Masayang ibinahagi ng Mars Pa More host na si Camille Prats sa kanyang mga tagasubaybay ang isang magandang balita, at ito nga ay nalalapit na nilang paglipat ng kanyang pamilya sa kanilang bagong bahay.

Photo credits: Camille Prats |YT

Batid natin na ng magkaroon ng pandemya sa ating bansa ay marami nga ang naapektuhan nito, hindi lamang ang trabaho ng ilan nating mga kababayan kundi maging ang mga ginagawang imprastaktura ay natigil din.

Ngunit sa kabila nga nito, ay nagawa pa rin ni Camille at ng kanyang mister na si VJ Yambao na ipagpatuloy ang pagpapagawa ng kanilang ipinapatayong dream house.

Photo credits: Camille Prats |YT

Dahil nga sa dami ng ipinagbabawal o mga restriction nung unang buwan ng taong 2019 ay hindi nga naging madali para kana Camille ang pagpapatrabaho ng ipinapatayo nilang bahay ngunit sa kabila nito ay nagawa pa rin nila ito na maipagpatuloy kahit nga mabagal ang pag-usad nito.

Photo credits: Camille Prats |YT

Matatandaan na buwan ng Abril noong nakaraang taon ng magbahagi si Camille sa kanyang Instagram account ng progress ng ipinapatayo nilang bahay, kung saan ay kanya ngang ibinahagi na malapit na itong matapos.

Samantala, nito lamang namang nakaraan na buwan ng Marso ng kasalukuyang taon, ay masaya namang ibinalita ng Mars Pa More host na halos nasa 100% na ngang tapos ang kanilang dream house at soon ay makakalipat na silang magpamilya.

Photo credits: Camille Prats |YT

“It’s already mid-March at kami ay lipat na lipat na. The house is finally almost done after almost 2 years of building it”, ang naging pagbabalita ni Camille.

Sa bagong house update din na ito na ibinahagi ni Camille ay kanyang ipinasilip ang loob ng kanilang bagong lilipatan na bahay. Makikita nga na ang mga ceiling nito ay tapos na at naka-install na rin ang mga ilaw. Ipinakita rin niya na halos ang buong bahay nila na ito ay glass walls, ito ay dahil sa gusto umano nilang mag-asawa na ma-enjoy ang magandang view sa labas mula nga sa loob ng kanilang tahanan.

Photo credits: Camille Prats |YT

Ipinasilip din ni Camille ang iba pang bahagi ng bagong tahanan nga nila na ito na lilipatan na nila soon, kagaya na lamang ng patio, kitchen, dining area, living area at maging ang kanilang master’s bedroom at masters’ bathroom.

Photo credits: Camille Prats |YT

Bagama’t marami pa ngang kulang na kagamitan, lalo na ang mga furnitures sa tahanan nga nila na ito ay hindi naman maitago ni Camille ang kanyang kasiyahan at excitement na ‘soon’ nga ay makakalipat na sila ng kanyang pamilya sa dream house nila na ito at dito nga ay panibagong mga alaala na naman ang kanilang bubuuin.

Source: Ptama

Inaakala ng marami na kung ang isang tao ay nasa industriya ng showbiz, agad-agad itong makakapagpundar ng mga ari-arian ngunit gaya ng pangkaraniwang mga tao, dumadaan din sa paghihirap ang mga sikat na personalidad.

Ang lahat ng kanilang nakukuhang yaman ay mula sa kanilang sipag at tiyaga. Kaya naman nakakatuwa ang mga personalidad na nagkaroon na ng kanilang inaasam na ari-arian.

Photo credits: Allan K.| IG

Gaya nga ng mga personalidad na ito, ilang taon din ang lumipas bago nagkaroon ng napakagandang bahay ang host at komedyanteng si Allan K. Taong 1995 pa nagsimulang magtrabaho si Allan bilang isa sa mga host ng kilalang variety show na Eat Bulaga.

Mula noon ay naging regular naman ang trabaho ni Allan hanggang sa nagkaroon siya ng pagkakataon na makatrabaho ang ilang sikat na artista sa mga pelikula gaya ng “Enteng Kabisote”.

Photo credits: Mars Pa More | YT

Sa isang show ng GMA, proud na ibinahagi ni Allan ang bunga ng kaniyang pagtatrabaho sa showbiz. Ipinasilip niya ang ilan sa napakagandang silid ng kaniyang tahanan. Sa main door pa lamang ay talagang mapapansin na ang pagiging magara ng kaniyang tahanan. Pagpasok naman dito ay makikita ang iba’t ibang napakagandang artworks.

Photo credits: Mars Pa More | YT

Masasabi naman na ipinagawa niya ang kaniyang tahanan hindi lamang para sa kaniyang sarili kundi para na rin sa mga mahal niya sa buhay. Dahil dito, nagpagawa siya ng espesyal na espasyo para sa kaniyang mga kaibigan na mahilig kumuha ng magagandang litrato.

Mula naman dito ay makikita ang dining area kung saan komportableng makakapagsalu-salo ang kaniyang pamilya. Mapapansin ang modernong disenyo nito na sinamahan ng kakaibang mga ilaw at palamuti.

Photo credits: Mars Pa More | YT

Aakalaing mukhang isang ordinaryong mansyon lamang ito ngunit ang totoo ay kakaiba ang bahay na ito ni Allan dahil sa kaniyang pribadong coffee shop sa loob ng kaniyang tahanan.

Gaya ng pangkaraniwang coffee shops, talagang nakaka-relax ang ambiance nito dahil sa napakagandang mga dekorasyon. Bukod sa coffee table, mayroon ding bar sa coffee shop na ito. Kung hindi naman mahilig sa kape ang kaniyang mga bisita, maaari din silang makapag-relax sa outdoor swimming pool ng komedyante.

Photo credits: Mars Pa More | YT

Mapapansin na hindi lamang ang kaniyang mga modernong palamuti ang nakapagbibigay ng kagandahan sa bahay na ito kundi pati na rin ang naggagandahang mga halaman ni Allan gaya ng kaniyang monstera.

Masasabing talagang pinaghirapan ni Allan na ipatayo ang bahay na ito mula sa ilang taon niyang pagtatrabaho at pagpapasaya sa kanilang mga viewers at fans. Bawat dekorasyon at litrato ay repleksiyon ng kaniyang pagiging host at komedyante.

Source: Ptama

Noong kasagsagan ng pandemya sa ating bansa ay marami nga sa ating mga kababayan ang tunay na naapektuhan, at karamihan nga sa mga ito ay nawalan ng hanapbuhay. Isa nga sa mga industriya na pinaka-naapektuhan noon ay ang industriya ng showbusiness kung saan marami sa mga artista ang nawalan ng proyekto.

Photo credits: Neil Coleta | IG

Ang aktor na si Neil Coleta ay isa lamang nga sa mga artista na nawalan ng proyekto sa panahon ng pandemya, at dahil dito ay kinailangan niya ngang dumiskarte at maghanap ng ibang mapagkakakitaan.
Kamakailan nga lamang ay nakapanayam ng PEP.ph (Philippine Entertainment Portal) si Neil sa naganap nga na 6 th invitation celebrity badminton tournament ng Philippine Movie Press Club, na ginanap noong ika-8 ng Abril taon ng kasalukuyan sa Powerplay Badminton Center.

Photo credits: Neil Coleta | IG

Sa nasabing panayam nga ay ipinagtapat ng aktor kung ano ang pinagkakitaan niya noong mga panahon na nawalan siya ng proyekto. ibinahagi pa niya na ang trabahong ito umano ang nakatulong sa kanya upang maitawid ang pangangailangan ng kanyang pamilya.

Photo credits: Neil Coleta | IG

“Nagtinda ako ng bangus, kumuha ako sa Dagupan.
“Ayokong matapos ang buhay ko na malungkot, toxic na nga, papa-toxic-in mo pa ang sarili mo.
“Wala na ngang pumapasok na pera sa iyo, made-depress ka pa?”
Ayon nga kay Neil nagtinda siya ng bangus ng mga panahon na wala siyang proyekto sa telebisyon. Kuwento pa niya, kahit na may maar ingang sabihin ang ibang tao tungkol sa pinagkakakitaan niya, ay hindi niya to iniinda o iniisip, dahil tanging mahalaga ay marangal ang kanyang ginagawa at nakakatulong ito sa pagtustos sa pangangailangan nila ng kanyang pamilya.
“Walang arti-artista ngayon, e. Lahat tayo pantay-pantay that time. Naisip ko, paubos na ang kapital ko, e, yung inipon ko.
“Sabi ko sa sarili ko, ‘Mag-business ako na di kailangang ikahiya.’
“Sobrang proud ako, ang daming natuwa sa akin kasi ako mismo ang nagde-deliver. Imagine, nagbebenta ako ng bangus.
“Nagde-deliver ako pag may kumukuha sa Quezon City, minsan nag-aalok ako sa mga bahay. Malaki ang kita.”
Ibinahagi rin ni Neil na may mga ilang mga customer na nagulat ng makilala siyang artista. At hindi rin niya naiwasan na makaranas ng pangungutya o pagtawanan ng iba. Saad pa niya, sa karanasan niya na pagtitinda ng bangus, ay doon niya nalaman na tunay na hindi pala madali ang ganitong trabaho.
“Yung iba ang iniisip, ‘Wala ka na bang pera?’ Hindi, hindi sa ganun yun.
“Marami naman, pero gusto ko naman enjoy-in, something new naman. Gusto ko ring ma-experience yung buhay ng ibang tao.
“Ang hirap pala, kasi pag nagtinda ka ng bangus, pagtatawanan ka.”

Photo credits: Neil Coleta | IG

Sa kasalukuyan nga ay tila naman natigil na sa pagtitinda ng bangus si Neil, ngunit siya ay mayroon na rin namang negosyo at ito nga ay ang kanyang liquor store na hanggang ngayon umano ay patuloy pa rin namang maganda ang progress.

Photo credits: Neil Coleta | IG

Mas lalo pa ngang inspirado na magtrabaho ngayon si Neil dahil sa pagiging isa na niyang ganap na ama. Sila nga ng kanyang non-showbiz live-in partner na si Chin Kee ay mayroon ng anak na babae at ito nga ay ang pitong buwang gulang ng si Baby Jazmin Chinnei.

Source: Ptama

Marami ang namangha sa naging transformation ni Herlene Budol o mas nakilala nga ng publiko bilang si Hipon Girl, kaya naman ngayon ay talagang pinag-uusapan siya ng maraming netizens dahil sa mas tumitingkad pa nga niyang angking kagandahan.

Photo credits: Herlene Budul | YT

Si Herlene Budol o mas kilala ng publiko bilang si Hipon Girl ay unang nakilala ng siya ay nasali sa isang segment ng Wowowin na Willie of Fortune. Siya ay agad napansin ng host nito na si Kuya Wil dahil sa kanyang ipinamalas na talento sa pagsasayaw at maging sa pagbibigay ng katatawanan sa maraming mga manonood.

Kinabiliban din nga ni Kuya Wil ang kanyang ipinakitang galing sa pagho-host, kaya naman simula noon ay kinuha na siya nito bilang regular host ng nasabing programa at dito na nga nag-umpisa na makilala siya ng mga viewers bilang si Hipon Girl.

Photo credits: Herlene Budul | YT

Maliban sa pagho-host sa programang Wowowin ni Kuya Wil, ay nagbigay din nabigyan din ng oportunidad si Herlene na ipamalas ang galing niya sa pag-arte. Ang una niyang naging appearance sa TV ay sa isang drama episode sa “Magpakailanman” na mayroon ngang titulo na “Yaya, Duba and I”, kung saan ay gumanao siya bilang si Jenny.

Photo credits: Herlene Budul | YT

Lingid naman sa kaalaman ng publiko, na bago pa natin makilala sa telebisyon si Hipon Girl o sa tunay na buhay nga ay si Herlene ay naging title holder na siya noon, at ito nga ay bilang “Binibining Angono in Sining” noong taong 2017.

Ayon pa sa mga ulat, isa sa mga pangarap ni Herlene ay ang maging kalahok sa Bb. Pilipinas, kaya naman ngayon na siya ay nabigyan ng pagkakataon na isa sa maging kalahok ng prestihiyosong beauty pageant ay tila nga talagang pinalitaw niya pa lalo ang kanyang angking ganda.

Photo credits: Herlene Budul | YT

Ngayon nga ay talagang marami ang humahanga sa angking kagandahan ni Herlene, at tila nga naging mala-latina ang kanyang taglay na kagandahan sa bagong bersyon ng kanyang sarili ngayon.

Photo credits: Herlene Budul | YT

Ito nga ay makikita sa mga larawan niya ngayon sa social media, at maging isang viral video kung saan ay nakunan siya ng isang netizens habang ito nga ay nakasakay sa isang kotse at nakita siya ay hindi nito napigilan ang kunan nga siya ng video dahil sa pagkamangha niya sa kahanga-hanga niyang ganda.
Samantala, marami naman sa mga fans ngayon ni Herlene ang talagang proud sa kanya matapos nga niyang makapasok sa screening ng Bb. Pilipinas.

Source: Ptama

Pagdating sa kagwapuhan ay isa ang aktor na si Gerald Anderson sa mga nangunguna sa hinahangaan. Ang kanyang showbiz career ay nagsimula ng maging isa siyang housemate ng Pinoy Big Brother, at ng lumabas nga sa nasabing reality show ay maraming oportunidad ang nagbukas sa kanyang sa mundo ng showbiz.

Photo credits| Gerald Anderson | IG

Nakilala siya bilang isang mahusay na aktor, ngunit mas minahal pa siya ng marami niyang mga tagasuporta dahil sa pagiging isa niyang mabuting tao, hindi lamang sa harap ng kamera kundi maging sa totoong buhay, at kamakailan nga lamang ay muli niya iong pinatunayan.

Photo credits| Gerald Anderson | IG

Maliban nga sa pagiging isa sa mga hinahangaang aktor sa industriya ng showbiz, ay isa ring mabait na amo si Gerald sa kanyang mga tauhan. Sa katunayan, isa nga sa kanyang mga tauhan ang nakatanggap ng sorpresa mula sa aktor noong araw ng kaarawan nito, na labis ngang nagpasaya rito.

Photo credits| Gerald Anderson | IG

Kamakailan nga lamang ay nagdiwang ng kaarawan ang PA o personal assistant ni Gerald na si Jalal Laidan. At sa espesyal na araw nga na ito sa PA ng aktor, ay isang sorpresa ang inihanda ni Gerald, kung saan ito nga ay isang bonggang regalo para sa isa sa mga taong labis niyang pinagkakatiwalaan at malaki ang naitutulong sa kanya.

Ibinahagi ni Gerald sa kanyang Instagram account ang isang video at dito ay makikita nga kung paano niya sinorpresa ang kanyang PA sa araw ng kaarawan nito, kung saan ay niregaluhan nga niya ito ng motorsiklona noon pa man ay pangarap na nito na magkaroon.

Photo credits| Gerald Anderson | IG

“Birthday ng anak ng Sultan na si Jalal tapos ngayon, isu-surprise natin siya with a motorcycle. Matagal na niyang pangarao ‘yan kaya pagbibigyan natin siya”, ang naging saad nga ng aktor sa unang bahagi ng kanyang video.

Labis naman ang tuwa at galak ng PA ni Gerald na si Jalal ng makita niya ang regaling motorsiklo sa kanya ng aktor. Hindi nga nito naiwasan na mapatalon sa tuwa at mapayakap ng ilang beses kay Gerald dahil sa kanyang labis na kasiyahan. Kaagad rin ngang sinubukan ni Jalal ang kanyang bagong motorsiklo.

Photo credits| Gerald Anderson | IG

Ipinahayag naman ni Jalal ang labis niyang kasiyahan at pasasalamat para sa kanyang butihing boss na si Gerald Anderson. Kalakip pa nga ng mensahe ng pasasalamat niya para sa aktor ay ang larawan niya kung saan ay makikita nga siyang nakangiti habang nakasakay sa motorsiklo na regalo sa kanya.

“Maraming salamat sa lahat po! Dream come true! Thank you so much my boss, my brother @andersongeraldjr”, sulat ni Jalal sa kanyang IG post.

 

View this post on Instagram

 

A post shared by Gerald Anderson (@andersongeraldjr)

Source: Ptama

Kahit buntis, ay tunay namang kahanga-hanga pa rin ang taglay na ganda ng soon-to-be-mommy ng aktres na si Angelica Panganiban.
Parang kailan lamang nga ng masayang ibahagi ni Angelica o mas kilala sa tawag sa kanya bilang si Angge ang isang magandang sorpresa na dumating sa buhay nila ng partner niyang si Gregg Homan, at ito nga ay ang pagbubuntis niya sa kanilang magiging panganay na anak.

At nito lamang ngan nakaraan, ika-21 ng Abril taong 2022 ay makikita naman sa ibinahaging mga larawan ni Angge sa kanyang Instagram account ang masayang beach trip nila ng partner niyang si Gregg, kung saan ay ibinida rin nga niya sa ilang mga larawan ang lumalaki na niyang baby bump.

Makikita nga sa mga larawan na ang 35-taong gulang ng aktres na si Angge ay nakassuot ng white bikini at printed cover-up habang nasa beach, at sa isa namang larawan ng aktres ay makikita naman na siya ay nakasuo ng like blue bikini habang kasama ang kanyang non-showbiz boyfriend. Sa mga larawan ding ito na nakasuot ng bikini si Angge, ay litaw na litaw na nga ang kanyang baby bump na ngayon ay malaki na.

“BabyMoon [full moon emoji]”, ang naging caption ng soon-to-be-mom sa mga larawan na kanyang ibinahagi sa kanyang IG post.

Photo credits: Angelica Panganiban | IG

Photo credits: Angelica Panganiban | IG

Maliban pa nga sa mga larawan na ito ay nagbahagi rin ng ilan pang mga larawan si Angge sa kanyang IG stories, kung saan dito niya ipinakita ang iba’t ibang mga activities na ginawa nila ng partner niyang si Gregg sa kanilang naging beach trip.

Photo credits: Angelica Panganiban | IG

Ayon sa aktres, isa nga sa mga na-enjoy nila ay ang romatic sunset dinner nilang mag-partner. Ipinahayag din ni Angge sa kanyang caption kung gaano kasaya ang buhay niya ngayon, lat kung gaano siya nagpapasalamat sa lahat ng mga biyaya na kanyang natatanggap.

“Nothing but joy! Thank you universe”, aniya sa caption.

Photo credits: Angelica Panganiban | IG

Isa pa nga sa mga ibinahaging larawan ni Angge na talaga namang nagpamangha sa marami ay ang kanyang bathroom selfie, kung saan ay makikita na siya ay nakasuot ng red lingerie, dito ay litaw na litaw pa rin ang kagandahan at kaseksihan ni Angge kahit na nga siya ay preggy.

Pinuri naman ng marami ang pagiging blooming ni Angge ngayon na siya ay buntis, ilan nga sa mga nagbigay papuri ay mga celebrity friend’s ng aktres kagaya na lamang nina KC Concepcion, Janine Gutierrez, Bela Padilla, Bianca Gonzales, Liz Uy, Sunshine Dizon at marami pa ngang iba.

Source: Ptama

Noong nakaraan ay ipinasilip ng aktres na si Bea Alonzo ang kaniyang farm na Beati Firma. Maraming netizens ang natuwa at na-inspire sa napakagandang farm ni Bea kaya naman sa kaniyang latest vlog, ibinahagi niya ang mga karagdagang proyekto sa farm na ito. Isa na nga rito ang chapel at gym. Ipinasilip rin niya ang ilang updates dito.

Photo credits: Bea Alonzo | YT

Sa kaniyang chapel tour, inilahad ni Bea na bilang pasasalamat sa lahat ng mga biyaya na kanilang natatanggap, ipinagawa nila ang munting chapel na ito. Kwento pa niya, mismong ang kaniyang Mama Em ang nagdisenyo ng 40 sqm. na chapel. Dagdag sa kagandahan ng chapel ay ang mga halaman at mga ilaw sa paligid nito.

Photo credits: Bea Alonzo | YT

Gumamit rin sila ng glass windows at doors para dito upang magmukhang malawak ang lugar. Gmelina wood naman ang ginamit para sa mga muwebles sa loob ng chapel habang ang ilan pang kagamitan at imahen ng mga santo ay mula sa mga lokal na suppliers.

Ibinahagi rin ni Bea na sa chapel na ito idinaos ang kanilang misa noong nakaraang pasko. Plano rin ng kaniyang Mama Em na dito idaos ang binyag ng kaniyang mga apo at ang iba pang mahahalagang okasyon ng kanilang pamilya.

Photo credits: Bea Alonzo | YT

Pagdating naman sa Beati Firma gym, ibinahagi ni Bea na isa sa mga rason ng kanilang pagpapagawa nito ay upang magkaroon ng maayos na lugar ang kaniyang Mama Em habang siya ay nag-eehersisyo.

Kumpara naman sa personal na gym ni Bea sa kaniyang sariling tahanan, mas maliit ang gym na ito ngunit kumpleto naman sa iba’t ibang multi-functional na gym equipments. Kalapit din ng gym na ito ang basketball court ng farm. Gaya rin ng chapel, ang ilang bahagi ng gym ay disenyo ni Mama Em. Kapansin-pansin din ang pagiging organisado ng mga kagamitan rito.

Photo credits: Bea Alonzo | YT

Ibinahagi rin ni Bea ang ilan pang updates sa farm gaya ng bagong piggery at pinyahan. Ayon kay Mama Em, napakarami pa niyang plano at proyekto para sa farm na ito kaya naman masasabing talagang kinakailangan ng sipag at tiyaga sa pagtatayo ng isang farm.

Importante ding tutukan ang lahat ng proyekto dito. Gayunpaman, nakapagbibigay umano ang Beati Firma ng kasiyahan hindi lamang kay Bea at sa kaniyang Mama Em, kundi pati na rin sa kanilang buong pamilya.

Source: Ptama

Hindi maipagkakaila na napakaraming bagong bagay ang natututunan at nararanasan ng mga tao nang sila ay mag-asawa at magkaroon ng sariling pamilya. Ang mga bagay na mistulang hindi natin magawa noon ay nakakayang malampasan ngayon.

Photo credits: Mark Herras | IG

Nababago rin ang ating mga pag-uugali at pananaw sa buhay. Para sa ibang tao, mas nagiging responsable sila at mas nagsusumikap sa kanilang sariling propesyon o kabuhayan upang masiguro na maibibigay nila ang komportable at masayang buhay sa kanilang mga mahal sa buhay.

Hindi rin naiiba rito ang mga karanasan ng mga sikat na personalidad sa bansa. Maging sila ay nagbabahagi rin ng mga aral na kanilang nakuha mula sa kanilang pagiging pamilyadong tao.

Photo credits: Mark Herras | IG

Matatandaan na noong Setyembre 2021 nang ikinasal ang aktor na si Mark Herras at ang kaniyang kasintahan na si Nicole Donesa. Sa isang interview, ibinahagi niya na marami ang naging pagbabago sa kaniyang buhay at pag-uugali mula nang siya ay maging isang tatay at asawa kaya naman ibinahagi niya ang kaniyang karanasan at buhay may-asawa upang makapagbigay ng payo sa ibang tao.

Photo credits: Mark Herras | IG

Pagdating sa usapin ng pera, ibinunyag niya na ibinibigay niya sa kaniyang asawa ang kaniyang buong sahod. Humihingi lamang siya rito sa mga pagkakataong mayroon siyang kailangang bilhin. Ang kaniyang asawa naman ang bahalang mag-budget sa pera na ito.

Photo credits: Mark Herras | IG

Gaya rin ng lahat ng mag-asawa, hindi maiiwasan ang mga hindi pagkakaunawaan. Kung dati raw ay hindi agad naaayos ang kanilang mga tampuhan, ngayon ay nagtutulungan ang mag-asawa upang maresolba ito.

Photo credits: Mark Herras | IG

Bukod dito, isa rin sa mga naging karanasan ni Mark ang pag-aalaga ng kanilang sariling anak. Ayon sa kaniya, natutunan niya ang simpleng pag-aalaga sa kaniyang anak na si Corky gaya ng pagpapaligo at pagpapakain kaya naman masasabing talagang maaasahan ang aktor bilang katuwang ng kaniyang asawa sa pag-aalaga ng kanilang lumalaking pamilya

Dagdag pa ni Mark, “Pero sa anak ko, instinct talaga kung paano ka maging tatay—kung paano mo siya bubuhatin, paano mo siya iingatan.”

Photo credits: Mark Herras | IG

Talaga namang kahanga-hanga ang pagiging hands-on ng aktor sa pag-aalaga ng kaniyang pamilya. Masasabing napakaresponsable rin nito dahil sa kaniyang pagsusumikap sa trabaho upang patuloy na mabigyan ng komportableng pamumuhay ang kaniyang pamilya. Tunay nga na napaka-swerte ni Nicole sa kaniyang asawa.

Source: Ptama

Ilang linggo na nga ang nakararaan nang huling maglabas ng vlog ang kilalang aktres at vlogger na si Ivana Alawi. Bagamat nakapagbahagi ang aktres ng ilang litrato ng kaniyang pagiging “island girl”, siguradong pinakahihintay rin ng mga subscribers ang kaniyang nakakaaliw na vlogs.
Sa kaniyang latest vlog, ibinahagi ng aktres na kasalukuyan itong namamalagi sa isang isla sa Masbate para sa kaniyang pinakabagong teleserye.

Photo credits| Ivana Alawi | YT

Ayon kay Ivana, talagang natuwa siya sa buhay-probinsya sa islang ito, hindi lamang dahil sa kagandahan at katahimikan ng lugar, kundi dahil na rin sa kabutihang-loob ng mga taga-roon. Ibinahagi rin ng aktres ang ilan pa sa kaniyang adventures sa isla.

Photo credits| Ivana Alawi | YT

Kwento pa ni Ivana, isa sa kaniyang paboritong gawain sa isla ay ang pagsakay sa kabayo sa isang lokal na farm. Enjoy na enjoy rin si Ivana sa napakagandang view ng lugar partikular na ang view mula sa resort na kanilang tinutuluyan.

Photo credits| Ivana Alawi | YT

Dahil dito, kahit pagod na pagod sa kanilang taping ay nakapag-relax din umano ang aktres sa loob ng ilang linggo nilang pamamalagi rito. Bukod sa kagandahan ng lugar, mababait rin daw ang mga tao kaya naman walang dudang gusto niyang bumalik sa lugar.

Photo credits| Ivana Alawi | YT

Dahil rin sa ganda ng kaniyang naging karanasan, hindi naiwasan ni Ivana na balikan ang kaniyang mga naging karanasan noong mga panahong hindi pa siya nakikilala.

Photo credits| Ivana Alawi | YT

Ngayon nga ay labis ang kaniyang pasasalamat lalo na sa kaniyang mga taga-suporta.
Kaugnay nito, nagkaroon din ng pagkakataon ang aktres na sandaling makasalamuha ang ilang fans na mapapansing tuwang-tuwa nang makita ang isa sa pinakasikat na vlogger at aktres sa bansa.

Photo credits| Ivana Alawi | YT

Ang ilang fans naman ay nagkomento sa vlog na ito ni Ivana. Ayon sa isang netizen, nagpapasalamat sila na napansin ng isang kilalang personalidad ang ganda ng kanilang tahimik na lugar kaya naman nais nilang makabalik si Ivana rito kasama ang kaniyang buong pamilya.

Ang ilan pa sa mga netizens ay inimbitahan ang vlogger sa kanilang sariling lugar. Pinuri din ng ibang fans ang pagiging mapagpakumbaba ni Ivana at ang kaniyang kabutihan sa ibang ordinaryong tao. Dahil sa good vibes na vlog ni Ivana, mayroon nang 2.4 million views at 129,000 likes ang vlog na ito.

Source: Ptama

Ang 37 taong gulang na bitakang aktres na si Dimples Romana, ngayon nga ay nag-eenjoy sa kanyang pagbubuntis sa kanyang ikatlong anak. At kamakailan lamang nga ay ipinasilip niya ang kanyang ika-apat na maternity photoshoot na may temang tubig sa pangtatlong anak nito. Sa panibagong biyaya na dumagdag sa pamilya ng aktres, ay nagkaroon ang aktres ng apat na elemento ang air, fire, earth at water bilang tema sa kanyang maternity photoshoot.

Photo credits: Dimples Romana |IG

Sa pinakabagong post ni Dimples sa kanyang Instagram account ay makikita ang mga nakakamangha at naggagandahang pose ng aktres sa ilalim ng tubig. Tila sumang-ayon ang asul na tulle dress ni Dimples sa kulay ng tubig kaya’t nakakabighaning pagmasdan ang kanyang larawan sa nasabing Instagram post.

Photo credits: Dimples Romana |IG

Sa unang bahagi ng kanyang caption ay isinulat ni Dimples, “WATER The last of our four elements maternity shoot.”

Ang tubig na tema ang kumumpleto sa ika-apat na elemento at inaabangan ng mga netizens ang susunod na tema ng kanyang maternity photoshoot. Maliban sa magandang resulta ng photoshoot ay tila may nais ipabatid ang bawat larawan. At ito nga ay tila naglalarawan ng pakikipaglaban sa malalaking alon ng problema sa buhay.

Photo credits: Dimples Romana |IG

Ayon pa sa aktres,“Do you ever feel like you’re drowning and you can’t seem to find the light? May it be in love, in life, in desire. We all are fighting battles no one knows about.”

Ito ay isang paalala na kung anumang tahimik na laban ang meron tayo ay manatiling matatag sapagkat ang mga problema ay hindi permanente at may katapusan, magtiwalang ang mga ito ay malalagpasan rin.

Photo credits: Dimples Romana |IG

At ang mga katagang,“I pray today that whoever is reading this and is feeling the weight of the waves on your shoulder and you feel like giving up, STAY, KEEP FIGHTING, KEEP SWIMMING, we are part water anyway. DANCE with the waves”, na nagmula kay Dimples bilang kanyang panghihikayat sa mga netizens

Dagdag pa niya,“And as they say, let the waves carry you where the light cannot. Im with you in prayer.”

Photo credits: Dimples Romana |IG

Tunay nga na kahanga-hanga ang temang napili ni Dimples para sa kanyang maternity photoshoot. Ngunit, higit namang kahanga-hanga ang nilalaman ng temang ito na nais niyang iparating sa madla. Kung sakaling dumating tayo sa puntong pakiramdam natin nalulunod na tayo sa mga problema at walang malapitan huwag nating kalimutang meron tayong malalapitan ang Panginoon.

Hindi natin kayang salungatin ang alon ay maari natin itong sabayan, at hintaying kumalma. Katulad ng mga karanasan ng aktres nanatili itong matatag, lumaban at naging positibo sa buhay. Sa ngayon nga ay nakamit niya ang masaya at matiwasay na buhay kasama ang pamilya at bagong miyembro ng kanilang pamilya.

Source: Ptama