Isa nga sa karapatan ng bawat mamamayan ang bumoto. Nakasalalay sa kamay ng mga mamamayan ang magiging pinuno ng bansa at iba pang opisyales ng gobyerno. Ngunit, bago pa man natin mailuklok ang karapat dapat na pinuno, ay kinakailangan muna nating magparehistro bilang botante.

Credits: Barbie Forteza | IG

Sa nalalapit na eleksyon sa ating bansa sa darating na 2022, ay nagsimula na nga ang pagpaparehistro ng boto ng karamihan para maging isang ganap na botante. Napakahalaga ng bawat boto, dahil dito nakasalalay ang ating hinaharap, at pag-unlad ng ating bayan.

At sa nalalapit na deadline ng pagpaparehistro ng mga botante sa darating na ika-30 ng Setyembre, ay puspusan ang pagpaparehistro ng mga mamamayan para hindi masayang ang kanilang boto.

Credits: Barbie Forteza | IG

Kaya naman, ang aktres na si Barbie Forteza ay hindi pinalampas ang pagkakataon na magparehistro na para makaboto sa darating na eleksyon upang maihalal ang karapat-dapat na opisyales. Ang mahabang pila ng mga nagpaparehistro, ay hindi alintana ni Barbie sa halip nga ay maaga siyang pumila at matiyagang nag-antay.

Sa Instagram nito lamang Huwebes, ay masayang ibinahagi ni Barbie ang kanyang larawan kung saan makikitang siya’y nasa isang mahabang pila ng mga nagpaparehistro at nakatalungko sa bangketa habang naghihintay na makapagparehistro.

Ayon naman sa caption ng post ni Barbie, alas kwatro pa lamang ng madaling araw ay nakapila na siya para magparehistro. At matapos nga ang mahabang pila at paghihintay, ay isa na siya ngayong ganap na botante.

Credits: Barbie Forteza | IG

“Nagsimulang pumila ng 4AM at ngayon ay rehistrado na ko!”,caption sa post ni Barbie.

Sa kanyang post, ay hinikayat rin ni Barbie ang iba pang mamamayan na magparehistro na ng kanilang boto para maging botante sa darating na 2022 election.

“Puwede pa pong humabol sa pagpaparehistro para makaboto,” payo niya.

Sa isang larawan sa kanyang Instagram, ay makikita ang kanyang thumb na markado na patunay nga na nakapagparehistro na siya ng kanyang boto. May maikling video ring ibinahagi si Barbie, kung saan makikita namang ang paglalagay niya ng thumbmark sa mga dokumentong kinakailangan.

Credits: Barbie Forteza | IG

Samantala, marami naman sa mga netizens ang natuwa at humanga kay Barbie, dahil sa kanyang matiyagang pagpila ng maaga sa kabila ng maraming nagpaparehistro at haba ng pila. Pinatunayan nga ni Barbie na sa kabila ng kanyang kasikatan ay isa rin siyang normal na tao, na tulad ng iba ay may karapatan ring bumoto.

Maliban kay Barbie, ay marami rin sa mga sikat na artista sa showbiz, ang nagbahagi ng kanilang karanasan ng sila’y magparehistro ng kanilang boto.

Si Barbie Forteza ay isang sikat na aktres sa GMA Network, na kung saan dahil sa kanyang husay sa pag-arte ay binansagan siyang Kapuso Primetime Princess.

Source: Ptama

Matapos ang masayang road trip adventure ng napakaganda at seksing aktres na si Arci Muñoz sa Colorado at New Mexico noong nakabuwan ng Agosto, ay tila hindi naman dito natatapos ang masayang bakasyon ng aktres. Dahil nito lamang buwan ng Setyembre, ay muling nagbahagi ang aktres sa kanyang Instagram ng kanyang mga larawan na kuha sa bago niyang bakasyon.

Credits : Arci Muñoz | IG

At sa pagkakataong ito, ay nagbakasyon si Arci sa US kung saan nga ay binisita niya ang East at West coast. Naging sunod-sunod ang pagpost ng aktres sa Instagram para ipasilip sa kanyang mga tagahanga ang masaya niyang bakasyon. Makikita nga na nitong nakaraang linggo lamang, ay enjoy na enjoy ang aktres sa kanyang pagsa-shopping sa pinakasikat na landmark sa New York, ang Times Square.

Sa isa namang IG post ng aktres, ay makikita na noong ika-11 ng Setyembre ay bumisita si Arci sa New York Fire Department. Kabilang ang mga fire fighters na ito ng NYFD sa mga respondents sa hindi makakalimutang insidente ng terror attack sa World Trade Center na naganap noong September 11, 2001.

Credits : Arci Muñoz | IG

Ibinahagi ni Arci ang isang larawan kung saan kasama niya ang mga fire fighters na nagsilbing bayani sa naganap na terror attack. Sa caption ng kanyang post, ay binigyang pugay naman ng aktres ang kabayanihan ng mga ito.

“Last September 11, we visited the fire fighters of FDNY engine ladder 6 to thank them for their service and let them try the best Filipino resto in New York tradisyonnyc thank you for everything you’ve done. Salute and much love to the dragon fire fighters! #neverforget911”

Credits : Arci Muñoz | IG

Samantala, sa kanyang pananatili naman sa West coast, ay masayang ibinahagi ng aktres na naging bahagi siya ng music video ng US-based rapper na si King Tomoro at Sean Kingston. Makikita rin sa iba pang larawan na nakita at nakasama rin ni Arci ang kapwa Kapamilya artist na si Ylona Garcia sa isang event na naganap sa Yamashiro sa Hollywood, California.

“Another star studded evening yamashirola with 50cent. Of course my baby girl ylonagarcia lemme just say that I’m really proud of you! Guys!! Stream #dontgochanging And also lovely meeting break.records djswivel co song producer of #bts !!! I apologize for bugging ya with my questions about the boys. Thank you chefvallerie for always accommodating us!! Love ya tita! See ya very soon!”

Credits : Arci Muñoz | IG

Agaw pansin naman ang natatanging kagandahan ni Arci sa kanyang buhok na kulay emerald green na bagay na bagay naman talaga sa kanya. Maliban sa kanyang masayang pamamasyal, ay ibinahagi rin ni Arci ang impromptu pictorial habang siya’y nasa isang wine tasting trip sa Napa Valley at ito nga ang napakagandang Castello di Amorosa winery, na kilala bilang replica ng 13th-century Tuscan castle.

Credits : Arci Muñoz | IG

Hindi naman binigo ni Arci ang kanyang mga fans na masilayan ang kanyang taglay na kagandahan sa kanyang mga magagandang OOTD na kanyang suot sa mga lugar na kanyang pinuntahan.

Source: Ptama

Ang pamilya Pacquiao ang isa sa biniyayaan ng hindi biro sa laking kayamanan sa industriya ng showbiz. At ang tinatamasang kayaman ng pamilya ni Sen. Manny Pacquiao ay bunga ng kanyang hirap, sakripisyo at pagsusumikap. Literal nga na dugo’t pawis ni Sen. Manny ang kanyang naging puhunan para manalo sa bawat laban sa loob ng ring.

Credits : Jinkee Pacquiao | IG 

At ngayon ay makikita naman talaga ang marangya nilang pamumuhay kung saan nga ay napakaraming naipundar na properties magmula sa bahay, resort, sasakyan at may iba’t iba ring pagmamay-aring negosyo. Pagdating naman sa kanilang lifestyle, ay hahangaan naman talaga ang kanilang mga mamahaling kagamitan.

Credits : Jinkee Pacquiao | IG 

Katulad na lamang nga ng maybahay ni Sen. Manny na si Jinkee Pacquiao na hahangaan ang dami ng kanyang mga mamahaling kagamitan magmula sa damit, bag, sapatos at maging sa alahas. Madalas makita sa mga post ni Jinkee sa kanyang Instagram na talagang magaganda at mamahalin ang kanyang ginagamit. At bilang isang fashion icon, ay hilig na ni Jinkee ang gumamit at magsuot ng mga luxury brands.

Matatandaan nga na minsan nang naispatan sa isang IG post ni Jinkee ang kanyang sukot na relos na sadyang napakaganda, at taglay rin ang nakakalulang halaga, ito ay isang Rolex Rainbow Daytona. Sa Instagram story ni Jinkee, ay makikitang ibinahagi niya ang larawang kuha sa loob ng mansiyon sa GenSan at agad na nakaagaw ng pansin ang suot niyang relos.

Credits : Jinkee Pacquiao | IG 

Ang misis ni Sen. Manny na si Jinkee ay kabilang sa listahan ng mga celebrities at Hollywood A-listers na naispatang nakasuot ng makulay na relos na ito, nq animo’y gaya ng rainbow sa ganda katulad na lamang nina Post Malone, John Mayer, Adam Levine, Miley Cyrus, Mark Wahlberg, at Kevin Hart. Ang napakagandang disenyo ng Rolex Rainbow Daytona na ito ay ini-launched ng Swiss luxury watchmaker na Rolex noong 2018 sa Baselworld sa Switzerland.

Kilala rin ang relos na ito sa tawag na “Rolex Daytona 116595 RBOW,” kung saan nga ay pinaganda at binuo ang disenyo nito ng “36 baguette-cut sapphires around the bezel, 11 more as hour markers, and 56 brilliant-cut diamonds to cover its lugs”. Ang gemstone naman Rolex na ito ay talaga namang nakakaagaw pansin dahil yari ito sa patented rose gold alloy, Everose.

Credits : Jinkee Pacquiao | IG 

Ngunit, magkano kaya ang halaga ng napakaganda at mamahaling Rolex Rainbow Daytona na ito? Ayon sa website ng Business Insider, ang nasabing luxury watch ay maaaring mabili sa halagang $96,900 o katumbas ng PHP4.8 million matapos mai-launched noong 2018. Ayon sa (Philippine Entertainment Portal) ang Rolex Rainbow Daytona na pagmamay-ari ni Jinkee ay nabili niya sa halagang PHP2.7 million.

Credits : Jinkee Pacquiao | IG 

Ngunit, sa pagdaan ng panahon, ay mas lalo namang nagmahal ang presyo nito na kung saan nga, ay lalos apat na beses na sa orihinal na presyo nito noong inilabas ito sa market noong 2018. At sa isang website na Chrono24, isang global online market para sa mga luxury watches, ang kasalukuyang presyo ng Rolex Rainbow Daytona, ay naglalaro na sa halagang $329,519 o katumbas ng PHP16.3 million.

Source: Ptama

Ang aktres na si Janella Salvador ay isa sa pinakasikat na artista ng kanyang henerasyon. Taglay ni Janella ang magandang mukha at husay sa pag-arte na talagang hinahangaan ng lahat.

Credits : Janella Salvador | IG

Ilang ulit na nating nasilayan ang natatanging husay ni Janella sa pag-arte sa mga teleserye na kanyang pinagbidahan. Ngunit, maliban rito ay may natatanging talento rin si Janella bilang isang mahusay na singer. Tila nga lahat ng magagandang katangian at talento ng isang artista ay makikita kay Janella.

Kaya naman nang mapabalita ang kanyang pagbubuntis sa batang edad, ay marami ang natanggap na komento ng aktres na nagasasabing nanghihinayang sa kanya. Matatandaan na noong nakaraang taon, nang magtungo sa United Kingdom si Janella na kung saan nga ay naroon ang pamilya ng kanyang Filipino-British boyfriend na si Markus Paterson. At noong October 20, 2020, ay napag-alaman nga na isinilang ni Janella ang isang malusog na baby boy sa Bath, Somerset, England at ito’y pinangalanang Jude.

Credits : Janella Salvador | IG

Matapos nga nito, ay tuluyan nang naging bukas sa publiko si Janella sa buhay ng kanyang pamilya. Ngunit, hindi naman maiwasan ng aktres na makatanggap ng mga negatibong komento mula sa madla dahil sa kanyang pagiging batang ina. At kamakailan lamang nga sa isang vlog kung saan naging guest siya ng aktres na si Erich Gonzales, ay hindi na nakapagpigil pa si Janella na maglabas ng kanyang saloobin.

Makikita sa nasabing vlog na habang kumakain, ay masayang nagkukwentuhan ang dalawang Kapamilya stars. Isa sa naging takbo ng kanilang usapan ay ang tungkol sa mga pangyayari sa buhay ni Janella magmula nang maging isa siyang ganap na ina sa kanyang baby boy na si Jude. At dito nga, ay naglakas loob na si Janella na ilabas ang kanyang saloobin at nararamdaman patungkol sa mga nagsasabi ng hindi maganda at nanghihinayang sa kanya dahil sa pagkakaroon niya ng anak sa batang edad.

Credits : Janella Salvador | IG

“Well, for sure, it’s obvious naman na when people in our line of work get pregnant, lalo na at my age, ang daming different opinions and, like, judgments.”

“Ngayon, I’m sure mas open na din yung mga tao kasi ang dami ko din namang mga messages na congratulating me and ang dami ding mga positive messages.”

Ayon kay Janella, ay hindi naman nabawasan ang kanyang pagiging isang artista at singer nang isilang niya ang kanyang anak na si Baby Jude. Dahil kahit may anak na siya ay kaya niya paring ipakita ang kanyang talento sa pag-arte, at patunayan lalo ang kakayahan niya bilang isang singer. Kaya naman, ang pagkakaroon niya ng anak sa gitna ng matagumpay niyang karera ay hindi dapat panghinayangan.

“Pero of course, hindi mawawala yung notion na parang, ‘ay sayang,’ parang ganun. Maraming ganun na parang, ‘sayang, sayang, sayang.’But honestly, I’m out to prove that nanganak lang naman ako, e, di ba?

Dagdag pa ng aktres, ay nanganak lamang siya ngunit hindi naman nawala ang kanyang talento. At ang pagiging isang ina ay hindi magiging hadlang para maabot niya ang kanyang mga pangarap.

Credits : Janella Salvador | IG

“Like, I’m still Janella. I just gave birth, but I still can do what I can do. Yung mga nagagawa ko dati, nagagawa ko pa rin naman.I can still act, I can still sing. All I have to do is lose more weight. Basically, I just want to prove not just to others but also to myself na kayang-kaya. Motherhood doesn’t stop someone from achieving their dreams.”

.

Source: Ptama

Ngayong back to single na ang aktres na si LJ Reyes, ay mas nagkaroon siya ng mas maraming oras para mahalin ang kanyang sarili. Matatandaan na ilang linggo na ring nasa New York si LJ para magpahilom ng sakit na kanyang natamo mula sa paghihiwalay nila ng kanyang ex-partner na si Paolo Contis.

Credits: Lj Reyes | IG

Tila nga enjoy na enjoy si LJ ngayon sa kanyang buhay habang nasa New York. At makikita nga na unti-unti na ring bumabangon si LJ mula sa kabiguan ng kanyang puso. Naunang ibinahagi ni LJ ang kanyang pagdalo sa New York Fashion week, kung saan nga ay nakita ng aktres ang kanyang mga idolo sa larangan ng fashion.

Sa nasabing event ay pinabilib ni LJ ang publiko sa kanyang natatanging kagandahan. Ilang araw naman ang lumipas ay nasundan naman ito ng kanyang pagbabalik-alindog program. Tila nga determinado si LJ sa kanyang goal na magpaganda ng husto at ibalik ang kanyang magandang hubog ng katawan.

Credits: Lj Reyes | IG

At nito lamang ika-21 ng Setyembre, ang 33 taong gulang na aktres ay muli na namang napukaw ang atensyon ng publiko at nabihag ng kanyang angking kagandahan matapos ibahagi ang kanyang bagong litrato sa Instagram.

Sa pagkakataong ito, ay talagang kakaiba at bagong LJ ang masisilayan. Habang nasa Manhattan sa New York, ay fresh na fresh si LJ sa kanyang bob cut hairstyle, at bagay na bagay rin sa kanya ang kanyang suot na casual neutral-toned outfit. Ang napakagandang casual OOTD na ito ni LJ, ay binubuo ng “relaxed trousers, lighttweight button-down shirt, at pinaresan pa niya ng Chanel Slingbacks, at Chloé Mini Drew shoulder bag.”

Credits: Lj Reyes | IG

Samantala, ang “buttery beige-on-pink” casual OOTD na ito ni LJ, ay talaga namang napakaganda sa mata at hindi naman maikakaila na nagawa niyang dalhin ng maayos. At masisilayan nga na lalong lumitaw ang taglay na kagandahan ni LJ habang suot ang nasabing outfit.

Ngunit, nasa magkano kaya ang presyo ng kanyang casual outfit? Ayon nga sa ulat, ang suot na bag at sapatos ay nagkakahalaga ng mahigit P100,000.

Credits: Lj Reyes | IG

Ang kanyang calfskin Chloé Mini Drew na may disenyong rich caramel shade ay nagkakahalaga ng humigit kumulang na $1481 o P74,176. Samantalang ang kanyang Chanel Slingbacks naman na talagang tumataas ang presyo kada taon, sa ngayon ay nagkakahalaga ng $925 o P46,329. At ang kabuuan nga itong halaga ay tumataginting na P120,505.

Marami naman ang humanga sa transformation ni LJ sa kanyang bagong style pagdating sa fashion, na kung saan nga ay makikita na mas lalo siyang gumanda, at napatunayan na blooming na blooming parin sa kabila ng pagsubok na kanyang pinagdadaanan.

Source: Ptama

Ginulat ng aktres na si Meryll Soriano ang publiko matapos mapabalitang nagkabalikan sila ng kanyang boyfriend na si Joem Bascon. Ngunit, sa pagkakataong ito, ay hindi lamang pag-ibig nila sa isa’t isa ang muling nabuo, dahil nakabuo na rin sila ng kanilang sariling pamilya.

Credits: Merylle Soriano | IG

Kasabay nang pagdiriwang ng New Year’s Eve para salubungin ang taong 2021, ay isang rebelasyon ang isiniwalat ni Meryll sa publiko. At ito nga ay ang pagbabalikan nila ni Joem at pagkakaroon nila ng isang anak na lalaki na ayon kay Meryll ay plinano talaga nila ang magkaroon na ng baby.

Matatandaan na unang naging magkarelasyon sina Meryll at Joem noong 2008, ngunit agad itong natuldukan.

Credits: Merylle Soriano | IG

Sa muli nilang pagsasama sa isang proyekto noong 2019 ay muling nanumbalik ang kanilang pag-ibig sa isa’t isa. Ngayon nga, ay masaya na silang nagsasama kapiling ang kanilang napakacute na anak na nagsisilbi nilang bundle of joy.

Hindi naman nagkukulang sina Meryll at Joem sa kanilang anak, dahil sa kabila ng kanilang pagiging abala, ay ginagampanan nilang mabuti ang kanilang responsibilidad bilang ulirang mga magulang sa kanilang anak. Sa katunayan nga nito, sa bawat milestone ng kanilang napakacute na baby ay nakasubaybay sila.

Sa hindi namalayang paglipas ng panahon, ang bunga ng pagmamahalan nina Joem at Meryll na isang sanggol na lalaki, kamakailan lamang ay nagdiwang ng kanyang ika-9 na buwang kaarawan. At para ipagdiwang ang ika-9 months ng kanilang anak, ay nagkaroon sila ng simple ngunit masayang selebrasyon sa loob ng kanilang tahanan.

Credits: Merylle Soriano | IG

Makikita sa ilang larawang ibinahagi ni Meryll sa kanyang Instagram account, ang selebrasyon ng monthly celebration ng kanilang baby. Sa isang set ng litrato makikita ang masayang pamilya ni Meryll. Sa nasabing larawan, ay makikita sina Meryll at Joem kasama ang panganay na anak ni Meryll na si Elijah at kanilang 9 months old baby na nakasuot ng pareho-parehong kulay green na damit.

Sa isa namang larawan, ay makikitang kasama nina Meryll ang kanilang pamilya kung saan nga ay karga ng aktres ang kanyang napakacute na baby. Sa nasabing larawan ay makikitang iboblow ng aktres ang kandila sa cake ng kanyang bunsong anak.

Credits: Merylle Soriano | IG

Bagama’t, inanunsiyo ni Meryll sa publiko ang mga kaganapan sa personal niyang buhay, ay hindi naman nabanggit ng aktres ang eksaktong detalye tungkol sa kanyang bunsong anak, tulad na lamang ng kapanganakan nito at pangalan nito.

Sa ngayon ay makikitang madalas ibahagi ni Meryll sa social media ang bonding moments nilang mag-ina. At ilan pang masasayang kaganapan sa buhay ng kanyang pamilya, katulad na lamang nga nang makita ng kanyang amang si Willie Revillame ang apo nito. Unforgettable moments rin ang pagkikita ng anak ni Meryll at ng kanyang tiyahin na si Maricel Soriano.

Sa pagdating ng bunsong anak ni Meryll sa kanilang buhay ay hindi naman talaga maikakaila na mas lalong nabigyan ng kulay at kaligayahan ang kanilang pamilya.

Source: Ptama

Ang pangarap na magkasama habang buhay sa kabila ng hirap at ginhawa ay naikasatuparan na ng celebrity couple na sina Mark Herras at Nicole Donesa. Nito lamang ika-19 ng Setyembre nang ibahagi sa social media ng Kapuso celebrity couple ang magandang balita sa kanilang mga fans, na sila’y ganap nang mag-asawa.

Ang kanilang pag-iisang dibdib ay naisakatuparan sa pamamagitan ng isang civil wedding ceremony. At base sa caption ni Nicole sa kanyang post sa Instagram, ay naganap ang kanilang kasal sa mismong araw ng birthday ni Mama Mary. At ito nga ay noong ika-8 ng Setyembre sa ganap na alas otso ng umaga. Ang kanilang pag-iisang dibdib ay naganap sa Quezon City Hall at pinasinayaan ni Mayor Joy Belmonte.

Kalakip ang mga larawan at video sa kanilang civil wedding ceremony, ay nilakipan naman ito ni Nicole ng caption na:

“We tied the knot (heart and infinity emoji) on Mama Mary’s birthday.”

Credits: Mark Herras | IG

Sa Instagram account naman ni Mark, ay ibinahagi rin niya ang ilang larawan na kuha sa kanilang pag-iisang dibdib. Isang maikling caption naman ang kalakip nito, na nagsasabing siya’y kasal na sa kanyang Mrs. Herras.

“Got married Hi Mrs. Herras.”

Samanatala, ibinahagi naman ng newlyweds ang dahilan ng kanilang pagpapakasal. Maliban nga sa dahilang nais nilang magsama nang legal, at isinaalang-alang rin ng dalawa ang kanilang anak na si Corky na magkaroon ng isang masaya at legal na pamilya.

Sa ngayon ay civil wedding ceremony ang naganap nilang pag-iisang dibdib, ngunit sa kabila nito ay nilinaw naman ng celebrity couple ang plano nilang pagpapakasal sa simbahan kapag maayos na ang sitwasyon, at natapos na rin ang nararanasang pandemya ng marami.

Credits: Mark Herras | IG

Hindi naman nakalimutan ng bagong kasal na ibahagi sa kanilang mga fans ang buong kanaganapan ng kanilang pag-iisang dibdib. Ang simple ngunit sagradong seremonya ng kasal nila Mark at Nicole ay dinaluhan lamang ng lima nilang kapamilya. Sa kanilang Youtube channel ay mapapanood ang buong kaganapan ng kanilang pagpapalitan ng wedding vows.

Hindi naman maitago nina Mark at Nicole ang kanilang labis na kaligayahan dahil sila’y ganap nang mag-asawa na handang suungin ang anumang hamon ng buhay sa hirap at ginhawa.

Credits: Mark Herras | IG

“We’re really happy with the simple celebration we did. Kaya kami nagpa-civil wedding na with Mayor Belmonte and our ninongs and ninangs is because we wanted to be legal na. So legal na kaming mag-asawa talaga.”

Marami naman ang nagpaabot ng pagbati kina Nicole at Mark sa kanilang matagumpay na pag-iisang dibdib. At ang hangad nga ng kanilang malalapit na kaibigan sa showbiz, ay magsama sila ng puno ng saya at pagmamahalan.

Sina Mark at Nicole ay biniyayaan na ng isang baby boy na isinilang ni Nicole noong January 31, 2021 na binigyan nila ng pangalang Mark Fernando o si Baby Corky.

Credits: Mark Herras | IG

Congratulations to the newlyweds, Mr. and Mrs. Mark Herras and Nicole Donesa-Herras.

Source: Ptama