Natupad na ang matagal ng pangarap ni Brenda Mage at ito ay ang maipatayo ang kanyang dream house. Sa kanilang probinsya sa Cagayan De Oro, Misamis Oriental ipinatayo ng komedyante at dating housemate ng Pinoy Big Brother ang kanyang dream house. Naging posible nga na matupad ang pangarap niyang ito dahil sa kanyang pagigig isang vlogger, kaya naman ayon kay Brean ang bahay na ito ay katas ng pagiging vlogger niya.

Sa pamamagitan ng isang video sa kanyang social media account ay ipinasilip ni Brenda ang kanyang dream house. Makikita na ito ay isang 2-storey house na nakukulayan ng dilaw, brown at orange. Pagbabahagi ni Brenda ang bahay niyang ito ay inspired sa pinakasikat na bahay sa ating bansa at ito ay ang Pinoy Big Brother house, kung saan siya naging housemates at tumira ng ilang linggo. Saad pa niya, kaagad din niyang pina-blessingan ang bahay niyang ito.

 

View this post on Instagram

 

A post shared by Brenda Mage (@iambrendamage)

Proud naman na ibinahagi ng komedyante na ang lahat ng ito ay nagsimula lamang sa kanyang pangarap, at dahil sa kanyang naging pagsisikap ay heto na’t nakamit na niyang ipatayo ang kanyang dream house.

“Nag umpisa ang lahat sa pangarap, ngayon nagbunga na ang aking pagsisikap,” masayang pahayag ni Brenda.

 

View this post on Instagram

 

A post shared by Brenda Mage (@iambrendamage)

Dagdag pa at payo niya para sa mga patuloy na nangangarap, “Huwag mong hayaan na ang iyong pangarap ay manatiling pangarap lang. Tagumpay ang plano!”

Samantala, ngayon na matagumpay ng naipatayo ni Brenda ang kanyang pangarap na bahay, ay ibinahagi naman niya na ang susunod niyang plano ay ang magpagawa ng basketball at volleyball court sa kanilang lugar para masiyahan at may paglibangan hindi lamang silang magpamilya kundi maging ang kanyang mga kapitbahay.

“Ang next project ko basketball [court] and volleyball court para naman sa mga kapitbahay at kamag-anak ko na mahilig sa sports na alam kong gusto talaga nila dahil ako mismo during my childhood, player din ako ng basketball. Magandang function din ‘tong laro para maiwas sa mga masasamang bisyo,” pagbabahagi pa niya.

 

View this post on Instagram

 

A post shared by Brenda Mage (@iambrendamage)

Ayon din kay Brenda plano din niya na ipaayos ang bahay ng kanyang in ana katabi lamang ng kanyang ipinagawang bahay. Sa ngayon umano, ay ito ang kanyang pinag-iipunan.

 

View this post on Instagram

 

A post shared by Brenda Mage (@iambrendamage)

Si Brenda Mage o sa tunay na buhay ay kilala bilang si Bryan Roy Tagaro ay isa sa mga naging celebrity housemate ng Pinoy Big Brother: Kumunity Season 10. Siya ay nakasama sa final 5 ng celebrity edition ng nasabing reality show. Nagdesisyon si Brenda na iwanan ang mundo ng showbiz dahil sa hindi niya kaya ang mga intriga. Matatandaan na isa sa mga kinaharap niyang intriga noon ay ng magkaroon sila ng feud ng aktres na si Alexa Ilacad noong sila ay parehong nasa loob ng Pinoy Big Brother house.

Source: Ptama

Patok ngayon ang mga tiny houses, hindi lamang dahil sa magagandang disenyo ng mga ito kundi maging sa pagiging pasok nito sa budget lalo na sa mga taong nagnanais na magkaroon ng pribadong lugar para sa kanilang sarili o maliit na pamilya.

Ang Kapamilya actress na si Kim Chiu, ay isa lamang sa mga nagpatunay kung gaano nagugustuhan ng maraming madlang pipol ang mga istilo at disenyo ng tiny houses, ito ay matapos niyang ibahagi sa kanyang vlog ang unang tiny houses experience niya. Ayon kay Kim ay marami sa mga tagasubaybay niya ang talagang nagustuhan ang pagbabahagi niya ng first experience niya sa tiny house, kaya naman sa pagkakataon na ito ay muli siyang naghanap at bumisita sa isang tiny house at ito ay kanyang ipinasilip ding muli sa kanyang YouTube vlog.

Photo credits: Kim Chiu | Youtube

Ayon kay Kim, dahil sa nagustuhan ng mga tagasubaybay niya ang unang tiny house na ibinahagi niya ay muli nga siyang naghanap ng tiny houses na ibibida niyang muli sa kanyang vlog. Sa pagkakataon ngang ito, ay isang tiny houses sa Florida ang kanyang nakita, kaya naman masaya niya itong ipinasilip muli sa kanyang YouTube vlog at ang kanyang excitement ay hindi niya maitago sa muling pagbisita niya sa isa na namang tiny house.

Photo credits: Kim Chiu | Youtube

Dahil sa kanyang excitement ay agad ng ipinasilip ng Kapamilya actress ang loob ng tiny house na binisita niya sa Florida, at pagpasok pa lamang nga niya sa loob nito ay agad ng mapapansin ang pagiging cozy ng naturang tiny house. Isang maliit na gray sofa ang agad na sasalubong sa small living area nito, at sa likod nga ng sofa na ito ay isang bintana na agad na matatanaw ang luntiang tanawin sa labas ng naturang tiny house.

Photo credits: Kim Chiu | Youtube

Ipinakita din ni Kim ang nagsilbing dining area ng naturang tiny house, kung saan ito ay isang Katam-taman sa haba na floating wood at sa ilalim nga nito ay mayroong upuan.

Photo credits: Kim Chiu | Youtube

Kasunod naman nito ay ipinakita din ng aktres ang small kitchen area ng tiny house. Mapapansin naman na sa kabila ng pagiging maliit nito, ay kumpleto naman ito sa mga pangunahing kagamitan sa kusina, tulad na lamang ng gas range, mga kaserolang lutuan, heater, toaster at maging refrigerator. Makikita din na ang mga kagamitang pangluto tulad ng kaserola ay maayos nan aka-organize at naka-display sa isang floating shelves.

Kinabiliban din ni Kim ang pagkakaroon ng maraming saksakan ng naturang tiny house, at ibinida din niya ang pagkakaroon nito ng microwave.

Photo credits: Kim Chiu | Youtube

Sinilip din ng aktres ang bathroom area ng naturang tiny house, at talaga namang kamamanghaan ang kagandahan at pagiging moderno nito.

Photo credits: Kim Chiu | Youtube

Siyempre hindi naman nakaligtaan ni Kim na ipakita ang master bedroom area ng tiny house na ito, na napaka-cozy din dahil sa modern design nito idagdag pa ang pagkakaroon nito ng high ceiling. Kasunod nito ay umakyat naman siya sa isa pang bedroom ng tiny house, kung saan ito ay isang loft bed.

Photo credits: Kim Chiu | Youtube

Photo credits: Kim Chiu | Youtube

Photo credits: Kim Chiu | Youtube

Super na-amaze naman talaga si Kim sa panibagong tiny house experience niya na ito at talagang nagandahan siya sa pagiging cozy ng naturang tiny house.

‘Super nice diba’, isa sa mga naging reaksyon ng aktres

“Infairness malinis, super ganda, super comfi”, dagdag pa niya.

Pagbabahagi pa ni Kim, kahit nga isang tiny house ito ay talaga namang parang napakalaki nito sa loob. Ayon pa sa aktres, kahit na tiny house ito ay nagkasya nga sila, kung saan ay tatlo silang nag-stay dito. Dahil din sa pagkakaroon ng kumpletong pasilidad ng tiny house ay masasabi na talagang na-enjoy ng aktres at mga kasama niya ang sandalling paninirahan nila dito.

Source: Ptama

Para sa isang taong mahal mo at mahalaga sa iyong buhay, ano ang sakripisyong kaya mong gawin upang sila’y matulungan sa oras ng kanilang pangangailangan? Kaya mo bang magpadyak ng napakalayo, katulad ng ginawa ng isang lalaki na literal na nagpadyak ng kanyang pedicab magmula sa probinsya nila sa Bukidnon patungo sa lungsod ng Maynila, para lamang personal na ihingi ng tulong ang Lola niyang may iniindang karamdaman.

Kung ating iisipin ay tila napaka-imposible naman na magpadyak mula Bukidnon patungong Maynila, dahil tunay na hindi biro ang layo ng nito. Ngunit ang bagay na ito na tila imposible ay naging posible sa lalaking si Niel Jay Matunding, kung saan nagawa niyang makarating sa Maynila sakay lamang ng kanyang pedicab na kanyang pinapadyak.

Photo credits: Raffy Tulfo in Action | Youtube

Sa layo ng Bukidnon sa Maynila ay inabot ng 59 na araw si Neil sa pagpapadyak sa kalsada, ngunit ano nga ba ang dahilan niya para magtiis magpadyak ng ganoon katagal?

Ayon sa ulat, naging determinado si Neil na magpadyak mula Bukidnon patungong Maynila dahil sa kagustuhan niyang makausap si Senator Raffy Tulfo para ihingi dito ng tulong ang pinakamamahal niyang lola na sa kasalukyan ay may iniindang karamdaman. Hindi naman nabigo si Neil, dahil kamakailan lamang ay nai-feature siya sa isang episode ng program ani Sen. Raffy na Raffy Tulfo in Action.

Photo credits: Raffy Tulfo in Action | Youtube

Pagbabahagi ni Neil sa naturang programa ang kanyang lola na si Lola Leonie ang nagpalaki at nag-aruga sa kanya. Noon umano ay isa itong mananahi, ngunit ng ito ay tumanda na at hindi na makapagtahi ay kinailangan na lamang nito na manlimos sa kalye para may maipambili lamang ng makakain.

Photo credits: Raffy Tulfo in Action | Youtube

Kuwento pa niya, ngayon ay nasa 86-taong gulang na ang kanyang lola at ito ay mayroon ng iniindang karamdaman, at bilang isang nagmamahal sa lola niya, lahat ay talagang ginagawa niya upang matulungan ito para gumaling ito sa karamdamang iniinda nito.

“Siya na po ang nagpalaki sa akin kasi po pinabayaan na po ako ng mama ko”, kuwento ni Neil.

Nang makapanayam pa sa progaramang Raffy Tulfo in Action si Neil ay ibinahagi din ni Neil ang naging paglalakbay niya mula Bukidnon patungong Maynila makarating lamang nga kay Sen. Raffy. Saad pa niya, sa kanyang paglalakbay ay tanging Php700 lamang ang pera niya, at malaki ang pasasalamat niya sa mga taong nagpakita ng kabutihan at tumulong sa kanya habang siya ay naglalakbay.

Photo credits: Raffy Tulfo in Action | Youtube

Sa nasabing panayam din ay ipinaabot ni Neil kung anong mga tulong ang kinakailangan niya para sa kanyang lola, kung saan kinakailangan umano ng lola niya ng mga gamot, pagkain at maayos na matutuluyan. Dagdag pa ni Neil, taong 2019 pa niya pinaplano ang makapunta sa nasabing programa ngunit wala nga siyang masakyan ng mga panahon na ‘yon, kaya naman malaki ang pasasalamat niya sa taong nagbigay sa kanya ng bisikleta na naging daan para makapunta siya sa programa at makahingi ng tulong kay Sen. Raffy.

“Nagplano na po ako noon 2019 kung paano po ako makapunta dito sa inyo. Kaya nagpa-salamat po ako dahil may nagbigay sa akin ng bisikleta” ang naging saad ni Neil kay Sen. Raffy.

Kahit naman napakahaba ng naging pagpadyak at paglalakbay ni Neil sa kalsada, sulit na sulit naman ito, dahil nakausap niya si Sen. Raffy at nangako ito sa kanya na tutulungan nito ang kanyang lola sa pinansyal at maging sa pagkakaroon nito ng maayos na matitirhan.

Photo credits: Raffy Tulfo in Action | Youtube

Maliban pa sa matatanggap na assistance ng lola ni Neil mura kay Sen. Raffy, ay ipinangako din ng senator sa binata na tutulungan niya ito na makabalik sa pag-aaral ito ay dahil bumilib siya sa kabutihan at pagiging mapagmahal nito sa lolang nag-aruga sa kanya.

Nabanggit din ni Sen. Raffy Tulfo na bibilhan niya ng bagong bisekleta ang binatang si Neil.

Source: Ptama

Sa mga magulang na ngayon ay hindi na magkasama sa buhay o ‘yung nagkahiwalay na at mayroon na kanya-kanyang buhay, ay hindi naman talaga madali ang co-parenting setup sa pagpapalaki ng kanilang mga anak. Batid natin na sa co-parenting setup ng mga magulang ay marami ang dapat isa-alang alang katulad na lamang ng mahabang pasensya, negosasyon at komunikasyon both side ng ina at ama.

Ang dating magkasintahan na sina Andi Eigenmann at Jake Ejercito ay isa lamang sa mga magulang na ngayon ay nagko-co-parenting sa anak nilang si Ellie.

Photo credits: Jake Ejercito | IG

Kahit na hindi naging maayos ang naging paghihiwalay nila noon, makikita naman sa kanila ngayon ang magandang pagko-co-parenting nila kay Ellie, at ito ay dahil sa labis nilang pagmamahal sa kanilang anak.

Photo credits: Andi Eigenman | IG

Last year ng ipagdiwang ng anak nina Andi at Jake na si Ellie ang ika-10 taong gulang na kaarawan nito, at dito ay muling pinatunayan ng dalawa ang pagkakaisa nila bilang mga magulang para sa ikaliligaya ng kanilang anak. Kamangha-manghang plinano at nagawa nina Andi at Jake na sa kaarawan ng kanilang anak ay magkasama-sama ang pamilya Ejercito at Eigenman na labis na nagbigay kasiyahan sa kanilang OG princess.

Photo credits: Jake Ejercito | IG

Ipinagdiwang ni Ellie ang kanyang ika-10th birthday sa isla ng Siargao na mayroong temang island-theme birthday.

Photo credits: Andi Eigenman | IG

Matagumpay ngang naisama ng ama niyang si Jake sa naturang isla ang kapatid niyang si Jacob at Jerica na kasama din ang pamilya nito, samantala si Andi naman ay gumawa din ng paraan para makasama ni Ellie ang ibang miyembro ng pamilya Eigenmann sa pamamagitan ng Zoom.

Photo credits: Andi Eigenman | IG

Kitang-kita naman sa mga ibinahaging larawan ni Andi kung gaano na-enjoy at nasiyahan ang anak niyang si Ellie sa ika-10 th birthday nito, lalo na’t nakalaro nito ang mga pinsann sa side ng Ejercito at ipinakilala pa nga niya sa mga ito ang kanyang mga kapatid na sina Lilo at Koa.

Makikita din kung paano inasikaso ni Ellie ang lahat ng mga bisita niya sa kanyang kaarawan, kung saan nag-enjoy sila sa pag-swimming ganun din sa mga hand ana masasarap na pagkain.

 

View this post on Instagram

 

A post shared by Jerika Ejercito (@jerikaejercito)

 

Photo credits: Jake Ejercito | IG

Photo credits: Jake Ejercito | IG

Patunay naman ang mga larawan na talagang sinigurado nina Andi at Jake na kahit ano man ang mangyari ay maipaparamdam nila sa anak nilang si Ellie na marami ang nagmamahal dito at bilang mga magulang ay handa nilang gawin lahat ng bagay para sa ikaliligaya ng kanilang anak.

Source: Ptama

Marami man tayong pinagdaraanang pagsubok at problema sa ating buhay, ay hindi naman natin ito sinusukuan, dahil naniniwala tayo na darating din ang panahon na ang lahat ng dumaraan sa buhay natin ngayon na hindi maganda ay mapapalitan ng pagbuhos ng maraming magagandang biyaya na siyang magpapalasap sa atin ng kasaganahan sa buhay na ating pinapangarap, hindi lamang para sa ating sarili kundi maging para sa ating pamilya.

Ang dalagang si Herlene Nicole Budol o tinagurian ng marami bilang si ‘Hipon Girl’ ay isa lamang sa mga nagpatunay na lahat ng mga pagsusumikap sa buhay at pagharap sa mga pagsubok ay may kapalit na kasaganahan.

Si Herlene ay unang nakilala ng publiko ng makitaan siita ng potensyal sa programang Wowowin, na siyang naging daan para mag bukas ang maraming mga oportunidad sa kanya sa mundo ng showbiz.

Photo credits: Herlene Budol | IG

Hindi naging lihim sa publiko na si Herlene ay nanggaling sa kahirapan, pero dahil sa kanyang determinasyon at pagsusumikap na mabigyan ng maganda at masaganang buhay ang kanyang pamilya, ngayon ay unti-unti na nga niyang natutupad ang lahat ng mga pinapangagrap niya. Ang pagiging isang komedyante at host ang isa sa mga naging puhunan niya para masimulang mabigyan ng katuparan ang pangarap niya sa buhay.

Sa kabila naman ng pagsisimula ng magandang pangyayari sa buhay ni Herlene, ay matatandaan na ng makapanayam siya ni Toni Gonzaga, ay inamin ni Hipon Girl na noong nakaraang taon sa kasagsagan ng pandemya, kung saan maraming showbiz personalities ang naapektuhan at nawalan ng proyekto ay isa nga siya sa mga ito. Saad pa niya, nang mga panahon na ‘yun ay talagang ‘back to zero’ siya, ngunit kahit magkaganu’n man ay nanatili siyang positibo, hanggang sa muli siyang makatanggap ng proyekto at maka-recover krisis na pinagdaanan niya.

Photo credits: Herlene Budol | Youtube

Samantala, magmula ng pasukin ni Herlene ang showbiz, ay madalas niyang inuuna at prayoridad ang pangangailangan ng kanyang pamilya, kaya naman ngayon na dumadagsa ang biyaya sa kanyang buhay at may mga taong talagang tumutulong sa kanya na matupad lahat ng pangarap niya, sa wakas nga ay maging sarili niyang pangarap ay na-achieve na ni Herlene, tulad na lamang ng makabili siya ng kanyang sariling sasakyan.

Photo credits: Herlene Budol | Youtube

Photo credits: Herlene Budol | Youtube

Noon lamang ika-31 ng buwan ng Marso ay mapapanood sa ibinahaging vlog ni Herlene sa kanyang YouTube channel ang achievement niyang ito. Ayon pa sa kanya, ito ang kauna-unahan niyang sasakyan kaya naman talagang labis ang kanyang kasiyahan, dahilan para hindi niya mapigil ang sarili na maging emosyonal.

Photo credits: Herlene Budol | Youtube

Photo credits: Herlene Budol | Youtube

“Hindi ko ini-expect na magkakaroon ako ng sasakyan”, saad ni Hipon Girl habang tumutulo ang luha.

Makikita naman na pinapatahan si Herlene ng kanyang manager na si Wilbert Tolentino, na nagsabi pang,

“Sa tagal ng pinaghirapan ni Hipon, ngayon lang siya magkakaroon ng first own car niya kaya naiiyak siya.”

Ayon pa sa manager ni Hipon na si Wilbert, tunay na deserve ng alaga niyang si Herlene ang achievement na nakakamit nito ngayon, lalo pa’t noon pa man ay labis na ang kayod na ginagawa nito para sa sarili at sa kanyang pamilya.

Ikinatuwa naman ng mga tagahanga at tagasuporta ni Herlene ang nakamit niyang achievement.

Source: Ptama

Bawat sakripisyo ng mga magulang at lahat ng kanilang ginagawa ay isa lamang ang kanilang hangad, ito ay ang mabigyan ng magandang buhay ang kanilang mga anak. Kaya naman tunay na ikinaliligaya nila kapag ang kanilang mga anak ay nakita nila na naging matagumpay sa buhay.

Pagdating sa usaping sakripisyo ng magulang, ay isa na namang nakakamanghang kuwento ng isang ama ang ating matutunghayan, na talagang nagpa-antig sa damdamin ng marami nating kababayan.

Ang naturang ama ay lubos na hinangaan dahil sa naging pagsusumikap niya na maitaguyod ang kanyang mga anak, sa kabila ng pagiging isa niyang tricycle driver at magsasaka, ay tagumpay niya ngang napagtapos ng kolehiyo ang dalawa niyang anak daan para magkaroon ang mga ito ng magandang karera sa buhay dahil ang mga ito ngayon ay dentista at pharmacist na.

Photo credits: Marga | Facebook

Ayon sa anak ng nasabing ama, kung babalikan niya ang panahon, ay masasabi niya na grabe ang sakripisyo na ginawa ng kanyang tatay para sa kanilang pamilya, lalo na para sa pagkakaroon nilang magkaptid ng magandang kinabukasan.

Photo credits: Marga | Facebook

Photo credits: Marga | Facebook

“Tulog pa kami ay nagtatrabaho na si papa sa farm namin. Umaalis sya ng bahay minsan 4am, minsan 5am. Then pag uwi nya, maliligo tapos hahatid nya kami ng 6am or 7am. After nya hatid, mag mamasada sya.”, kwento ni Marga na isa na ngayong dentista.

Kuwento pa niya, noong siya ay magkokolehiyo na, ay iniisip niya kung ano ang kurso na kanyang kukunin lalo na’t batid niya ang kalagayan nilang pamilya. Sinabihan siya ng kanyang ina na accountancy na lamang ang kunin niyang kurso, ngunit dahil ayaw niya sa maraming mathematics na kurso ay hindi siya pumabor dito hanggang sa alukin nga siya ng kanyang tatay na kumuha ng kursong dentista.

Photo credits: Marga | Facebook

Dahil sa kalagayan ng kanilang pamumuhay noong una ay nagdalawang isip pa si Marga na tanggapin ang alok ng kanyang tatay dahil batid naman natin na hindi biro ang gastusin ng nag-aaral ng kurso ng pagdi-dentista lalo pa’t napakamahal ng mga materyales ng dentista, idagdag pa ang matrikula at iba pang mga kailangan sa pag-aaral ng nasabing kurso.

Photo credits: Marga | Facebook

Sa huli ay pumayag naman si Marga sa alok ng kanyang tatay, dahil alam niya sa kanyang sarili na hindi siya bibiguin nito. Ibinahagi din niya kung paano iginapang ng kanyang tatay ang pag-aaral nilang magkapatid.

“Kada kita niya sa pasada nagtatabi siya ng ipon. Minsan nga humingi ako sa kaniya ng 500, 1k, 2k na pang requirements, hindi siya nag-atubili na magbigay. Dumating din sa point na kailangan ko ng 20k para sa materials sa school at nagawan din ito ng paraan ni papa.”, dagdag na saad ni Marga.

Photo credits: Marga | Facebook

Nang makapagtapos si Marga sa Kursong dentista ay ipinagmalaki niyang sabihin sa lahat na natupad niya ang pangarap niya dahil sa pagsasakripisyo at pagsusumikap ng kanyang ama na isang tricycle driver at magsasaka. Ipinaabot din niya ang kanyang pasasalamat sa kanyang ina na naging katuwang ng kanyang ama, at maging sa kamag-anak nila na tumulong din sa pag-aaral nilang magkapatid.

Sa abot kayang halaga ay maari ka na ngang magkaroon ng ganitong kubo na hindi lamang maaring gamitin bilang pahingaan kundi pwedeng pwede na rin talagang maging tahanan.

Source: Ptama

Lahat ng mga magulang ay hangarin na makapagtapos ng pag-aaral ang kanilang mga anak, kaya naman talagang iginagapang nila ang pag-aaral ng mga ito sa kabila ng hirap ng buhay. Tulad na lamang ng security guard na si tatay Tereso “Terry” Ampong, na dahil sa kanyang mahigit 3-dekada na pagtatrabaho bilang isang security guard sa isang bangko sa San Juan, Manila ay nagawa niyang mapagtapos ang apat niyang anak sa kolehiyo.

Ngayon nga ay dumating na si tatay Terry sa punto ng buhay niya na kinakailangan na din niyang magpahinga sa trabaho, kaya naman sa mahigit 35-taon na pagtatrabaho niya bilang security guard ay kamakailan lamang ay nagretiro na siya.

Sa huling araw naman ni tatay Terry sa kanyang trabaho, ay hindi niya inaasahan na makatatanggap siya ng sorpresa mula sa kanyang pamilya. Noon ngang ika-15 ng Hulyo 2022 ang huling araw ni Tatay Terry sa kanyang trabaho, at ang kanyang pamilya ay gumawa ng paraan upang maipagdiwang ang early retirement ng haligi ng kanilang tahanan, na talagang nagtaguyod sa kanilang pamilya ng ilang taon.

Photo credits: Sei Therese Spiers | Facebook

Makikita sa Facebook post ng isa sa mga anak ni Tatay Terry na si Therese Spiers ang naging pagbabahagi niya ng larawan nilang pamilya na kinunan sa labas ng bangko kung saan nagtatrabaho ang kanilang ama. Kalakip ng larawan ay ang madamdamin niyang mensahe ng pasasalamat para sa lahat ng sakripisyo ng kanilang ama para lamang silang magkakapatid ay mapagtapos sa kolehiyo.

“Last Friday nagpunta kami sa work place ni Papa kasi last day na niya. Naa-early retirement na siya. More than 35 years na rin siya sa Metrobank.”

Dahil sa trabaho niya, napagtapos niya kaming apat niyang mga anak.

“Kahit mahirap ang buhay, at marami kaming napagdaanan, pinilit talaga ng tatay ko makatapos kaming apat.”

“Thank you Papa sa lahat ng sakripisyo.”

Nag-viral naman ang kuwento ni Tatay Terry sa social media dahilan para siyang makapanayam ng media, at ang panayam na ito sa kanya ay maipalabas sa programang Eat Bulaga. Sa nasabing panayam ay ibinahagi naman ni Tatay Terry ang naging reaksyon niya ng dumating sa kanyang workplace ang buo niyang pamilya sa huling araw niya sa trabaho.

“Na-touch ako nung dumating sila, hindi ko alam eh. Nagulat ako eh… Di ko na lang pinakita sa kanila pero naiyak talaga ako”, ang naging saad ni Mang Terry sa segment ng Eat Bulaga na Bawal Judgemental na inere noong ika-11 ng Agosto ng kasalukuyang taon.

Ibinahagi din ni Tatay Terry sa panayam sa kanya na ang bangko mismo ang nag-required sa kanya na maging alerto at maingat, lalo na at minsan na niyang naranasan ang maka-ingkwentro ng mga bank robbers.

Tunay ngang iba ang pagmamahal at sakripisyo ng isang magulang, at napakarami na nating narinig na nakakaantig na kuwento ng mga magulang na nagsusumikap at nagtatrabaho ng husto para maitaguyod ang kanilang pamilya.

Photo credits: Sei Therese Spiers | Facebook

Ilan lamang sa mga nakakaantig na kuwento na nag-viral din, maliban sa kuwento ni Tatay Terry, ay ang kuwento ng 45-taong gulang na ama na dati ring security guard na isinantabi muna ang pangarap niyang pag-aaral at pangarap na maging guro para maitaguyod ang kanyang pamilya ngunit ngayon ay nabigyan na ng katuparan ang kanyang pangarap. Nakakaantig din ang kuwento ng 91-taong gulang na si Lolo Pedring na sa kabila ng kanyang edad ay matagumpay siyang nakapagtapos ng senior high school, ito ay matapos nga niyang unahing mapatapos ng pag-aaral ang anim niyang anak.

Source: Ptama

May mga bagay sa ating buhay na pinapangarap natin noon pa mang ating kabataan,at kapag ito ay ating nabigyan ng katuparan ay tunay na ating ipinagpapasalamat sa Poong Maykapal, lalo na kapag mas higit pa sa ating pinangarap ang ipinagkaloob niya sa ating buhay.

Sa Instagram post ni Miss International title holder na si Lara Quigaman ay kanyang ibinahagi ang pasasalamat niya sa lahat ng mga magagandang pangyayari sa buhay niya ngayon. Katulad na lamang ng naging pagbisita niya at ng kanyang pamiya kamakailan lamang sa bansang Italya na ayon sa kanya noong bata pa siya ay isa ang naturang bansa sa mga dream travel destination niya.

 

View this post on Instagram

 

A post shared by Lara Quigaman Alcaraz (@laraquigaman)

“Being in Italy with my husband, enjoying the sight, the food, the experience, and just each other was wow! Those were things that I used to just dream about, you know?” ani Lara sa kanyang caption.

 

View this post on Instagram

 

A post shared by Lara Quigaman Alcaraz (@laraquigaman)

Dagdag pa niya tunay na napakabuti ng Diyos, dahil sa pagbibigay nito ng mga biyaya na higit pa sa pinangarap natin sa ating buhay.

“It was a humbling, overwhelming moment to realize how truly good God is, how He gives more than we ask.”

Nagbalik-tanaw din ang beauty queen sa buhay niya noong siya ay isang college student pa lamang, kung saan ibinahagi niya ang kakapusan na pinagdaanan niya dahil sa hirap ng buhay. Pagbabahagi niya, noon ay sumasakay lamang siya sa jeep para pumasok sa eskwela at talagang sapat lamang ang pera na mayroon siya.

“Quick college story—When I used to commute from Biñan, Laguna to UST in España, I always only had the exact amount of money for a meal, and enough money to get to school and back home”, saad ng 39-taong gulang na beauty queen.

Photo credits: Lara Quigaman | Instagram

Ibinahagi din niya na upang masigurado niya noon na makakauwi siya, ay talagang naka-safe keep ang pera niya lalo na’t sapat lamang ito na pangkain niya at pamasahe niya.

“I used to hide my pamasahe in my socks or bra [so] in case ma hold-up ang jeep na sinasakyan ko, eh makakauwi pa rin ako.”

Photo credits: Lara Quigaman | Instagram

Tunay ngang sa likod ng bawat tagumpay sa buhay ng isang indibidwal ay may mga pinagdaanan din silang karanasan at kahirapan sa buhay, tulad na lamang nga ng naging karanasan ni Lara Quigaman bago siya nakatungtong sa entablado ng Binibining Pilipinas.

Photo credits: Lara Quigaman | Instagram

Si Larah Quigaman ay kilala natin bilang isang beauty queen na hiniran na Miss International noon taong 2005. Maliban pa dito ay hinahangaan din siya dahil sa kanyang mga glorious OOTD na madalas niyang ibahagi sa kanyang Instagram account.

Photo credits: Lara Quigaman | Instagram

Hinahangaan din ng marami ngayon si Lara bilang isang butihing asawa ng aktor na si Marco Alcaraz at mapagmahal na ina ng kanilang tatlong anak.

Source: Ptama

Mahalaga para sa isang pamilya ang magkaroon ng quality time, o ‘yung paminsan-minsan ay magbakasyon sa ibang mga lugar o bansa para doon ay masulit ang masayang bakasyon. Katulad na lamang ng Happy Island Family nina Andi Eigenmann at Philmar Alipayo na kamakailan lamang ay lumipad patungo sa bansang France para sa isang masayang family vacation.

Photo credits: Andi Eigenmann| IG

Nito lamang nakaraan ay nagtungo sa Hendaye, France si Andi Eigenmann at kanyang Happy Island family. Ang naturang lugar kung saan nagbakasyon ang pamilya ay matatagpuan sa silangang bahagi ng nasabing bansa.

Photo credits: Andi Eigenmann| IG

Hindi naman nawala sa masayang bakasyon na ito ng pamilya ang pagkakaroon nila ng mga nakakaaliw na larawan. Sa Instagram account ni Andi na @andieigengirl ay ibinahagi niya ang ilang mga larawan nila ng kanyang pamilya na kuha sa naging masayang bakasyon nila sa France.

Photo credits: Andi Eigenmann| IG

Makikita sa IG post ni Andi ang masayang larawan nilang pamilya, at sa caption nito ay inilahad ng dating aktres na ang unang bagay na ginawa nila sa lugar ay ang maglakad-lakad sa Hendaye pagsapit ng umaga, at doon ay mas lalo nilang nasilayan ang napakagandang kapaligiran.

Photo credits: Andi Eigenmann| IG

“Walking around on our first morning in Hendaye. This Basque town is the first place on our travel bucket list”, saad ni Andi sa kanyang IG post.

Dagdag na saad pa niya, matapos ang higit apat na taon at ngayon na mayroon na silang dalawang anak ni Philmar, sa wakas ay natupad na nila ang pangarap nilang ito na magkasamang magtungo at magbakasyon sa nasabing lugar.

Photo credits: Andi Eigenmann| IG

“After four years and +2 kids, we finally made it! Making the feeling even much sweeter”, saad pa ni Andi.

Sa ilang mga larawan pa na ibinahagi ni Andi ay masisilayan kung paano at gaano sila nag-enjoy ng kanyang pamilya sa naturang lugar. Ilan sa mga ibinahagi niya ay ang pagkain nila ng mga croissant at ang pag-enjoy nila ng masarap na kape.

Photo credits: Andi Eigenmann| IG

Makikita rin ang bonding ng kanyang mag-ama, kung saan si Philmar ay pasan ang anak nilang si Baby Koa habang masayang naglalakad. Ang anak naman nilang si Lilo, ay makikita sa isang larawan na ine-enjoy ang isang tila fruit shake juice.
Talaga namang makikita sa mga larawan ni Andi at kanyang pamilya kung paano nila sinulit at in-enjoy ang bakasyon nilang ito sa Hendaye, France.

Photo credits: Andi Eigenmann| IG

Photo credits: Andi Eigenmann| IG
Kilala ng publiko bilang isang Filipina actress at model si Andi Eigenmann. Ang kanyang mga magulang ay kilala din sa industriya ng showbusiness bilang mga batikang aktor at aktres, at ito ay sina Mark Gil at Jaclyn Jose. Marami ang bumilib at mas humanga kay Andi, matapos niyang talikuran ang kasikatan at karangyaan ng buhay, ng piliin niyang manirahan sa isla ng Siargao, at doon ay mamuhay ng simple at tahimik kasama ang partner niyang si Philmar at kanilang mga anak.

Source: Ptama

Tinaguriang Kapuso Primetime Queen na si Marian Rivera, ipinagdiwang na ang kanyang ika-38 taong gulang na kaarawan. Nagkaroon ng isang bonggang birthday photoshoot kung saan muli niyang ipinamalas at pinakinang ang walang kupas niyang kagandahan.

Photo credits: Marian Rivera Gracia Dantes|IG

Sa nakalipas na araw ng Biyernes, ika-12 ng Agosto ay ipinagdiwang ni Marian Rivera ang kanyang ika-38 taong gulang na kaarawan. Minarkahan naman niya ang espesyal na araw na ito sa kanyang buhay sa pagbabahagi ng mga nagagandahan niyang larawan na kuha sa naging birthday photoshoot niya, dahilan para mapa-wow ang maraming mga netizens.

Photo credits: Marian Rivera Gracia Dantes|IG

Talaga namang kahanga-hanga ang kagandahang taglay ng Kapuso actress sa kanyang mga larawan, na kinunan ni Charisma Lico-Santos.
Maliban sa kanyang walang kupas na ganda, ay pina-wow din ni Marian ang marami niyang mga tagahanga at mga netizens dahil sa taglay niya pa ring kaseksihan sa kabila ng batid ng marami na siya ay mayroon ng dalawang anak. Sa kanyang suot na mga outfit sa ginawa niyang birthday photoshoot, ay maaaninag ang napakagandang hubog ng kanyang katawan.

Photo credits: Marian Rivera Gracia Dantes|IG

Photo credits: Marian Rivera Gracia Dantes|IG

Ibinahagi mismo ni Marian sa kanyang Instagram account ang ilan sa mga larawan niya, at ito ay nilakipan niya ng caption kung saan nagpaabot siya ng pasasalamat sa lahat ng mga taong nakaalala siyang batiin sa espesyal na araw ng kanyang buhay.

“Thank you for all your birthday greetings and wishes. Beyond grateful for all of you”, saad ni Marian sa kanyang IG post.

Photo credits: Marian Rivera Gracia Dantes|IG

Tunay namang napakaraming nagmamahal sa Kapuso actress, dahil bumuhos ang napakaraming birthday greetings para sa kanya na mula sa kanyang mga tagahanga at maging mga kasamahan sa industriya ng showbiz.

Photo credits: Marian Rivera Gracia Dantes|IG

Ilan sa mga celebrity na nagpaabot ng birthday greetings kay Marian ay sina Anne Curtis, Sarah Lahbati, Bianca Gonzales, Iya Villania at marami pang iba.
Siyempre, hindi rin naman nakaligtaan ng Kapuso actor na si Dingdong Dantes ang kaarawan ng pinakamamahal niyang asawa, at sa kanyang Instagram account ay makikita ang pagbabahagi niya ng sweet birthday greetings para sa misis niya.

Photo credits: Marian Rivera Gracia Dantes|IG

“Rockin’ our worlds since 1984. Happy birthday, my Love,” saad ng Kapuso actor sa kanyang IG post.

Ang mag-asawang Marian Rivera at Dingdong Dantes ay isa lamang sa mga celebrity couple sa mundo ng showbiz na hinahangaan at tinitingala ng marami, dahil sa kanilang napakagandang samhan na mag-asawa pati na rin sa pagiging magulang nila sa kanilang dalawang anak na sina Zia at Sixto.

Photo credits: Marian Rivera Gracia Dantes|IG

Matatandaan na noon lamang nakaraang buwan ng Disyembre ay ipinagdiwang ng mag-asawa ang ika-7 taong anibersayo ng kanilang kasal.

 

View this post on Instagram

 

A post shared by Marian Rivera Gracia Dantes (@marianrivera)

Source: Ptama