Tila nga panibagong yugto ng buhay ang haharapin ng aktres na si Bela Padilla. Ito nga ay matapos ibahagi ng aktres sa kanyang Twitter account na nakalipat na siya ng tirahan sa London, United Kingdom.

Credits: Bella Padilla | IG 

Nito lamang ika-22 ng Nobyembre nang ianunsiyo ni Bela sa publiko ang balitang ito. Ayon sa aktres, bagama’t ilang buwan na ang nakaraan magmula nang makalipat siya, ay nais muna niyang hanapin ang kanyang katayuan bago siya nagpasyang isapubliko ang kanyang paglipat sa London.

At ngayon nga na nakalipat na siya at natagpuan na rin ang kapanatagan, ay nais niyang isama sa kanyang journey ang kanyang mga tagahanga sa pamamagitan ng pagsagot sa mga katanungan sa isang video.

Credits: Bella Padilla | IG 

Caption nga ng aktres sa kanyang post sa Twitter,“So, I moved to London a few months ago. And I tried to find my footing first before sharing what it’s really like. Now, I’m ready to let you in to my life and tell you more about it! Ask me anything you’d like to know about my move and I’ll answer as much as I can in a video.”

Samantala, marami naman sa mga kaibigan ni Bela sa showbiz, ang agad na nagbigay ng komento sa tweet ng aktres. At karamihan nga sa kanila, ay nagtatanong kung ang paninirahan ni Bela sa London, ay permanente na. May mga nagtanong rin kung may balak pa ba si Bela na ituloy ang kanyang karera sa showbiz sa Pilipinas.

Credits: Bella Padilla | IG 

Komento nga ni Karen Davila,“Kudos and good for you Bela! Praying for your success!!! GO GIRL.”

“Are you accustomed to their food now? Or cooking pinoy food at home when craving nalang?” tanong naman ni MJ Lastimosa.

Makikita rin sa Instagram stories ni Bela, na ibinahagi niya ang ilang larawan ng masayang pananatili niya sa London kasama ang kanyang boyfriend na si Norman Bay.

Credits: Bella Padilla | IG 

Matatandaan naman na noong buwan ng Hulyo nang mapabalita ang pag-alis ni Bela sa bansa. Naging madamdamin ang pamamaalam ng aktres sa kanyang malalapit na kaibigan bago niya lisanin ang Pilipinas. At noong Hulyo nga, ay ibinahagi ni Dani Barretto sa kanyang Instagram, ang malungkot nilang pamamaalam sa isa’t isa sa harap ng Ninoy Aquino International Airport Terminal 3.

Kalakip ang larawan kung saan makikitang magkayakap ang dalawa, ay hindi rin maitago ni Dani sa kanyang mensahe na mamimiss niya ng husto ang kanyang kaibigan. Hangad naman ni Dani para sa kanyang kaibigan, ay maging masaya ito sa kanyang pupuntahan.

Credits: Bella Padilla | IG 

“Go and be happy, my Bely. I know I look like a wreck but I am so happy and excited for you. No goodbyes, just see you soon. I love you so much!! Facetime all the time, okay?”

Source: Ptama

Tila nga napakabilis ng mata ng mga “Marites” ng social media, dahil agad nilang naispatan sa Instagram stories nina Paolo Contis at Yen Santos, na tila magkasama ang dalawa sa birthday dinner ng aktres.

Agaw atensiyon nga ang mga larawang ibinahagi ng dalawa. Sa IG story ni Yen, ay makikitang ibinahagi ng aktres ang larawan ng dinner set up for two sa isang gazebo na tila nasa beach. Habang si Paolo naman ay ibinahagi ang kanyang selfie photo, kung saan mahahagip sa background ang kaparehong lighting set up sa ibinahaging dinner set up ni Yen.

Sa IG story ni Yen ay nilakipan niya ng simpleng caption ang larawan ng “birthday dinner”, samantalang sa caption naman ni Paolo, ay “dinner time” ang kanyang inilagay at nilakipan pa ng tatlong cake emoji.

Dahil nga dito, ay duda ang mga Marites na magkasama ang dalawa sa pagdiriwang ng kaarawan ni Yen. At ayon nga sa mga netizens at Marites ng social media, ay baka nga raw “birthday dinner as a friend”, ang ginawa ng dalawa sa pagdiriwang ng kaarawan ni Yen.

Hindi nga nakapagpagil ang mga netizens na magbigay ng kanilang komento sa patungkol sa nasabing larawan ng dalawa sa kani-kanilang IG stories. Ayon nga sa mga ito, sa pagkakataong ito ay wala na sigurong rason pa si Paolo na itanggi ang isyu. At kung “as a friend” na naman nga ang birthday dinner na ito, ay wala naman raw silang dapat pang itago sa publiko.

“Baka sabihin na naman ni paolo nagktaon lang na andun sya at sya yung malapit”

“Sila lng nmn gumagawa ng malalaman ng tao na magkasama sila.. so bakit itatago pa noh?? Hahaha pabebe,, pa marites effect”

“Dinner date as a friend ahahhaaha”

“Ayw pang aminin may pa thriIl thrilI pa kaung nlalaman ,bukas makalawa pag lantad nio sasabihin nio den wala kayong ina’ap’akang tao”

Halos ilang buwan na ring hiwalay si Paolo sa kanyang dating partner na si LJ Reyes. Matapos nga ang anim na taong pagsasama sa iisang bubong na nagbunga ng isang anak na babae, ay nagkanya-kanya na sila ng landas. Sa ngayon ay masayang naninirahan si LJ sa New York, kasama ang anak nila ni Paolo na si Summer, at panganay niyang si Aki na anak naman ng aktres sa kanyang ex-boyfriend na si Paulo Avelino.

Matatandaan naman na sa gitna nang mainit na isyu ng hiwalayan nina LJ at Paolo, ay pumutok naman ang balitang magkasama diumano sina Paolo at Yen sa Baguio. At sa pagkalat ng kanilang “sweet photos” sa social media, ay siya namang pagtanggi ni Paolo sa anumang namamagitan sa kanila ni Yen kung saan ay sinabi ng aktor na sinamahan umano nito ang aktres “as a friend”.

Source: Ptama

Matapos ang halos pitong taong relasyon bilang magkasintahan ay tila nga nasumpungan na ng dating Goin’ Bulilit star na si Trina Legaspi o mas kilala ng lahat bilang si Hopia, ang kanyang inaasam na kaligayahan ng puso sa piling ng kanyang asawa na ngayong si Ryan Jarina.

At para nga kay Hopia, ay natupad na ang kanyang dasal na maikasal sa lalaking kanyang pinapangarap. Ang mala-“fairytale wedding” nina Hopia at ng kanyang non-showbiz boyfriend na si Ryan ay naganap sa Holy Trinity Church nito lamang Sabado, ika-20 ng Nobyembre.

Natupad rin ang pangarap ni Hopia na magkaroon ng isang Ethereal, romantic, at fairy tale wedding kung saan nga ay napapalamutian ng mga puting bulaklak ang simbahan at maging ang reception ng kanilang kasal. At dahil nga mala-fairy tale ang tema ng kanyang kasal, ay tila isa ring dyosa ng kagandahan si Hopia habang suot ang kanyang napakagandang wedding gown.

Ang kanilang pag-iisang dibdib naman ay dinaluhan ng kanilang pamilya at malalapit na kaibigan. Naging bridesmaid nga ni Hopia sa kanyang kasal ang kanyang mga kaibigan sa showbiz na sina Liza Soberano at Michelle Vito. Nasaksihan rin ng ilan niyang batchmates sa Goin’ Bulilit ang kanyang espesyal na araw kagaya ninaJohn Manalo, Igi Boy Flores. Naroon rim ang iba pa niyang mga kasamahan sa show na sina Trina Mortiz at Badjie Mortiz.

Hindi naman maikakaila na handang-handa na talagang lumagay sa tahimik sina Hopia at Ryan, dahil bukod sa nasa tamang edad na sila pareho, ay financially ready na rin sila sa pagbuo ng pamilya.

Samantala, matatandaan naman sa isang vlog noong nakaraang buwan ng Oktubre na ibinahagi ni Hopia, na hihintayin muna nilang maikasal bago sila magkaroon ng intimate relationship. Malaki ang paniniwala pareho nila Hopia at Ryan, na mahalagang maikasal muna bago gawin ang pagtatalik, na ginagawa lamang ng mga mag-asawa.

“Marriage is a different thing. If the person is your wife versus a girlfriend, it’s more sacred, more valuable, more precious.”

“She’s gonna be the future mother of your kids. You have to make sure that you treat her with respect and wait until after marriage.”

Pag-amin naman nina Ryan at Hopia, ay hindi rin sila sumubok na mag-live in muna bago magpakasal dahil nga nais nilang maranasan ang buhay may-asawa kapag sila’y kasal na. At dahil nga, araw-araw rin naman silang magkikita, ay hindi naman nila kailangang mag-live in pa.

Si Hopia ay dating Goin’ Bulilit star na kinagiliwan at naghatid ng saya sa publiko noon. Samantalang si Ryan ay president at CEO ng Ark Diversified Inc. na namamahala ng Chevrolet at MG dealership sa Commonwealth, Quezon City.

Source: Ptama

Ang mamahalin at animo’y resort sa gandang mansiyon na pagmamay-ari ng mag-asawang Manny at Jinkee Pacquiao sa Forbes Park, ngayon nga ay nagkakahalaga na ng P2.3 billion.

Credits: Jinkee Pacquiao | IG

Ayon nga sa Presello.com, isang real estate firm na nagbebenta ng mga naglalakihan at multimillion property sa Metro Manila, ang mansiyon ng pamilya Pacquiao sa Forbes Park, ay may nakakalula nang halaga ngayon na P2.3 Billion. Matatandaan na ang nasabing real estate firm rin ang nagbigay ng presyong P1.5 billion sa mamahaling mansiyon ng pamilya Pacquiao noong nakaraang taon buwan ng Agosto. At isang taon lamang ang nakalipas, ay agad na tumataas ang halaga nito.

Credits: Jinkee Pacquiao | IG

Ang napakagandang mansiyon ng pamilya Pacquiao, ay ibinibenta na at hanggang ngayon ay wala pang bumibili dito. Ang Zen Inspired Luxury Mansion na ibinibenta sa Forbes Park, ay loteng may kabuuang sukat na 2000 square meter. At ang mismong mansiyon ay nakatayo sa 1,525 square meters ng nasabing property. Hindi naman talaga biro ang laki at lawak ng mansiyon kung saan nga ay may five bedrooms, seven bathrooms, isang newly renovated pool area, at malawak na garden. Siyempre hindi rin mawawala ang malawak nitong garahe na kasya ang apat na sasakyan.

Credits: Jinkee Pacquiao | IG

Matatandaan naman na noong taong 2019, ay pina-renovate ng mag-asawang Manny at Jinkee ang nasabing property. Kaya naman, masisilayan ngayon ang ganda ng mansiyon, na nagmistulang isang resort dahil sa disenyo nito.

Credits: Jinkee Pacquiao | IG

Sa pag-uwi nga ng pamilya Pacquiao mula sa nagdaang laban ni Manny sa United States noong Setyembre 2021, ay sa kanilang mansiyon sila tumuloy at sa kanilang pamamalagi dito ay iisipin na tila nagbabakasyon lamang sila. Naging sunod-sunod nga ang pasilip ni Jinkee sa kanyang mga followers sa Instragram sa masaya at nakaka-relax nilang pamamalagi sa mansiyon.

Samantala, ngayong papalapit na rin ang kapaskuhan ay hindi naman pinalampas ni Jinkee ang pagkakataon na bigyan ng magandang Christmas decor ang kanilang mansiyon. Sa latest update ni Jinkee sa kanyang Instagram account, ay makikitang ibinahagi nito na ang malawak na garden sa mansiyon ay napapalamutian na ng Christmas lights.

Credits: Jinkee Pacquiao | IG

Matatandaan na unang napaulat na ibinibenta nina Manny at Jinkee ang kanilang mansiyon sa Forbes Park noong 2014. At ito ay dahil umano sa natatanggap nilang reklamo mula sa kanilang mga kapitbahay dahil sa pagtanggap raw nila ng mga bisitang ang mga kasuotan ay hindi naaayon sa panlasa ng kanilang kapitbahay.

Credits: Jinkee Pacquiao | IG

Nabili nila ang napakaganda at napakalawak na mansiyon sa halagang P388 million noong 2011. At noong 2014 nang una nito itong ibenta ay nagkakahalaga ito ng P708 million..

Source: Ptama

Marami na nga ang nakaabang sa pag-ere sa telebisyon ng Darna TV series, kung saan ay talagang hindi lamang mga kapana-panabik na mga eksena ang dapat abangan kundi pati na rin ang mga cast nito.

Matapos ngang isapubliko ang tuluyang pagganap bilang bida at karakter bilang Darna ng aktres na si Jane De Leon, ay napag-ukulan rin ng pansin ang paghahanap sa gaganap ng karakter ng mahigpit na kalaban ni Darna na si Valentina.

Nito lamang ngang ika-19 ng Nobyembre sa wakas nga ay tuluyan na ring nahanap ang karapat-dapat na gaganap sa iconic kontrabida role ni Valentina at ito nga ay walang iba kundi ang aktres na si Janella Salvador.

Sa post ng ABS-CBN ngayong araw ay isinapubliko na nga na nahanap na nila ang gaganap bilang Valentina.

“NAHANAP NA ANG KATAPAT NI DARNA. Muling mapapanood sa telebisyon si Janella Salvador sa kaniyang pagganap bilang Valentina sa “Darna: The TV Series.”

Makikita naman sa naganap na presscon na magkasama si Jane De Leon, na siyang gaganap bilang bidang Darna at Janella Salvador na bilang kontrabidang Valentina. Tila naman matinding paghahanda ang ginawa ng dalawang aktres para sa nalalapit nilang pagtutunggali sa teleserye, dahil pawang magaganda at napakaseksi ng kanilang awra ngayon.

Samantala, bago naman isapubliko ng ABS-CBN ang gaganap ng karakter ni Valentina, ay marami ring naging hula ang netizens na sa tingin nila’y bagay at karapat-dapat sa kontrabida role. Ngunit, nauna namang lumutang ang pangalan ng mga aktres na sina Yassi Pressman, Ariella Arida, Jackie Rice at AJ Raval na nag-audition daw para sa nasabing iconic role.

Hindi naman nagpahuli ang hula ng netizens dahil pawang magaganda at seksing aktres sa industriya ng showbiz ang kanilang napipisil na pangalan para gumanap na Valentina. Ilan sa mga ito ay sina Ivana Alawi, Janine Gutierrez, Anne Curtis, Julia Barretto, at Janella Salvador. Ngunit, sa mga nabanggit ay pangalan ni Janella ang nangibabaw sa lahat. At tila nga alam na alam na ng netizens na talagang bagay na bagay kay Janella ang karakter bilang kontrabida, dahil hindi naman nagkamali ang kanilang hula.

Ito naman ang first kontrabida role ni Janella sa teleserye at sa first major project sa muli niyang pagbabalik telebisyon matapos niyang magsilang sa panganay na anak nila ng kanyang boyfriend na si Markus Paterson noong Oktubre 2020.

Matatandaan na huli siyang nasilayan sa telebisyon sa kanyang pagganap sa teleseryeng “The Killer Bride” na huling umere noong January 2020. At matapos nga ang halos dalawang taong pamamahinga sa showbiz, ay handang-handa na ngang muling ipamalas ni Janella ang kanyang husay sa pag-arte bilang bagong Valentina sa Darna TV series.

Source: Ptama

Marami nga ang nakaabang sa pangako ng newscaster na si Karen Davila sa young singer na si Lyca Gairanod. Matatandaan sa nakaraang vlog ni Karen, na matapos niyang malaman na magkasabay pala ang kanilang birthday ni Lyca, ay nangako ang newscaster na siya ang maghahanda sa pagdiriwang ng kanilang kaarawan.

At dahil sa nakakatuwang reaksyon ni Karen nang malaman niyang parehong petsa ang kanilang birthday, ay nag-viral pa ang nasabing vlog at may mga nagsilabasan ring memes sa social media patungkol dito.

Hindi naman binigo ni Karen ang mga nakaabang na netizens sa magkasabay na pagdiriwang nila ni Lyca. Sa halip nga na sa mismong araw ng kanilang birthday nitong Nobyembre 21 ganapin ang selebrasyon, ay mas napaaga nga ang naging pagdiriwang ang kanilang birthday.

At nito lamang ika-20 ng Nobyembre ay naganap na ang pinakainaabangang magkasabay na pagdiriwang ng kaarawan nina Karen at Lyca. Sa isang vlog na ibinahagi ni Karen kamakailan sa kanyang YouTube channel, ay tampok ang masayang pagdiriwang ng kaarawan nilang dalawa.

Hindi lamang nga sina Karen at Lyca ang naging masaya sa kanilang espesyal na araw, dahil napasaya rin nila ang mga residente sa barangay ni Lyca sa Cavite. Naging makabuluhan ang magkasabay na pagdiriwang ng kaarawan nina Karen at Lyca, dahil sa espesyal na araw na ito ay mas pinili nilang mamahagi ng tulong sa mga taong nangangailangan.

At dahil nga hindi pa tapos ang pandemya, ay marami pa rin ang nangangailangan ng tulong kung kaya’t ito na nga ang naisip nilang gawin para sa pagdiriwang ng kanilang birthday.

“For this birthday, I didn’t want it to be about me and Lyca. But we wanted it to be about other people. May pandemya po tayo ngayon and what we wanted to do is help people and give them gifts.”

Makikita nga na ilan sa mga ipinamahagi nina Karen at Lyca sa mga kabarangay ng young singer ay bisikleta, mobile phones, pocket wifi at tshirt. Hindi rin siyempre mawawala ang masasarap na pagkaing inihanda nina Karen at Lyca para sa mga nakibahagi sa kanilang masayang pagdiriwang. Dumalo rin sa masayang pagdiriwang ng kaarawan nina Karen at Lyca ang TV host na si Gretchen Ho at YouTuber na si Small Laude.

May inihanda ring isang kahanga-hangang performance si Lyca sa kanyang mga bisita kung saan nga ay narinig ang kanyang magandang tinig.

Sa nasabing vlog, ay ibinahagi rin ni Karen ang pinakamagandang regalo na kanyang natanggap sa taong nakalipas. Bukod nga sa magandang relasyon sa Diyos, ay ipinagpasalamat rin niya ang kaligtasan ng kanyang buong pamilya.

“I am so blessed and grateful for the many things in my life and I want to start, first, it’s really my relationship with the Lord. Alam niyo po this past year, my relationship with the Lord really grew and that is the biggest gift I ever.”

Credits: Lyca Gairanod | IG

“And another thing is there is so much to be grateful for, my kids, my family, lahat po kami, we are safe. Sometimes we don’t need much in life. What’s important is we don’t forget what we have.”

 

Source: Ptama

Nito lamang ika-19 ng Nobyembre nang kumpirmahin ng aktor na si Edu Manzano ang relasyon nila ng aktres na si Cherry Pie Picache.

Marami nga ang talagang nagulat sa balitang ito, ngunit hindi na ito nakapagtataka dahil magkasama sa Kapamilya teleserye ang dalawa na “Marry Me, Marry You”. Kung saan nga, habang magkatrabaho ay naging mapalit sa isa’t isa at nabuo ang kanilang pagtitinginan.

At matapos na rin ngang mabunyag sa publiko ang kanilang relasyon noong nakarang Nobyembre 18, ay nasundan naman ito ng magkasunod na post ni Cherry Pie sa Instagram ng mga larawang makikitang magkatabi sila ni Edu habang sila’y nagbabakasyon sa New York. Ang kanilang kasweetan naman ay hindi maitanggi ng kanilang mga kasamahan na sina Arci Muñoz at Yam Concepcion. Ayon nga sa mga ito, ay masaya ngayon si Cherry Pie at talagang in love.

Sa art card naman ng News5 nitong Biyernes, nang tuluyang malantad sa publiko ang relasyon nina Edu at Cherry Pie. Nakasaad nga dito ang mga katagang:

“CHERRY PIE PICACHE AT EDU MANZANO, MAGKARELASYON NA”

Mababasa pa nga sa art card, na mismong si Edu ang nagkumpirma ng kanilang relasyon ni Cherry Pie sa TV5 news anchor na si Cheryl Cosim.

Samantala, ngayon nga ay makikita naman kina Edu at Cherry Pie na pareho silang masaya sa kanilang relasyon. Bago naman nila masumpungan ang kanilang pag-ibig sa isa’t isa ngayon, ay marami munang dumaan sa kanilang buhay.

Matatandaan nga na naging makulay ang buhay pag-ibig ni Edu sa piling ng kanyang dating asawa na si Vilma Santos, kung saan sila’y ikinasal noong 1980. Ang kanilang pag-iibigan na nauwi sa hiwalayan ay nagbunga ng isang supling. Ito nga ang may matagumpay ngayong karera sa showbiz na si Luis Manzano, isang aktor at kilalang mahusay na TV host sa industriya ng showbiz.

Matapos naman ng paghihiwalay nina Edu at Vilma, ay muli namang ikinasal si Edu kay Maricel Soriano noong 1989. Ngunit, matapos lamang ang ilang taon nilang pagsasama ay nauwi rin ito sa hiwalayan. Muli namang umibig si Edu sa commercial model na si Rina Samson kung saan ang kanilang pagmamahalan ay nagbunga ng dalawang anak, sina Addie at Enzo.

Ilan pa sa mga naging karelasyon ni Edu na nauwi rin sa huli sa hiwalayan ay ang newscaster na si Pinky Webb, at ang huli nga niyang nakarelasyon ay ang kanyang non-showbiz girlfriend na si Ireyne Garcia.

Si Cherry Pie naman ay dati ring may makulay na love life sa kanyang long-time boyfriend na si Gary Tria, at ang kanilang dating matamis na pag-iibigan ay nagbunga ng isang anak. Siya nga si Nio na ngayon ay lumilikha na rin ng kanyang sariling pangalan sa showbiz. Taong 2006 naman nang maghiwalay sina Cherry Pie at Gary.

Source: Ptama