Noong dekada 90 ay masasabi natin na ang mga napapanood natin na palabas sa telebisyon ay talaga namang tumatatak sa maraming mga manonod. Maliban kasi sa mga magagandang istorya ng mga palabas noon, ay talaga namang nakabibilib din ang mga palabas na mayroong mga bakbakan, kung saan ay napaka-astig talagang panoorin.

Photo Credits: Joko Diaz| IG

Isa sa mga pinakamadalas nating napapanood sa ating telebisyon noon sa mga ma-aksyon na palabas ay ang batikang aktor na si Joko Diaz. Tunay na nakabibilib ang kanyang husay at mga galawan sa pelikula, idagdag pa ang kanyang angking kakisigan.

Photo Credits: Joko Diaz| IG

Dahil sa ipinapamalas niyang galing sa pag-arte, mapabida man o kontrabida, ay maituturing nga na sa kanyang kapanahunan ay isa sa Joko sa mga pinakamahuhusay na aktor. Ang madalas ngang nagiging karakter ni Joko sa mga pelikula o serye na kanyang kinabilangan ay ‘bad boy’ o mga astiging karakter na sumasabak sa mga bakbakan.

Photo Credits: Joko Diaz| IG

Photo Credits: Joko Diaz| IG

Samantala, ang nakikita nga nating pagkatao ni Joko sa kanyang mga karakter sa pelikula ay salungat naman sa totoo niyang pagkatao sa tunay na buhay. Kung sa telebisyo nga ay nakilala natin bilang ‘bad boy’ si Joko, sa tunay na buhay naman ay taglay niya ang personalidad ng isang mapagmahal, malambing at responsableng asawa at ama sa kanyang mga anak.

Photo Credits: Joko Diaz| IG

Kahit naman nasa mundo ng showbiz, at may taglay na kahanga-hangang kagwapuhan si Joko na nakaka-agaw din ng pansin sa maraming mga kababaihan, ay nakakabilib ang kanyang pagiging isang ‘one woman man’, na sa panahon ngayon ay tunay ngang bihira na tayong makatagpo.

Photo Credits: Joko Diaz| IG

Sa kabila nga ng ang tingin ng marami kay Joko noon ay isang playboy dahil sa kanyang datingan sa telebisyon, ay pinatunayan naman niyang loyal siya at tanging ang kanyang kabiyak lamang ang babaeng minamahal niya sa kanyang buhay. Patunay lamang nito, ay ang masaya at pananatiling matatag ang kanilang pagsasama ng kanyang asawa, kung saan sila nga ay nasa 19-taon ng nagsasama bilang mag-asawa.

Photo Credits: Joko Diaz| IG

Si Joko at ang kanyang misis nga ay nabiyayaan naman ng dalawang anak, at para nga sa aktor, ang kanyang pamilya ang nagisisilbi niyang kayamanan at kasiyahan sa buhay.

Photo Credits: Joko Diaz| IG

Kitang-kita naman sa mga larawan na madalas na ibahagi ni Joko sa kanyang social media account ang maganda at masaya niyang pamilya, lalo na’t madalas nga silang magkaroon ng family bonding. Makikita rin na isang supportive wife ang misis ni Joko na si Abigail, dahil sa social media account nito ay ipino-promote niya ang mga proyekto ng kanyang asawang aktor.

Source: Ptama

Marahil nga ay maituturing na mapalad ang mga taong ipinanganak na may angking kayamanan, o kaya naman ay tagapagmana ng napakaraming ariarian. Ngunit, mapalad rin naman ang mga nakapangasawa ng mga taong nagmula sa mayamang angkan. At maraming artista nga sa showbiz ang nahanap ang tunay na pag-ibig sa asawa nilang bilyonaryo. Ating kilalanin ang mga artista sa showbiz na nakapangasawa ng bilyonaryo.

Nina Jose

Photo credits: google.com

Si Nina Jose ay ikinasal noong 2017 sa businessman at politician na si Cezar Quiambao na nagmula sa Bayambang, Pangasinan. Ang agwat ng kanilang edad ay hindi naging hadlang sa kanilang pagmamahalan. Si Nina ay 32 taong gulang habang si Cezar naman ay 65 taong gulang. Ngayon nga ay masaya silang nagsasama kapiling ang kanilang anak na si Antonio.

Kaye Abad

Photo credits: google.com

Napangasawa naman ni Kaye Abad ang mula sa mayamang angkan sa Cebu na si Paul Jake Castillo. Sila ay ikinasal noong December 9, 2016 sa hometown ni Paul sa Cebu City. Si Paul ay isang aktor at businessman na nagmamay-ari ng ilang negosyo katulad na lamang ng Yobob Lechon De Cebu.

Julia Clarete

Photo credits: google.com

Ang napangasawa naman ng dating Eat Bulaga host na si Julia Clarete ay ang businessman na si Gareth McGeown. Si Gareth ay CEO ng Coca Cola Philippines, Singapore, Brunei at Malaysia. Sila ay ikinasal noong July 2017, at masaya na ngayong naninirahan sa Kuala, Lumpur kasama ang kanilang anak.

Beauty Gonzalez

Photo credits: google.com

Ang aktres na si Beauty Gonzalez ay napangasawa ang bilyonaryong si Norman Crisologo noong 2017. Si Norman ay isang art curator at art collector. Ngayon nga ay masayang masaya ang kanilang pagsasama na binigyang kulay ng kanilang anak na si Olivia.

Pauleen Luna

Photo credits: google.com

Isa namang aktor at TV host naman ang napangasawa ng aktres na si Pauleen Luna, at ito nga ay walang iba kundi si Vic Sotto. Hindi naman talaga maikakaila ang angking yaman ni Bossing. Sa kabila naman ng agwat ng kanilang edad, ay pinatunayan nila ang kanilang tunay at wagas na pagmamahalan matapos ikasal noong 2016. Binigyang kulay naman ng kanilang anak na si Talitha ang kanilang pagsasama.

Bangs Garcia

Photo credits: google.com

Taong 2016 naman nang ikasal si Bangs Garcia sa kanyang Filipino-British husband na si Lloyd Birchmore, isang businessman. Sila ay tatlong beses ikinasal, at ngayon nga ay may dalawang anak na.

Dawn Zulueta

Photo credits: google.com

Si Antonio Ernesto Floirendo Lagdaméo Jr. naman ang napangasawa ng aktres na si Dawn Zulueta. Si Antonio ay isang Filipino politician ay businessman na kung saan ay three-term congressman ng 2nd District ng Davao del Norte. Si Antonio ay nagmula sa mayamang angkan ng Floirendo clansa Southern Mindanao. Sina Dawn at Antonio ay ikinasal noong 1997 kung saan ang kanilang pagsasama ay biniyayaan ng dalawang anak, sina Jacobo at Ayisha.

Gretchen Barretto

Photo credits: google.com

Common-law partner naman ni Gretchen Barretto ang businessman na si Antonio “Tony Boy” Cojuangco Jr. Si Tony Boy isa sa kinikilalang pinakamayamang personalidad sa bansa na nagmula sa mayamang angkan ng Cojuangco. Ang kanilang pagsasama ni Gretchen sa loob ng ilang dekada ay biniyayaan ng isang anak, si Dominique.

Assunta de Rossi

Photo credits: google.com

Si Assunta de Rossi ay mapalad na natagpuan ang tunay na pag-ibig sa katauhan ng politician at businessman na si Jules Ledesma na nagmula sa mayamang angkan sa San Carlos, Negros Occidental. Noong December 2014, 2021 ay masayang ipinagdiwang nina Assunta at Jules ang kanilang ika-19th wedding anniversary. Isa namang miracle baby ang kanilang anak na si Baby Fiore dahil matapos ang halos 17 taong paghihintay ay ipinagkaloob na sa kanila ang kanilang anak.

Source: Ptama

Marahil, marami sa atin ang nakakatamaran na ang magtungo sa pamilihan o mall upang mamili ng mga kailangan. Mas pinadali na rin ngayon ang pamimili dahil sa mga online shopping apps. Bukod sa madali mamili sa online, nakakatukso rin ang mga magagandang larawan na ginagamit sa pag-endorso ng mga produkto. Ngunit, sa katagalan natin sa pag-oonline shopping, may mga pagkakataon na nabibiktima tayo ng mga mapanglinlang na mga larawan online na akala natin ay kapareho ng hitsura sa ating inaasahan. Talagang mapapa-expectations vs reality ka na lang talaga pagdating ng produkto.

Maging ang mag-asawang Regine Velasquez at Ogie Alcasid ay nabiktima rin ng mapanlinlang na larawan online, at natawa na lamang nang makita aktwal ang produkto.

Sa Instagram, ibinahagi ng mag-asawa ang kwento ng kanilang “online shopping gone wrong”, kung saan ay nilakipan nila ng larawan ng kanilang inorder at nakakatuwang caption na tila isang serye.

Sinimulan ni Regine ang post sa isang larawan ng kanyang asawa habang nasa katawan nito maliit ng donut floater.

“Malaki problema niya … hindi namin sure kung makakalabas siya dyan,”caption ng Asia’s Songbird sa post.

Sinundan naman ito ng post na nagbibigay ng update sa kanyang mga followers, ngunit sa pagkakataong ito ay isang video na ang ibinahagi ni Regine kung saan makikitang nakalutang sa swimming pool si Ogie habang gamit ang maliit na donut floater na tila pinilit lang pakasyahin sa katawan nito.

“Update ko lang kayo. Nag-enjoy muna sya magpalutanglutang habang nakasuot ang salbabidang maliit. Naka alis na po sya at ngayon ay masaya nang namumuhay na walang salbabida,” nakakatuwang caption ng post.

Tila naman nag-eenjoy si Regine na makita ang kanyang mga kaibigan na nasisiyahan sa kanyang paglalahad ng nakakatuwang kwento ng kanyang asawa at ng maliit donut floater nito. Kaya naman, ipinagpatuloy pa ng singer ang serye ng kwento sa pamamagitan ng isang larawan at nakakatuwang caption.

“Ito pa yung isang picture nya paiyak na tagala sya. Actually hindi ko alam kanino ako mag aalala, sa asawa ko ba na parang hindi na makahinga o sa salbabida? Katapusan mo na ba salbabida?Pero nakalabas naman sya so all is good paalala wala pong nasaktan o napahamak na salbabida habang ang kwentong ito ay nilalahad,”

Samantala, panahon na para kay Ogie ang sagotin ang katanungan ng mga mausisang netizens na nais malaman ang kwento sa likod ng maliit na donut floater. Kaya naman, isiniwalat na niya ito sa pamamagitan ng sarili niyang bersyon ng ‘expectation vs reality’ kung saan ibinahagi niya ang larawan ng produkto ng nasa online at larawan ng produkto na dumating sa kanilang tahanan na ginamit na niya ng aktwal.

“Yaman din lamang at naisiwalat na ng aking mahal ang mga kaganapan kahapon, eto po ang ang aking side. Umorder ako ng “donutlifesaver” sa lazada nguni’t laking gulat ko na eto ang dumating. Kaya ayan, pinilit kong gamitin,” caption sa post ni Ogie.

Ngunit, hindi naman nagpatalo si Ogie sa asawa niya sa pang-aalaska sa kanya kung kaya’t siya naman ang nagpost ng shopping gone wrong ng kanyang maybahay. Sa isang post nga, ibinahagi ni Ogie ang larawan ng asawa habang hawak ang isang maliit na kaldero na inorder online.

“Wag ka masyadong magmalaki mahal. Umorder ka ng kaldero na buong akala mo’y pagkalaki laki. But no, ang liit pala nya. Kaya ayan, sa background naka ngiti si donut salbabbida,”pagganting post ni Ogie sa asawa.

Source: Ptama

Sa panahon ngayon na laganap na ang social media upang maghatid sa atin ng mga balita ay muli na nating nakikita at nasusubaybayan ang mga buhay ng mga hindi na natin nakikitang mga artista.

Madami sa kanila ay meron nang masasayang buhay kasama ang binuo nilang pamilya. Hindi din natin lubos na maisip na matagal na pala ang mga ito na wala sa showbusiness kung kaya nagugulat na lang tayo sa mga balita tungkol sa buhay nila. Tulad na lamang ng dating artista at top 4 ng kilalang programa ng Kapuso network na starstruck na si Rainier Castillo.

Photo credits: Ranier Castillo | Instagram

Sino nga ba naman ang makakalimot sa aktor na ito na naging kasabayan ng mga kilalang artista na sina Jennylyn Mercado, Mark Herras at Yasmien Kurdi.

Photo credits: Ranier Castillo | Instagram

Mahigit kumulang 7 taon din siyang naging aktibo sa showbusiness upang ipakita sa atin ang kanyang talento sa pag-arte. Madaming programa ang naging parte ang kilalang aktor tulad ng Mulawin, Bakekang , Majika at madami pang iba.

Photo credits: Ranier Castillo | Instagram

Nagawa din ng aktor na lumipat ng ibang istasyon ngunit makalipas din ng hindi katagalang panahon ay ninais na lamang niya na magpahinga muna. Sa ilang taon na wala tayong balita sa aktor ay muli natin siyang nasilayan upang ipaalam kung ano na nga ba ang nangyari sa kanyang buhay.

Sa pag alis niya sa showbusiness ay nagdesisyon umano ito na magtayo ng business sa Quezon City at tinatawag itong Muscle Up Parkour Gym and Urban Training Ground. Maliban dito ay ikinagulat ng lahat na kasal na pala ito sa kanyang non showbiz partner na si Diane Quizon at kasalukuyang may anak na silang dalawa.

Photo credits: Ranier Castillo | Instagram

Ibinahagi niya ang kanyang karanasan bilang isang magulang na kung saan saad niya na hindi ito madali ngunit isang napakasayang karanasan umano ito para sa kanya. Madami sa mga netizens ang nagtatanong kung kailan babalik sa showbusiness ang nasabing aktor ngunit ang pahayag nito ay hindi pa siya sigurado kung kailan.

Photo credits: Ranier Castillo | Instagram

Photo credits: Ranier Castillo | Instagram

Sa ngayon ang tanging magagawa niya ay tumanggap ng mga guesting sa mga programa. Napag-alaman din na magpahanggang sa ngayon ay hindi pa din nawawala ang koneksyon niya sa kanyang mga dating kaibigan tulad ni Mark Herras.

Source: Ptama

Sa panahon ngayon, napakaraming mga tao ang nagpatunay na hindi hadlang ang kahirapan upang magkaroon ng maayos na edukasyon.

Para naman sa ilan, pinapatunayan nila na hindi rin hadlang ang edad upang makamit nila ang inaasam na college diploma. Isa na nga sa mga ito ay si nanay Liezel Nudalo Formentera na mula sa Cebu.

Nagtatrabaho bilang isang tindera ng gulay si Nanay Liezel sa Cebu. Kasabay nito, inaalagaan din niya ang kaniyang tatlong anak.

Photo credits: latestchika.com

Ayon sa kaniyang kwento, isa sa mga rason na nag-udyok sa kaniya na makapagtapos ng pag-aaral ay ang kaniyang pangarap at hangarin na mabigyan ng mas magandang kinabukasan ang kaniyang pamilya.

Photo credits: latestchika.com

Upang makamit niya nga ito, napagtanto ni Nanay Liezel na kailangan niyang makapagtapos ng pag-aaral at magkaroon ng mas maayos na trabaho at kita.

Talaga namang ilang taon pa ang gugugulin ni Nanay Liezel kung papasok pa siya sa elementarya.

Dagdag pa rito, maaari ding makaapekto sa kaniya ang pag-aaral kasama ang mga estudyante na mas bata sa kaniya. Dahil dito, noong taong 2012 ay minabuti ni Nanay Liezel na pumasok sa isang programa ng DepEd na Alternative Learning System o mas kilala sa tawag na ALS.

Photo credits: latestchika.com

Sa pamamagitan nito, mas mapapadali at mas komportable ang magiging pag-aaral ni Nanay Liezel kasama ang mga estudyante na gaya niya na mayroon ding iba-ibang sitwasyon.

Photo credits: latestchika.com

Sa awa naman ng Diyos at matapos ang ilang taong pagsisipag ni Nanay Liezel sa pag-aaral ay ganap siyang nakapagtapos sa high school noong 2018. Mapalad din siya na agad na makapasok sa kolehiyo.

Kumuha siya ng kursong Bachelor of Industrial Technology Major in Computer Technology sa Cebu Technological University.

Photo credits: latestchika.com

Hindi man naging madali ang naging pag-aaral ni Nanay Liezel ay natuto pa rin siya na magtiwala at kumapit sa Diyos.

Photo credits: latestchika.com

Isa rin sa kaniyang naging lakas at inspirasyon ay ang kaniyang mga anak. Malaki rin ang kaniyang pasasalamat sa kaniyang asawa na isang magsasaka na walang sawang sumuporta sa kaniyang pag-aaral.

Dahil sa mga ito, ipinagmamalaking ibinahagi ni Nanay Liezel ang kaniyang pagtatapos noong nakaraang Agosto.

Hindi rin maitago ni Nanay Liezel ang kaniyang kasiyahan at pagpapasalamat sa tagumpay na nakamit niya at ng kaniyang pamilya.

Source: Ptama