Si Ramona Cecilia Datuin Muñoz o mas kilala bilang Arci Muñoz ng publiko ay isang mahusay na aktres. Unang nakilala si Arci matapos mapabilang sa reality talent show sa GMA Network na StarStruck noong 2005. Magmula ng makilala at lumikha ng sariling pangalan sa showbiz, ay patuloy na namamayagpag sa kasalukuyan ang karera ni Arci sa industriya kung saan ay inulan siya ng kaliwa’t kanang mga proyekto.

Maliban naman sa pagiging isang mahusay na aktres, ay isang mahusay na singer si Arci. Sa katunayan nito ay vocalist siya ng kilalang banda sa bansa na Philia.

Photo credits: ramonathornes | IG

Samantala, sa kanyang matagumpay na karera ay kasama ni Arci ang kanyang very supportive at mapagmahal na ina na si Mommy Yolanda. At hindi lamang ito ina ni Arci kundi nagsisilbi rin itong bestfriend ng aktres. Ang pagmamahal ni Arci sa kanyang maalaga at mapagmahal na ina ay walang kapantay. Sa kabila nga ng mga pagsubok na dumaan sa kanilang pamilya sa paglipas ng taon, ay mas lalo pang minahal ni Arci ang kanyang ina matapos makita kung paano ito lumaban sa buhay.

Photo credits: ramonathornes | IG

Photo credits: ramonathornes | IG

Matatandaan na noong taong 2016, sa panayam sa programang Magandang Buhay, ay ibinahagi ni Arci kung paanong naging matatag ang kanyang ina para sa kanilang magkakapatid noong pumanaw ang kanilang ama.

Photo credits: ramonathornes | IG

Photo credits: ramonathornes | IG

Napatunayan nga ni Arci na sa halip na panghinaan ng loob ang kanyang ina dahil sa pagpanaw ng kanyang ama, ay nakita niya na pinilit nitong maging matatag. Ang kanyang ina ang siyang gumabay at nagpalakas ng kanilang loob upang malampasan ang matinding pagsubok na ito ng kanilang buhay.

Photo credits: ramonathornes | IG

Ibinahagi naman sa panayam ng kapatid ni Arci na si Lou, na ang kanyang ina ang nangunguna para ipagdasal ang kanilang ama. Ayon naman kay Arci, ay malaki ang naitulong sa kanilang magkakapatid ng kanilang ina para matanggap ang nangyari sa kanilang pumanaw na ama. Ang napakahirap na sitwasyong ito ay napagtagumpayan ng kanilang pamilya dahil sa pananampalataya at pagtitiwala sa Diyos.

Photo credits: ramonathornes | IG

Samantala, malaki rin ang naitulong ni Mommy Yolanda kay Arci na naging sandigan nang mabigo sa pag-ibig matapos nilang mag-break ng kanyang ex-boyfriend. Malaki ang naitulong ng bonding moments nilang mag-ina para agad na makalimot ang aktres.

Photo credits: ramonathornes | IG

Isa naman sa kanilang ginawa, ay ang masayang bakasyon sa Japan. Sa Instagram post nga ni Arci, ay isang nakakaantig na kwento ang laman ng kanilang masayang trip sa Japan. Makikita sa larawan na nasa loob sila ng “temple of love” kung saan isinulat nila ang kanilang mga kahilingan.

Ang aktres na si Arci ay nagsulat ng “world peace,” bilang kanyang kahilingan. Samantalang si Mommy Yolanda naman, ay nag-iwan ng mensahe na nagpaiyak kay Arci.

“I wish Mona (Arci’s real name) will [be] blessed with a loving and caring partner in life.”

Photo credits: ramonathornes | IG

Makikita naman na talagang nag-enjoy ang mag-ina sa kanilang bakasyon, at naka todo porma rin ang dalawa sa kanilang magagandang suot na damit. Noong 2018 naman ay magkasama ring nagbakasyon ang mag-inang Arci at Yolanda sa Hongkong kung saan ay talagang sinulit ang masaya nilang bonding moments.

Source: Ptama

Talaga namang napakabilis ng paglipas ng panahon, at ito nga ay hindi natin namalayan. Hindi natin akalain na ang mga cute at bibong bata na napapanood natin sa telebisyon noon, ngayon nga ay ganap nang mga dalaga at binata.

Photo credits: Mika Dela Cruz| IG

Hindi lamang ang kanilang mabilis na paglaki ang nakakamangha, dahil kahanga-hanga rin ang kanilang ipinapakitang husay sa kanilang tinatahak na larangan. Kung noon nga na sila’y mga child star, ay giliw na giliw tayo sa kanilang kabibohan at kacutan, ngayon nga ay hahanga tayo sa kanilang taglay na kagandahan at husay sa pag-arte.

Photo credits: Mika Dela Cruz| IG

At isa sa child star na ating kinagiliwan noon sa telebisyon na ngayon nga ay isa nang ganap na dalaga, at hindi naman maitatanggi na lumaking napakaganda, ay ang aktres na si Mika dela Cruz.

Photo credits: Mika Dela Cruz| IG

Sa mga hindi nakakaalam si Mika ay kapatid ng sikat na aktres na si Angelika dela Cruz. At tulad nga ni Angelika, ay nakilala si Mika sa industriya ng showbiz matapos ipamalas ang kanyang natatanging husay sa pag-arte. Isa nga si Mika sa maituturing na pinakasikat na artista ng kanyang henerasyon ngayon.

Photo credits: Mika Dela Cruz| IG

Matatandaan naman na nagsimula si Mika sa kanyang karera sa showbiz, bilang isang Kapamilya kung saan nga ay una siyang nasilayan sa telebisyon sa talent search na Star Circle Quest Kiddie Edition ng ABS-CBN. At dito nga, ay pinatunayan ni Mika ang kanyang sariling kakayahan sa pag-arte, sayaw at pagkanta. Sa nasabing kumpetisyon ay nakasabayan ni Mika ang aktor na si Nash Aguas, na kanyang childhood friend at ngayon nga ay kanyang kasintahan na.

Photo credits: Mika Dela Cruz| IG

Mula sa kanilang pagkabata ay magkasama na sina Mika at Nash, kung saan nga ay nagkasama rin sa maraming proyekto. Nagsimula ang kanilang kulitan sa isa’t isa sa telebisyon sa Kapamilya Network, pinaghiwalay man nga ng tadhana ay muli silang pinagtagpo matapos ng 12 na taon, at ngayon nga ay masayang-masaya sa piling ng isa’t isa para pakiligin ang kanilang mga fans.

Photo credits: Mika Dela Cruz| IG

Samantala, sa ngayon ay isa naman nang Kapuso si Mika at patuloy na ipinapamalas ang kanyang talento at husay sa larangan ng pag-arte. Hindi lamang talento ni Mika ang kahanga-hanga, dahil ngayong 23 taong gulang na siya ay lutang na lutang na rin ang kanyang angking kagandahan. At hindi nga maikakaila na talagang napakalaki na ng ipinagbago ni Mika, kung saan nga ay talagang bigay todo na rin sa pag-awra suot ang kanyang mga OOTD na bagay na bagay sa kanya.

Photo credits: Mika Dela Cruz| IG

Sa katunayan nga nito, ay ginulat ni Mika ang kanyang mga tagahanga matapos niyang maging modelo ng isang clothing brand sa Singapore. Suot ang magagandang damit sa Apartment 8 clothing’s new collection, ay talagang lumutang ang pagiging classy ni Mika sa mga damit na sadyang napakaganda. Nakasama rin niya sa pag-endorso ng clothing brand ang aktres at singer na si Julie Anne San Jose.

Source: Ptama

Isa sa tungkulin ng ilaw ng tahanan ang magbudget para sa pamilya. Ngunit, hindi madali ang tungkuling ito lalo na kung ang perang pumapasok sa tahanan, ay kulang na kulang sa mga pangangailangan ng pamilya.

CREDITS: MommyBudgetarian|IG

Mas lalo pa nga itong pinahirap ng pademyang ating nararanasan na bukod sa nagmahal ang mga bilihin ay hirap rin talagang kumita ng pera. Kaya naman, kailangang maging wais at madiskarte sa paghawak ng pera para mapagkasya sa pangangailangan ng pamilya.

CREDITS: MommyBudgetarian|IG

Katulad na lamang nga ni Mommy Isabel na ang kanyang mister ay lumaking masinop at madiskarte, habang siya naman ay lumaking pinagtatrabahuan ang lahat na nais niyang bilhin. Ibinahagi kamakailan ni Mommy Isabel ang 5 simple tips sa tamang pagbabudget na makakatulong sa bawat pamilya.

CREDITS: MommyBudgetarian|IG

Importante na meron kayong ledger ng expenses
Ayon nga kay Mommy Isabel ay mahalagang may ledger ng expenses. Siya ay gumagamit ng Excel sheet para sa listahan ng bills at expenses. Mas madaling gumamit ng Excel dahil may computation na ito. Kung wala namang Excel, ay maaaring gumamit ng notebook bilang listahan. Mahalagang may listahan para alam kung saan napupunta ang pera ng pamilya.

Mag-budget at least isang buwan bago dumating ang income
Mahalaga rin na magbudget na kaagad isa buwan pa lamang bago dumating ang income. Mahalaga ito upang mapaglaanan na ang mga fix expenses tulad ng bills, mortgage, insurance at edication. Sa ganitong paraan ay nalalaman agad kung magkakasya ba ang parating na pera.

Halimbawa na lamang nga sa income na P20,000 ang pera. Ang P10,000 ay mapupunta sa fixed expenses, at ang natirang P10,000 ay kailangang pagkasyahin.

Magkaroon ng sistema sa monthly budget
Ayon kay Mommy Isabel, ay wala silang mga appliances na malakas ang kunsumo sa kuryente tulad ng aircon, TV at rice cooker. Hindi rin sila mahilig bumibili ng mga mamahalin at branded para makatipid. Tipid rin sila sa gas dahil isang beses lang kung magluto sa maghapon. Ang para sana sa transportation, ay napupunta naman sa internet dahil naka-work from home ang kanyang mister. Malaki rin ang naitutulong sa kanila ng pagkakaroon ng insurance lalo na nga sa health insurance dahil nagagamit nila ito tuwing check up at sa hospital bills. May nakalaan rin silang saving na maaaring magamit sa emergency at para rin sa long term goal. Malaki rin ang natipid nila sa pag-aaral ng kanilang mga anak dahil remote learning naman ngayon. Kaya naman ang para sa educational fund ay napunta sa birthday funda na pambili ng handa.

Iprioridad ang needs vs. wants
Napakahalaga sa paghawak ng pera kung ano ang mga dapat at hindi dapat bilhin. Makakatulong nga ang pag-iwas sa mga e-commerce website para hindi matukso sa tuwing may sale.

Maging wais sa lahat ng bagay
Mahalaga rin na maging wais sa pagbili ng mga bagay. Kung bibili nga ng gamit sa bahay ay bilhin na yung may magandang quality para magamit ng matagal. Mas piliing bilhin ang mga bagay kung saan mas nakakatipid.

CREDITS: MommyBudgetarian|IG

Mahalaga nga na maging wais at madiskarte sa paghawak ng pera upang magamit ng tama, at may maitabi pa para sa pamilya. Ang tamang paghawak ng pera ay isang magandang kaugalian na maaari nating maipamana sa ating mga anak.

Source: Ptama

Si Vice Ganda o kilala rin sa tawag na Unkabogable star sa industriya ng showbiz, ay kilalang komedyante at TV host. Sa taglay niyang talento sa pag-arte at paghahatid ng saya sa kanyang mga tagahanga, ay hindi na nakapagtataka kung patuloy na umaarangkada ang karera ni Meme Vice.

CREDITS: Vice Ganda| YT

Patuloy nga ang pagbuhos ng mga biyaya sa buhay ni Meme Vice. Magmula nga sa pagkakaroon ng napakagandang bahay, magarang sasakyan, ay mapalad rin si Meme Vice sa pagkakaroon ng mapagmahal na pamilya at boyfriend. Tila nga, walang katapusan ang pagdating ng biyaya sa buhay ni Meme Vice. At kamakailan lamang nga, ay masayang-masaya si Meme Vice, dahil natanggap na niya ang bagong sasakyan na kanyang nabili matapos ang ilang buwan.

CREDITS: Vice Ganda| YT

Sa kanyang vlog nito lamang ika-27 ng Enero ay masayang ibinahagi ni Meme Vice na ang kanyang bagong sasakyan na Cadillac Escalade ay dumating na. Ibinahagi naman ni Meme Vice ang kanyang dahilan kung bakit siya nagpasyang bumili ng bagong sasakyan. Ayon nga kay Meme Vice, ay madalas raw na magkaroon ng deperensya o sira ang kanyang mga sasakyan kung saan nga baka ikapahamak pa niya sa tuwing gagamitin.

CREDITS: Vice Ganda| YT

“Umorder kami ng bagong caru kasi, parang minamalas ako lately sa sasakyan. Nung isang araw nagda-drive ako, nawalan ng brake yung dina-drive kong sasakyan. Sabagay kasi, ilang taon na rin naman iyon. Tapos siguro dahil hindi nagagamit because of the pandemic, nung bigla kong ginamit, nawalan siya ng preno.”

Ang isang sasakyan raw ni Meme Vice, ay sira naman ang aircon kaya naman sa tuwing ginagamit niya ito ay hulas na hulas ang kanyang make up dahil sa init at pawis. Dahil nga, wala na siyang matinong sasakyan na ginagamit ay nagpasya na lamang siyang bumili ng bago.

CREDITS: Vice Ganda| YT

“Sabi ko baka it’s time na bumili na ng bago para madispose yung ibang lumang sasakyan since ngarag naman na siya.”

Makikita naman sa video na isang napakagandang 2021 Cadillac Escalade ang kanyang nabiling sasakyan. Ibinunyag naman ni Meme Vice na noong Agosto 2021 pa sana niya natanggap ang sasakyan ngunit dahil nga puti lamang ang available color nito, ay hinintay na lang niya ang pagdating ng color black version nito.

CREDITS: Vice Ganda| YT

Ayon naman sa website ng nasabing brand ng sasakyan, ang presyo nito ay naglalaro sa USD76,295 hanggang USD103,915 o katumbas ng halagang PHP3,912,789.08 hanggang PHP5,329,280.78.

Inamin naman ni Meme Vice na ang perang kanyang ipinambili ng sasakyan ay katas ng Kapamilya musical game show Everybody, Sing dahilan nga kung bakit niya ito pinangalanang E.S.

“Si E.S., katas ng Everybody Sing!, hahaha! Katas siya ng Everybody Sing! kaya pangalanan natin siyang si E.S.”

Source: Ptama

Sino nga ba ang hindi makakakilala sa sikat na singer, aktres at vlogger na si Donnalyn Bartolome? Sa kanyang taglay na ganda at talento ay talaga namang humahakot siya ng milyon-milyong followers sa kanyang social media account. Pagdating naman sa kanyang sariling Youtube channel kung saan niya ibinabahagi ang kanyang mga nakakaaliw na videos, ay mayroon naman siyang mahigit 8 million subscribers.

Photo credits to the owner

Marami naman talaga ang humahanga kay Donnalyn hindi lamang sa kanyang taglay na kagandahan at talento, kundi pati na rin sa kanyang napakabuting kalooban. Madalas pasayahin ni Donnalyn ang kanyang mga tagahanga sa pamamagitan ng pagbibigay ng mga biyaya sa mga ito.

Photo credits to the owner

Pagdating rin sa pagpapaabot ng tulong sa mga nangangailangan ay hindi nagpapahuli si Donnalyn. Kahit nga anong sakuna ay makikitang naroon rin ang aktres para magpaabot ng kanyang tulong. Walang duda kung bakit, mas lalo siyang minamahal ng kanyang mga tagahanga.

Photo credits to the owner

Hindi rin naman matatawaran ang pagmamahal ni Donna sa kanyang mga tagahanga, kung saan nga sa bawat tagumpay niya ay kasama niya ang mga ito. At kamakailan lamang nga, ay isang pasabog ang inihanda ni Donna para pasalamatan ang kanyang mga fans na walang sawang nagmamahal at sumusuporta sa kanya.

Photo credits to the owner

Sa kanyang latest vlog na mapapanood sa kanyang Youtube channel, ay masayang inanunsiyo ni Donna na mamimigay siya sa kanyang mga masusugid na tagahanga ng house and lot na nagkakahalaga ng P2 million. Ipinasilip nga ni Donna ang nasabing bahay, kung saan nga ay napakaganda at lahat ng pangangailangan ay matatagpuan na rin dito. Malapit ito sa simbahan, school at palengke kaya naman hindi na mahihirapan ang mapalad niyang tagahanga kapag nanirahan dito.

Photo credits to the owner

Ang bahay na ipapagkaloob ni Donna sa kanyang mga tagahanga ay fully-furnished house, at kompleto na rin sa kagamitan tulad ng sofa, TV, ref at marami pang iba. Bagama’t, maliit ang bahay ay mapapansin naman na nagmukha itong maaliwalas dahil sa disenyo nito.

Sa 2nd floor naman ng bahay ay matatagpuan ang isang kwarto na animo’y kids room o pwede ring study room kung saan makikita ang convertible bed, laptop at cellphone.

Photo credits to the owner

At para nga makuha ang napakagandang bahay at lupa, ay ibinahagi naman ni Donna sa kanyang mga fans ang mechanics.

“Help to help yourself. Madali lang ‘to, guys. Magko-comment lang kayo ng kung ano ang ginagawa n’yo to help yourself…or the people around you. What are you doing? Nag-aaral ka ba nang mabuti? Are you working? May business ka ba? Tell me about it. I wanna hear it.”

Photo credits to the owner

Tiyak na marami sa mga tagahanga ni Donna ay nakaabang na kung sino ang mapalad na makakakuha ng house and lot na pinapangarap nga ng marami.

Source: Ptama

Sino ba naman ang hindi naghahangad na magkaroon ng isang bahay na napakaganda. Isang bahay na may magandang disenyo, maaliwalas, at talaga namang napakasarap tirhan kasama ang pamilya. Ang tahanan namang ito, ang siyang magiging saksi sa mga masasayang alaala at pangarap na tutuparin ng pamilya.

Photo Credits to the owner

Ngunit, bago naman makamit ang inaasam na napakagandang bahay para sa pamilya, ay kinakailangan rin ng malaking halaga. Hindi naman talaga biro ang magpagawa ng bahay, lalo na nga’t bukod sa mahal ang bayad sa trabahador ay napakamahal rin ng materyales. Kaya naman, todong pagkayod at pagsusumikap ang ginagawa ng mga haligi at ilaw ng tahanan para matupad ang pangarap na mabigyan ng magandang bahay ang kanilang pamilya.

Photo Credits to the owner

Isang ama nga ng tahanan ang nagpatunay na hindi kailangan ng napakalaking halaga ng pera para makapagpatayo ng isang napakagandang bahay para sa kanyang pamilya.

Maraming netizens ang nainspire at pinahanga ng isang ama ng tahanan na si Henry Tugot matapos niyang magpatayo ng napakagandang bahay para sa kanyang pamilya sa halagang P50,000 at natapos naman sa loob ng 25 days.

Photo Credits to the owner

Ang pamilyang binuo ni Henry at ng kanyang asawang si Rejeen Tugot kasama ang kanilang dalawang anak, ngayon nga ay nakatira sa bahay na ipinatayo ni Henry gamit ang kanyang naipong pera na nagkakahalaga ng P50,000.

Matapos ibahagi sa Facebook ang larawan ng bahay ng pamilya ni Henry na yari sa semento, hallow blocks at plywood, ay agad itong umagaw ng atensyon ng mga netizens dahil nga para mag-viral ang post.

Photo Credits to the owner

Ayon naman sa post ng news reporter na si Russel Simorio, ay nakapagpagawa ng bahay si Henry gamit ang perang kanyang inipon mula sa kanyang part-time job, kung saan nga ay nakapagtabi siya ng P50,000 na sapat sa pampagawa ng bahay. Ikinagulat naman ni Henry, dahil sa loob lamang ng 25 na araw ay nagawang matapos ang kanilang bahay.

Makikita sa larawang ibinahagi sa Facebook na maliit lamang ang kanilang bahay, kung saan nga ay may sukat na 14×16 feet. Bagama’t, maliit ito ay kompleto naman ang bawat bahagi ng bahay. Mayroon itong bedroom, living room, kitchen at may terrace pa. Hindi naman magpapahuli ang bahay ni Henry, dahil makikita rin na naka-aircon ito. Kahit nga maliit ang bahay, ay tiniyak naman ni Henry na namaximized niya ang space.

Photo Credits to the owner

Sa mga larawan nga, ay makikita rin ang before and after photos ng bahay magmula nga sa framework nito, sa pagpipintora hanggang sa masilayan nga ang ganda ng bahay nang matapos ito. Ang loob ng bahay ay pinaganda naman ng kulay ng pintura at wallpaper, habang sa labas naman nito ay makikita ang mga halaman na nakalagay sa paso para magsilbing dekorasyon.

Maliit man nga ang bahay na ginawa ni Henry para sa kanyang pamilya, ay napakaganda naman nito. Wala namang papantay sa saya ng kanilang pamilya dahil sa kanilang munting tahanan ay bubuo sila ng masasayang alaala at mamumuhay rin dito ng komportable.

Source: Ptama

Puhunan na nga ng mga kilalang personalidad sa entertainment industry ang ganda ng kanilang panlabas na anyo. At para nga agad mapansin, bukod nga sa taglay na talento ay dapat maganda rin ang kanilang mukha. Katulad na lamang nga sa mundo ng showbiz, na pawang magaganda at seksi ang mga kilala nating artista.

Photo Credits : Zeinab Harake| IG

Kaya naman, may ilan na talagang inalaagaan ang kanilang sarili para maging maganda. Maliban nga, sa paglalagay ng make up sa mukha, ay may ilan ring bukas sa pagpaparetoke ng nais nilang baguhin sa kanilang katawan.

Marami nga sa mga kilala nating artista ang hindi ikinakahiya ang kanilang pagiging retokada dahil nagustuhan naman nila ang magandang resulta sa kanila at nakatulong rin ito sa paglago ng kanilang karera.

Photo Credits : Zeinab Harake| IG

At kamakailan lamang nga, ay hindi nagdalawang isip ang sikat na vlogger na si Zeinab Harake na ibahagi sa kanyang mga tagahanga na nagpagawa siya ng kanyang lips. Taglay na ni Zeinab ang isang napakagandang mukha, ngunit dahil nais pa niyang maging maganda, at dahil na rin sa kanyang personal na dahilan ay nagpasya siyang sumailalim sa lip fillers.

Photo Credits : Zeinab Harake| IG

Sa kanyang latest vlog kung saan ay ipinakita niya ang kanyang paglalagay ng make up, ay sinagot rin ni Zeinab ang ilang katanungan mula sa kanyang mga tagahanga. At isa na nga rito ang tungkol sa kanyang lip fillers. Ang nasabing netizen ay nagtanong kung ano ang dahilan ni Zeinab bakit siya sumailalim sa lip fillers.

Photo Credits : Zeinab Harake| IG

Hindi naman nagdalawang isip ang sikat na vlogger na sagutin ito. At habang naglalagay ng make up sa kanyang mukha ay ipinapaliwanag nga ni Zeinab ang dahilan. Pag-amin ni Zeinab ay matagal na niyang pangarap na maranasan ang magkaroon ng magandang mga labi na tulad ng kanyang mga idolong international model na sina Kendall Jenner at Gigi Hadid. Maliban dito, ay mahilig rin siyang manood ng mga video ng mga taong nagpapa-lip filler at talagang humahanga siya sa ganda ng resulta nito.

Photo Credits : Zeinab Harake| IG

Diretsahan ngang pag-amin ni Zeinab ay gusto niya talagang maging makapal ang kanyang lips. Kaya naman, hindi na siya nagdalawang isip na gawin ito. At hindi naman maikakaila na masaya at nagustuhan ni Zeinab ang magandang resulta nito sa kanya.

Photo Credits : Zeinab Harake| IG

“Kaya ako nagpa-lip filler dahil, gusto ko talagang kumapal yung lips ko. Gusto ko lang siyang ma-experience. So, totoo po. ‘Di ba nga? Gustong-gusto ko sila Kendall Jenner, Gigi Hadid.”

“Sobrang saya ko kasi kumapal yung nguso ko. Totoo po, nagpagawa po ako ng aking lips.”

Source: Ptama