Ang kusina marahil ang pinakaimportanteng parte ng ating bahay. Dito tayo naghahanda at nagluluto ng pagkain na ating kinakain sa araw-araw. Dito rin natin nakakasama ang ating pamilya upang magsalo-salo magmula umaga, tanghali at gabi. Ang ganitong konsepto ng isang kusina ay matatawag na “a living kitchen”. Kaya naman, ang Architect na si Justine Amor Garcia ay ganitong konsepto rin ang ginawa sa kusina ng aktor na si JC Santos nang magparenovate ito.

Photo Credits: JC Santos| IG

Sa isang panayam sa Real Living, ay ibinahagi ni Architect Justine kung paano niya nilagyan ng disenyo ang kusina ni JC na talaga namang nagustuhan ng aktor. At para nga sa pamilya ni JC ay isang Bali-inspired design ang naisip ni Achitect Justine para umano magkaroon ng koneksyon ang outdoor at indoor, na ayon sa kanya “is being in harmony with nature”.

Photo Credits: JC Santos| IG

“Bie Cucina (a Kapampangan term translated as ‘Life in the Kitchen’ or a ‘A Living Kitchen’ as we call it) is just approximately about 20 square meters of kitchen space including the dining area,”aniya.

Ang disenyo ng kusina ni JC ay may pinaghalong kombinasyon ng wood at concrete. Kahanga-hanga naman ang resulta nito dahil makikita ang isang malinis, at natural na natural na dating ng kapaligiran.

“The palette used was basically the combination of the natural color of the wood, the rawness of the concrete-finished wall and surfaces, and the subtle color of dark gray for the cabinets.”

Photo Credits: JC Santos| IG

Ipinaliwanag naman nito kung bakit gumamit sila ng concrete-finished texture. At ayon nga kay Architect Justine, ay nais niyang maging organic at natural itong tingnan. Mapapansin rin na halos lahat ng kagamitan na makikita sa kitchen at dining area ay yari sa kahoy. Ito ay nagbibigay ng natural na dating na kahit may halong concrete design ay lulutang parin ang ganda ng wooden design ng kitchen.

Photo Credits: JC Santos| IG

“The use of concrete-finished texture was formulated to look organic and natural… Solid acasia wood [for the dining table] was curated and treated by one of the best teams here in Betis, Pampanga. We take pride in what is ours and innovate ways to showcase them to everyone.” The artwork, that’s made from diverse types of woods, is an export-quality product. The patterns were carefully paced to look as if it were seamlessly curated.”

Photo Credits: JC Santos| IG

Napakaganda naman talagang ng organic Bali-inspired kitchen ni JC na talagang natural ang dating. Napakarelaxing rin ang vibes ng lugar kaya naman tiyak na mag-eenjoy sila ng kanyang partner sa pagluluto at maging sa kanilang masaya nilang salo-salo araw-araw kasama ang kanilang anak.

Photo Credits: JC Santos| IG

“Just enjoy the process every step of the way in building your dream bedroom, kitchen, or home! At the end of the day, it’s nice to live in a house that you yourself know you’ve done your part [in].”

Source: Ptama

Ang aktres na si Dimples Romana ay isang patunay nga ng matagumpay na aktres at negosyante sa industriya ng showbiz. Maliban sa isang pagiging mahusay na aktres, ay abala rin si Dimples sa iba pa niyang mga pinagkakakitaan.

CREDITS: Dimples Romana| IG

Hindi lamang nga sa Pinas nagtayo ng negosyo ang mahusay na aktres, dahil maging sa ibang bansa ay sinimulan na rin niya ang pagbubukas ng isa niyang negosyo. Kamakailan lamang nga, ay masayang ibinahagi ni Dimples ang pagbubukas ng kanyang bagong restaurant sa Singapore na tinawag na Alegria Singapura na ang hatid sa kanilang mga customer ay contemporary non-traditional Latin cuisine.

CREDITS: Dimples Romana| IG

Sa kanyang Instagram account, ay ibinahagi ni Dimples ang mga larawan na kuha sa kanyang bagong bukas na restaurant. Sa caption ng kanyang post, ay pinasalamatan ng aktres ang mga taong nagbahagi ng mga litrato at video nang pumunta sa resto para masubukan ang ganda ng ambience at matikman ang masarap nilang pagkain.

Photo Credits to the owner

“The past week has been a blast as our Team Alegria in Singapore has been experienced and enjoyed by locals and our fellow Filipinos—the food, the ambiance, the drinks. A BIG THANK you to everyone who keeps sending us and tagging us their photos, videos of their food and dining experience. You guys are the best.”

Ang bagong bukas na resto ni Dimples, na agad na dinagsa ng mga customer sa unang linggo ng kanilang pagbubukas ay matatagpuan sa Teck Lim Road, Singapore na handang magbigay serbisyo sa mga customers sa araw ng Martes hanggang Sabado.

Photo Credits to the owner

Kapansin-pansin naman ang ganda ng disenyo ng bagong bukas na resto ni Dimples. Makikita nga dining area ang mutal design nito kung saan masisilayan ang makulay na street life. Ito naman ay idinisenyo ng artist na Kookoo Ramos sa collaboration ng SPAZ. Sa interior design naman nito ay masisilayan naman ang isang Mexican-inspired. Kapansin-pansin naman na ang lugar ay ramdam rin ang Filipino vibe dahil sa paggamit ng rattan.

Photo Credits to the owner

Ang Mayor naman ng Alfonso, Cavite na si Randy Salamat na isa naman sa business partner ni Dimples sa kanyang restaurant sa Singapore ay nagbahagi naman sa Instagram na isa pang branch ng Alegria sa Tagaytay ang kasalukuyang ipinapatayo. At ito naman ay tinawag na Hacienda Alegria na matatagpuan katabi lamang ng Breakfast by Antonio’s.

Photo Credits to the owner

Ito naman ay gawa ng PDP Architects kung saan ang disenyo nito ay pinaghalong Latin at American style kumpara sa ibang branch. Masisilayan rin dito ang ilang wooden design para bumagay sa lokasyon nito. Sa ngayon ay wala pang eksaktong date kung kailan ito magbubukas sa publiko.

Source: Ptama

Sino nga ba ang mag-aakalang ang mag-asawang sina Oyo Sotto at Kristine Hermosa ay hindi naman talaga magkasintahan nang magpropose si Oyo sa kanyang misis na ngayong si Kristine.

Nito lamang ika-1 ng Pebrero ay naging bisita ng TV host na si Toni Gonzaga sa kanyang online show na Toni Talks ang mag-asawang sina Oyo Sotto at Kristine Hermosa, kung saan nga ay natunghayan ng publiko ang kanilang kakaibang love story.

Photo credits: tonitalks | Youtube

Sa nasabing panayam ay nabunyag ang kakaibang marriage proposal ni Oyo kay Kristine. At nabunyag rin sa publiko na bago pala sila maging engaged couple, ay magkaibgan lamang sila at walang relasyon. Sa pagbabalik tanaw nga ni Oyo ay naikwento ng aktor na bagama’t may nararamdaman na siya sa aktres noon, ay hindi raw talaga sila magkasintahan bago magpakasal.

Kwento nga ni Oyo, ay malapit na ang birthday ni Kristine noon nang maisipan niyang mag-propose. Bagama’t nagdadalawang isip, ay dala-dala niya ang kanyang ipinagawang engagement ring para sa aktres sa isang Bible study kung saan ay naroon rin si Tin. Inamin rin ni Oyo na hindi siya sigurado kung itutuloy niya ang proposal dahil hindi pa siya handang lumagay sa tahimik ng mga sandaling iyon.

“Basta dala ko lang ang singsing. Kasi kapag inisip ko, pwede namang hindi ako mag-propose. Gift ko na lang sa kanya… Nakakatawa pero ganu’n talaga ’yong nasa isip ko,” pag-amin niya.

Photo credits: Kristine Hermosa-Sotto | IG

Wala rin daw ideya ang kanyang mga pinsan at ang kanilang Pastor sa kanyang plano na mag-propose kay Kristine. Kaya naman, talagang ikinabigla ng lahat ang naganap na proposal. Bago maganap ang proposal ay pinayuhan pa si Oyo ng kanilang Pastor na pag-isipang mabuti ang gagawing hakbang.

“Sabi ko, ‘Coach, magpo-propose na ako.’ Lahat sila na-shock. ‘Anong magpo-propose? Pinag-iisipan ’yan, bro.’ S’ya bigla ’yong kinabahan, e. Sabi n’ya, ‘Pinag-iisipan ’yan. Wag kang bigla-bigla.’ Sabi ko, ‘Nandito na ’yong singsing, e.’ So, lahat sila na-shock.”

Ngunit, tila nakapagdesisyon na talaga si Oyo na sa mismong birthday ni Tin siya mag-propose para alukin itong magpakasal sa kanya. Nang mga oras nga na kinakantahan ng lahat si Tin ay doon na nga isinagawa ang kanyang plano. Matapos banggitin ang isang nakakaantig na mensahe para sa aktres, ay sinabi niya ang mga katagang “Will you marry me?”, sabay luhod na dala-dala ang matinding kaba sa kanyang dibdib.

“Sabi ko, ‘I want to honor you. Gusto ko lang magpasalamat sa’yo…’ Basta gumanu’n ako sa kanya. Hindi ako umiyak pero kinakabahan ako,” pagbabalik-tanaw pa n’ya.

“‘Sa mga times na na-offend kita, sorry.’ Ganyan, ganyan. Tapos ayon na. ‘Pero may isang tanong lang ako.’ Parang ganu’n. Lumuhod ako tapos nilabas ko ’yong singsing. Sabi ko, ‘Will you marry me?’”

Photo credits: Kristine Hermosa-Sotto | IG

Ikinagulat nga ng lahat ang kanyang ginawa, at si Tin nga ay sobrang nagulat rin dahilan para mag-walk out.

Kwento naman ni Kristine, ay hindi niya talaga inaasahan ang ginawa ni Oyo at ikinabigla niya ito kaya bigla na lang siyang umalis at nagtago pansamantala sa likod ng bahay ni Danica. Sa kabila ng kanyang labis na pagkagulat, habang nagtatago ay taimtim na nagdasal si Tin para gabayan siya ng Diyos sa kanyang magiging kasagutan.

At sa kanyang pagbabalik nga, ay naabutan niya paring nakaluhod si Oyo sa loob ng bahay habang hawak ang singsing at naghihintay ng kasagutan. Dito nga, ay ibinigay ni Tin ang kanyang matamis na “Yes”.

“Nagdasal ako. Nagdasal talaga ako. Sabi ko, ‘Lord, ano ito? Bakit ganito? Hindi naman kami, ah. Bakit s’ya nagpo-propose?’ Sabi ko, ‘God, this is urgent.”

Hindi rin inasahan ng mga taong naroon ang kanyang kasagutan, kaya isip ng mga ito ay napilitan lamang si Tin sa kanyang sagot. Ngunit, tiniyak ng aktres na hindi siya napilitan at bukal sa loob niya ang kanyang naging pasya.

Samantala, sa kanilang pagbabalik tanaw, ay inamin ni Tin na ang kanyang pag “oo” sa alok ni Oyo ang pinakamagandang desisyon na ginawa niya sa kanyang tanang buhay, na wala siyang pinagsisihan.

Photo credits: Kristine Hermosa-Sotto | IG

“Kapag tinitingnan ko s’ya or looking back du’n sa mga naging buhay ko in the past, sabi ko, ‘God, thank You kasi You spared me. Kung hindi mo ako iniwas sa mga wrong decisions in the past or talagang nagmatigas pa ng ulo hindi ito ’yong napangasawa ko. Hindi rin kami magkakaroon ng ganitong anak, ganitong buhay ko. So, no regrets. Sabi ko, ‘Thank You, God.”

Matatandaan na sila Oyo at Kristine ay naengaged noong 2009 at noong 2011 nga ay naganap naman ang kanilang pag-iisang dibdib. Noong nakaraang buwan ng Enero lamang, ay ipinagdiwang ng mag-asawa ang kanilang ika-11 taong pagsasama bilang mag-asawa. Ang kanilang masayang pagsasama naman, ngayon nga ay biniyayaan na ang limang anak, sina Ondrea, Kristian Daniel, Kaleb, Marvin, at Vittorio Isaac.

Nagsimula bilang magkaibigan sina Oyo at Kristine matapos maging magkatrabaho sa pelikulang Enteng Kabisote kung saan gumaganap sila bilang mag-ina noong 2004. Ngunit, sa ikatlong bahagi ng pelikula noong 2006 ay tuluyan nang umibig si Oyo sa napakagandang aktres.

 

Source: Ptama

Enjoy na enjoy ngayon ang pamilya nina Sofia Andres at Daniel Miranda sa kanilang bakasyon sa Spain at Portugal kasama ang kanilang napakacute na baby girl na si Zoe.

CREDITS: Sofia Andres| IG

Noong nakaraang buwan ng Disyembre, ay lumipad patungong Spain ang “La Vida Lena” star na si Sofia Andres kasama ang kanyang boyfriend na si Daniel Miranda, at doon ipinagdiwang ang holiday season kasama ang pamilya nito. At matapos ang masayang pagdiriwang ng holiday season, ay patuloy ang enjoy na paglilibot ni Sofia sa Europe kasama ang kanyang boyfriend at kanilang dalawang taong gulang na anak na si Zoe.

CREDITS: Sofia Andres| IG

Makikita nga sa latest post ni Sofia sa kanyang Instagram na bumisita sila sa Philippine Embassy sa Spain kung saan ay kasalukuyang ambassador ang grandfather ni Daniel na si Philipe Lhuillier. Sa caption ng kanyang post, ay nagpasalamat nga si Sofia sa kanyang boyfriend at lolo nito dahil nakapasyal siya nasabing lugar kasama si Zoe na excited makita ang great grandfather nito.

CREDITS: Sofia Andres| IG

“My baby love was so excited to visit her great grandfather this morning. Thank you danielmirandaa & Tito Philippe for the Embassy tour.”

Sa magkakasunod na post ni Sofia sa Instagram, ay makikita ang kanilang enjoy na pamamasyal sa magagandang lugar sa Madrid, Spain. Matapos naman nilang masilayan ang ganda ng tanawin sa Spain, ay ipinasyal rin nina Sofia at Daniel si Zoe sa Lisbon, Portugal na anim na oras lamang ang layo sa Spain.

CREDITS: Sofia Andres| IG

Makikita naman sa bawat larawan ang saya ng kanilang pamilya sa kanilang pamamasyal sa magagandang lugar na kanilang pinuntahan. Hindi rin siyempre mawala ang kasweetan sa isa’t isa nina Sofia at Daniel na nasilayan rin ng kanilang mga fans sa larawan.

CREDITS: Sofia Andres| IG

Ang aktres na si Sofia Andres ay nakilala ng publiko sa kanyang mahusay na pagganap sa kanyang mga naging proyekto tulad ng Princess and I, She’s Dating the Gangster, Relaks, It’s Just Pag-Ibig, Forevermore, Pusong Ligaw at Bagani. Sa ngayon ay napapanood si Sofia sa Kapamilya teleserye na La Vida Lena kung saan ay ginagampanan niya ang papel bilang Rachel.

CREDITS: Sofia Andres| IG

Samantala, matatandaan naman na lumikha ng ingay si Sofia matapos niyang aminin sa publiko na isa na siyang ganap na ina sa kanyang anak na si Zoe. At ang ama nga nito ay isang car racer na si Daniel Miranda na nagmula sa kilala at napakayamang angkan sa Cebu. Ang pag-amin ng aktres, ay naganap sa mismong pagdiriwang ng Father’s day noong Hunyo 21, 2020 kung saan ay binati niya ang kanyang boyfriend na si Daniel, sa unang beses bilang isang ama.

CREDITS: Sofia Andres| IG

Ngayon nga ay masisilayan sa kanilang pamilya, ang isang napakagandang pamilya na puno ng saya at pagmamahalan. At siyempre, ang pamilya ay binuo ng napakacute na si Zoe na siyang nagbibigay ng saya at kulay sa kanilang pamilya.

Source: Ptama

Si Shaina Garcia Magdayao ay kilala bilang isang mahusay na aktres sa industriya ng showbiz. Siya ay nagsimula sa kanyang karera bilang isang childstar at hanggang sa kasalukuyan ay patuloy paring namamayagpag ang kanyang karera bilang isa sa pinakasikat na artista sa industriya.

CREDITS: Shaina Magdayao | IG

Sa loob ng 25 taong pagiging isang mahusay na aktres sa industriya ng showbiz ay ilang ulit na naparangalan si Shaina dahil sa kanyang angking talento sa pag-arte. Ilan lamang sa mga ito ay FAMAS Award, MMFF Award for Best Supporting Actress at Gawad PASADO Award for Best Supporting Actres.

CREDITS: Shaina Magdayao | IG

Samantala, hindi naman maikakaila na isa si Shaina sa may pinakamagandang mukha sa industriya ng showbiz. Kaya naman hindi na nakapagtataka kung marami ring lalaki ang nabighani sa kanyang taglay na ganda at kanyang napaibig. Nagkaroon nga ng makulay na buhay pag-ibig si Shaina sa kanyang mga nakarelasyon at ang ilan naman ay nalink sa kwarta.

CREDITS: Shaina Magdayao | IG

Unang nakarelasyon ni Shaina ang aktor na si John Prats, kung saan ang kanilang relasyon ay tumagal ng dalawang taon. Nakarelasyon rin ni Shaina ang aktor na si John Lloyd noong 2010 at naging matatag ang kanilang pagsasama sa kabila ng mga kontrobersya na ibinabato sa kanila. Ngunit, tila nga hindi sila ang itinadhana para sa isa’t isa dahil sa huli ay nauwi rin sa hiwalayan ang kanilang relasyon. Nalink rin si Shaina sa ilan pang aktor tulad na naman ni Diether Ocampo, at Sam Milby ngunit mariin itong itinanggi ng aktres. Napabalita rin kamakailan lamang na may relasyon umano si Shaina sa aktor na si Piolo Pascual, matapos maispatang sweet na sweet ang dalawa sa isang bakasyon. Pero hanggang ngayon ay nananatiling tikom ang bibig ng dalawa.

CREDITS: Shaina Magdayao | IG

Sa tagumpay na tinatamasa ni Shaina sa kanyang karera, ay inaasahan na ng marami ang taglay niyang kayamanan. Gaano nga ba kayaman ang isang Shaina Magdayao?

Si Shaina ay magtatatlong dekada nang pinapatunayan ang kanyang husay sa pag-arte kung saan ay napakarami na niyang proyektong nagawa. At sa kaliwa’t kanang proyekto at endoresement ay marami nang naipundar na ariarian at negosyo si Shaina. Ayon nga sa isang website, ang networth ni Shaina ay umaabot ng 2 million dollars o katumbas ng halagang P100 million.

Photo Credits to the owner

Shaina ay kapatid ng aktres na si Vina Morales at sila ay may negosyong beauty salon na tinawag na Ystilo salon. Ang perang kinita ni Shaina sa kanyang pag-aartista ay napunta sa kanyang bahay, sasakyan at isa pa niyang negosyo. Ito nga ang The Organized Chicas kung saan ay nagbebenta siya ng mga bag.

Photo Credits to the owner

Kahanga-hanga naman na ang isang napakayaman na tulad ni Shaina ay bukas palad rin sa pagtulong sa mga nangangailangan. Sa katunayan nga nito, ay tumutulong si Shaina sa ilang NGO at orphanage katulad na lamang ng Hospicio De San Jose na ang layunin ay tulungan at bigyan ng kanlungan ang mga batang iniwan ng kanilang pamilya.

Photo Credits to the owner

Napakabuti naman talaga ng puso ni Shaina na ang hangad ay ang makatulong sa kapwa. Kaya bumuo rin siya ng kanyang sariling foundation na tinawag na Smile Cares Foundation.

Sa kanyang taglay na kagandahan, kayamanan, at kabutihang loob ay talaga namang hindi na nakapagtataka kung madami ang humahanga sa kanya.

Source: Ptama

Bahagi na ng buhay natin ang pagtanda, kaya naman talagang hindi na natin maiwasan ang panahon ng pagdagdag ng ating edad. Sa pagdaan ng panahon ay kailangan natin ng ibayong pag-iingat sa ating kalusugan para maging malakas at malusog ang ating katawan.

Photo Credits: Manilyn Reynes | IG

Sa panahon ngayon na laganap rin ang sakit, ay doble naman ang ating pag-iingat na bukod sa pag-eehersisyo at kumakain rin tayo ng mga masusustansiyang pagkain.

Marami sa mga sikat na artista sa showbiz ang maingat pagdating sa kanilang kalusugan. Katulad na lamang nga ng aktres na si Manilyn Reynes, na ngayon ay nagkakaedad na rin kung kaya’t inaalagaang mabuti ang kanyang sarili.

Photo Credits: Manilyn Reynes | IG

Kamakailan lamang nga sa programang Pinoy MD, isang health and fitness show na mapapanood sa GMA Network, ay ibinahagi ni Manilyn ang sikreto para magkaroon ng malusog na pangangatawan.

Pag-amin ng 49 anyos na aktres na si Manilyn, ngayon na nagkakaedad na sila ng kanyang asawa na si Aljohn Jimenez, ay kailangan na nilang ingatan ang kanilang sarili.

Photo Credits: Manilyn Reynes | IG

“I’m not getting younger, kaming mag-asawa“,ayon kay Manilyn.

Si Manilyn at Aljohn ay 25 taon nang kasal, kung saan nga ay talagang pinagtibay na ng panahon ang kanilang pagsasama at pagmamahalan. Ang kanilang masayang pagsasama sa loob ng 25 na taon, ay biniyayaan ng tatlong anak na pawang mga lalaki na sina Kyle, Kirk, at Kael.

Photo Credits: Manilyn Reynes | IG

Samantala, dahil nga nagkakaedad na ang mag-asawang Manilyn at Aljohn ay hindi naman nila nakakalimutan ang magkaroon ng ehersisyo araw-araw dahil malaki ang naitutulong nito para lumakas at maging malusog ang kanilang katawan. Nagsisilbi namang bonding moments ng kanilang pamilya ang running kung saan nga ay talagang pinaglalaanan nila ng oras.

Photo Credits: Manilyn Reynes | IG

“We find time para sa pamilya kasi importante ’yun. Ang weekends namin, as much as possible, ayokong pinapagalaw talaga. Kasi talagang kailangan mo ’yun. Kasi nga para ’yun sa family.”

Maliban naman sa kanilang family bonding exercise, ay may pansariling exercise ring ginagawa si Manilyn para sa kanyang sarili. At ito ay ang regular ang pagtakbo sa threadmill at paggiling ng baywang sa hula hoop. Ayon sa aktres ay mainam itong cardio exercise na tulad ng running.

“Cardio exercise, you’re moving, nagpapawis ka. Ang mga kasu-kasuan mo nagagalaw mo rin.”

Photo Credits: Manilyn Reynes | IG

Kinagigiliwan rin ni Manilyn ang boxing, kung saan nga ay inamin niya na noon pa man ay mahilig na talaga siya sa boxing. Ang boxing nga ay isa rin sa ehersisyo na pinagkakaabalahan ng aktres para pagpawisan.

“Ako ay boxing fan talaga kahit noon pa. Maliit pa lang ako, nanonood ako ng boxing kasama ang lolo ko.”

Photo Credits: Manilyn Reynes | IG

Maliban naman sa exercise, ay ibinahagi rin ni Manilyn ang isa pa sa sikreto niya para maging healthy ay iwasan ang mastress. Ang stress nga ay malaki ang epekto sa katawan ng tao.

“Mommies, huwag tayong ma-stress! Kailangan maging ganito ako, ngayon na, ngayon na, ngayon na. Kasi pumunta rin ’yun sa isip.”

Source: Ptama

Sa matagumpay na karera na tinatamasa ng aktor na si Piolo Pascual, ay hindi na nga nakapagtataka kung isa siya sa mga artistang sinusubaybayan ng marami. Sa taglay niyang kagwapuhan at natatanging galing sa pag-arte ay talaga namang nakatutok sa kanya ang spot light.

Photo Credits: Iñigo Pascual | IG

Dekada 90 nang magsimula si Piolo sa kanyang karera sa showbiz. Nasaksihan nga ng kanyang mga tagahanga ang kanyang husay pag-arte kung saan, ay nakatanggap siya ng mga parangal na nagpapatunay ng kanyang talento.

Photo Credits: Iñigo Pascual | IG

Maliban naman sa pagiging isang mahusay na artista, ay hindi na rin lingid sa kaalaman ng marami na isa siyang ama sa kanyang anak na si Iñigo Pascual. Si Iñigo ay isa ring aktor, at kilala rin bilang isang mahusay na singer sa industriya ng showbiz. Ngunit, sa tagal namang pagiging ama ni Piolo kay Iñigo ay hindi pa nasisilayan ng publiko kung paano bilang isang ama ang aktor sa kanyang anak.

Photo Credits: Iñigo Pascual | IG

Kaya naman, sa pagsapit ng ika-45 taong kaarawan ni Piolo nito lamang ika-12 ng Enero ay pinatunayan ng kanyang na anak na si Iñigo ang kanyang pagiging isang mabuti at mapagmahal na ama. Sa kanyang Instagram ay ibinahagi ni Iñigo ang magandang relasyon nila ng kanyang ama kalakip ang mga larawan na kuha sa masaya nilang bonding.

Photo Credits: Iñigo Pascual | IG

“Happy Birthday to my father! I chose these photos that show how you are as a father, that people don’t usually get to see,” pagbati ni Iñigo sa kanyang ama.

Sa kanyang post rin ay ipinaabot ni Iñigo ang kanyang pasasalamat sa pag-aalaga nito sa kanya. Maging ang mga lessons at pag-udyok ni Piolo sa binata para mas lalo pang pagbutihin ang sarili ay pinasalamatan rin ni Iñigo. Sa huli, ay ipinaabot rin ni Iñigo ang kanyang pagmamahal sa kanyang ama, at tinapos nga ang mensahe sa isang matamis na “love you”.

Photo Credits: Iñigo Pascual | IG

“Thanks for being so fun and caring. Thanks for all the lessons and for always pushing me to be the best version of myself. Love you!”

Makikita naman sa mga larawang ibinahagi ng 24 anyos na aktor na madalas silang magbonding kung saan nga ay magkasama silang mag-gym o kaya naman ay sumubok ng iba’t ibang sports. Bagama’t, hindi masisilayan sa harap ng camera, ay napag-alaman sa post ni Iñigo na malapit sa isa’t isa silang mag-ama. At ang pagkakaroon nga nila ng magandang relasyon na ngayon lang nasilayan ng madla, ay ikinatuwa naman ng marami nilang tagahanga.

Photo Credits: Iñigo Pascual | IG

Hindi lamang nga isang mahusay na aktor ang hinahangaan ng lahat na si Piolo Pascual, kundi isa ring butihin at mapagmahal na ama sa kanyang nag-iisang anak na si Iñigo.

Source: Ptama