Ang aktres na si Angel Locsin ay nakilala ng publiko hindi lamang dahil sa kanyang taglay na kagandahan at kaseksihan kundi pati na rin sa kanyang husay sa pag-arte. Sa katunayan nga nito, ay maraming proyekto ang kanyang nagawa na nagpatunay ng kanyang talento. Ngunit, ang higit na tumatak sa mga manonood ay ang pagganap niya bilang Darna.

Hindi lamang nga hanggang telebisyon ang pagiging superhero ni Angel, dahil sa tunay na buhay ay madalas rin niyang ipamalas ang kanyang kabutihang loob at pagiging matulungin sa mga nangangailangan. At gaya ng isang superhero, ay walang pinipili si Angel dahil hangga’t may pagkakataom ay handa siyang magpaabot ng tuloy kahit kanino.

Isa nga sa mapalad na nakaranas ng taglay na ginintuang puso ni Angel matapos tulungan ay ang aktor at komedyante na si Janus del Prado. Sa isang post sa Instagram ay ibinahagi ni Janus ang ginawang pagtulong ni Angel sa kanya para patunayan sa mga bumabatikos sa aktres kung gaano ito kabuting tao. Makikita sa IG post ng aktor, na kanyang ibinahagi ang larawan kasama ni Angel, at dito nga ay inilahad ni Janus kung paano siyang tinulungan ni Angel noong 2014 nang magkasakit siya.

“Sa mga bumabatikos sayo at gusto kang tapusin, paps. Wag mo na lang silang pansinin. Kilala ka naman ng mga taong malapit sayo at yung pagtingin namin sayo ang importante. Sabi nga ng mga trolls at bashers, pakitang tao ka lang daw. Pero di nila alam na madami ka natutulungan na di nababalita. Gaya ko, paps.”

Ayon nga kay Janus, noong 2014 nang magkatigdas siya ay tanging si Angel lamang ang nag-iisang tao sa showbiz na nag-alok sa kanya ng tulong.

“Naalala ko dati nung nagkatigdas ako way back 2014, ikaw lang sa mga kakilala ko sa industriya ang nag-offer ng tulong at malasakit.”

Dagdag pa nga ni Janus, ay si Angel pa raw mismo ang nagbayad ng kanyang hospital bill. At kahit nga raw nakaquarantine siya noon sa hospital dahil sa kanyang sakit ay nagpumilit parin ang aktres na bisitahin siya nito.

“Sinagot mo na nga ang hospital bill ko, nagpumilit ka pang dumalaw kahit bawal dahil nakaquarantine ako sa hospital. Hehe. Baliw ka talaga.

Dahil nga sa hindi makakalimutang kabutihan sa kanya ni Angel, ay labis nga ang pasasalamat si Janus sa aktres. At dito nga ay pinatunayan ni Janus na isa talagang mabuting tao at tapat na kaibigan si Angel.

“Salamat sa malasakit at sa pagkakaibigan. Sa mga nagsasabing NPA ka, di lang nila alam ang totoo na, NBA ka. Turn around fade away drunk. Labyu paps.”

Hindi naman nakaligtas kay Angel ang post na ito ni Janus, at nang makita nga ng aktres ay agad itong nag-iwan ng komento kung saan pinasalamatan niya ang aktor sa pagtatanggol sa kanya.

“Naiyak naman ako sa pa-tribute mo, paps! Salamat sa pagtatanggol.”

Source: Ptama

Ang pamilya ng mag-asawang Manny Pacquiao at Jinkee Pacquiao ay isa nga sa kinikilalang pinakayaman sa bansa. Kaya naman, hindi na nakapagtataka kung nakatira sila sa isang bahay na napakaganda at napakalaki.

Ang tagumpay nga ni Manny sa larangan ng boksing ang nagdala sa kanya para mabigyan ng magandang buhay ang kanyang pamilya. At ang marangyang buhay ay tinatamasa rin ng kanyang mga anak ngayon.

Napakapalad nga sa lahat ng bagay ng limang anak nina Manny at Jinkee na sina Emmanuel Jr. (Jimuel), Michael Stephen, Mary Divine Grace (Princess), Queen Elizabeth (Queenie) at Israel. At kamakailan lamang nga, ay ipinasilip ng panganay na anak nina Manny at Jinkee na si Jimuel ang kanyang napakaganda at maaliwalas na kwarto na maihahalintulad ang ganda ng isang condo.

Pagpasok pa lang nga sa loob ng silid ni Jimuel ay agad na bubungad ang malawak nitong espasyo. Hindi lamang nga maituturing na isang silid tulugan ang kwarto ni Jimuel dahil masisilayan rito ang kompletong mga kagamitan na tila nga nasa loob ng condo.

Photo credits: Jimuel Pacquiao | Youtube

Photo credits: Jimuel Pacquiao | Youtube

Photo credits: Jimuel Pacquiao | Youtube

Dahil nga, ang hanap talaga ni Jimuel ay magpahinga at mag-enjoy habang nasa loob ng kanyang silid, kung kaya’t makikita rito ang isang gaming set na may kasama pang X Box pati na rin personal computer.

Photo credits: Jimuel Pacquiao | Youtube

Sa loob rin ng kanyang kwarto ay matatagpuan ang kanyang sa sariling walk-in closet kung saan nakatago ang kanyang napakaraming kagamitan at damit. Isa naman sa agaw pansin sa walk-in closet ni Jimuel ay ang kanyang kahanga-hangang koleksyon ng mga sapatos na talaga namang mamahalin at magara ang dating.

Photo credits: Jimuel Pacquiao | Youtube

Photo credits: Jimuel Pacquiao | Youtube

Samantala, ipinagmalaki naman ni Jimuel ang mga tropeyo at medalya na kanyang natanggap mula sa kanyang mga amateur matches. Ipinakita rin ni Jimuel ang kanyang paboritong unan na regalo sa kanya ng kanyang ina na si Jinkee na kanyang itinago.

Matapos namang masilayan ng netizens ang ganda ng silid ni Jimuel, ay umani ito ng positibo at puno ng paghangang komento. Karamihan nga sa mga ito ay nagsabi na isang tunay na rich kid si Jimuel dahil sa mga kahanga-hangang bagay na makikita sa loob ng kanyang silid.

“RK shows what he’ve got inside his fancy room. I am happy for him but never got insecured. They deserve it for his dad been through a lot and worked a lot to get what where they are now.”

“OMG. This is what you called RICH KID. Super humble niya pogi pa ng batang ito. Blue this if you agree. Small youtuber here.”

Source: Ptama

Hindi nga maikakaila ang tagumpay na tinatamasa ng sikat na personalidad at mahusay na dermatologist na si Dr. Vicki Belo. At siya nga ang takbuhan ng mga sikat na artista sa showbiz para mas lalong gumanda at maging kaaya-aya ang hitsura.

Ngunit, lingid sa kaalaman ng marami sa likod pala ng katauhan isang masayahin at matagumpay na si Dr. Vicki Belo, ay nakatago ang mapait niyang karanasan mula pa noong pagkasilang sa kanya.

Photo credits: google.com

Kamakailan lamang, ay nagkaroon ng pagkakataon na makapag-usap ang matagal nang magkaibigan na si Dr. Vicki Belo at Ogie Diaz sa vlog ng huli. At dito nga, ay naikwento ni Dr. Vicki Belo ang dahilan kung bakit sa tuwing sasapit ang kanyang kaarawan ay ayaw niyang binabati siya.

Kung tutuusin nga, ang pagdiriwang ng kaarawan ang isa sa pinakaimportanteng yugto ng ating buhay na dapat nating ipagpasalamat. Ngunit hindi gaya ng marami, ito ang pinakaayaw na araw ni Dr. Belo dahil sa napakasakit at napakapait niyang karanasan sa buhay.

Photo credits: google.com

Hindi nga napigilan ni Dr. Belo ang maging emosyunal matapos siyang tanungin ni Ogie kung bakit hindi siya binabati sa tuwing sasapit ang kanyang birthday. At dito na nga isinilawat ni Dr. Belo ang kanyang pagiging ampon.

Kwento nga ni Dr. Belo, ay panglimang anak siya sa siyam na anak ng kanyang tunay na ina. Ngunit, noong nasa sinupupunan pa palang siya ay tila nga nakatadhana na siyang ipaampon ng kanyang ina. Ayon pa kay Dr. Belo, sinabi raw ng kanyang ina na kapag babae ang dinadala sa sinapupunan ay ipamimigay ang sanggol, at nataon naman na nang mga sandaling iyon ay siya ang ipinagbubuntis ng kanyang tunay na ina.

Photo credits: google.com

Sa bawat katagang binibitawan ni Dr. Belo, ay talagang damang-dama ang pait at sakit ng kanyang nakaraan. Pagbabahagi pa niya, kahit nga raw noong isinilang siya ng kanyang tunay na ina, ay hindi man lang siya nito hinawakan.

“Nung pinanganak ako, never akong hinawakan ng nanay ko. In my head… parang ipinanganak ka pa lang, ipinamigay ka na,”emosyunal nitong pahayag.

Pagbubunyag pa nito, tumatak na sa isip niya ang kanyang pagiging ampon, at hindi nakaramdam ng pagmamahal kung kaya’t ayaw niyang binabati siya tuwing sasapit ang kanyang kaarawan.

“So when I think of that since I have so many issues about adoption about not being good enough, about not being lovable… I don’t like to be greeted.”

“My mom and dad gave me on my birthday,”mapait pang sambit ni Dr. Belo.

Photo credits: google.com

Photo credits: google.com

Ayon pa kay Dr. Belo, sa tuwing sasapit ang kanyang kaarawan ay nanunumbalik sa kanyan ang sakit at pait ng kanyang nakaraan. Kaya naman, mas gusto niya na hindi siya binabati tuwing birthday niya. At ang hindi pagbati sa kanyang kaarawan, ay ang pinakamagandang regalo na kanyang matatanggap.

“I just ignore… so the best gift that you can give me is not to greet me.”

Source: Ptama

Kilala na ng publiko ang aktres at tinaguriang Queen of All Media na si Kris Aquino, hindi lamang bilang isang mahusay na aktres kundi isa ring kilalang TV host. Hindi naman maikakaila na namumuhay sa marangyang buhay si Kris at ang kanyang dalawang anak na sina Bimby at Josh.

Credits: Kris Aquino | YT 

Sa katunayan nga nito, ay nanirahan ang mag-iina sa iba’t ibang condominium sa lungsod. Ngunit, kamakailan lamang nga ay nagpasya si Kris na manirahan sa isang napakaganda at maaliwas na bahay na kanyang ipinasilip sa isang vlog kasama ang kanyang anak na si Bimby.

Sa front door pa lamang nga ng bahay ay masisilayan na ang ganda nito. Makikita na paboritong kulay ni Kris ang kanyang ipinalagay na disenyo sa front door. At ayon pa nga kay Kris, ay mabuti na lamang na pumayag ang kanyang two boys, na ito kanyang ilagay na disenyo.

Credits: Kris Aquino | YT 

Pagsapit naman sa dining area, ay makikita rito ang puting dining table kung saan ay may magandang carving. Makikita rin dito ang isang malaking flat screen TV na kung saan ay konektado agad sa YouTube. Kapansin-pansin naman ang kalinisang masisilayan sa dining area.

Samantala, may nakalaan ring beauty room si Kris para sa kanyang sarili. Dahil nga isang kilalang personalidad sa showbiz kung saan hindi nauubusan ng proyekto, ay kinakailangan ni Kris na laging nakaayos para sa kanyang trabaho. Kaya naman, imbes na magpasalon para magpamake-up o magpaayos ng buhok, ay nagpasadya na siya nito sa loob ng kanilang bahay. Dito nga makikita ang isang shampoo bowl, mga aparador na nagsisilbing lagayan ng iba’t ibang produkto sa pagpapaganda. Ngunit, ayon kay Kris ay ginawa na rin niyang study area ni Bimby ang beauty room dahil kapag kailangan na siyang ayosan ay hindi pa raw tapos sa kanyang home schooling ang kanyang anak.

Credits: Kris Aquino | YT 

Agaw-pansin naman ang ganda at laki ng swimming sa bahay ni Kris. Sa ganda nga nito, ay tila nag-aanya ito sa mga nais maligo. May makikita ring hot tub sa bahay ni Kris kung saan nga ay paborito rin nilang gamitin lalo na kung gabi dahil sa gandang hatid ng iba’t ibang kulay ng ilaw nito.

Credits: Kris Aquino | YT 

Magkasama naman sa iisang silid sina Bimby at Josh. Maliban nga sa dalawang single bed na makikita dito, ay may sarili ring walk-in closet ang kanilang silid kung saan nakatago ang napakarami nilang damit at kagamitan. May sarili ring banyo ang silid nina Bimby at Josh na may bathtub na kung saan ay may locker-room inspired design.

Sa entertainment area ay tiyak na mag-eenjoy ang mag-iina dahil makikita rito ang isang malaking TV at mga video game machine. At kung sakali mang makaramdam ng gutom habang naglalaro, ay may nakahanda ring mga pagkain dito.

Credits: Kris Aquino | YT 

Hahangaan naman ang ganda, linis at aliwalas ng kitchen area ng bahay ni Kris. Mapapansin nga na nakaayos ng mabuti ang bawat kagamitan sa kanilang mga lagayan. Makikita rito ang mga appliances gaya ng refrigerator. May aparador rin dito kung saan nakalagay ang koleksyon ng kanyang tea cups, at magagandang gamit sa pagluluto.

Source: Ptama

Marami ang humahanga sa aktres na si Ellen Adarna dahil sa kanyang taglay na kagandahan at kaseksihan. Ngunit, hindi lamang nga ito ang maipagmamalaki ni Ellen, dahil bukod sa maganda niyang mga katangian, ay tila napakapalad rin niya sa buhay dahil nagmula siya sa mayamang angkan sa Cebu.

Credits: Ellen Adarna | IG

Ang pamilya ni Ellen ay isa sa pinakamayaman sa Cebu na nagmamay-ari ng maraming negosyo at mga properties tulad ng resort, hotel at condominium. May pagmamay-ari ring templo ang kanyang pamilya at ito nga ay ipinatayo ng kanyang Lola. Tila nga, taglay na ni Ellen ang lahat, magmula sa magandang mukha, kaseksihan at kayamanan.

Ngunit, hindi dito natatapos ang maipagmamalaki ng aktres sa kanyang sarili, dahil maliban sa taglay na talento ni Ellen sa pag-arte ay taglay rin niya ang kahanga-hangang talento sa pagtugtog ng piano.

Sa pagdating ng pandemya at pagpapatupad ng quarantine ay mas mahabang panahon ang nagugol ni Ellen sa loob ng kanilang tahanan dahilan nga para muli niyang balikan ang kanyang passion sa pagtugtog ng piano.

Credits: Ellen Adarna | IG

Sa kanyang social media account ay naging sunod-sunod ang pagpost ni Ellen ng mga video kung saan masisilayan ang husay niya sa pagtugtog ng piano. Pinanga nga ni Ellen ang kanyang mga followers sa Instagram nang tugtog niya ng walang kahirap-hirap ang awitin ng Cold Play na The Scientist.

Sa isang hiwalay na post naman ay ibinahagi ni Ellen ang kanyang video habang tumutugtog ng Canon in D. At kapansin pansin nga na talagang kabisado na ni Ellen ang bawat pyesa ng awitin.

 

View this post on Instagram

 

A post shared by Ellen Adarna Ramsay (@maria.elena.adarna)

“It’s been months. My fingers are stiff. Adding this to my lockdown routine.”

Sa isang video naman ay enjoy na enjoy si Ellen habang tinutugtog ang paborito niyang kanta na A Thousand Miles. At habang tumutugtog nga, ay sumasabay rin si Ellen ng pag-awit ng nasabing kanta. Ayon pa nga sa aktres, ay ilang ulit na niya itong tinugtog at talagang hindi siya nagsasawa dito.

“Mao jud ni akon balikbalikon ever. Maskin piyongan. Maskin matog kaya ra. Naext lahi nasad promise! Last na jud ni.”

Hindi naman maikakaila na nakuha ni Ellen ang husay sa pagtugtog ng piano sa kanyang mga magulang. Ang kanyang daddy at mommy nga, ay taglay ang kahanga-hangang talento sa pagtugtog ng piano. Kung kaya’t proud na proud ring ibinahahi ni Ellen ang mga larawan ng kanyang ama at ina habang tumutugtog ng piano.

“My beautiful and talented Mommah. My bestfriend and sometimes my enemy,” saad ni Ellen na nilakipan pa ng hashtag na “igotitfrommymama”.

Ang larawan naman ng kanyang ama habang tumutugtog ng Chopin , ay nilakipan niya ng caption na:

Credits: Ellen Adarna | IG

“My first and forever love”

Credits: Ellen Adarna | IG

Samantala, inulan rin si Ellen ng mga komentong puno ng paghanga mula sa mga netizens. Talagang napahanga sila sa taglay na husay ni Ellen pagdating sa pagtugtog ng piano.

“Truly gifted! Beauty, talent and brain??proud bisaya here.”

“Grabe, bakit parang kahit anong gawin mo ang ganda parin.”

“Yung nanood ka lang pero ung puso ko naiiyak di ko alam kung dahil doon sa song o dahil sa pagtugtog mo ang husay eh. Partidang di pa yan seryoso.”

Source: Ptama

Dekada 90 nang sumikat ang aktres na si Kristine Hermosa sa industriya ng showbiz. Dahil nga sa kanyang natatanging kagandahan at angking talento sa pag-arte ay namayagpag ang kanyang karera sa showbiz.

Ipinamalas nga ni Kristine ang kanyang husay sa pag-arte sa mga pelikulang kanyang pinagbidahan. At ilan nga sa mga ito ay nakatambalan niya ang mga sikat na aktor na sina Diether Ocampo at Jericho Rosales. Ang tambalan nina Kristine at Diether ay nauwi naman sa pag-iisang dibdib, ngunit sa huli ay nagkahiwalay rin sila.

Muli namang umibig si Kristine sa katauhan ng aktor na si Oyo Sotto na kanya nang asawa sa loob ng halos 11 na taon. At ngayon nga, ang kanilang pagsasama ay biniyayaan na ng limang anak. Sila ay sina Ondrea Bliss, Kristian Daniel, Marivic Valentin, Kaleb Hanns at Victorio Isaac.

Hindi naman maikakaila ang pagiging isang mapagmahal na asawa at ina ni Kristine sa kanyang pamilya kung saan nga ay talagang napaka-hands on. At habang nasa gitna ng nararanasang quarantine ay hindi pinalampas ni Kristine ang pagkakataong ipakita ang pagmamahal sa kanyang pamilya sa pamamagitan ng isang masarap na tinapay na siya mismo ang nag-bake.

Dahil nga mas maraming oras si Kristine para makabonding at maipaghanda ng pagkain ang kanyang pamilya, ay tiniyak naman niya na magugustuhang ng mga ito ang kanyang inihanda. Matatanda nga na minsan nang ibinahagi ni Kristine, na ipinag-bake niya ng Spanish bread ang kanyang pamilya.

Sa Instgram ay ibinahagi ni Kristine ang larawan ng kanyang masarap na Spanish bread na siya mismo ang nagbake. Ilan pa sa mga larawan ay makikitang sarap na sarap ang kanyang mga anak at asawang si Oyo habang kinakain ang Spanish bread.

Ayon naman kay Kristine, ay madalas siyang natatakam na kumain ng Spanish bread,ngunit wala siyang makita. Kaya naman, talagang nag-aral siya kung paano ito gawin. At tila nga agad niyang nakuha ang tamang proseso at tamang timpla ng pag-bake nito dahil kahit unang beses niya itong ginawa ay makikita naman na talagang nasarapan ang kanyang pamilya sa kanyang inihanda.

“Always craving pero mailap siya. So, learned to make on my own. Thank you Jesus for the courage, wisdom and the shared online recipe..pati na rin to my ever supportive tagakain muntik na ako mawalan ng loob. Buti na lang lahat kinakain nila basta gawa ko.

Marami naman ang natuwa at humanga kay Kristine sa kanyang ginawa para sa kanyang pamilya. Ang ilan pa nga ay natakam sa masarap na Spanish bread ng aktres na siya mismo ang nag-bake.

“Wow mukha talagang masarap! Galing.”

“That’s my fave too I keep looking that now but out of stock always. Please share now to your channel. I want to bake that too.”

Source: Ptama

Ang pagmamahalan nina Alma Moreno at Rudy Fernandez noon ay nagbunga ng isang anak na lalaki. Ito nga si Mark Anthony Fernandez na tulad ng kanyang mga magulang ay pinasok rin ang mundo ng showbiz para patunayan ang husay sa pag-arte.

Bata pa lamang nga ay sumabak na si Mark Anthony sa showbiz kung saan nga ay marami siyang nagawang proyekto at mas lalong nakilala ang kanyang pangalan dahil sa kanyang husay. Katulad na lamang nga ng mga pelikulang “Pare Ko”, “Mangarap Ka”, “Matimbang Pa Sa Dugo”, kung saan nga ay naparangalan siya bilang Best Actor at Best Supporting Actor.

Ngunit, tila nga nananalaytay na sa dugo ng kanilang pamilya ang pag-aartista. Dahil maging ang anak ni Mark sa kanyang dating asawa na si Melissa Garcia na si Grae Fernandez, na ngayon ay 19 taong gulang na ay pinasok rin ang mundo ng showbiz upang ipamalas ang husay sa pag-arte.

Bukod naman sa kanyang husay sa pag-arte ay hindi naman maikakaila ang taglay na kagwapuhan ni Grae na kanyang namana mula sa kanyang mga magulang. Napakalakas nga ng karisma ng binata, lalo na nga’t marunong na itong magdala ng kanyang sarili sa mga magagara nitong kasuotan.

Samantala, dahil nga mula sa pamilya ng mga artista ay hindi na rin nakapagtataka kung agad nakilala ang pangalan niya sa showbiz. Bukod nga rito ay talagang taglay rin ng binata ang angking husay sa pag-arte. Kaya naman, bilang isang ama ng sumisikat niyang anak, ay proud na proud si Mark.

Ayon nga kay Mark, ay masaya siya sa tinatahak na landas ng kanyang anak patungo sa tagumpay.

“I’m happy with everything that has been happening to my son now. Alam ko ‘yung puso niya. Gusto niya talagang maging artista. Natutuwa talaga ako at nagsusumikap siya.”

Bilang isang ama naman ay hindi nagkukulang sa pagbibigay ng payo si Mark sa kanyang anak patungkol sa tinatahak nitong karera.

“Ako na ‘yung nagkusang loob a few times noong may pagkakataon na akong magpayo. Proud ako bilang tatay at may magandang nangyari sa kanya. Nagbibinata siya at nagiging independent. Huwag siyang mawalan ng patience being an actor,” saad ni Mark.

Dagdag pa ni Mark sa kanyang payo sa kanyang anak, ay huwag tumigil sa paghahanap ng oportunidad para makatulong sa paglago ng karera.

“Trabaho lang ng trabaho. Hanap lang ng magandang kwento o magandang project at maka-jackpot din siya na talagang markado ang role. Pwede niyang mapanalo ‘yung role at magustuhan ng tao,” pahayag pa niya.

Kung sakali naman na makakatrabaho ni Mark ang kanyang gwapong anak na si Grae, ang dream project niya para sa kanila ng kanyang anak ay ang biopic ng dating Senador na si Gringo Honasan.

“Can anybody convince a producer to buy the story rights of Senator Gringo Honasan? Maybe Grae can also be in it or I can be in it with Grae, that will be a big project for both us,” he said. “Kung maganda ang project, bakit hindi kami magsasama? We really need a good project to work together. Alam ko mangyayari din ‘yan,” pagbabahagi pa ni Mark.

Source: Ptama