Walang pagsidlan ng tuwa ang PBB 2019 Big Winner na si Yamyam Gucong nito lamang ika-29 ng Enero, araw ng Sabado matapos niyang ianunsiyo sa publiko na isang baby girl ang inaasahan na magiging panganay na anak nila ng kanyang non-showbiz girlfriend.

CREDITS: Yamyam Gucong | IG

Matatandaan na noong nakaraang buwan ng Oktubre, ay masayang isinapubliko ni Yamyam sa madla ang kanilang engagement ng kanyang non-show girlfriend. Kasunod nga nito, ay ibinalita naman ni Yamyam ang isang napakagagandang biyaya na kanyang natanggap. At ito nga ay ang maging isang ganap na ama sa kanyang baby girl na magiging panganay na anak nila ng kanyang kasintahan.

CREDITS: Yamyam Gucong | IG

Sa kanyang Instagram account, ay ibinahagi ng soon-to-be father ang isang larawan ng sonogram, kung saan may makikitang nakasulat na “Baby girl” sa nasabing larawan. Patunay lamang nga nito na isang baby girl ang paparating na sanggol na siyang bubuo sa kanilang pamilya. Ang nasabing larawan naman ay nilakipan ni Yamyam ng simpleng caption na “Coming Princess”.

CREDITS: Yamyam Gucong | IG

Marami namang natuwa sa mga tagahanga ni Yamyam sa paparating na biyaya sa kanyang buhay. Inulan nga ng komento ng pagbati ang IG post ni Yamyam mula sa kanyang mga tagahanga.

“Priceless gift from God. Congrats kuya Yam”

“Wooow. God bless you soon baby girl”

“Wow congrats kuya yamyam”

Maliban sa kanyang napakaraming tagahanga ay nakatanggap rin ng pagbati si Yamyam mula sa kanyang malalapit na kaibigan sa showbiz. At ang ilan nga sa mga ito ay mga kasabayan niya sa PBB tulad na lamang nina nina Andre Brouillette, Fumiya Nishida, Lou Yanong at Mikey Perz.

CREDITS: Yamyam Gucong | IG

Sa pagpasok pa lang ng taon, ay hindi naman maikakaila na puno na ng saya at biyaya ang buhay ni Yamyam kapiling ang kanyang soon to be wife. Sa pagbuo ng kanilang pamilya ay tiyak na magiging masaya at makulay ito dahil sa kanilang baby girl na malapit na nilang masilayan.

CREDITS: Yamyam Gucong | IG

Noong Disyembre 8 naman, mismong araw ng pagdiriwang ng kaarawan ni Yamyam, ay kapansin-pansin na ang nakaumbok na baby bump ng kanyang kasintahan. Isa namang napakagandang hiling ang nais ni Yamyam sa araw ng kanyang birthday. Walang iba kundi ang mabigyan siya ng kaligayahan na siyang mag-aalis ng kanyang kalungkutan.

CREDITS: Yamyam Gucong | IG

“I dont need more money I need happiness that wash all my sadness happy birthday to me”.

At tila nga ito’y nabigyang katuparan na sa piling ng kanyang nobya, at paparating nilang baby girl.

Ang 28 anyos na si Yamyam Gucong ay nakilala sa industriya ng showbiz matapos maging kalahok ng reality show na Pinoy Big Brother noong 2019, at tanghaling Big Winner.

 

View this post on Instagram

 

A post shared by Yamyam gucong (@gucongyamyam)

Source: Ptama

Sa kabila nga ng matinding pagsubok na nararanasan sa ating kapaligiran ngayon, ay hindi naman maikakaila na hindi tayo nawawalan ng pag-asa. Patuloy nga nating hinaharap ang laban sa gitna ng pandemya. At hindi natin nakakalimutan na magpasalamat sa mga biyayang natatanggap sa ating buhay.

CREDITS: Baron Geisler| IG

Kaya naman hanggat may pagkakataon ay gumagawa tayo ng paraan para ipagdiwang ang anumang okasyon o selebrasyon sa loob ng ating tahanan. Katulad na lamang nga ng kaarawan ng napakacute na anak ng aktor na si Baron Geisler na si Talitha.

CREDITS: Baron Geisler| IG

Hindi nga pinalampas ng aktor na si Baron at ng kanyang misis na si Jaime Evangelista na ipagdiwang ang 2nd birthday ng kanilang baby girl na si Tali nito lamang ika-20 ng Enero. Kahit nga nasa gitna ng pandemya at laganap ang sakit, ay minabuti ni Baron na magkaroon ng simple ngunit masayang selebrasyon sa loob ng kanilang tahanan.

CREDITS: Baron Geisler| IG

Para sa masayang selebrasyon ng ika-dalawang taong kaarawan ni Tali ay ibinahagi ni Baron sa kanyang Instagram ang mga larawan na kuha sa masayang selebrasyon. Makikita na masayang-masaya ang kanilang pamilya sa pagdiriwang ng kaarawan ni Tali.

Sa caption naman ng kanyang post, ay hindi maitago ni Baron ang kanyang pasasalamat sa Diyos sa pagbibigay sa kanya ng lakas sa kabila ng mga pagsubok na kanilang naranasan. At sa dami nga ng hindi magagandang pangyayari na naganap sa kapaligiran, ay nabigyan sila ng pagkakataon magkaroon ng simple ngunit masayang selebrasyon para ipagdiwang ang kaarawan ni Tali.

CREDITS: Baron Geisler| IG

“After surviving typhoon Odette and Omicron, celebrating life has become simpler yet more meaningful. Thanking God for Tali who gives me joy and keeps me motivated. Thank you Abba, Father!” sabi ng aktor sa caption ng kanyang post.

Samantala, ang imahe ni Baron sa publiko ay hindi maganda kung saan nga ay tumatak na sa isip ng mga tao ang kanyang pagiging badboy. Ngunit, sa pagdating nga ng kanyang asawang si Jaime, isang psychologist sa kanyang buhay ay tila nasumpungan ni Baron ang hinahangad niyang pagbabago sa kanyang buhay. .

CREDITS: Baron Geisler| IG

Ang kanilang matamis na pag-iibigan ay nauwi sa pag-iisang dibdib noong 2019 sa pamamagitan ng isang civil wedding ceremony. Mas lalo namang naramdaman ni Baron ang bagong buhay sa pagdating ng napakacute na anak na si Tali. Ngayon nga, ay isang mapagmahal na asawa at ama si Baron sa kanyang pamilya.

CREDITS: Baron Geisler| IG

Hindi nga pinapalampas ni Baron ang pagkakataon na ipadama sa kanyang mag-ina ang kanyang pagmamahal na kung saan nga ay talagang isnag butihin at responsableng padre de pamilya.

 

View this post on Instagram

 

A post shared by Baron Geisler (@baron.geisler)

Source: Ptama

Ang mag-asawang sina Drew Arellano at Iya Villania ay patuloy na pinapahanga ang publiko sa matatag nilang samahan, at walang kupas nilang pagmamahalan. At kamakailan lamang nga, ay masayang ipinagdiwang ng celebrity couple ang kanilang 8th wedding anniversary at 18 na taong pagsasama para ipadama ang kanilang wagas na pag-ibig sa isa’t isa.

Photo Credits: Drew Arellano | IG

Hindi nga pinalampas ng mag-asawa ang pagkakataon na batiin ang isa’t isa sa kanilang espesyal na araw. Isang sweet at nakakatuwang mensahe ang ipinaabot ni Iya kay Drew, kung saan nga ay nagbahagi ang TV host ng throwback photo at video sa kanyang Instagram account. Ang nasabing throwback photo at video ay kuha sa pinakamemorable na kaganapan sa kanilang buhay nang mag-propose si Drew kay Iya matapos ang halos sampung taong pagiging magkasintahan.

Photo Credits: Drew Arellano | IG

“Took awhile for it to sink in when you finally proposed (even if I was waiting in anticipation during the trip!) But I think now, with 3 kids in and another on the way, it couldn’t be more real what a life I have with you, love drewarellano [Drew Arellano] 18 years together, 8 years married and still forever to go Love you beb, happy anniversary.”

Photo Credits: Drew Arellano | IG

Nagbalik-tanaw naman si Iya sa sweet at nakakatuwang ganap nang mag-propose si Drew sa kanya noon.

“He was supposed to propose to me on the dock in the background (right where my nose is), but it was so cold I didn’t want to go there so instead, he proposed to me in the castle that no one else really wanted to go to but me. Also, he was struggling trying to keep it a surprise from me because I kept on asking where he’d propose!”

Photo Credits: Drew Arellano | IG

Marami naman sa kanilang mga kaibigan sa showbiz ang nagpaabot ng pagbati sa pagdiriwang ng kanilang anibersaryo. Kabilang sa mga ito sina Dominic Roque, Ryan Agoncillio, Max Collins, Mars Pa More host Camille Prats, Chef Jose Sarasola, Unang Hirit host na si Lyn Ching-Pascua at marami pang iba.

Photo Credits: Drew Arellano | IG

Simpleng pagbati naman na puno ng pagmamahal ang ipinaabot ni Drew kay Iya sa kanyang Instagram account.

“8 to infinity ! Happy anniversary, iyavillania Iya Villania.”

Hindi naman talaga maikakaila na puno ng saya at pagmamahalan ng mag-asawang Iya at Drew. Walang duda kung bakit biniyayaan ang kanilang pagsasama ng tatlong anak, at ngayong taon nga ay parating pa ang isang sanggol sa kanilang pamilya.

Photo Credits: Drew Arellano | IG

Ang kanilang tatlong anak na ngayon ay nagbibigay saya at kulay sa kanilang pamilya ay sina Antonio Primo, Alonzo Leon, at Alana Lauren. Matatandaan na noong ika-3 ng Enero na inanunsyo ng celebrity couple na ngayong taong 2022, ay inaasahan nila ang pagdating ng kanilang ikaapat na anak.

Source: Ptama

Ang tinaguriang “Dance Diva” na si Regine Tolentino, ay hindi naman talaga maikakaila ang taglay na ganda at kaseksihan. Sa kanyang edad nga na 43, ay lutang na lutang parin ang kanyang ganda at magandang hubog ng katawan.

Maliban naman sa pagiging isang aktres at dancer, ay isa ring hands on mom si Regine sa kanyang tatlong anak na pawang mga babae. At sa programang Magandang Buhay nga ay ipinakilala ni Regine kanyang mga anak na namana ang kanyang taglay na kagandahan.

 

View this post on Instagram

 

A post shared by Regine Tolentino (@reginetolentino)

Ang mga pangalan ng kanyang tatlong anak na babae ay hango sa kanyang pangalan na “Regine” kung saan ay pinagbaligtad-baligtad niya lamang. Ang panganay na si Azucena Reigne, ay 23 taong gulang, si Alyssandra Reigen naman ay 21 taong gulang habang ang bunso niya namang si Rosie Rignee ay magdadalawang taong gulang na.

Ang dalawang anak ni Regine na sina Reigne at Reigen, ay anak ni Regine sa kanyang dating asawa na si Lander Vera Perez. Habang ang ama naman ni Rosie Rignee ay hindi pa ibinubunyag ng aktres sa pubiko. Bagama’t magkakaiba ang kanilang ama, ay malaki naman ang pagkakahawig ng magkakapatid sa kanilang ina.

 

View this post on Instagram

 

A post shared by Regine Tolentino (@reginetolentino)

 

View this post on Instagram

 

A post shared by Regine Tolentino (@reginetolentino)

Makikita naman sa mga larawang ibinabahagi ng mahusay na dancer sa social media na ang kanyang dalawang anak na sina Reigne at Reigen ay ubod ng ganda at seksi tulad ng kanilang ina. Ang bunsong si Rignee naman ay napakacute na kung saan nga ay madalas silang naka-twinning OOTD ng kanyang Mommy Regine. Hindi nga maiwasan ng mga netizens na panggigilan ang kacutan ni Rosie Rignee sa kanyang suot na magaganda at makukulay na OOTD. Matatandaan naman na bininyagan noong nakaraang taon si Rosie Rignee sa Mount Carmel Parish Church sa Quezon City.

View this post on Instagram

A post shared by Regine Tolentino (@reginetolentino)

View this post on Instagram

A post shared by Regine Tolentino (@reginetolentino)

Samantala, naitanong naman kay Regine ang tungkol sa samahan ng kanyang tatlong anak. Kwento nga ni Regine, ay masaya ang samahan ng tatlo niyang anak. Bukod kasi sa nakakatulong na niya ang kanyang dalawang dalagang anak sa kanilang negosyo, ay naaasahan na rin niya ang mga ito sa pag-aalaga sa kanilang bunsong kapatid na si Rosie Rignee.

Hindi naman na lingid sa kaalaman ng publiko na matagal bago nasundan ang pangalawang anak ni Regine. At halos nga 20 taon ang agwat nito sa bunso niyang si Rosie Rignee. Kaya naman, ayon kay Regine ay “We are all Mommies at home”. Dahil nga mga dalaga na ang kanyang dalawang anak ay talagang naaasahan na niya ito sa lahat ng bagay. Kwento pa ni Regine ay kaedad niya ang kanyang panganay nang siya’y unang magbuntis.

Pagdating naman sa parenting style sa kanyang mga dalagang anak, ay sinabi ni Regine na gumagamit siya ng “reverse psychology”. Ibig sabihin nga nito, sa tuwing pinagbabawalan niya ang kanyang mga anak, sa halip na pagbawalan ay kabaligtaran ang sinasabi niya sa mga ito. At tila epektibo naman ito dahil sa huli ay pinipili ng kanyang mga anak na gawin kung ano ang tama.

Source: Ptama

Ang buong taong 2021 ay puno ng biyaya para sa aktres na si Bea Alonzo. Hindi naman talaga maikakaila na bumuhos ang biyaya sa buhay ni Bea, magmula sa kaliwa’t kanang niyang proyekto, at maraming achievements.

At tila nga, hindi ito natatapos dahil isa na namang proyekto, ang kanyang ginawa na talagang nagpabilib sa marami niyang tagahanga. Ito nga ang maging calendar girl para sa taong 2022 ng sikat na rum brand na Tanduay.

Photo credits: tanduayrhumofficial

Bilang isang calendar girl nga, ay inaasahan na ng marami na ipapamalas ni Bea ang kanyang angking ganda at kaseksihan. Noong Nobyembre 23 ng nakaraang taon, ay ipinasilip nga ng nasabing rum brand ang behind-the-scenes footage sa naganap na farm-themed shoot na ibinahagi sa Facebook. Agad naman ngang pinagkaguluhan ng mga netizens ang video ni Bea, kung saan nga ay masisilayan ang makapigil hiningang kaseksihan ng aktres.

Photo credits: tanduayrhumofficial

Ayon naman sa stylist na si Pam Quinones at photographer na si Mark Nicdao na siyang nag-ayos at kumuha ng mga larawa ni Bea, ay nais nilang ipakita ang different side ng isang Bea Alonzo sa nasabing proyekto.

“She’s always been this giddy kikay girl who’s now more mature. And she’s really involved in her farm…we wanted to showcase that but in a more sophisticated, sexy manner. We wanted that side na La Dolce Vita,”paliwanag ni Pam.

Photo credits: tanduayrhumofficial

Para naman bumagay sa napili nilang tema, ay pinagsuot si Bea ng pinaghalong seksing damit tulad ng lingerie, two-piece swimsuits, at summer dresses na litaw ang kaseksihan ng aktres. At hindi naman talaga maikakaila na walang kaeffort-effort ang pag-awra ni Bea para ipakita ang kanyang kaseksihan suot ang mga seksing damit na litaw ang kanyang makinis na balat.

Photo credits: tanduayrhumofficial

Talaga namang pinahanga ni Bea ang publiko sa kanyang taglay na kagandahan, at kaseksihan. Ngunit, lingid sa kaalaman ng marami, ay hindi ito ang unang pagkakataon na naimbitahan si Bea para maging calendar girl ng Tanduay. Dahil ibinunyag ni Bea na pagkatapos niyang gawin ang pelikulang One More Chance, ay inalok siya ng Tanduay na maging calendar girl ngunit ito’y kanyang tinanggihan.

Ayon nga kay Bea, ay hindi pa siya handang magpaseksi noong unang beses na inalok ito sa kanya. Ngunit, sa pangalawang beses na offer sa kanya na maging calendar girl ng Tanduay, ay hindi na niya ito tinanggihan dahil handa na rin naman siya, ay wala naman nang rason para tumanggi pa siya.

Photo credits: tanduayrhumofficial

“At that time I wasn’t ready yet. I was at that point in my life where I wasn’t that confident yet, and parang hindi siya aligned sa kung anong gusto kong mangyari at that point in my life.”

“So when I was asked the second time, everything was just falling into place. I felt empowered, I felt like I was ready for change, and I was ready. I couldn’t really think of a reason why I shouldn’t do it so I said yes.”

Source: Ptama

“Puwede naman ako sa bayong, katsa bag, o sa eco bag”, ito nga ang pahayag ng aktres, chef at celebrity mom na si Judy Ann Santos patungkol sa pagbili at pangongolekta ng luxury bags.

Marami sa mga sikat na artista sa showbiz ang nahuhumaling sa pagbili at pangongolekta ng mga mahahalin at branded na bags. Para sa ilang artista ay isa itong investment lalo na nga’t ang halaga ng luxury bags ay napakamahal, kung saan ay may umaabot pa nga ng milyon-milyon ang presyo. Ang mga luxury bags ay pinagkakaguluhan ng maraming kababaihan, ngunit ibahin ang aktres na si Juday.

Credits: Judy Ann Santos| IG

Kamakailan lamang, ay inamin ni Juday ang dahilan kung bakit hindi siya mahilig bumili at mangolekta ng mga luxury bags. Aminado si Juday na tulad ng ibang babae ay gusto rin niya ang mga luxury bags ngunit, hindi niya raw magawa ang bumili ng marami.

Credits: Judy Ann Santos| IG

Pag-amin nga ng aktres, bagama’t gusto niya ang luxury bags, ay nanghihinayang siya sa perang ibibili dahil bag lamang ito pero sadyang napakamahal ng presyo. Biro nga ni Juday, ay gagamit na lamang siya ng bayong o katsa bag. Mas gugustuhin pa raw niyang ibili ng pagkain o kaya ay ipang gas sa sasakyan ang perang ibibili niya ng bag.

Credits: Judy Ann Santos| IG

“Mahilig ako, pero hindi ko kayang bumili. I mean, hindi kaya ng puso ko. Nanghihinayang ako sa pera. Kasi bag lang siya. Puwede naman ako sa bayong, o katsa bag, o sa eco bag.”

“Kaya ko bumili ng branded na bag basta installment. Iba-iba lang talaga tayo. Pero sa akin…bibili nalang ako ng pagkain, or ipaga-gas ko nalang ito sa sasakyan.”

Credits: Judy Ann Santos| IG

Ibinahagi naman ni Juday na nagkaroon naman siya ng dalawang luxury bags. Isang brown carryall na Hermès, at isang classic flap bag na black na mula naman sa Chanel. Ayon naman kay Juday, ang bag na kanyang binili ay talagang nagagamit niya saan man siya magpunta at bagay rin sa kahit ano niyang isuot dahil sa neutral color nito. Nais rin ng aktres na ang kanyang nabibiling luxury bags, ay maaari niyang maipamana sa kanyang mga anak.

Credits: Judy Ann Santos| IG

“May binili akong Hermès na bag. Tinanong ko [kung] pwede ba ‘tong installment. O pwede, so check. Tinignan ko muna kung kasya yung mga gamit ko. Kasya—o, check. Anong kulay? O, brown. Check na check! Napaka-neutral ng color niya: Kahit anong suot ko, pwede siya kasi hindi naman ako mapormang tao. Kailangan ko ng very neutral na bag.”

Labis nga ang panghihinayang ni Juday sa pagbili ng luxury bags dahil sa nakakalula nitong presyo. Ayon nga sa aktres, ang isang bag na nagkakahalaga ng P400,000 ay marami nang mabibiling grocery.

Credits: Judy Ann Santos| IG

“Ang mahal mahal naman kasi. P400,000 para sa isang bag—Panginoong Diyos ko naman! Ang daming grocery na nun, ang daming truffle oil na nun.”

Source: Ptama

Walang pinapalampas na sandali ang mag-asawang Sarah Geronimo at Matteo Guidicelli na iparamdam sa isa’t isa ang tamis ng kanilang pag-iibigan. Ilang ulit na ngang pinakakilig ang kanilang mga fans ng mag-asawang Sarah at Matteo na kilala sa kanilang love team na “AshMatt”. Hindi lamang sa loob ng tahanan sweet na sweet ang dalawa sa isa’t isa dahil maging sa kanilang bakasyon, ay nag-uumapaw rin ang kasweetan ng mag-asawa.

Photo credits: Ashmattg| IG

Magmula nang ikasal noong 2020, ay tila hindi na nga naubusan ng lakad ang mag-asawa, na hilig talaga ang mag-travel at hanap nga ay masayang adventure. At kamakailan lamang nga, ay ipinasilip ng mag-asawa ang kanilang masayang adventure sa gitna ng napakagandang tanawin na hatid ng kalikasan sa Tanay, Rizal.

Photo credits: Ashmattg| IG

Nito lamang ika-28 ng Enero ay makikitang ibinahagi ni Matteo sa kanyang Instagram ang mga larawan na kuha sa kanilang masayang nature trip. Sa mga larawan at video ay makikitang enjoy na enjoy ang mag-asawang Sarah at Matteo habang nagho-horseback riding. Makikita rin sa isang video na sweet na sweet ang mag-asawa habang naglalakad sa isang ilog.

Photo credits: Ashmattg| IG

Caption nga ni Matteo sa kanyang post sa Instagram,“Walter the horse. spent the night with us.”

Ang lugar na kanilang tinuluyan na tinawag na Casa Balario, para magpalipas ng gabi ay nagbahagi rin sa Instagram ng mga larawan ng mag-asawa.

“We hope you had a memorable stay at our little home and had a wonderful time with nature through our TheBalarioExperience.”

Ang mga nakaabang na masusugid na tagahanga ng AshMatt ay hindi rin nagpahuli sa pagbabahagi sa Instagram ng mga larawan at video na kuha sa mayasang bakasyon ng mag-asasang Sarah at Matteo. Hindi naman maitatanggi na kinilig ang mga fans ng mag-asawa nang masilayan ang kanilang kasweetan.

Photo credits: Ashmattg| IG

Makikita naman talagang hindi kumupas ang tamis ng kanilang pagmamahalan. Sa katunayan nga nito, ay mas lalong tumitibay ang kanilang relasyon lalo na nga’t madalas silang magbonding sa kanilang mga adventure para bumuo ng masasayang alaala.

Photo credits: Ashmattg| IG

Matatandaan na bago tuluyang mauwi sa kasalan ang kanilang pag-iibigan ay anim na taon silang naging magkasintahan. At noong Pebrero 2020, ay tuluyan na ngang nagpalitan ng sumpaan sa harap ng Diyos at ng kanilang pamilya at malalapit na kaibigan sa showbiz sina Sarah at Matteo. Sa darating na Pebrero 2022, ay masaya nilang ipagdiriwang ang kanilang ika-dalawang taong anibersaryo bilang mag-asawa.

Photo credits: Ashmattg| IG

Tiyak naman na mas marami pa silang masasayang adventure na pagsasaluhan sa magagandang lugar para makabuo ng masasayang alaala. Ngayong wala pa silang sariling anak, ay inienjoy muna ng mag-asawa ang isa’t isa sa bawat bakasyon.

 

 

View this post on Instagram

 

A post shared by Mr&Mrs.G (@ashmattg)

 

 

View this post on Instagram

 

A post shared by Mr&Mrs.G (@ashmattg)

Source: Ptama

Ang aktres na si Bea Alonzo ay isa sa pinakasikat at pinakakilalang artista sa industriya ng showbiz. Ngunit, sa kabila ng pagiging abala sa kaliwa’t kanang proyekto, ay hindi naman nakakalimutan ng aktres ang kanyang mga hilig gawin.

Isa na nga rito ang pagluluto ng mga masasarap na putahe o kaya naman ay iba’t ibang klase ng pagkaing Pinoy. Maliban nga sa kanyang mga travel, at masasayang kaganapan sa kanyang buhay, ay ibinabahagi rin ni Bea sa kanyang YouTube channel ang kanyang masarap na luto.

Sa kanyang vlog na Bea’s kitchen, ay marami ngang matutunang luto mula sa aktres na talaga namang napakasarap. At kamakailan lamang nga, sa kanyang latest vlog, ay ibinida ni Bea ang napakasarap na recipe ng binagoongan ng kanyang ina na si Mary Ann, o kilala rin bilang Madam M.

Photo credits: Bea Alonzo | Youtube

Ayon nga sa aktres, ang binagoongan ay isa sa pinakapaboritong ulam ng kanilang pamilya at ang recipe nga ng kanyang ina ay talagang maipagmamalaki niya dahil napakasarap nito. Kaya naman, hindi pinalampas ni Bea na ibahagi sa kanyang mga fans ang paraan kung paano lutuin, at kung ano ang mga sangkap nito.

Photo credits: Bea Alonzo | Youtube

Ang pagluluto ng binagoongan, ayon naman kay Bea ay maproseso dahil mahaba ang oras para iprepara ito, ngunit kapag nga naluto, ay sulit na sulit naman ang sarap na hatid nito. Bago nga magluto ni Bea ng binagoongan, ay ipinakita muna ng aktres kung pano niyang inihanda ang slab ng liempo para maging maluto ito. At ang sekreto nga para sa crispy lechong kawali, ay ang paglalaga muna ng baboy gamit ang mga sangkap tulad ng paminta, asin at bay leaves. Ayon pa sa aktres, ay mahalaga na bago ideep fry ang liempo ay pakuluan muna ito, ibalot sa foil at ilagay sa freezer para kapag niluto ay talagang napakacrispy.

Photo credits: Bea Alonzo | Youtube

Photo credits: Bea Alonzo | Youtube

Sa pagsisimula ng pagluluto ng aktres ay ipinakita naman niya ang mga sangkap na gagamitin gaya ng kamatis, sibuyas, bawang, siling panigang at ang bagoong na siyang pinakaimportante sa lahat.

Naikwento naman ni Bea ang mga nakakatuwang karanasan niya sa tuwing magbubukas ng ref at makakita ng lagayan ng ice cream na pag-aakalay ice cream, pero pagbukas nga ay naglalaman pala ng isda.

Sinimulan naman ni Bea ang pagdeep fry sa liempo, habang niluluto naman niya ang bagoong. Sinimulan ng aktres ang pagluluto sa paggisa ng sibuyas at bawas, sunod naman ay kamatis na ayon kay Bea, ay mas masarap ang bagoong kapag maraming kamatis. Matapos namang mailagay ang bagoong ay inilagay na niya ang siling panigang.

Nang maluto naman ang lechong kawali ay maingat naman niya itong hinango at hiniwa. Sa huli nga ay ginawa naman ni Bea ang plating ng binagoongan na talaga namang nakakatakam. Sa pagtikim nga ni Bea sa kanyang niluto, ay kitang-kita naman kung gaano ito kasarap, at tiyak na mas masarap nga kapag may kasamang kanin.

Source: Ptama

Isang napakagandang biyaya ang natanggap kamakailan ni Miss Universe 2015 Pia Wurtzbach. At ito nga ay ang matupad ang kanyang matagal nang pinaparangap na magkaroon ng sariling bahay at lupa.

Nito lamang ika-26 Enero araw ng Miyerkules ay masayang inanunsiyo ng beauty ang isang achievement na kanyang natamo sa kanyang buhay, ang makabili ng house and lot para sa kanyang sarili. Sa kanyang Instagram, ay masayang ibinahagi ng 32-year old na si Pia ang kanyang larawan na kuha sa kanyang bagong bahay. Makikita sa larawan na ang bagong biling bahay ay mayroong white walls, glass windows at may wood elements rin.

 

View this post on Instagram

 

A post shared by Pia Wurtzbach (@piawurtzbach)

Sa caption nga ng post ni Pia, ay hindi naman talaga maitago ang kanyang labis na kaligayahan, at talagang excited na siyang makalipat dito. Ngayon nga, ay wala pang lamang kagamitan ang bahay ni Pia dahil inaayos pa ang magiging disenyo ng loob ng bahay. Kaya naman ang goal niya ngayong taon ay maging hands on siya sa kanyang bagong bahay para maayos ito.

“Welcome Home, Pia! ops…practice lang!So pano ba to, BYOB na ba? Bring Your Own Bangko? Wala pang laman tong bahay ko LOL! One of my personal projects this year is being hands on with my new home. So excited to take you guys with me through the process! What style do you think I’ll go for?”

Sa comment section ng kanyang post, ay dinagsa naman ng congratulatory messages mula sa kanyang malalapit na kaibigan sa showbiz. Dahil nga, matagal nang pangarap ni Pia ang magkaroon ng sariling bahay, ay ikinatuwa rin ng kanyang mga kaibigan na natupad na ang kanyang pangarap.

Nanguna nga sa pagbibigay ng komento ang kanyang best friend na si Pauleen Luna na nag-iwan ng katagang:

“AYAN NAAAAA”

Nagkomento rin si Miss World 2016 Megan Young, aniya “Omggg congrats P!!! So nice.”

Sinagot naman ni Pia ang nag-uumapaw na pagbati mula sa kanyang mga tagahanga at mga kaibigan sa showbiz, kung saan nga ay isang matamis na pasasalamat ang kanyang naging tugon.

“Thank you everyone for the sweet messages! this was one of my big dreams and Im so happy.”

Makikita na nagbigay rin ng komento ng pagbati ang iba pang celebrities katulad na lamang nina Thia Thomalla, Ayn Bernos, Daniel Matsunaga, Jervy “KaladKaren” Li, at Neri Miranda.

Deserve naman talaga ni Pia ang makatanggap ng napakagandang biyaya, lalo na nga’t pinaghirapan niya ito. Sa ngayon ay masayang-masaya naman ang buhay ni Pia sa piling ng kanyang boyfriend na si Jeremy Jauncey. At ngayon nga, ay nasa Dubai si Miss Universe 2015 Pia Wurtzbach kung saan naman nakabase si Jeremy.

Source: Ptama

Isa nang ganap na dalaga ngayon ang teen star na si Francine Diaz, na taglay kahanga-hangang kagandahan. Nito lamang ika-27 ng Enero ay ipinagdiwang na nga ni Francine ang kanyang ika-18 taong kaarawan. At ito nga napakaespesyal para kay Francine dahil dito magsisimula ang kanyang journey bilang isang mature, at tunay na dalaga.

Photo Credits: Vicky Bello| Tiktok| IG

Matatandaan naman na bago sumapit ang takdang araw ng kanyang birthday, ay may naganap ring pre-debut photoshoot si Francine, kung saan ay ipinamalas niya ang kanyang mala-diwatang kagandahan sa kanyang ethereal themed photoshoot.

At tila nga hindi natatapos ang mga bonggang pasabog sa kanyang birthday, dahil sa dami ng taong nagmamahal kay Francine, may naganap ring surprise birthday para sa kanya.

Photo Credits: Vicky Bello| Tiktok |IG

Nakatanggap nga si Francine ng isang birthday surprise celebration mula kay Dra. Vicki Belo at sa pamilya nito. Sa Instagram nito lamang Huwebes, ika-27 ng Enero, ay ibinahagi ng unica hija ng celebrity doctor na si Scarlet Snow Belo, ang masayang kaganapan sa inihandang birthday party para kay Francine.

Photo Credits: Vicky Bello |Tiktok| IG

Kapansin-pansin sa mga larawan na ang tema ng selebrasyon ay hango sa Disney film na Encanto. Caption nga sa Instagram post ni Scarlet, ang kanilang bahay raw ay naging Casita Belo na hango nga ang set up sa pelikulang Encanto. Inanyayahan rin ni Scarlet ang netizens na panoorin ang vlog sa Youtube channel ng kanyang Mommy Vicki.

Photo Credits: Vicky Bello| Tiktok| IG

“We turned our house into Casita Belo (like the one in the movie Encanto) for ate’s birthday. Watch out for Mommy’s YouTube vlog,”caption sa post ni Scarlet.

Samanta, hindi naman nagpahuli si Dra. Vicki Belo sa pagbabahagi ng kaganapan sa kaarawan ni Francine. Isang Tiktok video naman ang ibinahagi ng celebrity doctor kung saan ay bigay todo sa paghataw ang dalawa sa dance cover ng KC & The Sunshine Band na Give It Up. Caption naman ni Dra. Vicki sa kanyang post, na tinag pa ang mahusay na dancer na si Niana Guerrero:

Photo Credits: Vicky Bello| Tiktok | IG

“Aquarius season with my fellow birthday girl. Did we get that right? nianaguerrero?

Nitong nakarang Enero 25, ay ipinagdiwang ni Dra. Vicki Belo ang kanyang 66th birthday, at si Francine ay noong Enero 27 naman. Kaya naman, pareho sila ng zodiac sign na Aquarius at hindi maikakaila na close na close rin ang dalawa.

Nakatanggap rin pagbati si Francine mula sa kanyang mga tagahanga at malalapit niyang kaibigan sa industriya ng showbiz. Kabilang na nga rito ang singer na si Jayda Avanzado na ipinaabot ang nakakaantig na mensahe ng pagbati sa kanyang kaibigan sa pamamagitan ng isang Instagram post.

Photo Credits: Vicky Bello| Tiktok| IG

“Happy 18th birthday to this ghorl, a true aquarian/January baby, and a true best friend through and through. My wish for you is that you always remember, that even if you’re busy, or investing your time and heart in caring about other people, it’s okay to put yourself first sometimes, and make decisions that will be best for you and your life. You deserve to be happy.”

“Know that I’ll always be here for you through thick and thin! Just like you are with me. I love you, kahit minsan umaabot ka ng mga two weeks bago ka mag-reply at dinededma mo mga tawag ko (‘wag mo nang ideny, alam ko na at naiintindihan ko ‘yun HAHA.”

 

View this post on Instagram

 

A post shared by Vicki Belo, M.D. (@victoria_belo)

Source: Ptama

Totoong napakahirap ng buhay sa panahon ngayon. Bawat sentimo ay pinaghihirapang ipunin ng mga tao. Kaya naman talagang nakakapanghinayang kung bigla na lang mawala ang ating pinaka-iingatang pera. Ngunit hinahangaan din naman ang mga taong mabuti ang kalooban at ibinabalik sa may-ari ang kanilang pinaka-iingatang gamit.

Gaya nga ng iilang tao, napakaswerte ni Jose Pacho na naibalik sa kaniya ang nawawala niyang pitaka na naglalaman ng 10,000 pesos at ilang IDs. Malaki ang pasasalamat niya sa nagsauli nito na kinilalang si Jojo Tiamzon. Si Mang Jojo ay isang street vendor na nagtitinda ng iba’t ibang meryenda gaya ng donut, ice cream, at iba pa.

Ayon kay Mang Jojo, nagbebenta siya ng kaniyang mga paninda nang makita niya ang pitaka. Hindi naman siya nagdalawang-isip na pumunta sa pinakamalapit na barangay. Dahil sa laman nitong mga ID ay agad namang naibalik kay Jose ang pitaka. Talagang kahanga-hanga ang katapatan ni Mang Jojo dahil kahit mahirap ang buhay ay hindi siya nagpasilaw sa pera at pinili pa rin niyang gawin kung ano ang tama.

Photo credits: Angelika dela Cruz | Facebook

Bukod sa kabutihang-loob na ito ni Mang Jojo, kahanga-hanga rin ang kaniyang kasipagan. Umulan man o umaraw at kahit may banta ng COVID-19 sa kaniyang kalusugan ay patuloy pa rin siyang nagbebenta sa lansangan. Hindi niya rin alintana ang bigat ng kaniyang mga paninda kahit na siya ay may edad na.

Photo credits: Angelika dela Cruz | Facebook

Dahil dito, hinangaan si Mang Jojo ng mga netizens. Ayon sa isang netizen, saludo siya kay Mang Jojo. Komento naman ng isang netizen, “Mabuhay ka, Mang Jojo. Napakabuti mo sana marami pang maging katulad mo.” Ang ilan din ay nanawagan na tangkilikin ang kaniyang mga produkto upang mabigyan siya ng dagdag na tulong.

Photo credits: Angelika dela Cruz | Facebook

Maaaring kakaunti na lang ang mga taong lubos ang katapatan gaya ni Mang Jojo ngunit ang kaniyang mabuting gawain ay maaaring maging ehemplo at patunay para sa ibang tao na hindi hadlang ang kahirapan ng buhay upang gawin kung ano ang tama. Ang kwento rin ni Mang Jojo ay nagsisilbing paalala na hindi lamang pagbibigay ng materyal na bagay ang sukatan ng pagiging mabuti sa iba. Kung minsan, ang ating simpleng katapatan ay sapat na.

Source: Ptama