Hindi nga nakaligtaan ng mag-asawang sina Chesca Garcia at Doug Kramer na ipagdiwang ang araw na kapanganakan ng kanilang pangalawang anak na si Scarlett Kramer.

At nito lamang ika-28 ng Nobyembre ay nagkaroon ng simple ngunit masayang selebrasyon para sa ika-10th birthday ni Scarlett sa loob ng kanilang tahanan.

Ang espesyal na araw na ito ni Scarlett, ay dinaluhan ng kanilang pamilya at malalapit na kaibigan. Sa Instagram ay ipinasilip ni Doug ang naganap na masayang selebrasyon sa loob ng kanilang tahanan. Makikita nga sa mukha ng bawat isa ang saya habang ipinagdiriwang ang kaarawan ni Scarlett. Masisilayan sa mga larawan na isang “We Bare Bears-themed birthday party ang inihanda ng celebrity couple para sa kanilang pangalawang anak. Ayon naman kay Doug ay talagang excited na si Scarlett sa pagsapit ng kanyang birthday.

“Scarlett’s bday home setup. She’s been so excited for this for many months! Just glad cases have gone down so we would be able to invite loved ones over to celebrate with her,”pahayag ni Doug.

“To our fierce, beautiful and charming baby girl, happy 10th birthday Scarlett! Forever our baby doll!,”dagdag pa nito.

Nagbahagi rin ng isang video clip si Doug kung saan naman masisilayan ang mga larawan ng milestone ni Scarlett magmula noong isang taong gulang pa lamang ito hanggang sa kasalukuyan na sampong taong gulang na. Nilakipan naman ito ng former PBA star ng isang nakakaantig na mensahe para sa kanyang anak na puno ng pagmamahal.

“1-10 in a blink of an eye!. Scarlett, I hope today will be a little reminder of how much your whole family loves you! We’re so blessed to have witnessed your growth year by year.”

“There’s so much in store for you, and I truly believe God has special plans for you, because you constantly show how much you love Him. I love you, Scarlett!”

Hindi naman nagpahuli si Chesca na ipaabot ang kanyang pagbati para sa kaarawan ng kanilang Scarlett Doll. Sa Instagram ay ibinahagi niya ang isang video clip na kuha sa masayang pagdiriwang ng birthday ni Scarlett. At sa nasabing post ay sinabi niyang wala nang sasaya pa para sa kanila ng kanyang asawang si Doug na makitang masaya sa pagdiriwang ng kanyang birthday si Scarlett.

Sa hiwalay namang post kung saan ibinahagi ni Chesca ang napakacute na larawan ni Scarlett ay nagbigay naman siya ng sampung dahilan kung bakit hindi siya nagsasawang mahalin ng paulit ulit ang kanyang anak. At bilang isang ina nga, ay mahal na mahal ni Chesca ang kanyang anak, kung saan para sa kanya, ito ang kanyang “perfect 10”.

“Here is 1… Sweet faced with a darling little voice. But don’t be fooled there’s a lion’s heart inside of you. Tough and ready to roar.”

“Number 2 is your irresistible charm that’s got me right at the palm of your hand. Everything that you do makes mommy so crazy in love with you.”

“Number 3, I love how caring and thoughtful you are. You always put others first before yourself. And, when someone is sick you willingly take care and never forget to check on that person.”

“Number 4, you’re protective of your family, and loyal to the very core of your being.”

“Number 5, you’re motherly. Loving, helpful, supportive, and also authoritative.”

“Number 6, you’re an old soul who loves writing poems about Jesus and his love, family, and nature.”

“Number 7, I love how you’re not easily swayed. You’re principled and hold your convictions firmly.”

“Number 8, I love how you love us and it’s seen on the everyday service you show us. Be it baking for us, asking if we need anything, helping mommy organize and so much more.”

“Number 9, you’re a fighter! You never give up and you always challenge yourself to be better.”

“Number 10, I love how you’re growing in your walk with God. Your understanding of Him that is seen through your own Psalms book you wrote. I don’t know where your words and thoughts come from but you teach me so much.”

“I hope you know how much we all love you. You’re one of a kind my Doll. You’re special! I love you more than what love means! You’re my perfect 10!!! Happy Birthday Scarlett Louvelle!!! You’re my squishy, softy, mochie cheeks!”

Sina Chesca at Doug ay 18 na taon nang kapiling ang isa’t isa. 13 taon nga rito, ay ang masaya nilang pagsasama bilang mag-asawa. Ang kanilang matamis na pagsasama ay biniyayaan ng tatlong anak. Maliban kay Scarlett, ay may dalawa pang anak ang celebrity couple, ang panganay na si Kendra at bunsong si Gavin.

Source: Ptama

Ang bawat artista sa industriya ng showbiz ay may kanya-kanyang kwento sa likod ng kanilang tinatamasang tagumpay ngayon. Kung ang ilan nga ay mapalad dahil nagmula na sa pamilya ng mga artista, ay ilan naman na talagang nakaranas muna ng matinding hirap sa buhay bago tuluyang makamit ang tagumpay.

Credits: Jerico Rosales | IG

Ang kwento ng aktor na si Jericho Rosales ay inspirasyon ang hatid sa kanyang mga tagahanga matapos niyang ibahagi ang hirap na kanyang pinagdaanan bago niya tuluyang makamit ang tagumpay. At sa kanyang social media account, ay inilahad ni Jericho sa isang mahabang post ang kanyang hirap na pinagdaanan sa buhay upang magsilbing inspirasyon sa iba pang nangangarap.

Panimula nga ng aktor, ay may mga tao umanong hindi nagpupursige sa pag-abot ng kanilang mga pangarap dahil sa mga bagay na humahadlang para maabot ito.

“think a lot of us have stopped dreaming and reaching our goals because of the negative factors around us- poverty, lack of support and the additional uncertainty we get from this pandemic. Or at least we deeply questioned them. Our tomorrows are filled with questions and cares. It is natural for us to think that way. We all are going through this and it is very hard.”

Credits: Jerico Rosales | IG

-diin naman ni Jericho na kahit gaano man kahirap ang daan patungo sa tagumpay, mahalaga parin na maging positibo ang pananaw at punuin ng pag-asa ang puso dahil walang imposible sa pag-abot ng mga pangarap.

“Dreams are dreams because they seem far from reality. It can be easy to forget about them. But with a heart full of hope and a mind filled with positivity, nothing is impossible.”

Matapos nito ay nagsimula nang magkwento ang aktor tungkol sa buhay na kanyang tinahak bago siya mapadpad sa mundo ng showbiz at maging isang sikat na artista. Lingid sa kaalaman ng publiko, ay nagmula sa kahirapan si Jericho kung saan nga ay maagang namulat sa hirap ng buhay. Kwento ng aktor ay highschool lamang ang kanyang natapos at dahil nga sa hirap ng kanilang pamumuhay ay hindi na siya nakapag-aral pa sa kolehiyo.

Credits: Jerico Rosales | IG

“I came from a poor family, went to 6 public schools in elementary and high school. Didn’t go to college because i didn’t know what career meant and we simply could not afford it.”

Naibahagi rin ni Jericho ang mga trabaho na kanyang pinasok para lamang kumita ng pera at makatulong sa kanyang pamilya. Hindi man madali ang kanyang pinagdaanan, ay hindi sumuko ang aktor para lamang makaraos sa maghapon. Ayon nga kay Jericho, ay nangongolekta siya ng mga kalakal para maibenta sa junk shop upang magkapera. Naranasan rin niyang maging fish vendor sa palengke, magtinda ng ice buko at maging jeepney barker.

Credits: Jerico Rosales | IG

“When i was young i collected discarded wires and old newspapers to be sold in junk shops in exchange for money and sometimes cheap cheese curls. I collected plastic trash from a dumpsite with my cousin, I sold ice buko (frozen coconut water with milk and sugar) , sold fish in the market, became a jeepney “barker”, a pizza boy and a driver.”

Gaano man kahirap ang pinagdaanan sa buhay, ay hindi binitawan ni Jericho ang kanyang mga parangap, lalo na nga ang maiahon sa kahirapan ang kanyang pamilya.

“Clearly, i did not have the ideal life situation. But I had a dream – to get myself and my family out of poverty and have our own house. That was my first major dream.”

Sa tulong rin ng kanilang matinding paniniwala sa Diyos at panalangin na sinamahan rin niya ng walang tigil na pagkatuto sa maraming bagay, ay nagawa niyang panghawakan ang kanyang mga pangarap.

“I had faith in God and I also had time. So i prayed and prayed and never stopped learning new things. I kept moving. I kept my dream infront of me.”

“Self-education, learning skills, surrounding yourself with forward thinking like-minded people and using your challenges as tools for self-improvement/development are keys to opening doors of opportunities.”

Tinapos naman ni Jericho ang kanyang mahabang post sa mga katagang puno ng inspirasyon at encouragement para sa mga taong patuloy na nangangarap.

Credits: Jerico Rosales | IG

“What we have in our hands is NOW. It holds a lot of power if you know how to use it. It can change your tomorrows. Shaping it starts the moment you tell yourself “this is my tomorrow”. We also have each other.”

“They say dreams are only dreams and wishes will remain to be wishes but not until you do something about them. So keep dreaming, keep hoping and keep moving. You are made to be something and a someone for another. I wish all of us a bright future and i’ll do my part to make that happen. Di mo kailangan ng tsinelas sa dagat ng pangarap. Naks.”

Source: Ptama

Tila nga nasa dugo na ng aktor na si Jestoni Alarcon ang pagiging isang mahusay na artista. Bukod kasi sa kanyang talento sa pag-arte, ay taglay rin ni Jestoni ang magandang katangian. Kaya naman hindi na nakapagtataka na isa siya sa pinakasikat na action star noong dekada 90 sa industriya ng showbiz.

Ang magandang tikas at kagwapuhan rin ni Jestoni, ang nagpatibok sa puso ng kanyang magandang misis na si Lizette. Dahil nga, puno ng saya at pagmamahalan ang kanilang pagsasama, ay nagbunga ito ng tatlong anak na hindi maikakailang nagmana sa kanilang mga magulang, ito ay sina Jessica, Anthony at Angela.

Ngunit, sa tatlong anak ni Jestoni ay agaw pansin ang kanyang anak na si Angela Alarcon na ngayon nga ay lumilikha na rin ng kanyang sariling pangalan sa mundo ng showbiz. Isang proud daddy si Jestoni sa kanyang anak dahil sumunod ito sa kanyang yapak upang ipamalas ang husay sa pag-arte.

Kahanga-hanga naman talaga si Angela, dahil bukod sa talento sa pag-arte na namana sa kanyang ama, ay taglay rin niya ang hanga-hangang kagandahan at katalinuhan. Sa katunayan nga nito, bago pasukin ni Angela ang mundo ng showbiz, ay nagpursige muna siyang makapagtapos ng pag-aaral.

Bago nga maging ganap na Kapuso star si Angela, ay natapos niya ang kanyang degree sa Speech Communication sa University of the Philippines Diliman. Dahil rin sa taglay niyang katalinuhan ay natapos niya ang kanyang kurso nang may karangalan bilang cum laude.

Maliban naman rito, ay mahilig rin si Angela sa sports katulad na lamang ng basketball, boxing at volleyball. Maipagmamalaki rin ang husay ni Angela pagdating sa taekwondo kung saan ay naging bahagi siya ng Bottle Cap Challenge at isang blackbelter sa kanilang unibersidad.

Samantala, dahil nga natapos ni Angela ang kanyang pag-aaral ay mas lalo siyang sinuportahan ng kanyang mga magulang na pasukin ang larangan ng pag-arte. Hindi naman maikakaila na isa si Angela sa mga rising star na inaabangan ng marami lalo na nga’t ang kanyang ama ay isang kilalang action star sa industriya.

Ayon naman kay Angela, ay suportado siya ng kanyang ama sa kanyang naging desisyon. Sa katunayan nga nito, bilang isang batikang artista sa industriya ng showbiz ay hindi nagkululang sa pagbibigay ng payo si Jestoni sa kanyang anak kung paanong haharapin ang mga pagsubok na kaakibat ng pagiging isang artista katulad na lamang sa pagharap sa mga bashers.

“His advice is to always remain focused and to do your best in everything that you do especially sa mga lines, kahit onti mo lang na mali na mga lines. Sinasabi niya na people may say things about you and puwede akong masaktan when I enter showbiz, but just always focus on your goal and don’t let them affect you,” saad ni Angela.

Source: Ptama

Dekada 90 pa lamang ay tinitingala na ng publiko ang aktres na si Sunshine Cruz. Hindi naman na ito maikakaila dahil sa taglay na kagandahan ng aktres. Tila nga isang dyosa ng kagandahan si Sunshine, na talagang angat sa marami lalo na nga’t taglay rin niya ang isang magandang hubog ng katawan. Idagdag pa rito ang kanyang talento bilang isang mahusay na singer at aktres.

Ngunit, lingid sa kaalaman ng publiko ang magandang aktres na ngayo’y 44 taong gulang na, ay may hindi pala magandang karanasan mula sa kanyang dating asawang si Cesar Montano. Sa edad na 24 taong gulang ay nagpakasal si Sunshine kay Cesar noong taong 2000. Nang mga panahon na iyon, ay 39 taong gulang na ang aktor. Bagama’t, malaki ang agwat ng kanilang mga edad, ay hindi naman ito naging hadlang sa kanilang pagmamahalan at nauwi nga sa kasalan.

Sa kabilang banda, ayon naman kay Sunshine una pa lang ay tutol na sa kanilang relasyon ang kanyang ama dahil marami umano ang nagsasabi na babaero si Cesar. Ngunit, hindi nakinig si Sunshine sa dikta ng kanyang ama bagkus ay ipinaglaban ang kanilang pagmamahalan dahil naniniwala siyang mahal siya ng aktor. At umaasa rin si Sunshine na magagawa niyang mapabago si Cesar kapag naging asawa na niya ito.

Dahil nga, kinausap pa raw ni Cesar ang kanyang ama, at sinabi na si Sunshine na nga raw ang dahilan upang tuluyang magbago, kaya naman wala nang nagawa pa ang ama ng aktres. Sa kabila naman ng malaking agwat ng kanilang edad, ay malaki naman ang paniniwala ni Sunshine na magtatagal ang kanilang relasyon, at tutuparin nila sa isa’t isa ang kanilang sumpaan sa harap ng altar na magsasama sa hirap at ginhawa.

Ngunit, ang lahat ng ito’y isang mapait na kahapon ang hatid kay Sunshine. Masakit mang tanggapin, ang kanilang nabuong pamilya ay nawasak dahil sa kagagawan ni Cesar. Kwento pa nga ni Sunshine, nasa honeymoon pa lamang sila ni Cesar ay mapait na karanasan na agad ang kanyang natikman matapos umanong itapon mismo ng aktor ang kanilang wedding ring sa kanyang harapan.

Minsan na rin raw na ipinipilit ng aktor na gawing makatotohanan ang mga scenes sa ilan niyang mga pelikula, ngunit mariin itong itinatanggi ng aktres. Sa mabilis na paglipas ng panahon, ay nagbunga naman ng tatlong magagandang anak na babae ang kanilang pagsasama. Ito ay sina Angelina Isabelle, Angel Franscheska, at Samantha Angeline.

Dahil nga nakabuo na rin sila ng kanilang sariling pamilya, inakala naman ni Sunshine na magbabago na si Cesar. Ngunit, ang pinakamasakit para sa aktres ay ang matuklasan ang mga pambabae nito. Matatandaan nga na marami na ang nalink na babae kay Cesar, at isa na nga rito ang 16 taong gulang na si Mariana Del Rio. Nasundan pa ito ng paglantad ng pangalan ni Krista Miller na isa rin sa mga naging karelasyon diumano ng aktor.

Tila lahat naman ng masakit at mapait na karanasan na sinapit ni Sunshine sa kanyang dating asawa na si Cesar ay may katapusan. At matapos nga ng halos 13 taong pagtitiis sa piling ng kanyang dating asawa, noong 2013 ay matagumpay na nakamit ni Sunshine ang kalayaan matapos maanulled ang kanilang kasal.

Sa ngayon, ay masaya na si Sunshine sa piling ng kanyang boyfriend na si Macky Mathay na mahal na mahal siya pati na rin ang kanyang tatlong anak na pawang dalaga na ngayon.

Source: Ptama

Sa pang-araw-araw nating buhay ay nakasanayan na natin ang gumamit ng mga bagay na pinapagana ng kuryente habang tayo’y nasa loob ng ating mga tahanan kung saan tayo nagiging komportable. Kaya naman, pagsapit ng bayaran ng electric bill ay talagang sumasakit rin ang ating ulo sa laki ng bayarin, dahil nga sa taas ng kunsumo.

Ngunit sa pagtaas ng bill ng kuryente, ay kasabay naman nito ang mga alternatibong paraan para makatipid at masulosyunan ang malaking bayarin kada buwan. Ito nga ang tinatawag na solar power o solar energy kung saan gumagamit ng solar panels na nagsisilbing source ng kuryente ang enerhiya na nagmumula sa araw.

At isa nga sa nakaranas ng magandang benepisyo ng pagkakaroon ng solar power ay ang mag-asawang Doug at Cheska Kramer. Hindi na lingid sa kaalaman ng marami na ang kanilang pamilya ay nakatira sa isang napakaganda at napakalaking bahay. Dahilan nga, kung bakit malaki rin ang kanilang nakukunsumong kuryente at mataas nilang electric bill kada buwan.

Sa isang vlog ay ibinahagi ng mag-asawang Cheska at Doug na sa unang buwan ng kanilang paninirahan sa kanilang bagong bahay, ay umabot ng halos P79,000 ang kanilang binayaran. Kaya naman, hindi na nagdalawang isip pa ang mag-asawa na subukan ang paggamit ng solar power para maging alternatibo at makatipid sa binabayarang bill ng kuryente.

Sa tulong nga ng Solaric ay nagpakabit ang celebrity couple ng solar panels sa bubong ng kanilang bahay. At matapos nga ng installation ay nakita nila ang malaking pagbabago sa binabayaran nilang electric bill. Malaki nga ang pasasalamat ng mag-asawa dahil napakalaking nito sa kanilang pamilya. Bukod nga sa talagang mag-eenjoy at komportable ang kanilang pamilya sa pananatili sa loob ng kanilang tahanan, ay wala na rin silang iisiping malaking bayarin sa kuryente kada buwan.

Pagbabahagi nga ng mag-asawa, ang dating P79,000 na binayaran, ay bumaba ng halos P30,000 nalang pagsapit ng sumunod na buwan. Ayon pa nga kay Cheska, ay hindi lamang ito magandang investment para sa kanilang pamilya, kundi isa ring investment na malaki ang naitutulong sa kalikasan.

Dahil nga sa naisip ng mag-asawang Cheska at Doug na magpakabit ng solar power sa kanilang tahanan, ay marami rin sa mga netizens ang napahanga ng kanilang pamilya at nakita rin ang magandang benepisyo ng paggamit nito. Ang mga ito nga ay nagbigay ng positibong komento na puno ng paghanga.

“Their house is beautifully surrounded by so much greens.😊 If it were me, aircon would be an hour long lang, then everything else would be done in the open for oxygen-rich air.. Not because of the bill, but because of health, so we can save both the kids’ lungs and the ozone layer.😊 Wonderful work with the solar panels too, galing. Smart move😊”

“I do wish we have more providers for solar so that price of panels and equipment become a bit affordable for common households. I hope to have this in my house 😊”

“Not just on solar panels, invest more on batteries where you store the solar energy. The more storage you have the less you’re dependent with meralco. Turning into renewable energy will not only benefit you financially, this is sustainability which is good for the planet 😊“

Source: Ptama

Ang aktor at komedyanteng si John Estrada ay kilala na sa industriya ng showbiz magmula pa noong dekada 90 at hanggang sa kasalukuyan ay patuloy na namamayagpag ang kanyang karera.

Hindi naman na maikakaila na sa tagal nang pananatili ni John sa industriya ng showbiz, ay marami na ang kanyang naipundar.

Kasabay naman ng matagumpay na karera ni John ay ang makulay niyang buhay pag-ibig. Unang ikinasal si John sa kanyang dating asawa na si Janice de Belen noong 1992 ngunit nauwi sa hiwalayan noong 2004. Ang kanilang pagsasama ay nagbunga ng apat na anak, sila ay sina Inah de Belen Estrada, Moira Estrada, Kaila Estrada at Yuan Estrada.

Samantala, muli namang umibig ang aktor sa kanyang longtime girlfriend Brazilian beauty queen na si Priscilla Meirelles, at ikinasal noong 2011. Ang kanilang pagsasama ay nagbunga ng isang anak, si Anechka.

Ang kanilang pamilya ay nakatira sa napakaganda at napakalaking bahay na naipundar ni John na matatagpuan sa Dasmariñas Cavite. Kahanga-hanga ang real estate property na ito ng aktor kung saan nga ay pinaganda ng moderno nitong disenyo. Bukod rito ay may napakaaliwalas rin itong espasyo. At dahil nga, isa rin itong open space ay agad na masisilayan ang taglay na ganda ng tanawin dito.

Ang ganda nga ng tanawing masisilayan dito, ay tiyak na magbibigay ng saya at kapanatagan ng pakiramdam lalo na nga’t tahimik rin ang lokasyon ng kanilang napakaganda at napakalaking tahanan. Makikita na ang bahay na ito ng aktor ay may naglalakihang glass window, kung saan matatanaw ang malawak na golf course at ganda ng tanawin na sakop ng kanyang property.

Isa rin sa agaw pansin sa bahay ni John ay ang napakaganda nitong swimming pool. At dito nga ay matatanaw ng malapitan ang malawak na golf course. Sa swimming pool madalas mamalagi ang mag-amang John at Anechka dahil isa ang swimming sa nagsisilbi nilang bonding moments.

Ang 2nd floor naman ng napakalaking bahay ay may sariling living room, at dito nga sila madalas magbonding ng kanilang pamilya. Kapag namamasyal naman ang mga kaibigan ni John sa kanilang tahanan, ay hindi pinapalampas ng mga ito na subukan ang maglaro ng golf sa malawak na golf course.

Talaga namang kahanga-hanga ang taglay na ganda at laki ng bahay na ito ng pamilya ni John. Hindi naman maikakaila na deserve ng aktor at ng kanyang pamilya ang manirahan sa isang napakaganda at napakalaking bahay, lalo na nga’t naipundar niya ito dahil sa kanyang sipag at tiyaga.

Source: Ptama

Ilang buwan na rin ang nakalipas magmula nang maghiwalay ang aktres na si Kylie Padilla at dati nitong asawang si Aljur Abrenica. Ngunit, tila hindi parin nakakalimutan ng Kapuso actress ang sakit na dulot ng kanilang paghihiwalay.

At kamakailan lamang nga, ay hindi napigilan ni Kylie ang maging emosyunal matapos matanong ang aktres ng kanyang amang si Robin Padilla patungkol sa relasyon nila ng kanyang dating asawa.

Sa latest vlog ni Kylie na mapapanood sa kanyang Youtube channel, ay nakasama niya ang kanyang amang action star na si Robin, kung saan ay nagkaroon sila ng oras para makapag-usap ng “heart to heart”. Hindi naman pinalampas ni Kylie ang pagkakataon na matanong ang kanyang ama tungkol sa mga bagay-bagay sa buhay at bilang isang magulang. May mga inihandang katanungan si Kylie para kay Robin, at dito nga ay mas lalong nakilala ng aktres ang katauhan ng kanyang ama.

Sa unang bahagi ay panay si Kylie ang may ibinabatong tanong na nasagot naman ni Robin ng maayos. Tila nga malapit na malapit ang mag-ama sa isa’t isa, kung saan nga ay makikitang marami ring alam na bagay si Kylie patungkol sa kanyang ama.

Isa naman sa kanilang mga napag-usapan ay ang pagiging ama ni Robin sa kanyang mga anak. Ayon nga sa aktor, bilang isang ama ay masaya siyang makita na masaya ang kanyang mga anak sa kani-kanilang buhay. Bilang isang butihing magulang naman, ay marami ring payo at tagubilin patungkol sa pagpalalaki ng anak si Robin kay Kylie na ngayon nga ay magulang na rin sa kanyang dalawang anak.

Samantala, hindi naman nakaligtas si Kylie sa katanungan ng kanyang ama patungkol sa kanila ng kanyang dating asawa. Una nga ay kinamusta muna ni Robin ang dalawa, kung “okay” na sila ni Aljur.

Hindi naman na nagdalawang isip ang aktres at sumagot sa kanyang ama, at sinabing:

“Okay na kami, yes. Okay na kami, thank God,”pahayag ni Kylie.

Tila hindi naman nakuntento si Robin sa kasagutan ng kanyang anak. Kaya naman, nagpumilit si Robin na magsabi ng totoong nararamdaman ni Kylie.

“Sige nga kasi tinitignan kita sa mata e. Kasi hindi ka makakapagsinungaling sakin e,”saad ni Robin.

At dito nga, ay makikita na pinipigilan ni Kylie ang maluha bago magbigay ng kasagutan sa kanyang ama. Ayon kay Kylie ay maayos naman na sila ni Aljur bilang magulang sa kanilang mga anak.

“Okay na po talaga, Pa. I promise. Ayoko nang mag ano, basta. Ang importante, andun kami para sa mga bata.”

Ngunit, sa huli nga ay tila hindi na napigilan pa aktres na ilabas ang kanyang nararamdaman at tuluyan na ngang naging emosyunal. At dito nga, ay makikita ang tuluyang pagtulo ng luha ni Kylie kung saan ay ramdam na ramdam ang sakit.

“To be honest, Pa yung mahirap lang talaga dun sa nangyari samin is never ko nang mae-enjoy yung pinapanood ko silang naglalaro. Yun lang. Kasi nung dumating na talaga yung time na di na siya nagwo-work, but bilang nanay… oh my God. Favorite ko kasi yun eh. Favorite ko yun eh, na pinapanood ko yung mga anak ko tsaka yung tatay nila na magkasama.”

Source: Ptama

Bago matagpuan ni Ellen Adarna ang kabiyak ng kanyang puso sa piling ng kanyang asawa na ngayong si Derek Ramsay, ay naunang nakarelasyon ng aktres ang aktor na si John Lloyd Cruz. Bagama’t ang kanilang pagmamahalan ay ay napuno ng saya at kulay, ay nauwi parin ito sa huli sa hiwalayan matapos ang ilang taong pagsasama.

Ang kanilang dating matamis na pag-iibigan ay nagbunga ng isang anak na lalaki. Ito nga ay si Elias na ngayon ay tatlong taong gulang na. Si Elias ay nasa poder ng kanyang inang si Ellen. Bagama’t hiwalay na sina Ellen at John Lloyd, ay may co-parenting set up naman silang inilaan para sa kanilang anak upang mapalaki ito ng maayos.

Samantala, matapos maikasal ni Ellen nitong nakaraang Nobyembre 11 sa Tagaytay, ay marami naman ang nais malaman kung ano ang reaksyon ni John Lloyd. At kamakailan lamang, nang mag-guest ang aktor sa programa ni Jessica Soho na “Kapuso Mo, Jessica Soho”, ay natanong ang aktor sa saloobin nito sa pagpapakasal ng kanyang dating nobya.

Hindi naman maikakaila na kahit na nagkahiwalay sila, ay may maganda naman silang samahan para sa kanilang anak. Kaya naman, suportado rin ni John Lloyd ang pagpapakasal nito sa aktor na si Derek Ramsay. Aminado naman si John Lloyd, na iniiwasan niya talagang magbigay ng pahayag patungkol sa kanila ng ina ng kanyang anak dahil kung anuman ang namagitan sa kanila ay nakaraan na ito.

Simple man ang naging sagot ni John Lloyd, ay bakas naman sa aktor na masaya ito sa panibagong yugto ng buhay ng kanyang dating nobya.

Aniya,“Finally, she found the one”.

Dagdag naman ni John Lloyd, ay hangad niya ang masaya at matatag na pagsasama nina Ellen at Derek. At ang makita nga ng kanyang anak na si Elias ang magandang pagsasama ng kanyang ina, at step dad, ay malaking tulong na raw para sa kapakanan at paglaki ng kanyang anak.

“Siyempre, sincerely, I wish her all the happiness in the world. And I wish them both a strong and fun marriage. Kasi vital ‘yan sa welfare at sa growth ng anak ko.”

Tila naman, panatag na rin ang loob ni John Lloyd dahil ang kanyang anak ay lalaki sa isang masayang pamilya. Sa ngayon, ay balik showbiz na si John Lloyd. Kaya naman, nakatuon ang kanyang pansin ngayon sa kanyang karera upang muling ipamalas ang kanyang talento sa pag-arte.

Ngayon pa lang nga, ay marami na ang nakaabang sa mga proyekto ni John Lloyd na ngayon ay isa nang ganap na Kapuso.

Source: Ptama

Naging kontrobersyal man ang paglantad ng aktres na si Sofia Andres sa publiko sa pagkakaroon niya ng anak sa kanyang boyfriend na si Daniel Miranda, kapalit naman ito ng isang walang kapantay na kaligayahan.

Matatandaan na noong nakaraang taon buwan ng Hunyo nang isapubliko ng aktres sa mismong araw ng pagdiriwang ng Father’s day na isa na siyang ganap na ina. Ang rebelasyon ng aktres ay idinaan niya sa pagpost ng pagbati sa kanyang boyfriend, bilang isang uliran at mapagmahal na ama sa bunga ng kanilang pagmamahalan na si Zoe Natalia.

Magmula naman nang isapubliko ni Sofia ang tungkol sa kanyang anak, ay naging mas bukas na ang aktres na ibahagi ang mga masasayang kaganapan sa buhay ng kanilang pamilya.

Wala ngang pinapalampas na sandali si Sofia at bilang ina nga ng kanyang napakacute na anak na si Zoe, ay talaga namang isang siyang proud mommy.

Hindi naman namalayan ang matulin na paglipas ng panahon, dahil ang bundle of joy nina Sofia at Daniel na si Zoe, kamakailan lamang ay nagdiwang ng ika-2 taong kaarawan.

Dahil nga, isang espesyal na araw ito sa buhay ni Zoe na dapat ipagpasalamat ng kanilang pamilya, ay hindi nga nakaligtaan nina Sofia at Daniel na magkaroon ng isang masayang pagdiriwang.

Sa Instagram, ay magkakasunod ang naging post si Sofia ng mga larawan na kuha sa selebrasyon ng birthday ni Zoe. At makikita nga na nagkaroon ng isang makulay na doughnut-themed birthday party si Zoe na dinaluhan ng kanilang pamilya at ilan nilang malalapit na kaibigan.

Makikita naman na hindi nagpahuli ang aktres na si Kathryn Bernardo sa pagdalo sa birthday ng anak ng kanyang kaibigan. At bilang ninang ni Zoe ay ipinakita ni Kath ang kanyang pagmamahal at pagsuporta sa kanyang inaanak sa pagdiriwang ng kaarawan nito. Dumalo rin sa masayang selebrasyon ang aktres na si Phoemela Baranda.

Sa caption ng kanyang post, ay pinasalamatan naman ni Sofia ang mga dumalo sa masayang pagdiriwang ng 2nd birthday ni Zoe.

“Thank you guys for celebrating with us today on her very special day. You made her super duper happy & that’s the greatest gift of all.”

Napakaganda namang pagmasdan ng family photo nina Sofia at Daniel kasama si Zoe kung saan nga ay masisilayan ang kanilang masayang ngiti habang nakaharap sa camera.

Agaw pansin naman ang ubod ng cute na si Zoe sa suot nitong baby blue dress. Nakakaaliw at napakacute ring pagmasdan si Zoe sa isang larawan habang nagbo-blow ng candle sa kanyang donut-themed cake.

Hindi naman talaga matatawaran ang kaligayahang hatid ni Zoe sa kanyang pamilya. Wala ring duda na mas lalong naging masaya at napuno ng pagmamahalan ang pagsasama nina Sofia at Daniel dahil sa kanilang anak na si Zoe.

Source: Ptama

Tila nga sinusulit ng mag-asawang Anne Curtis at Erwan Heussaff ang bawat sandaling kasama nila ang kanilang anak na si Dahlia Amelie. Kaya naman, walang pinapalampas na sandali ang mag-asawa kung saan nga sa bawat lakad nilang mag-asawa ay kasama nila ang kanilang anak.

At kamakailan lamang nga, ay muli na namang nasilayan ang pamilya nina Anne at Erwan kasama si Baby Dahlia sa kanilang masayang pamamasyal sa Paris. Ito naman ang unang pagkakataon na nakasama nina Anne at Erwan ang kanilang anak na si Dahlia sa kanilang masayang travel adventure sa European city.

Sa kani-kanilang Instagram account ay ibinahagi ng celebrity couple ang ilang video at larawan na kuha sa kanilang bakasyon sa Paris.

Sa kanyang Instagram account, ay ibinahagi ni Anne ang maikling video kung saan makikita ang paglalakad ng ni Dahlia sa park hanggang sa pagkain nila sa isang restaurant ng magkasama. Makikita nga na enjoy na enjoy ang munting bata sa kanilang pamamasyal. Bukod naman sa ganda ng tanawin, ay hindi naman maikakaila na naenjoy ng kanilang pamilya ang masaya nilang bonding moments.

Dahil nga, isa rin ang kanilang pamilya sa talagang sinusubaybayan ng publiko, lalo na nga ang nag-uumapaw na kacutan ni Baby Dahlia, kung kaya’t dinagsa ng komento mula sa netizens ang post ng aktres.

 

View this post on Instagram

 

A post shared by Erwan Heussaff (@erwan)

“She is so cute. I love her mini trench coat, so sweet,”pahayag ng isang netizen.

“Amazing family bond,”komento naman ng isa.

Samantala, hindi naman nagpahuli si Erwan sa pagpost sa kanyang Instagram. Ibinahagi naman ni Erwan ang masaya nilang paglalakbay mula pag-alis nila sa Pilipinas hanggang sa makarating sila ng Europe.

“BRB. Also, jet lag is so much fun with a baby. You should try it,”pahayag ni Erwan sa kanyang post.

Sa hiwalay namang post, ay ibinahagi ni Anne na kanyang nasilayan ang ganda ng mga obra ni Thierry Mugler sa museum sa Paris.

“Feeling very lucky I got to see some iconic pieces by the master Thierry Mugler. Magnifique pieces with such specific, gorgeous details.”

Matatandaan na ang napakacute na anak ni Anne at Erwan na si Dahlia, ay isinilang ng aktres noong Marso 2020 sa Australia. At dahil nga nasa gitna ng pandemya, ay nagpasya silang doon muna mamalagi ang kanilang pamilya matapos magsilang ni Anne.

Pagtuntong naman ng taong 2021, bago sumapit ang unang taong kaarawan ni Baby Dahlia, ay nagpasya na silang umuwi ng Pilipinas upang dito ganapin ang 1st baby nito. Sa unang pagkakataon ngang nagkita ang magpinsang si Baby Dahlia at si Baby Tali, na anak ng kapatid ni Erwan na si Solenn Heusaff at asawa nitong si Nico Bolzico, ay makikita naman na naging malapit sila sa isa’t isa.

Source: Ptama

Ang tinaguriang Kapuso Primetime Queen na si Marian Rivera, ay walang kupas ang taglay na kagandahan sa edad niya ngayong 37. Hindi naman talaga maikakaila ang natatanging kagandahan ni Marian, idagdag pa rito ang kanyang husay at talento sa pag-arte.

Walang duda na ang kahanga-hangang kagandahan ni Marian, ang nagpatibok sa puso ng kanyang mister na si Dingdong Dantes. At matapos maikasal noong December 30, 2014, ang kanilang matamis na pagmamahalan ngayon nga ay nagbunga ng dalawang anak, sina Zia at Ziggy.

Sa matulin na pagtakbo ng sandali ay hindi namalayan ang mabilis na paglaki ng mga anak ng mag-asawang Dingdong at Marian. Ang panganay na anak ng mag-asawa na si Maria Letizia o mas kilala ng lahat bilang si Zia, kamakailan nga ay masayang nagdiwang ng kanyang kaarawan. Noong ika-23 ng Nobyembre 2015 nang isilang ni Marian ang kanyang panganay at ngayong taon nga ay ipinagdiriwang ni Zia ang kanyang ika-6 na taong kaarawan.

Para nga pasalamatan at ipagdiwang ang panibagong taon na ipinagkaloob sa buhay ni Zia, ay isang simple ngunit masayang pagdiriwang ang naganap sa loob ng kanilang tahanan.

Nito lamang ika-23 ng Nobyembre, araw ng Lunes ay ibinahagi ni Marian sa kanyang Instagram ang masayang kaganapan ng selebrasyon ng birthday ni Zia. Kalakip ang nakangiting larawan ni Zia na kuha sa set up ng kanyang birthday party, ay ipinaabot naman ni Marian ang kanyang nakakaantig ng mensahe ng pagbati para sa kanyang anak.

“Ate Z turns 6! My precious daughter, may you continue to be a loving, sweet and kind girl. You’re such a blessing to everyone around you,”aniya.

Sa nasabing IG post ay may mensahe rin si Marian para sa kanyang mister na si Dingdong na kasalukuyang naka-lock in taping, kung kaya’t hindi nakadalo sa espesyal na araw ni Zia.

“We miss you dada, wish you were here to celebrate with us but thank you for working hard for us. We love you anak!”

Nagbahagi rin si Dingdong ng kanyang sweet na mensahe sa kanyang Instagram bilang pagbati kay Zia. Kalakip nga ang isang video kung saan kumakanta si Zia ng awiting “Can’t Help Falling In Love”, ay punong-puno ng paghanga at pagmamahal ng isang ama sa kanyang anak ang mensahe ng aktor. Hindi rin maitago ni Dingdong sa kanyang mensahe na namimiss na niya ang kanyang panganak na anak.

“Dear Z, For the last six years, this is the first time that I haven’t had you under my armpits for this long. I can just imagine how your Lolo Jigg felt, when he worked in a cruise ship for one year in HKG when I was around 8 years old. It’s kinda hard for me, but the thought of you being safe and happy there at home with your mom and brother makes me at peace.”

“This last video that we did together definitely makes me miss you more—you were amazing!” he said. Don’t worry, when I get back home, we’ll definitely make more memories with these after-dinner songs, which will come after your regular animated storytelling of how your day had transpired.”

“Happy 6th, Ate Z. When you’re a bit older, I hope you’ll understand why Dada isn’t with you on this special day. For now, I’ll just have to play this over and over till I have you back under my armpits again.Forgive me for posting this, for I can’t help falling in love with you. Love, Dad,”dagdag pa ng aktor.

 

View this post on Instagram

 

A post shared by Dingdong Dantes (@dongdantes)

Tila nga puno ng saya at pagmamahal ang pamilya Dantes dahil sa kanilang dalawang anak. Bukod kay Zia ay may isa pang anak sina Marian at Dingdong na nagbibigay sa kanilang mag-asawa ng saya. Ito ang kanilang bunso na si Jose Sixto o mas kilala bilang Ziggy, na dalawang taong gulang na ngayon.

Source: Ptama

Tila nga panibagong yugto ng buhay ang haharapin ng aktres na si Bela Padilla. Ito nga ay matapos ibahagi ng aktres sa kanyang Twitter account na nakalipat na siya ng tirahan sa London, United Kingdom.

Credits: Bella Padilla | IG 

Nito lamang ika-22 ng Nobyembre nang ianunsiyo ni Bela sa publiko ang balitang ito. Ayon sa aktres, bagama’t ilang buwan na ang nakaraan magmula nang makalipat siya, ay nais muna niyang hanapin ang kanyang katayuan bago siya nagpasyang isapubliko ang kanyang paglipat sa London.

At ngayon nga na nakalipat na siya at natagpuan na rin ang kapanatagan, ay nais niyang isama sa kanyang journey ang kanyang mga tagahanga sa pamamagitan ng pagsagot sa mga katanungan sa isang video.

Credits: Bella Padilla | IG 

Caption nga ng aktres sa kanyang post sa Twitter,“So, I moved to London a few months ago. And I tried to find my footing first before sharing what it’s really like. Now, I’m ready to let you in to my life and tell you more about it! Ask me anything you’d like to know about my move and I’ll answer as much as I can in a video.”

Samantala, marami naman sa mga kaibigan ni Bela sa showbiz, ang agad na nagbigay ng komento sa tweet ng aktres. At karamihan nga sa kanila, ay nagtatanong kung ang paninirahan ni Bela sa London, ay permanente na. May mga nagtanong rin kung may balak pa ba si Bela na ituloy ang kanyang karera sa showbiz sa Pilipinas.

Credits: Bella Padilla | IG 

Komento nga ni Karen Davila,“Kudos and good for you Bela! Praying for your success!!! GO GIRL.”

“Are you accustomed to their food now? Or cooking pinoy food at home when craving nalang?” tanong naman ni MJ Lastimosa.

Makikita rin sa Instagram stories ni Bela, na ibinahagi niya ang ilang larawan ng masayang pananatili niya sa London kasama ang kanyang boyfriend na si Norman Bay.

Credits: Bella Padilla | IG 

Matatandaan naman na noong buwan ng Hulyo nang mapabalita ang pag-alis ni Bela sa bansa. Naging madamdamin ang pamamaalam ng aktres sa kanyang malalapit na kaibigan bago niya lisanin ang Pilipinas. At noong Hulyo nga, ay ibinahagi ni Dani Barretto sa kanyang Instagram, ang malungkot nilang pamamaalam sa isa’t isa sa harap ng Ninoy Aquino International Airport Terminal 3.

Kalakip ang larawan kung saan makikitang magkayakap ang dalawa, ay hindi rin maitago ni Dani sa kanyang mensahe na mamimiss niya ng husto ang kanyang kaibigan. Hangad naman ni Dani para sa kanyang kaibigan, ay maging masaya ito sa kanyang pupuntahan.

Credits: Bella Padilla | IG 

“Go and be happy, my Bely. I know I look like a wreck but I am so happy and excited for you. No goodbyes, just see you soon. I love you so much!! Facetime all the time, okay?”

Source: Ptama

Tila nga napakabilis ng mata ng mga “Marites” ng social media, dahil agad nilang naispatan sa Instagram stories nina Paolo Contis at Yen Santos, na tila magkasama ang dalawa sa birthday dinner ng aktres.

Agaw atensiyon nga ang mga larawang ibinahagi ng dalawa. Sa IG story ni Yen, ay makikitang ibinahagi ng aktres ang larawan ng dinner set up for two sa isang gazebo na tila nasa beach. Habang si Paolo naman ay ibinahagi ang kanyang selfie photo, kung saan mahahagip sa background ang kaparehong lighting set up sa ibinahaging dinner set up ni Yen.

Sa IG story ni Yen ay nilakipan niya ng simpleng caption ang larawan ng “birthday dinner”, samantalang sa caption naman ni Paolo, ay “dinner time” ang kanyang inilagay at nilakipan pa ng tatlong cake emoji.

Dahil nga dito, ay duda ang mga Marites na magkasama ang dalawa sa pagdiriwang ng kaarawan ni Yen. At ayon nga sa mga netizens at Marites ng social media, ay baka nga raw “birthday dinner as a friend”, ang ginawa ng dalawa sa pagdiriwang ng kaarawan ni Yen.

Hindi nga nakapagpagil ang mga netizens na magbigay ng kanilang komento sa patungkol sa nasabing larawan ng dalawa sa kani-kanilang IG stories. Ayon nga sa mga ito, sa pagkakataong ito ay wala na sigurong rason pa si Paolo na itanggi ang isyu. At kung “as a friend” na naman nga ang birthday dinner na ito, ay wala naman raw silang dapat pang itago sa publiko.

“Baka sabihin na naman ni paolo nagktaon lang na andun sya at sya yung malapit”

“Sila lng nmn gumagawa ng malalaman ng tao na magkasama sila.. so bakit itatago pa noh?? Hahaha pabebe,, pa marites effect”

“Dinner date as a friend ahahhaaha”

“Ayw pang aminin may pa thriIl thrilI pa kaung nlalaman ,bukas makalawa pag lantad nio sasabihin nio den wala kayong ina’ap’akang tao”

Halos ilang buwan na ring hiwalay si Paolo sa kanyang dating partner na si LJ Reyes. Matapos nga ang anim na taong pagsasama sa iisang bubong na nagbunga ng isang anak na babae, ay nagkanya-kanya na sila ng landas. Sa ngayon ay masayang naninirahan si LJ sa New York, kasama ang anak nila ni Paolo na si Summer, at panganay niyang si Aki na anak naman ng aktres sa kanyang ex-boyfriend na si Paulo Avelino.

Matatandaan naman na sa gitna nang mainit na isyu ng hiwalayan nina LJ at Paolo, ay pumutok naman ang balitang magkasama diumano sina Paolo at Yen sa Baguio. At sa pagkalat ng kanilang “sweet photos” sa social media, ay siya namang pagtanggi ni Paolo sa anumang namamagitan sa kanila ni Yen kung saan ay sinabi ng aktor na sinamahan umano nito ang aktres “as a friend”.

Source: Ptama

Matapos ang halos pitong taong relasyon bilang magkasintahan ay tila nga nasumpungan na ng dating Goin’ Bulilit star na si Trina Legaspi o mas kilala ng lahat bilang si Hopia, ang kanyang inaasam na kaligayahan ng puso sa piling ng kanyang asawa na ngayong si Ryan Jarina.

At para nga kay Hopia, ay natupad na ang kanyang dasal na maikasal sa lalaking kanyang pinapangarap. Ang mala-“fairytale wedding” nina Hopia at ng kanyang non-showbiz boyfriend na si Ryan ay naganap sa Holy Trinity Church nito lamang Sabado, ika-20 ng Nobyembre.

Natupad rin ang pangarap ni Hopia na magkaroon ng isang Ethereal, romantic, at fairy tale wedding kung saan nga ay napapalamutian ng mga puting bulaklak ang simbahan at maging ang reception ng kanilang kasal. At dahil nga mala-fairy tale ang tema ng kanyang kasal, ay tila isa ring dyosa ng kagandahan si Hopia habang suot ang kanyang napakagandang wedding gown.

Ang kanilang pag-iisang dibdib naman ay dinaluhan ng kanilang pamilya at malalapit na kaibigan. Naging bridesmaid nga ni Hopia sa kanyang kasal ang kanyang mga kaibigan sa showbiz na sina Liza Soberano at Michelle Vito. Nasaksihan rin ng ilan niyang batchmates sa Goin’ Bulilit ang kanyang espesyal na araw kagaya ninaJohn Manalo, Igi Boy Flores. Naroon rim ang iba pa niyang mga kasamahan sa show na sina Trina Mortiz at Badjie Mortiz.

Hindi naman maikakaila na handang-handa na talagang lumagay sa tahimik sina Hopia at Ryan, dahil bukod sa nasa tamang edad na sila pareho, ay financially ready na rin sila sa pagbuo ng pamilya.

Samantala, matatandaan naman sa isang vlog noong nakaraang buwan ng Oktubre na ibinahagi ni Hopia, na hihintayin muna nilang maikasal bago sila magkaroon ng intimate relationship. Malaki ang paniniwala pareho nila Hopia at Ryan, na mahalagang maikasal muna bago gawin ang pagtatalik, na ginagawa lamang ng mga mag-asawa.

“Marriage is a different thing. If the person is your wife versus a girlfriend, it’s more sacred, more valuable, more precious.”

“She’s gonna be the future mother of your kids. You have to make sure that you treat her with respect and wait until after marriage.”

Pag-amin naman nina Ryan at Hopia, ay hindi rin sila sumubok na mag-live in muna bago magpakasal dahil nga nais nilang maranasan ang buhay may-asawa kapag sila’y kasal na. At dahil nga, araw-araw rin naman silang magkikita, ay hindi naman nila kailangang mag-live in pa.

Si Hopia ay dating Goin’ Bulilit star na kinagiliwan at naghatid ng saya sa publiko noon. Samantalang si Ryan ay president at CEO ng Ark Diversified Inc. na namamahala ng Chevrolet at MG dealership sa Commonwealth, Quezon City.

Source: Ptama

Ang mamahalin at animo’y resort sa gandang mansiyon na pagmamay-ari ng mag-asawang Manny at Jinkee Pacquiao sa Forbes Park, ngayon nga ay nagkakahalaga na ng P2.3 billion.

Credits: Jinkee Pacquiao | IG

Ayon nga sa Presello.com, isang real estate firm na nagbebenta ng mga naglalakihan at multimillion property sa Metro Manila, ang mansiyon ng pamilya Pacquiao sa Forbes Park, ay may nakakalula nang halaga ngayon na P2.3 Billion. Matatandaan na ang nasabing real estate firm rin ang nagbigay ng presyong P1.5 billion sa mamahaling mansiyon ng pamilya Pacquiao noong nakaraang taon buwan ng Agosto. At isang taon lamang ang nakalipas, ay agad na tumataas ang halaga nito.

Credits: Jinkee Pacquiao | IG

Ang napakagandang mansiyon ng pamilya Pacquiao, ay ibinibenta na at hanggang ngayon ay wala pang bumibili dito. Ang Zen Inspired Luxury Mansion na ibinibenta sa Forbes Park, ay loteng may kabuuang sukat na 2000 square meter. At ang mismong mansiyon ay nakatayo sa 1,525 square meters ng nasabing property. Hindi naman talaga biro ang laki at lawak ng mansiyon kung saan nga ay may five bedrooms, seven bathrooms, isang newly renovated pool area, at malawak na garden. Siyempre hindi rin mawawala ang malawak nitong garahe na kasya ang apat na sasakyan.

Credits: Jinkee Pacquiao | IG

Matatandaan naman na noong taong 2019, ay pina-renovate ng mag-asawang Manny at Jinkee ang nasabing property. Kaya naman, masisilayan ngayon ang ganda ng mansiyon, na nagmistulang isang resort dahil sa disenyo nito.

Credits: Jinkee Pacquiao | IG

Sa pag-uwi nga ng pamilya Pacquiao mula sa nagdaang laban ni Manny sa United States noong Setyembre 2021, ay sa kanilang mansiyon sila tumuloy at sa kanilang pamamalagi dito ay iisipin na tila nagbabakasyon lamang sila. Naging sunod-sunod nga ang pasilip ni Jinkee sa kanyang mga followers sa Instragram sa masaya at nakaka-relax nilang pamamalagi sa mansiyon.

Samantala, ngayong papalapit na rin ang kapaskuhan ay hindi naman pinalampas ni Jinkee ang pagkakataon na bigyan ng magandang Christmas decor ang kanilang mansiyon. Sa latest update ni Jinkee sa kanyang Instagram account, ay makikitang ibinahagi nito na ang malawak na garden sa mansiyon ay napapalamutian na ng Christmas lights.

Credits: Jinkee Pacquiao | IG

Matatandaan na unang napaulat na ibinibenta nina Manny at Jinkee ang kanilang mansiyon sa Forbes Park noong 2014. At ito ay dahil umano sa natatanggap nilang reklamo mula sa kanilang mga kapitbahay dahil sa pagtanggap raw nila ng mga bisitang ang mga kasuotan ay hindi naaayon sa panlasa ng kanilang kapitbahay.

Credits: Jinkee Pacquiao | IG

Nabili nila ang napakaganda at napakalawak na mansiyon sa halagang P388 million noong 2011. At noong 2014 nang una nito itong ibenta ay nagkakahalaga ito ng P708 million..

Source: Ptama