Magkahalong kaba at saya ang nararamdaman ng aktres na si Angelica Panganiban ngayon, ito ay matapos nga niyang malaman na ang matagal na niyang hinihintay at pangarap sa kanyang buhay ay natupad na, at ito ay pagiging isa niyang ina.

“Napakatagal kong hinintay ito”, ito nga ang mga salitang binitawan ni Angelica ng maitanong sa kanya kung ano ba ang nararamdaman niya ngayon na siya ay nagdadalang-tao na.

Photo credits: Angelica Panganiban |IG

Hindi naman lingid sa kaalaman ng publiko na si Angelica Panganiban o Angge, ay isa sa mga aktres sa mundo ng showbiz na matagal ng pinapangarap ang magkaroon ng kanyang sariling pamilya, lalo na ang magkaroon ng anak.

Ang kanyang buhay ay tunay na naging bukas sa publiko, magmula nga sa kanyang pag-aartista at maging sa mga buhay pag-ibig niya.

Photo credits: Angelica Panganiban |IG

Batid ng marami niyang mga tagahanga ang maraming kasawian sa pag-ibig na kanyang naranasan, at tunay na siya’y hinahangaan ng mga tagahanga at tagasuporta niya dahil sa kabila ng maraming beses niyang pagkabigo sa pag-ibig ay nanatili naman positibo sa buhay niya si Angge.

Hanggang sa kamakailan nga lamang ay kanya ngang ibahagi na sa kasalukuyan ay masaya ang buhay pag-ibig niya sa piling ng kanyang non-showbiz boyfriend na si Gregg Homan.

Photo credits: Angelica Panganiban |IG

Samantala, nito lamang nga nakaraan ay sinorpresa naman niya ang publiko ng ibahagi niya na sila ni Gregg ay magkakaroon na ng anak. Masayang-masaya na ibinahagi ni Angge sa panayam sa kanya ng Star Magic Inside News ang kanyang pregnancy journey, at kung paano ba niya nalaman na siya ay nga ay nagdadalang-tao na.

“Nalaman ko siya na hindi namin ine-expect na pagkakataon. Nalaman ko siya sa trabaho. Mag-i-start na ako ng lock-in taping para sa My Papa Pi, kasama si Papa Pi (Piolo Pascual). And then delayed lang talaga ang period ko. So kailangan ko lang talaga mag-rule out, hindi na ako mapakali.”, ani Angge.

Photo credits: Angelica Panganiban |IG

Ayon nga sa aktres, nalaman niya ang tungkol sa kanyang positibong pagbubuntis noong siya ay nasa lock-in taping na para sa magiging bago niyang proyekto na My Papa Pi kung saan makakasama niya ang aktor na si Piolo Pascual.

Dagdag na saad pa niya, halos hindi siya makapaniwala, lalo na’t parang imposible naman na ang pagiging buntis ang dahilan ng pagka-delay ng period niya, dahil nga sa ilang beses na nga nilang sinubukan ng partner niyang si Greg ang mabuntis siya ngunit lagi nga umanong negatibo ang resulta. Ayaw din niya umano umasa ma buntis siya, dahil nga sa baka ma-heartbroken na naman siya.

“Sa isip-isip ko naman parang imposible kasi we’ve been trying kaya lang lagi namang negative ang result. So parang ayaw ko na ma-heartbroken. So parang ‘hindi feeling ko darating ‘yung period ko”, ani ng aktres.

Photo credits: Angelica Panganiban |IG

Nang tanungin naman si Angge, kung ano ba ang una niyang ginawa ng malaman niyang siya ay buntis, ay sinabi nga niyang nag-panic siya at agad na tinawagan ang kanyang doktor at ang Star Magic, ito ay dahil nga sa may proyekto siya dapat na gagawin.

Malaki naman ang naging pasasalamat ni Angge sa management ng proyektong dapat na gagawin niya dahil sa gratitude ng mga ito, at sa pagpayag ng mga ito na bitawan niya ang gagawing proyekto upang mas bigyang pansin at pokus ang pagbubuntis niya.

Photo credits: Angelica Panganiban |IG

Ibinahagi rin ng aktres ang naging reaksyon ng partner niyang si Gregg ng ibahagi niya rito ang magandang balita. Saad ni Angge hindi umano napigilan ni Gregg ang maging emosyonal sa labis na kasiyahan ng malaman nito na magkakaroon na sila ng panganay na anak.

Hindi naman maitago ni Angge ang excitement niya na gampanan ang pagiging isang ina, at ayon nga sa kanya ay talagang pinaghahandaan na nila ng partner niyang si Gregg ang pagdating sa kanilang buhay ng magiging una nilang supling.

Photo credits: Angelica Panganiban |IG

Matatatandaan na inanunsyo ni Angelica sa publiko ang kanyang pagbubuntis sa pamamagitan ng pagbabahagi sa kanyang Instagram account ng tila isang maternity photo shoot, kung saan ay ibinida niya larawan ng kanyang sonogram. Agad namang bumuhos ang maraming ‘congratulatory message’ para kay Angge, mula sa mga fans niya at kaibigan sa mundo ng showbiz.

 

View this post on Instagram

 

A post shared by Angelica Panganiban (@iamangelicap)

Source: Ptama

It’s Showtime host at aktres na si Kim Chiu hindi napigilan ang maging emosyonal ng ibahagi ang naging pakikisalamuha niya sa mga vendors na nasa UP Campus sa Maynila.
Ibinahagi ng aktres na si Kim Chiu nito lamang nakaraan ang pakikisalamuha niya sa mga vendors na nasa UP, ito ay matapos nga niyang maatasan na siya ang mamahagi ng pot money na mula sa naipon nilang pera sa Palarong Pang Madla ng It’s Showtime.

Photo credits: Showtime| YT

Ayon sa ulat Php30,000 ang halaga ng nasabing pot money na mula nga sa nasabing segment ng nasabing programa. Ang pera nga na ito ay ipinamumudmod ng mga host na nabunot, at ito nga ay ginagawa ng nasabing programa linggo-linggo.

At ng ang It’s Showtime host na ngang si Kim Chiu ang nabunot na mamahagi ng pot money ay ang mga street vendors nga sa UP Maynila. Ayon kay Kim doon siya madalas mag jogging noon, kaya naman ito ang napili niyang lugar para mamudmod ng biyaya para sa mga street vendors doon.

Photo credits: Showtime| YT

“Tumatakbo ako madalas doon. Tapos nitong linggong ‘to, naisip ko na sana ako yong makakuha nung akp yung magbibigay. Kasi babalikan ko yong magtataho kaso hindi ko na nakita. Nakausap ko masi ‘yon nung isang araw, sabi niya madalang na daw yung bumibili. Dati dito ako kumukuha ng pang-aral, nang pangtustos. Kaya napili ko doon”, pahayag nga ni Kim.

Photo credits: Showtime| YT

Makikita nga sa naturang video na tatlong sidewalk vendors ang nilapitan ni Kim, at doon nga niya pinaghati-hati ang pera na umabot sa halagang tatlumpu’t-apat na libong piso o Php34k.

Photo credits: Showtime| YT

Naka-kuwentuhan nga ni Kim ang mga street vendors na ito na kanyang nakasalamuha, kung saan isa na nga sa mga ito ay ang ginang na nagtitinda ng turon at banana cue. Ayon nga sa ginang, sa paglalako niya ng kanyang paninda ay umaabot lamang ng Php300 ang naiuuwi niya sa kanyang pamilya, kaya naman labis ang pasasalamat niya ng abutan siya ng Php10,000 ni Kim Chiu.

Photo credits: Kim Chiu| IG

Samantala, ang ice cream vendor naman na nakasalamuha ni Kim ay hindi rin napigilan ang maging emosyonal sa labis na kasiyahan matapos nga siyang makatanggap ng 20K mula sa It’s Showtime host – actress.

“Seryoso mam? Itong Php20,000 ay malaking tulong sa pamilya ko sa araw-araw namin na gastusin. Maraming salamat!”, ang naging saad nga ng sorbetero kay Kim.

Photo credits: Kim Chiu| IG

Ayon kay Kim kaya napili niya ang naturang lugar, ay dahil marami nga sa mga nagbebenta doon ay halos walang benta sa isang araw. Hindi naman maitago ang kanyang kasiyahan ng makita ang mga ngiti ng mga street vendors na kanyang nabiyayaan ng pera na mula nga sa pot money na naipon nila sa segment na Palarong Pang Madla.

Source: Ptama

Ang aktres na si AJ Raval ay isa ngayon pinakapinag-uusapang artista sa industriya ng showbiz. Si AJ ay anak ng kapwa sikat na artista na sina Jeric Raval at Alyssa Alvarez. Sinimulan niya ang kanyang karera sa industriya taong 2019 at kalaunay naging tanyag ang kanyang pangalan sa showbiz.

Photo credits: Aj Raval | FB

Marami na rin ang kanyang naging proyekto katulad na lamang ng Indak, When I Grow Up I want to be a Pornstar at ang pinakapinag-uusapang pelikula nito na ang Taya. Nakatambal ni AJ Raval si Sean de Guzman sa nasabing pelikula na naghatid ng init at intense sa bawat manunuod.

Sa kabila ng kanyang kasikatan ay maraming issue ang ibinabato kay AJ. Kabilang na rito ang usaping pagiging third party niya sa hiwalayan ng mag-asawang Kylie Padilla at Aljur Abrenica. Na nang una’y tinatanggi nilang dalawa, ngunit kamakailan lang ay kinumpirma ng kanyang amang si Jeric Raval ang relasyon nila Aljur Abrenica.

Photo credits: Aj Raval | FB

Muli namang napag-usapan si AJ Raval nang kumanta ito sa isang event noong ika-26 buwan ng Marso nitong taong 2022. Ginanap ang nasabing event sa Cebu City Sports Center. Ang video ng pagkanta ni AJ sa hit song ng The Pussycat Dolls na “Stickwitu” at ng “That’s What You Get” ng Paramore nang wala sa tono ay naging viral sa social media.

Photo credits: Aj Raval | YT

Humakot nga ng samu’t saring komento ang eksenang ito ng aktres. At karamihan nga sa mga natanggap niyang komento ay negatibo. Ngunit, sa halip na maapektuhan ay tinawanan lamang ito ni AJ.

Aniya,“Actually marunong naman akong kumanta kahit papano, but since pandemic nang mag-start ako mag-artista, ito palang yung fisrt time kong humarap sa napakaraming tao. Hindi ko in-expect na ganon karami ang tao so nandoon talaga yung pressure at kaba. Hahahaha!”

Imbes nga na masaktan sa mga negative comments at memes na kumakalat sa social media ay natatawa na lamang si AJ Raval. Ayon pa nga sa kanya, ay tanggap niya sa kanyang sarili na na hindi siya singer at hindi siya napipikon sa mga pamimintas na kanyang naririnig mula sa publiko.

Photo credits: Aj Raval | FB

Na overwhelmed naman ang actress sa mga taong sumuporta sa kanya dahil ito ang kauna-unahang pagkakataon na nasilayan siya ng kanyang mga fans nang personal. At alam niyang marami ang nakakakilala sa kanya sa Cebu. Hindi naman maitatanggi na marami ang mga tagahanga ni AJ ang dumalo at dinagsa nga ang nasabing event para lamang makita siya.

Photo credits: Aj Raval | YT

Sa karagdagang panayam sa aktres, ay nabanggit rin ang tungkol sa kanyang online English Proficiency class.

“Okay naman, may natutunan ako. Nagamit ko sa karakter ko sa Iskandalo [original series ng Vivamax] dahil medyo Inglesera ang role ko kaya medyo naging okay ang diction ko.”

“Pero hindi talaga para sa akin ang English language. Dito ako sa Pilipinas lumaki, purong Pinoy ako at Tagalog talaga ang first language ko, puwede rin Kapampangan.”

Source: Ptama

Napakarami nga naman ang nagagawa ng social media, maliban sa nagbibigay libangan ito sa maraming netizens, at nakapagbibigay ng mabilisan na impormasyon, ay isa rin ito sa mga naging daan upang magkaroon ng mabilisang ‘access’ ang mga netizens sa tunay buhay ng kanilang mga iniidolong personalidad sa showbiz.

Makikita na halos lahat nga ng mga celebrity ngayon ay may mga social media na rin, kung saan hindi lamang ang marangya at napakgandang buhay nila ang ipinapasilip nila rito, kundi maging ang masayang buhay nila kasama ang malalapit nilang mga kaibigan.
Narito nga ang kilalanin natin ang BFF ng ilang mga celebrity na talaga namang bumighani sa mga netizens.

Gretchen Barretto at Mimi Que

Photo credits: Mimi Que | IG

Travel buddy ni Gretchen Barretto si Mimi Que, at tila nga hindi sila mapaghiwalay dalawa, dahil kung nasaan ang aktres ay naroroon di nga si Mimi Que. Mas naging famous pa ang kanilang pagkakaibigan dahil sa kanilang ‘wishing-granting activity’, kung saan ilang mga kapos-palad nga nating mga kababayan ang kanilang natulungan.Ibinahagi naman noon ni Mimi Que kung paano niya inilalarawan ang pagkakaibigan nila ni Gretchen Barretto.

“We choose to be in each other’s lives for the rest of our lives @gretchenbarretto”, ang naging saad nga ni Mimi Que noon sa isa niyang post.

Kathryn Bernardo at Arisse de Santos

Photo credits: Arisse de Santos |IG

Labing apat na taon pa lamang ang aktres na si Kathryn Bernadro at ang beauty blogger na si Arisse de Santos ay makaibigan na ang dalawa. Matatandaan na noong taong 2019 ay nag-migrate na patungong Canada si Arisse, at makikita sa Instagram ni Kathryn ang pagbabahagi niya ng nakakaantig na mensahe para sa matalik na kaibigan, kalakip pa nito ang mga larawan na kuha sa inihanda niyang despidida party para rito.
Ibinahagi nga ni Kathryn sa kanyang IG post na ito kung gaano niya ma-miss ang matalik na kaibigan.

Lovie Poe, Coleen Garcia, Bela Padilla at Adrianne Concepcion

Photo credits: Adrianne Concepcion | IG

Si Adrianne Concepcion ay ang travel buddy ng mga magkakaibigang Lovie Poe, Coleen Garcia at Bela Padilla. Siya rin ang naging tulay upang magkakilala at magkabutihan ang ngayon ay mag-asawa ng sina Miss World titleholder Megan Young at aktor na si Mikael Daez.

Georgina Wilson, Isabelle Daza at Martine Cajuco-Ho

Photo credits: Georgina Wilson | IG

Pinsan nina Isabelle Daza at Geogina Wilson si Martine Cajuco-Ho. Kilala din si Martine bilang ang business partner ni Georgina sa negosyo nitong eyewear brand na ‘Sunnies’, kung saan ay kasosyo rin nila si Bea Soriano Dee.

Source: Ptama

Ipinagmamalaking ipinakita ng aktres at TV host na si Iya Villania ang kanyang baby bump sa ika-apat nilang anak ng kanyang asawang si Drew Arellano. Matatandaan na unang isinapubliko ni Iya ang kanyang pagbubuntis sa kanyang vlog noong ika-3 ng Enero, bilang surpresa sa kanyang asawang si Drew.

Photo credits: Iya Villania | IG

Naging kaabang-abang ang pagbubunyag ni Iya ng kanyang pagbubuntis dahil nga nahirapan syang itago ito sa kadahilanang marami siyang nararamdaman tulad ng morning sickness. At nang ibunyag na nga ni Iya kay Drew na may ika-apat na silang anak, ay labis na kaligayahan naman ang kanilang nadama.

Photo credits: Iya Villania | IG

Pag-amin nga ni Iya,“Medyo nagsa-struggle na ako to keep it a secret because morning sickness this time around has not been good. Actually medyo all day sickness. That’s the hardest part. Things I used to like, hindi ko masyadong like. Even juices that I would look forward to drinking in the morning and night, hindi ko rin type.”

At kamakailan lamang nga, ay masaya namang ipinakita ni Iya sa kanyang mga tagahanga ang nakaumbok niyang baby bump. Sa latest post ni Iya sa Instagram, ay makikitang nagbakasyon sa Boracay ang kanilang pamilya kasama ang tatlong anak na sina Primo, Leon at Alana.

Photo credits: Iya Villania | IG

Masaya at talagang proud si Iya na ipakita ang kanyang lumalaking baby bump. Ang nasabing Instragram post naman ay nilakipan caption na:

“Finally got to wear my ilovekoiswim suit but failed to get a matchy matchy pic with the boys this mothering with matching outfits is hard ah!”

Sa comment section naman ng post ni Iya, ay makikita ang komento ng kanyang asawang si Drew na nagsabing:

“”I love you… But why didn’t I get the matching trunks?”

Ibinahagi rin ni Iya na nahirapan silang byumahe via plane dahil ito ang kauna-unahang beses na sumakay sila kasama ang tatlong anak. Walang katumbas na kasiyahan ang hatid ng bakasyon ng kanilang pamilya sa Boracay lalo na para sa kanilang mga anak.

Photo credits: Iya Villania | IG

“Struggled with the family pix as much as I struggled with getting the kids out of the swimming pool on our last day. But what a wonderful first trip to Bora for Team Arellano! First time to fly with three kids!”,ayon pa kay Iya.

Panibagong blessing na naman ang dumating sa pamilya Arellano na tiyak ngang magbibigay ng higit na kasiyahan sa buong pamilya. Hindi madali ang pagdadaan ng isang ina bago mailuwal mula sa sinapupunan ang kanyang anak. Ngunit, walang makakapuno sa pakiramdam ng mga magulang ang makita ang kanilang anak sa unang pagkakataon.

Photo credits: Iya Villania | IG

Matatandaan na ipinanganak ni Iya ang panganay na si Primo noong August 2016, at sunod na ipinanganak ang pangalawang anak na lalaki na si Leon noong buwan ng Agosto taong 2018. Noong July 2020 naman ay biniyayaan sila ng isang anak na babae, si Alana. At sa darating nga na June nitong taong kasalukuyan ay sasalubungin naman ng pamilya Arellano ang bagong miyembro ng kanilang pamilya.

 

View this post on Instagram

 

A post shared by Iya Villania-Arellano (@iyavillania)

 

View this post on Instagram

 

A post shared by Iya Villania-Arellano (@iyavillania)

Source: Ptama

Si Anndrew Blythe Daguio Gorostiza o mas kilala ng publiko sa pangalang Andrea Brillantes ay gumanap sa iba’t ibang role, at isa nga sa pinakasikat na aktres ng kanyang henerasyon. Nakamit niya ang katanyagan at tagumpay sa kanyang husay sa pag-arte nang gumanap siya sa Annaliza noong 2013. Mas lalo namang naipamalas ang kanyang husay sa pag-arte sa teleseryeng Kadenang Ginto bilang si Marga Bartolome noong taong 2018.

Photo credits: Andrea Brillantes| IG

Sa murang edad ay marami ng proyekto ang kinabibilangan ni Andrea. Hindi lingid sa ating kaalaman na hindi ganoon kadali mabuhay bilang isang artista. Kaya nga’t sa kabila ng samu’t saring isyung kinaharap ng aktres ay nanatili siyang matatag at patuloy na namamayapag ang kanyang karera.

Photo credits: Andrea Brillantes| IG

Noong ika-12 ng Marso taong kasalukuyan masayang ipinagdiriwang ni Andrea o tinatawag ding Blythe ang kanyang ika-19 na kaarawan sa simple ngunit agaw pansin na picnic-themed birthday celebration. Sa isang Instragram post nga ng kanyang event planner na si La Belle Fete ay makikita ang mala paraisong event place na hatid ng liwanag ng mga ilaw at iba pang disenyong nakakaakit.

Photo credits: Andrea Brillantes| IG

Kapansin-pansin naman na mas umangat ang kagandan ni Andrea nang suotin nya ang kanyang party dress para sa kanyang espesyal na kaarawan. Ang napakakulay at creative na birthday ay kinagiliwan ng mga netizens at talagang pinag-usapan sa social media.

Ang nasabing selebrasyon ay dinaluhan naman ng malalapit na kaibigan ni Andrea kabilang na rito sina Darren Espanto, Kyle Echarri at AC Bonifacio. Kapansin pansin naman na wala sina Seth Fedelin at Francine Diaz sa kaarawan ni Andrea at hindi nga ito nakaligtas sa mga netizens.

Photo credits: Andrea Brillantes| IG

Naging laman ng vlog ni Ogie Diaz, ang usapin tungkol sa hindi pagkakaunawan ng tatlo. Ito ang isang dahilan at hinuha ng mga tao kung bakit wala ang dalawa sa kaarawan ng actress. Wala mang kasiguraduhan kung ano ang tunay na dahilan sa likod ng nasabing issue. Sinabi ni Andrea na mananatili pa rin ang kanilang pagiging magkaibigan. Nairaos ang kanyang kaarawan ng walang aberya at panay katuwaan lamang.

Photo credits: Andrea Brillantes| IG

Bagama’t bata pa si Andrea ay makikitang isa syang matapang at may paninindigan sa buhay maliban sa pagiging talentado at mahusay na aktres. Isa rin syang patunay na hindi sukatan ang edad upang makamit ang tagumpay at kasikatan.

Photo credits: Andrea Brillantes| IG

Ang pagiging totoo nya ang naging basehan ng mga tao para mas lalo syang hangaan at mahalin. Piliin ang kasiyahan at hayaang lumipas ang mga usaping hindi makakadulot ng mabuti sa pagkatao, ang katangiang ipinamalas ni Andrea Brillantes. Isang tamang desisyon, ang magpatuloy sa karera sa showbiz upang maghatid kasiyahan sa kanyang mga tagahanga.

Source: Ptama

Isang Pinay, hindi inurungan ang pagiging isang driver ng 18-wheeler truck sa ibang bansa. Pinili ang ganitong propesyon imbis na maging isang nurse, dahil mas malaking sahod.

Photo credits: Jonlyn Johns | FB

Ibinahagi ng Pinay na si Jonalyn Johns na tubong Borongan, Eastern Samar sa panayam sa kanya ni Kara David sa programang Brigada nito lamang buwan ng Marso taong 2022 na ang pagiging isang nurse talaga ang plano niyang maging propesyon sa Amerika, ngunit tila nga iba ang itinadhana para sa kanya.

Photo credits: Jonlyn Johns | FB

“Yun po talaga yung gusto ko kasi ang ganda ng uniform ng nurse, puti. Ija-jump ko muna yung nursing before yung truck driving.

Ayon kay Jonalyn, nakita niya na mas malaki ang sahod sa pagiging isang truck driver, kaya naman mas pinili niyang karirin ito. Dagdag pa niya, kasama din niya sa nasabing trabaho ang kanyang mister.

Photo credits: Jonlyn Johns | FB

“Pero nakita ko yung sahod mas malaki pala yung sa akin sabi ko, ‘Okay, trucking.’ Para kaming mag-asawa magkasama din.”

Pag-amin naman niya, na mahirap din talaga ang trabaho ng pagiging isnag truck driver, at noon ngang siya ay nagsisimula pa lamang ay hindi niya naiwasan na mapaiyak din dahil sa hirap. Ngunit saad niya, nang unti-unti na siyang nasanay sa trabaho niya bilang isang truck driver ay nasanay na nga siya at tila madali na lang sa kanya ang trabaho niya sa kabila ng hindi nga ito madali.

Photo credits: Jonlyn Johns | YT

“Yung una mahirap siya kasi malaking truck, lalo na yung magba-backing.
“Nung nasanay na ako lalo na ngayon, kasi halos mag-four years na akong magta-truck driving, so ngayon parang ano lang siya, madali na lang.”
Kuwento ni Jonalyn sa trabaho niya bilang truck driver ay inaabot siya ng halos 11-oras sa paghahatid ng mga cargo niya, kung saan ang mga ito nga ay malalaking kahoy, bakal, tubo. Karamihan nga umano sa mga pangarga niya sa truck ay mga ginagamit sa construction.
“kahoy na malalaki, bakal yung malaking tubo, at saka yung mostly pang-construction.”

Photo credits: Jonlyn Johns | YT

Ayon pa sa kanya, kasa-kasama niya ang kanyang mister na isang Amerikano sa pagde-deliver, at maliban nga sa pagda-drive na kanyang ginagawa ay mano-mano rin siya sa pag-i-strap, pagkakadena, at pagkakapit ng double trailer, kung saan patunay nga nito na kahit na isa siyang babae ay kayang-kaya niyang gawin ang isang panlalaking gawain.

Photo credits: Jonlyn Johns |YT

Saad pa niya minsan ay inaabot siya ng dalawang buwan sa kalsada dahil sa pagde-deliver, at ang ginagawa na lamang niya upang ma-enjoy ang ganito, ay ang pag-enjoy sa mga magagandang tanawin na kanyang nadadaanan.

Photo credits: Jonlyn Johns | FB

Masaya naman ibinahagi ni Jonalyn, na dahil sa pagiging truck driver ay nakapagpundar na siya at ang kanyang asawa ng bahay.

May iniwan namang payo si Jonalyn para sa lahat, pagdating sa mga pagsubok sa buhay “’Wag mawalan ng tiwala sa sarili, kasi lahat ng tao, kahit ano pa iyan matututunan natin kung bibigyan natin ng chance.”

Source: Ptama

Marami ang natuwa sa mga kaibigan at tagahanga ng aktres na si Dimples Romana, dahil sa wakas nga ay muling biniyayaan ang pagsasama nila ng kanyang mister na si Boyet Ahmee ng isa pang supling.

Photo credits: Dimple Romana| IG

Matatandaan na noong ika-18 ng Marso nang ibahagi ni Dimples sa publiko ang kanyang 3rd pregnancy. Ang masayang balitang ito ay idinaan ng aktres sa pamamagitan ng isang Instagram post. Sa kanyang Instagram post kalakip ang kanyang larawan kung saan masisilayan ang nakaumbok na baby bump ay nag-reflect ang celebrity mom sa kanyang pagbubuntis sa kanyang 3rd baby ngayong siya’y nasa 3rd trimester na.

Photo credits: Dimple Romana| IG

Ayon nga kay Dimples ang kanyang 3rd pregnancy ay “signaled so many new beginnings and ends” bilang isang babae. At ang bagong journey niyang ito ay nagturo sa kanyan na “EMBRACE the FIRE and LIGHT”. Kapansin-pansin naman na tinawag ni Dimples ang kanyang anak ng “Baby E”.

Photo credits: Dimple Romana| IG

Samantala, sa milestone ni Dimples bilang soon to be mother of three, ay hindi rin niya nakalimutang magkaroon ng isang gender reveal party para sa kanyang pangatlong anak. Nito lamang ika-27 nang Marso nga ay isinagawa ang gender reveal party para sa ikatlong anak ng mag-asawang Boyet Ahmee at Dimples Romana. Ang kanilang espesyal na selebrasyon naman ay dinaluhan ng kanilang pamilya at malalapit na kaibigan sa showbiz.

Photo credits: Dimple Romana| IG

Makikita nga sa social media na ilan sa kaibigan ni Dimples ang nagbahagi ng masayang kaganapan sa gender reveal party. At isa nga sa mga nanguna sa pag-anunsyo ng gender ng 3rd baby ni Dimples ay ang kanyang malapit na kaibigan na si Angel Locsin. Sa naganap na gender reveal party ay napag-alaman na ang gender ng 3rd baby nina Dimples at Boyet ay lalaki.

Photo credits: Dimple Romana| IG

Maliban naman sa Instagram stories ni Angel kung saan masisilayan ang masayang larawan ng pamilya ni Dimples, ay nagbahagi rin siya ng larawan sa Instagram kung saan naman makikitang magkakasama silang magkakaibigan. Naroon nga ang asawa ni Angel na si Neil Arce, at ang magkasintahang sina Gerald Napoles at Kim Molina.

Photo credits: Angel Locsin| IG

Isang araw naman bago maganap ang gender reveal party, ay kinuha naman ni Dimples ang pagkakataon para naman makasama ang kanyang panganay na anak na si Callie.

Isang Instagram post nga ang inihandog ni Dimples para kay Callie dahil nitong nakaraang Linggo ang huling araw ng dalaga sa Manila. Si Callie kasi ay papasok na sa kolehiyo, kung saan nga para matupad ang kanyang pangarap na maging isang piloto ay lilipad siya patungong Australia para mag-aral ng Aviation.

Photo credits: Dimple Romana| IG

Hindi nga maiwasan ni Dimples ang malungkot sa pag-alis ng kanyang anak, ngunit sa kabila nito ay buong puso naman ang kanyang pagsuporta sa pangarap ng kanyang panganay.

“Last day before my little one callieahmee leaves for college.”

“Today I gain a deeper understanding of LOVE and PARENTING. We give birth to our children, raise them to know love and feel it. We make sure their roots to home are deep and steady.”

“And when the TIME IS RIGHT, and for us that’s NOW, we give them wings to fly. A bittersweet kind of learning for me as a mom.”

“Today ate callieahmee we celebrate the wings you have just put on. We sing, we love, we cry, we conquer…Pag balik mo may Kapitan na sa unahan ng pangalan na yan.”

 

View this post on Instagram

 

A post shared by Dimples Romana (@dimplesromana)

Source: Ptama

Kamakailan lamang ay naging agaw-pansin sa social media ang dating actress-host at ngayon ay isa ng fullltime mommy na si Mariel Padilla, ito ay matapos nga ang kanyang naging kauna-unahang pagsasagawa ng live selling online kung saan ay agad itong humakot ng napakaraming viewers.

Photo credits: Mariel Padilla| IG

Bagsak presyo kasi na ibinenta ng aktres ang kanyang mga personal collections kung saan ang iba nga sa mga ito ay hindi niya masyasong nagamit at may iba pa nga na talagang bago pa at hindi niya kailanman nagamit.

Photo credits: Mariel Padilla| FB

Tunay namang napakaraming tumangkilik sa unang live selling na ginawa ni Mariel, kaya naman bilang pasasalamat niya umano sa lahat ng mga taga-suporta niya sa kanyang negosyo, ay isa namang napakagandang anunsyo ang kanyang ginawa sa kanyang Instagram account nito lamang nakaraan. Ito nga ay ang magiging pamamahagi niya ng mga bagong bisikleta sa kanyang mga followers na maswerteng mapipili.

Photo credits: Mariel Padilla| FB

Ayon sa naging anunsyo ni Mariel sa kanyang Instagram account, ay magkakaroon nga siyang muli ng live sa Facebook, ito ay upang mamahagi nga ng mga bisikleta bilang pasasalamat nga niya sa lahat ng mga tagasuporta niya.

“I am going live RIGHT NOW on my Facebook page and I am giving aways 10 bikes!!!!! Join me now!!!!”, saad ni Mariel sa kanyang Instagram post.

Kalakip nga ng naturang post ay ang larawan kung saan makikita na nasa likod ng aktres ang napakaraming mga bisikleta, at ang mga ito nga ang siyang mapupunta sa magiging mapalad na followers niya.

Photo credits: Mariel Padilla| FB

Bumuhos naman kaagad sa comment section ng post na ito ni Mariel ang napakaraming komento ng papuri, at ang iba naman ay ikinomento na nawa’y isa sila sa mga palarin na mabiyayaan ng bisikleta na ipamamimigay ng misis ni Robin Padilla.

Photo credits: Mariel Padilla|IG

Samantala, nang maganap na nga ang live na ito ni Mariel sa kanyang Facebook na talaga namang inabangan ng marami niyang mga tagasuporta ay ipinasilip din nga ng aktres ang kanilang bike headquarters kung saan nga makikita sa loob nito ang napakaraming mga bikes na kanyang ipamimigay.

Ibinahagi naman ni Mariel kung ano ba ang mga dapat na gawin ng kanyang mga supoorters at followers upang magkaroon sila ng tsansang manalo ng bisikleta.

Photo credits: Mariel Padilla| IG

Saad niya, kinakailangan nga lamang na ilagay ng mga ito ang kanilang mga detalye tulad ng pangalan, contact number, address at kung bakit sila ang nararapat na manalo ng naaturang bisikleta na kanya ngang ipamimigay. Dagdag na saad pa ni Mariel, huwag din dapat kaligtaan na ilagay ang hashtag na Cooking Ina Giveaways.

Photo credits: Mariel Padilla| IG

Ang team ni Mariel ang pipili sa lahat ng magkokomento na nais magkaroon ng bisekleta. Ayon pa sa ulat na lumabas, hind inga ito ang unang beses na namahagi si Mariel ng bisikleta, dahil pangalawang beses na nga ito na ginawa ng aktres.

Source: Ptama