stole the heart of every person you met (and haven’t met hehe) You showed me a different level of love that I never knew existed. We love you with all our hearts, literally”, pagbabahagi ni Sam.

Matatandaan na sina Sam Pinto at Anthony Semerad ay ikinasal noong buwan ng Marso taong 2021 sa Pasay sa isang simpleng civil wedding ceremony. Ilang buwan lamang naman matapos ang kanilang naging pag-iisang dibdib ay masayang inanunsyo ng mag-asawa sa publiko na sila ay magkakaroon na ng anak.

Si Baby Aya ang panganay na anak nina Sam at Anthony, na isinilang noong ika-1 ng Setyembre taong 2021.

Source: Ptama

Hindi na bago ngayon ang makasalamuha tayo ng mga lalaki na binabae kung kumilos o kung tawagin ay mga gay man. Sa estado ng kanilang kasarian, ay hindi maiwasan na sila ay makarinig ng mga hindi maganda o masakit na salita mula sa kaniang kapwa, at tulad ng mga normal na kalalakihan may iba sa kanila na ngangarap din na maging isang ama sa kabila ng estado ng kanilang kasarian.

Si Jerry Windle ay isa lamang sa mga single gay man na nakaranas ng mga hindi magandang salita, katulad na lamang ng mga sinasabi sa kanya ng marami na dahil sa kanyang pagiging isang ‘gay’ ay hindi niya mararanasan na magkaroon ng anak at gampanan ang pagiging isang ama.

Dahil dito ay naniwala din si Jerry na hindi na niya mararanasan sa buhay niya ang maging isang ama, ngunit ang buhay niya ay biglang nagbago, at ito ay tila naging mala-fairytale dahil ang isang bagay na inakala niyang hindi mangyayari sa kanyang buhay ay nakamit niya at ito ay ang maging isang ama.

Naniniwala si Jerry Windle na ang pagiging isang magulang ay natutunan, dahil ito ang nangyari sa kanya ng dumating sa buhay niya ang kanyang anak, ang isang batang orphan na kanyang inaruga at pinalaki na ngayon ay isa ng binata at kinikilala bilang isangh Olympic champion.

Ngunit paano ba naging isang ama si Jerry Windle at ano ang kuwento ng naging mala-fairytale na parental journey niya.

Ayon sa ulat ang single gay man na si Jerry Windle ay pangarap na noon pa man ang maging isang ama. Noon umano ang nagkaroon itong struggle na mag-adopt sa bansang Amerika, hanggang sa dumating ang araw na mayroon siyang na-spottan na magazine story na naglalaman ng buhay ng mga orphans sa bansang Cambodia.

Nang ito ay kanyang makita, hindi na siya nagdalawang-isip pa na kontakin at makipag-ugnayan sa Cambodia officials at hindi nagtagal ay nagbago na nga ang takbo ng kanyang buhay.

Si Jerry ay nagtungo sa Phnom Penh, Cambodia noong buwan ng Hunyo taong 2000 at dito ay nakita at nakilala niya ang kanyang future son na si Jordan. Lumaki si Jordan sa orphanage dahil siya ay naulila na sa ama’t ina nung siya’y musmos pa lamang.

Nang unang makita ni Jerry Windle si Jordan ay isa itong batang payat, at sakitin, sa kabila nito ay hindi siya nagdalawang isip na ampunin ang bata at agad niya itong inuwi sa bahay niya sa Florida, USA. Upang mapalusog ang batang si Jordan, ay agad ngang ipinagamot ito ni Windle at dito na din niya sinimulan na gampanan ang pagiging isang ama.

Hindi naman naging madali ang buhay ng mag-ama, dahil sa talagang napakasakitin ni Jordan noong siya ay bata pa. Noong 2-taong gulang pa lamang ito ay hindi sigurado si Jerry kung mabubuhay ang kanyang anak dahil sa halos nasa 16-pounds na lamang ang timbang nito, ngunit pangako niya rito ay hindi niya ito susukuan at gagawin ang lahat para maging maayos ang kalusugan ng anak.

Ipinadama ng lubusan ng single gay dad na si Jerry Windle ang pagmamahal at pag-aaaga niya sa anak niyang si Jordan, kaya naman naging maayos din ang naturang bata. Nang lumaki at tumuntong na si Jordan sa 7-taong gulang ay nakuha umano nito ang atensyon ni Tim O’Brien ang anak ng sikat at kilalang diving coach na si Ron O’Brien sa diving camp. Dito na nagsimula ang buhay ni Jordan sa diving hanggang sa matupad niya ang pinaka una niyang tagumpay.

Sa pagkakataon din na ito nakilala ng mag-ama si Greg Louganis, isang LGBT activist na Olympic gold medalist at kilala sa tawag na “Little Louganis.”

Ngayon nga, ang batang noon ay sakitin at payat na si Jordan ay isa ng matatag na binata na magku-compete sa Olympics sa United States kung saan ay kanyang ire-representa ang bansang Cambodia.

Makikita ang Cambodian flag na naka-tattoo sa braso ni Jordan, kapag siya ay nagda-dive.

Ang nakakamangha na kuwento na ito ng mag-amang Jerry at Jordan ay ibinahagi nila sa pamamagitan ng isang kuwento sa children’s book na kanilang isinulat noong taong 2011, na may titulong “An Orphan No More: The True Story of a Boy.”

Source: Ptama