Tuwing sasapit ang kapaskuhan ay hindi nawawala ang mga family gatherings. Tila nga inilaan ang Christmas season para makasama ang ating pamilya at mga mahal sa buhay. Kaya naman, sa araw ng pagdiriwang ng pasko ay sama-sama ang pamilyang Pilipino sa hapag upang pagsaluhan ang masasarap na putaheng inihanda. At hindi siyempre mawawala ang masayang kwentuhan habang sabay-sabay na kumakain.

Kaya naman, hindi pinalampas ng Diamond Star na si Maricel Soriano na magkaroon ng isang masayang Christmas lunch ang pamilya Soriano sa loob ng kanyang tahanan. Ang masayang kaganapan sa kanilang Christmas lunch ay masayang ibininahagi ni Maricel sa isang vlog na mapapanood sa kanyang YouTube channel.

Magmula ng magkaroon ng pandemya, ay matagal ring hindi nagkasama ang kanilang pamilya para magsalo-salo kaya naman makikitang sabik silang makita ang bawat isa. Kompleto nga ang pamilya Soriano sa masaya nilang Christmas lunch. Inimbitahan talaga ng Diamond star sa kanyang tahanan ang kanyang mga mahal sa buhay para magkaroon ng masayang tanghalian.

Makikita na naroon ang pamangkin ni Maricel na si Meryll Soriano kasama ang kanyang anak na si Eli at bunsong anak na si Gido na anak ng aktres sa aktor na si Joem Bascon. Naroon rin ang mga kapatid na si Maricel katulad na lamang ng aktor na si Melchor Soriano o mas kilala bilang si Mel Martinez.

Photo credits: Marcel Soriano | Youtube

Ang napakacute na anak ni Meryll na si Baby Gido, ay naging sentro ng kanilang family gathering. At ang cute na bata nga ay hindi nakaligtas sa panggigigil ng kanyang mga lolo at lola. Ayon naman kay Meryll ay unang beses pa lamang nakita ng kanyang mga tiyahin at tiyuhin ang kanyang anak na si Gido ngayong isang taong gulang na ito.

Photo credits: Marcel Soriano | Youtube

Isang masayang tanghalian naman ang kanilang pinagsaluhan na kung saan ay may kanya-kanya silang dalang pagkain. Ilan sa mga pagkaing kanilang pinagsaluhan ay spaghetti na dala ni Mel, may pasta, may lechong baboy rin at marami pang iba.

Photo credits: Marcel Soriano | Youtube

Photo credits: Marcel Soriano | Youtube

Hindi naman nawala sa kanilang masayang salo-salo ang masarap na kwentuhan at kamustahan. Ang bawat isa nga ay kinamusta ni Maricel, katulad na lamang ng pagkamusta nito sa relasyon ni Meryll sa kanyang amang si Willie Revillame. At ayon nga kay Meryll ay talagang mahal na mahal ng kanyang ama si Baby Gido.

Napuno ng saya at tawanan ang kanilang Christmas lunch, lalo na nga’t hindi sila nauubusan ng kwento. Ayon pa nga kay Meryll, ay talagang napakasaya ng kanilang pamilya sa tuwing sila’y nagkakasama. Hindi naman nakadalo si Joem sa masayang tanghalian dahil abala raw ito sa kanyang trabaho.

Masayang ibinahagi ng bawat isa ang kani-kanilang buhay sa taong lumipas sa kabila ng pagharap sa hamon na dala ng pandemya. At dahil pasko naman, ay hindi rin nawala ang kahilingan ng bawat isa.

Source: Ptama

Sa paglipas ng maraming taon ay tila hindi naman nadagdagan ang edad ng aktres na si Angel Aquino. Masisilayan kasi sa mahusay na aktres na sa kabila ng kanyang edad ngayon na 48, ay lutang na lutang parin ang kanyang taglay na kagandahan na talaga namang napaka-fresh ng dating.

View this post on Instagram

A post shared by Angel Aquino (@imangelaquino)

Sa kanyang taglay na natural na ganda nga ay hindi maikakaila na kabilang siya sa listahan ng may pinakamagandang mukha sa industriya ng showbiz. Ngunit, ang mas kahanga-hanga dito, ay aakalain na nasa late 20’s lamang ang hitsura ng aktres sa kabila ng kanyang edad.

View this post on Instagram

A post shared by Angel Aquino (@imangelaquino)

Si Angel ay maagang nagsimula sa kanyang karera sa showbiz. Siya ay nadiskubre ng direktor na si Jeffrey Jeturian sa isang mall noong 19 taong pa lamang siya. Dahil nga sa kanyang taglay na ganda at tangkad ay inalok muna siyang maging beauty queen. At nang magkaroon nga ng oportunidad na pasukin ang showbiz ay hindi na nga ito pinalampas pa ni Angel.

View this post on Instagram

A post shared by Angel Aquino (@imangelaquino)

Dahil sa kanyang taglay na ganda at talento sa pag-arte, ay namayagpag nga ang karera ni Angel. Ngunit, dumating naman sa puntong nabuntis siya ng hindi inaasahan sa edad na 19. Kaya naman, pansamantalang nahinto siya sa pag-aartista. Hindi naman naging hadlang sa kanyang karera ang kanyang pagkakaroon ng anak. Sa kanyang pagbabalik showbiz nga, ay marami siyang ginawang proyekto at hanggang sa kasalukuyan ay patuloy na namamayagpag ang kanyang karera.

View this post on Instagram

A post shared by Angel Aquino (@imangelaquino)

Isa sa mga huling proyekto ni Angel ay ang mapabilang sa long time running show ng ABS-CBN na FPJ’s Ang Probinsyano. Pinabilib rin niya ang publiko hindi lamang sa kanyang husay sa pag-arte kundi pati na rin sa kanyang taglay na ganda at kaseksihan, na talaga namang young looking nang maging leading lady siya ng aktor na si Tony Labrusca sa kanilang 2018 hit movie na Glorious.

View this post on Instagram

A post shared by Angel Aquino (@imangelaquino)

Sa nasabing pekilula ay hindi aakalain na nasa 40’s na si Angel dahil kung pagmamasdan nga ay bumagay ang kanyang awra sa mas bata sa kanyang si Tony. Kaya naman, talagang maraming manonood ang humanga at napa-wow lalo na sa mga maiinit nilang eksena.

Samantala, makikita naman na aktibo rin si Angel sa social media. At makikita nga sa kanyang Instagram ang kanyang mga kahanga-hangang larawan kung saan makikita ang kanyang taglay na kagandahan at kaseksihan. Kahit nga 48 taong gulang na ang aktres ay hindi maikakaila ang young looking at fresh na fresh na awra ni Angel sa mga larawan.

May dalawang anak na rin si Angel at pawang mga dalaga na nga ngunit hindi aakalain sa kanyang katawan na may anak na siya dahil napanatili niyang fit at seksi ang kanyang katawan. Dahil nga dito, ay talagang inuulan ng paghanga at papuri ang bawat larawan na kanyang ibinabahagi sa social media.

Source: Ptama

Hindi na nga mawawala sa mga sikat na artista sa showbiz ang ilaan sa mga mahahalagang bagay ang kanilang kinikita mula sa kanilang trabaho. Maliban nga sa pangarap na makilala at maging isang sikat na artista industriya ng showbiz, ay marami ring artista ang nangangarap na makapagpundar ng iba’t ibang klase ng ari-arian.

Credits: Sophie Albert and Vin Abrenica | YT

Tinitiyak nga nila na ang bawat sentimo na kanilang pinagpaguran ay may pupuntahan. At tayong mga tagahanga naman ay hindi natin pinapalampas ang pagkakataon na masilip ang mga bagay at ari-arian na kanilang naipundar na naghahatid sa atin ng inspirasyon para tayo’y magsumikap rin sa buhay.

Katulad na lamang nga ng napakagandang aktres na si Sophie Albert na nakapagpundar ng isang napakaganda at nakakarelaks na beach house. Marami naman talaga ang naghahangad na magkaroon ng beach house lalo na’t ito ang hanap ng marami pagsapit ng summer season para magbakasyon.

Credits: Sophie Albert and Vin Abrenica | YT

At kamakailan lamang nga sa bagong vlog na mapapanood sa Youtube channel ng magkasintahang Sophie Albert at Aljur Abrenica ay kanilang ipinasilip ang nasabing napakagandang beach house sa matatagpuan sa Batangas.

Dito na rin naisipang magbakasyon ng kanilang pamilya kung saan nga ay makikitang nag-enjoy talaga sila. Sa nasabing vlog, ay ibinahagi ni Sophie na noong ginagawa pa lamang ang beach house ay halos linggo-linggo silang bumisita dito. Ngunit dahil sa pagiging abala sa trabaho at hindi inaasahang pagdating ng pandemya ay madalang na lamang silang makabisita dito.

Sa unang bahagi ng video ay agad ipinakita ang kabuuan ng beach house kung saan masisilayan ang ganda nito. Kapansin-pansin rin na napakaaliwalas ng lugar at napakaganda rin ng tanawing masisilayan dito. Abot tanaw rin sa beach house ang gandang taglay ng Matuod Beach.

Credits: Sophie Albert and Vin Abrenica | YT

Ibinahagi naman ni Sophie ang kwento sa likod ng Matuod Beach. Ayon nga sa aktres, ang pangalan ng Matuod Beach ay hango umano sa kadahilangang ang tubig dagat ay nananatiling hanggang tuhod lamang kahit gaano pa kalayo ang lakarin mula sa dalampasigan.

May mahalagang papel naman sa buhay nina Sophie at Vin ang beach house na ito. Isang memorable moment dahil sa nasabing beach house lang naman nag-propose si Vin kay Sophie. Naikwento rin ni Sophie na tinawag ng kanyang ina ang beach house na Balai Hilom, kung saan nga ay nangangahulugang “healing house”.

Credits: Sophie Albert and Vin Abrenica | YT

Ibinahagi rin ni Sophie ang kanyang pinakapaboritong spot sa beach house. At ito nga ang Cabana kung saan sila madalas magsama-sama ang kanilang pamilya para magkaroon ng masayang bonding.

Isang magandang investment naman talaga ang magkaroon ng sariling beach house, dahil hindi lamang ito para kay Sophie kundi pati na rin sa kanilang pamilya. At sa nasabing beach house nga ay marami pa silang mabubuong masasayang alaala.

Source: Ptama

Ikinatuwa ng mga residente ng Ilocos Sur ang biyayang dumating sa kanila matapos mamudmod ng limpak-limpak na salapi sa kanyang mga kababayan ang Mayor ng Narvacan na si Chavit Singson.

Photo Credits to the Owner

Kilala na si Luis Crisologo Singson o mas kilala ng lahat bilang si Chavit Singson bilang isa sa pinakakilala at pinakamayamang politiko sa bansa na nagmula sa Ilocos Sur. Ang kanyang taglay na yaman nga ay talagang kahanga-hanga kung saan ay napakaraming properties at maging negosyo.

Photo Credits to the Owner

Sa kabila naman ng taglay niyang kayamanan ay hindi siya nakakalimot na ibahagi sa iba ang biyayang kanyang natatanggap. At kamakailan lamang nga, ay pinagkaguluhan ng mga residente ng Ilocos si Chavit matapos mamudmod ng limpak-limpak na salapi gamit ang isang gold gun.

Photo Credits to the Owner

Matapos ibahagi sa kanyang official Facebook account ang video kung saan makikitang nagpapaagaw ng pera ay agad itong nagviral sa social media. Makikita kasing gamit ang isang gold gun na bumubuga ng perang nagkakahalaga ng 100, 500 sa kanyang mga kababayan na kanyang pinamumunuan. At dahil nga sa pagpapaagaw niya ng pera ay hindi maiwasan ng mga tao ang magsigawan at magkagulo. Ang iba pa nga ay nagkakandarapa pa para lamang makakuha ng pera.

Hindi nga maiwasan ng mga netizens ang magbigay ng komento matapos mapanood ang video. Tila nga isang action movie ang nasaksihan ng netizens, ngunit imbes nga na bala ng baril ang lumabas sa hawak na baril ni Chavit ay limpak-limpak na pera ang lumalabas sa kanyang gold gun.

Makikitang umakyat pa ng sunroof ng kanyang sasakyan na Hummer si Chavit at hinila ang gatilyo ng baril. Ang mga residente naman ay makikitang nakaabang sa malalaglag na pera mula sa gold gun na hawak ng politiko.

Photo Credits to the Owner

Hindi naman nakaligtas sa mata ng mga netizens ang ginawa ni Chavit. Magkahalong reaksyon nga ang naging komento ng mga netizens na kung saan ay may natuwa at mayroon rin namang hindi nagustuhan ang ginawa ni Chavit.

“Sana all.”

“Sana ibigay nang maayos.”

“Ginawang timawa ang mga tao.”

“Panis si Pacquiao.”

Photo Credits to the Owner

Dinepensahan naman ng mga kaalyado ni Chavit ang kanyang pamumudmod ng pera. Hindi daw dapat batikusin ang paraan nito ng pamamahagi ng pera sa mga tao dahil katuwaan lamang ito. At dahil nga namamayani ang diwa ng kapaskuhan at pagbibigayan ay nais lamang raw ni Chavit na bigyan ng kaligayahan ang mga taong kanyang nasasakupan sa pamamagitan ng pagpapaagaw ng pera.

Ang papaulan ng pera ni Chavit sa mga residente ng Ilocos Sur ay naganap nito lamang ika-28 ng Disyembre sa paggunita ng Niños Inocentes o Feast of the Holy Innocents.

Source: Ptama

Kung ang ibang bata tuwing bakasyon ay naglilibang at nag-eenjoy sa paglalaro, ang batang estudyante mula sa Benguet ay walang oras para sa bakasyon dahil gumagawa siya ng paraan para makapag-ipon ng pera na pantustos sa kanyang pag-aaral sa darating na pasukan.

Hinangaan ng marami ang kwento ng batang si Jessie Almoza, dahil ang nagiging bakasyon niya ay ang pagbababad sa tabi ng kalsada ng Sitio Camisong ng Loacan, Itogon, sa Benguet. At ang sadya ni Jessie kung bakit nasa kalsada siya ay para mag-abang ng motorista o sinumang dadaan na maaari niyang pagbentahan ng kanyang tindang kabute. Isang variety ng organic mushroom ang ibinibenta ni Jessie na tinatawag sa Benguet na “boo”.

Sa post ng Facebook page na The LOStories unang nasilayan ang larawan ni Jessie noong Hunyo 18, 2020 na makikitang nasa gilid ng daan ang noon ay sampung taong gulang na bata habang nagtitinda ng kabute. Makikita na may maliit na pwesto si Jessie sa gilid ng kalsada na nilagyan ng trapal para may magsilbi siyang panangga sa init ng araw.

Dahil nga sa kalunos-lunos na sitwasyon ng bata, para lamang kumita ng pera at maipangtustos sa kanyang pag-aaral, ay agad na nag-viral ang larawan ni Jessie at inulan ng papuri at paghanga mula sa publiko.

Matapos mag-viral, ay nakuha rin ni Jessie ang atensyon ng media at naitampok nga ang kanyang kwento sa TV Patrol North Luzon-Baguio noong Hunyo 22, 2020. At sa nasabing panayam ay ibinahagi ni Jessie ang kanyang pagsisikap at kasipagan para makapag-ipon ng pera sa darating na pasukan.

Si Jessie ay nagmula sa mahirap na pamilya kung kaya’t lahat ng paraan na maaaring pagkakitaan ay kanilang sinusubukan. Sa murang edad ay mulat na si Jessie sa kahalagahan ng pera at pag-iipon. Katulong naman ni Jessie ang kanyang ina at kapatid na babae kung saan, ang mga ito ay maagang gumigising para manguha ng kabute sa kabundukan na ititinda ni Jessie.

Ayon nga sa masipag na bata, ay nagtitinda siya ng kabute para makaipon siya ng perang pambili ng mga gamit sa school para sa darating na pasukan.

“Gagamitin ko po para makapang-ipon ng pera, para makabili ng gamit ko sa school.”

Ito rin ang kwento sa panayam ng kapatid ni Jessie na si Geta Wadwadan.

“Kami po iyung naghahanap, ‘tapos sila po iyong nagbebenta. Iyong mga pinagbentahan, iniipon nila para sa pasukan po. Gamit nila sa eskuwela po.”

Dahil apektado rin ng pandemya ay kakaunti lamang ang dumadaang sasakyan sa lugar kung nasaan si Jessie. Ngunit, may ilang customer naman na pamilyar na sa pwesto ni Jessie. Katulad na lamang ng motoristang si Ryan na nakapanayam pa ng TV Patrol nang bumili ng kabute.

“Maganda rin naman po. Na meron silang ginagawa habang wala silang pasok. Dati-rati pag ganitong season, merong ganyan na ibinebenta dito.”

Samantala, samu’t sari naman ang reaksyon ng netizens sa ginagawang ito ni Jessie para lamang matustusan ang kanyang pag-aaral. Bagama’t, maganda nga itong gawin habang bakasyon, ay marami rin ang nag-aalala para sa kalusugan ni Jessie lalo na ngayong panahon na laganap ang sakit.

May nagpanukala naman na sana raw ay maglagay ng karatula si Jessie para agad na mapansin ng mga dumaraan ang kanyang panindang kabute. May isang komento naman na nagpakita ng pagsuporta sa mga kagaya ni Jessie.

“That’s why we buy from these street vendors our vegetables, not from the rich malls. Empathy with action!”

Source: Ptama

Hindi maikakaila na ang angkan na ating pinagmulan ay malaking bahagi ng ating pagkatao. Masarap naman talagang balikan ang pinagmulan ng bawat pamilya dahil dito natin malalaman ang klase ng pamilya na ating pinagmulan.

Credits: Karla Estrada | IG

Kaya naman, ang aktres na si Karla Estrada ay proud na ibinahagi sa publiko ang kanyang angkang pinagmulan. At ito nga ang lolo at lola ng kanyang tatlong anak na sina Daniel Padilla, Carlito at Magui. Sa isang post sa Instagram ay may pagmamalaking ipinakilala ni Karla sa publiko ang lolo at lola ng kanyang mga anak.

Sa kanyang post, ay ibinahagi ng TV host ang lumang larawan ng lolo at lola ng kanyang mga anak, kung saan ay inihambing niya sa larawan ng kanyang mga anak. At mapapansin nga na may hawig sa kanilang lolo at lola ang tatlong anak ni Karla.

Credits: Karla Estrada | IG

Ayon naman kay Karla, ang Lolo Jose nina Daniel at Jose Carlito ay dating Gobernador ng Bulacan kung saan ay nanungkulan mula taong 1928-1931 at muling nahalal noong 1934-1937.

“Mga momshie eto naman ang Great Grandfather ng mga anak ko na sina Daniel Padilla at Jose Carlito. Ang Lolo Jose nina Daniel at Jose Carlito ay naging Gobernador ng Bulacan noong 1928-1931 at muling nahalal noong 1934-1937,”saad ni Karla.

Dagdag pa nga ni Karla, marahil raw ay sa kanilang Lolo Jose nakuha ng kanyang dalawang binatang anak na sina Daniel at Carlito ang pagiging makatao, maprinsipyo at pagiging matulungin. Tila nga, hindi naman na ito maikakaila dahil ang sikat ma si Daniel ay hinahangaan ng marami dahil sa magagandang katangian. Ito ay

“Alam na natin saan nanggaling ang pagiging makatao, maprinsipyo, matulu hin at may puso sa kapwa sina supremodp at sprakenheighten. Ito ay nananalaytay sa dugo at katauhan ng kanilang mga ninuno na naipasa sa bawat henerasyon ng PAMILYA PADILLA.”

Credits: Karla Estrada | IG

Samantala, kung ang dalawang binatang anak ni Karla na sina Daniel at Carlito ay may pinagmanahan sa angkan ng Padilla, ang dalagang anak naman ni Karla na si Magui ay hindi rin magpapahuli. Ayon nga kay Karla, ang taglay na kagandahan at katalinuhan ni Magui ay namana nito sa kanyang Lola Carmen Planas na tinaguriang Manila’s Darling.

View this post on Instagram

A post shared by KARLA ESTRADA (@karlaestrada1121)

“Mga Momshies, alam niyo ba kung kanino nagmana ng beauty and intelligence itong daughter ko na si Magui? Well, bukod sa akin.. hehe mukhang sa great grandmother niya rin ito nakuha. Aba apo lang naman sa tuhod ni Ms. Carmen Planas si Magui. Si Ms. Carmen Planas po ang tinaguriang Manila’s Darling at ang unang babaeng nahalal sa Capital City Municipal Board ng City of Manila.”

Proud na proud nga si Karla na ipinakilala ang kanyang Lola Carmen. Dahil nga, bukod sa taglay nitong kagandahan ay maganda rin ang karera nito bilang isang abogado, at pulitiko. Kaya naman, umaasa rin si Karla sa susunod sa yapak ng kanyang Lola Carmen ang kanyang anak na si Magui.

 

View this post on Instagram

 

A post shared by KARLA ESTRADA (@karlaestrada1121)

Credits: Karla Estrada | IG

“Bongga! Isang huwarang abogado, pulitiko at nagseserbisyo sa bayan! San ka pa? Ang wish ko lang, sana sa susunod na henerasyon, masundan ni Magui ang mga yapak ng kanyang Lola Carmen. Go Magui! PLS READ THE BIO OF HON. CARMEN PLANAS. Astig!! Nakakaproud maging BABAE.”

Source: Ptama

Agaw pansin ngayon sa social media ang bunsong anak ng aktres na si Diana Zubiri na si Baby Amira. Sa taglay na ganda at kacutan ni Baby Amira ay talaga namang maraming humahanga. Ngunit,mas lalong hinahangaan ng marami ang kakaibang kulay ng mata ng cute na bata.

Credits: Diana Zubiri | IG

Si Baby Amira ay isang taong gulang pa lamang at tila isang manika ang taglay nitong ganda. Ang captivating eyes nitong kulay green-gray ay agad na napapansin dahil sadyang napakaganda nito at bumagay naman ito sa kanyang magandang red hair.

Hindi naman maikakaila na isang proud mommy si Diana sa kanyang anak. At sa kanyang social media nga ay masisilayan ang mga cute and adorable photos ni Baby Amira. At masisilayan nga sa mga larawan ang isang napakagandang bata na maihahalintulad sa ganda na taglay ng isang manika. Bukod sa kanyang kakaibang kulay ng mata, ay agaw pansin rin ang kanyang pink lips na kahit hindi nakangiti sa ilang larawan ay napakaganda parin.

Credits: Diana Zubiri | IG

Ang larawan ni Baby Amira na napakagandang pagmasdan ay nilakipan naman ni Diana ng may pagbibirong caption.

“Caption this please. Nakatakas lang ako sa ate ko, papunta kaming tindahan para bumili ng chicharon. Ako lang to guys. Silaw sa araw.”

Hindi nga tumagal ay dinagsa na ito ng mga komentong puno ng paghanga mula sa mga netizens. At sa loob lamang nga ng 30 minuto ay umabot na ng 1K reactions mula sa mga netizens at maging mula sa mga kaibigan ni Diana sa show.

Credits: Diana Zubiri | IG

Ilan nga sa mga celebrities na nag-iwan ng komento sa napakacute na larawan ni Baby Amira ay si Iwa Moto na talagang namangha sa taglay na ganda nito.

“OMG, Napakaganda,”komento ni Iwa.

Nagbigay rin ng komento ang Encantadia director na si Mark Reyes kung saan ay nagsabing “Sanggre levels”. Matatandaan na gumanap ang aktres na si Diana sa fantaseryeng Encantadia ng GMA network bilang si Sangre Danaya. Nag-iwan rin ng komento ang singer-actress na si Jessa Zaragosa at sinabing pang “supermodel levels” ang dating ni Baby Amira.

Credits: Diana Zubiri | IG

Bumuhos rin ang komento mula sa mga netizens sa taglay na ganda at kacutan ni Baby Amira.

“She’s like a doll. Stunningly beautiful.”

“pashneya anak siya ni LilaSari, isa siyang hator. Char lang, cutie baby.”

“I watched her blog super simple family, very happy for mrs diana for finding true love and hapiness again.”

“beautiful baby girl with her pretty eyes”.

Credits: Diana Zubiri | IG

Si Baby Amira ay pangatlong anak ni Diana sa kanyang asawang si Andy Smith. At makikita sa social media post ng aktres na masayang ipinagdiwang ng kanilang pamilya ang pasko sa Australia.

Source: Ptama