Bilang isang ama sa kanyang anak na si AJ Raval ay nagbigay na ng kanyang pahayag ang action star na si Jeric Raval kaugnay sa kinasasangkutang isyu ng kanyang anak.

Nito lamang ika-29 ng Oktubre sa panayam ni Jeric kay Nay Cristy Fermin sa online show nitong “Cristy Ferminute” kasama si Romel Chika, ay hindi na nga nagdalawang isip pa ang aktor na linawin ang ilang bagay. Pag-amin ni Jeric, magmula nang pumutok ang balitang nanliligaw diumano ang aktor na si Aljur Abrenica kay AJ, ay marami ang kanyang natatanggap na pambabatikos mula sa mga netizens kung paano niyang pinalaki ang kanyang anak.

Lumalabas ngayon sa mga balita, na may relasyon diumano sina AJ at Aljur, at may mga nagsasabi pang si AJ raw ang third party sa paghihiwalay ng aktor at ng dati nitong asawa na si Kylie Padilla. Hindi naman na lingid sa kaalaman ng marami na dalaga pa si AJ, samantalang si Aljur naman bagama’t hiwalay sila ni Kylie, ay hindi parin legal ang kanilang paghihiwalay. Kung kaya’t, lumalabas nga na pumatol parin si AJ sa lalaking may asawa. At ito nga ang bagay na kinukuwestiyon ng netizens.

Sa kabila ng mga natatanggap na pambabatikos ni Jeric, ay hangad parin niya ang maging maayos na ang pamilya ni Aljur.

“Pagdating kasi sa ganyan, magulang kaagad ang tinatanong ng tao. Ang dami na nga nangba-bash sa akin wala naman akong kinalaman diyan at kung ganu’n daw ba pagpapalaki ko sa anak ko.”

“Ang masasabi ko lang diyan, ang wish ko lang talaga, e, magkaayos ang pamilya ni Aljur at ang mga anak niya, mabuo ang pamilya niya.”

Binigyang diin naman ni Jeric, na kahit gusto ni Aljur ang kanyang anak, ay kasal parin ito kay Kylie. At ayon nga rito, ay walang magulang ang gustong maging kabit ang kanilang anak.

“Ako wala akong masamang tinapay kay Aljur although kababayan ko ‘yan pareho kaming Kapampangan at kung siya’y talagang gusto niya ang anak ko, e, hindi ko naman mabantayan ang anak ko 24 hours basta i-ayos lang nila ang lahat.”

“Kasi kahit anong sabihin natin, kasal pa rin si Aljur at saka si Kylie at walang magulang na gusto niya ang anak niya ay parang kabit. Walang magulang na ganu’n.”

Pagbabahagi naman ni Jeric, ang kanyang anak na si AJ ay hindi lumaki sa kanyang biological mom kundi lumaki sa poder niya kung saan ay nahubog sa pangaral ng kanyang asawang si Holiday.

Samantala, naitanong rin sa aktor kung paano niyang pinayuhan ang kanyang anak kaugnay sa isyu.

“Sabi ko sa kanya, ‘AJ anak dapat ‘yan pag-ingatan n’yong mabuti kung magliligawan kayo kasi kahit ano pang sabihin natin ang paningin ng tao diyan, eh, baka isipin ikaw ay 3rd party although hindi ka naman 3rd party. Nagpapasalamat naman kami at nagsalita naman si Aljur.”

Kwento pa ni Jeric ay sobrang naaapektuhan ang kanyang anak sa nangyayari kung saan nga ay nakikita niyang umiiyak. At bilang isang ama, ay talagang naaawa si Jeric sa kalagayan ng kanyang anak.

“Apektado ‘yung anak ko nakita ko, e, napaka-masiyahin ng batang ‘yun, eh. Playful pa nga ‘yun hanggang ngayon, naawa lang (talaga) ako. Ako okay lang ako ma-bash lalaki naman ako sanay ako sa ganyan. Wag lang ‘yung anak ko, iba pag anak ko naawa ako.”

Nag-iwan naman ng mensahe si Jeric sa mga basher na patuloy na nagbibigay ng mga negatibong komento sa kanyang anak kaugnay sa isyu. Ayon nga sa aktor, ay mag-move on lamang sa mga nangyayari dahil hindi kilala ng mga ito ang kanyang anak, at kung may higit mang nakakakilala sa kanyang anak, ay siya ang taong iyon.

“Sana po lahat ng bashers niya ay maka-move on nap o tayong lahat. ‘Wag po natin masyadong personalin, unang-una hindi naman po natin (ninyo) kilala at kung may nakakakilala po sa anak ko, ako po ‘yun at sinisigurado kop o mabuting bata po ‘yan at mabait na bata.”

“At ako naman, eh, naiintindihan ko ang pamba-bash n’yo, siguro naiinip lang kayo ha, haha. Well again, salamat sa inyo.”

Source: Ptama

Marami ang natuwa sa naging announcement ng long-time couple na sina Jennylyn Mercado at Dennis Trillo nito lamang ika-29 ng Oktubre, araw ng Biyernes. At ito nga ang kanilang engagement na kanilang isinapubliko sa pamamagitan ng isang video na pinamagatang “After All: Jennylyn & Dennis Episode 1”, na mapapanood sa YouTube channel ni Jennylyn.

Sa nasabing video ay mapapanood ang puno na emosyon na proposal ni Dennis kay Jennylyn. Bungad ni Dennis sa video, ay nais niyang ibahagi sa kanilang mga tagahanga ang isa sa pinakamahalagang araw para sa kanila ni Jen.

“Gusto kong i-share sa inyo ang isa sa pinaka-mahalagang araw sa buhay namin ni Jen. At hindi niya alam na ito na pala ‘yun.”

Ayon pa sa aktor, ay walang alam si Jen sa kung anong mangyayari ng araw na iyon, dahil ang pagkakaalam ng aktres ay magso-shoot lang sila ng isang video para sa kanilang “future selves”.

Sa pagsisimula ng usapan nina Dennis at Jen habang hawak ng aktor ang kamay ng aktres, ay emosyonal ang mga katagang lumabas sa bibig ni Dennis, at sinabi nga na haharapin nilang magkasama ang panibagong journey sa kanilang buhay. Nagpasalamat naman si Dennis kay Jennylyn dahil kasama niya umano ito sa bagong journey na kanilang tatahakin.

“Narating din natin, step by step, dahan dahan. Ito ‘yung mga araw sa buhay natin na magbabago na talaga. Papasok na tayo sa panibagong level. Panibagong stage. Gusto ko lang mag-thank you kasi pinili mo ako na samahan sa journey na ito.”

 

View this post on Instagram

 

A post shared by Dennis Trillo (@dennistrillo)

Pagpapatuloy pa ni Dennis, ay sinabi niya na ngayon lamang siya nagkaroon ng pagkakataon na gawin ito, dahil noon nga raw ay hindi pa sila handa ngunit ngayon nga, ay talagang handang-handa na sila. Kapansin-pansin naman na hindi na napigilan ni Jen ang kanyang emosyon, at tuluyan na siyang napaiyak sa mga nakakaantig na sinabi ng aktor.

“Iniisip mo siguro kung bakit ngayon lang nangyari. Hindi pa kasi ako ready noon pero siniguro ko muna na, talagang kapag nangyari ‘yun, ito na ‘yung best version ko.”

Ipinahayag rin ni Dennis ang kanyang labis na pasasalamat sa pagdating ni Jennylyn sa kanyang buhay. Ayon sa aktor, ay si Jen ang kanyang nais makasama sa buhay. At dito nga, ay biglang bumukas ang pinto sa likuran ni Jen, kung saan makikita ang napakagandang dekorasyon na may nakalagay na “Marry Me”. Kasabay nga nito, ang pagluhod ni Dennis sa harapan ni Jen para isuot ang singsing sa daliri ng aktres.

Matapos nga tanungin ni Dennis si Jen ng “Will you marry me?”, ay agad namang sumagot si Jen na kanyang matamis na “Oo naman”. At matapos nga nito, ay isang mahigpit na yakap at matamis na halik ang kanilang pinagsaluhan.

 

View this post on Instagram

 

A post shared by Jen Mercado (@mercadojenny)

Hindi lamang ito ang naging announcement ng celebrity couple, dahil sa panayam sa Chika Minute sa 24 Oras, ay ibinunyag rin nila na sila’y malapit nang magka-baby. Sa ngayon kasi ay tatlong buwan na ang dinadala ni Jen sa kanyang sinapupunan.

Masayang-masaya naman sina Dennis at Jen dahil magkakaroon na rin sila ng sarili nilang anak. At ang hangad nga ng celebrity couple ay isang baby girl ang ipagkaloob sa kanila dahil mayroon na silang lalaking anak pareho. Si Dennis ay may anak na nagngangalang Calix na anak niya sa kanyang ex-girlfriend na isang beauty queen na si Carlene Aguilar. Habang si Jennylyn ay may anak rin sa kanyang dating karelasyon na si Patrick Garcia, siya naman si Alex Jazz.

Source: Ptama

Walang-pagsidlan ng tuwa ang NorthPort Batang Pier center na si Greg Slaughter at kanyang asawang si Schinina Juban dahil sa biyayang ipinagkaloob sa kanila ng Panginoon. Ang kanilang binuong pangarap na isang masayang pamilya, ay nalalapit nang mabigyan katuparan.

Nito lamang ika-30 ng Oktubre ay masaya at may pagmamalaking ibinahagi ng PBA bigman sa kanyang Instagram ang isang napakagandang balita. Isang larawan ang ibinahagi ni Greg sa Instagram kasama ang kanyang asawang si Schinina Juban, dating TV personality. Sa nasabing larawan ay makikita ang nakaumbok na baby bump ni Schinina na kung saan nga, ay dinadala niya sa kanyang sinapupunan ang panganay na anak nila ni Greg.

Photo credits: Greg Slaughter | IG

Sa caption ng post ng PBA player ay hindi maitago ang kanyang excitement sa nalalapit na pagdating ng kanilang panganay na anak, na kanilang sasalubongin sa taong 2022. Nilakipan pa niya ito ng hashtag na “Girldad”, na ibig sabihin nga ay isang baby girl ang panganay na anak nila ng kanyang asawa.

“Very excited and happy to announce we will be expecting our first baby girl early 2022!! #Girldad.”

 

View this post on Instagram

 

A post shared by Gregory Slaughter (@gregslaughter)

Dahil nga isa itong napakagandang biyaya na dapat ipagpasalamat, ay marami rin sa kanilang mga kaibigan ang masayang-masaya para sa mag-asawang Greg at Shinina. Marami ang nagpaabot ng pagbati at excited rin sa pagdating ng kanilang baby girl.

Samantala, matatandaan naman na noong December 2020 nang ikasal ang Northport center na si Greg Slaughter at former TV personality na si Shinina Juban. At ito’y naganap matapos manalo ang kanyang team na Barangay Ginebra sa PBA Philippine Cup championship.

Photo credits: Greg Slaughter | IG

Sa mga hindi nakakaalam si Greg Slaughter ay dating kabilang sa team ng Barangay Ginebra magmula ng taong 2013 hanggang 2020. At siya nga ang selected first overall ng Barangay Ginebra sa 2013 PBA draft. Nakilala naman siya ng publiko sa tawag na GregZilla dahil kanyang malaking bulas at kahanga-hangang taas.

Matapos naman ang matagumpay na karera sa bilang Philippine Basketball Association player kasama ang Barangay Ginebra sa loob ng mahigit 7 taon, ay nagpasya ang mahusay na basketbolista na lumipat ng bagong kupunan. At ngayon nga, ay kabilang na siya sa Northport Batang Pier kung saan siya ang tumatayong center ng team.

Photo credits: Greg Slaughter | IG

Ang Filipino-American professional basketball player na si Slaughter ay ipinanganak sa Ohio at lumaki sa Virginia, at nakapagtapos ng Massaponax High School. Taong 2007 naman nang magpasya ang kanyang mga magulang na umuwi ng Pilipinas at manirahan sa Cebu sa bayan ng kanyang ina. At dito na nga siya kinumbinsi ng kanyang mga tiyuhin na subukan at pasukin ang mundo ng paglalaro ng basketball.

Source: Ptama

Sa paglabas ng balitang engaged na ang tinaguriang Queen of Media ng showbiz na si Kris Aquino sa kanyang boyfriend na si former DILG Secretary Mel Sarmiento, ay marami ang talagang natuwa para sa magkasintahan.

Nito lamang araw ng Linggo, ika-24 ng Oktubre nang ianunsiyo ni Kris sa kanyang Instagram ang magandang balita kalakip ang video kasama ang kanyang boyfriend na si Mel. Masisilayan sa nasabing video ang maraming heart-shaped pink bouquet flowers na nagsisimbolo ng isang masayang pagdiriwang sa loob ng kanilang tahanan.

 

View this post on Instagram

 

A post shared by KRIS AQUINO (@krisaquino)

Dahil sa pag-anunsiyo ni Kris ng kanilang engagement, ay bumuhos ang komento ng pagbati mula sa mga netizens at ilang celebrities sa showbiz, na kung saan nga ay masaya para kay Kris dahil muli nitong natagpuan ang inaasam na kaligayahan ng puso.

 

View this post on Instagram

 

A post shared by KRIS AQUINO (@krisaquino)

 

View this post on Instagram

 

A post shared by KRIS AQUINO (@krisaquino)

Samantala, hindi lamang nga netizens at mga kaibigan sa showbiz ang natuwa para kay Kris, kundi pati na rin ang kanyang dating asawa na si James Yap. At kamakailan lamang nga, ay nakuha ng Pep.ph ang reaksyon ng PBA superstar kaugnay sa engagement ng ex-wife nito kay former DILG Secretary Mel Sarmiento. Sa pamamagitan ng isang direct message na pinadala ng Pep.ph sa Instagram ni James, ay nakuha ang positibong reaksyon ng basketbolista.

Isang simple at maikling sagot ang naging tugon ni James bilang kanyang reaksyon sa engagement nina Kris at Mel.

“Happy for her”, saad ni James na sinamahan pa ng three thumbs up emojis.

Ang fiancee ngayon ni Kris Aquino si Mel Sarmiento ay nanungkulang bilang DILG Secretary noong termino ng yumaong kapatid ng aktres at dating President Benigno “Noynoy” Aquino III noong September 2015 hanggang June 2016.

Samantala, matapos ang paghihiwalay nina James at Kris noon, ngayon nga ay masaya na rin sa buhay si James sa piling ng kanyang partner na si Michela Cazzola. Ang kanilang matamis na pagmamahalan at masayang pagsasama ay biniyayaan ng dalawang anak, sina Michael James at Francesca Michelle.

Ang masayang pag-iibigan nina Kris at James noon matapos magkakilala noong February 2005, ay nauwi sa pag-iisang dibdib limang buwan lamang ang nakalipas nang sila’y magkakilala noong July 2005. Ang kanilang simpleng kasal ay ginanap sa bahay ng kaibigan ni Kris na si Boy Abunda sa Quezon city sa pamamagitan ng isang pribadong seremonya.

Hindi naman nagtagal ang pagsasama ng dalawa ay nauwi sa hiwalayan noong 2010 dahil diumano sa pangbabae ni James na mariing itinanggi nito. Ngunit, sa huli nga ay nahalungkat pa ang kanilang prenup agreement, kaya naman humantong sa pagsasampa ng annulment of marriage, at humantong sa settlement ang kanilang relasyon. Noong January 9, 2012, ay opisyal na napawalang bisa ng korte ang kanilang kasal.

Ang kanilang pagsasama ay nagbunga ng isang anak, si Bimby na ngayon ay 14 taong gulang na.

Source: Ptama

Pangarap ng marami ang magkaroon ng magarang sasakyan. Kaya naman, ang mga sikat na artista sa showbiz na kumikita ng milyon-milyon mula sa kanilang trabaho, ay hindi pinapalampas ang pagkakataon na mabili ang pinakamahal at pinakamagarang sasakyan.

Dodge Challenger SRT8 392

Ang magarang sasakyan na ito ay pagmamay-ari ng sikat na aktor na si Aljur Abrenica na nakilala nang mapabilang sa fourth season ng talent reality show na StarStruck noong 2007. Ang sasakyang ito ng aktor ay may lakas 370 hp at kayang tumakbo ng 293 km per hour. At ito nga ang kauna-unahang sasakyan na bunga ng kanyang pagsisikap sa showbiz na kanyang nabili noong 2013 sa halagang P4 million pesos.

Ford Mustang Shelby GT500

Ang sasakyang ito ay pagmamay-ari ng singer at aktor na si Daniel Padilla. Si Daniel ay nagmula sa angkan ng mga artista at isa na ngayon sa pinakasikat na aktor sa industriya ng showbiz. At dahil nga sa kanyang sipag at tiyaga bilang singer at aktor, ay nakapagpundar siya ng isang well-maintained vintage muscle car na may lakas na 355 hp at bilis na aabot ng 210 km per hour. Ang 1967 vintage car na ito, ay nabili ni Daniel sa halagang P7 million pesos.

Mercedes-Benz SL550

Hindi naman maikakaila sa angking yaman ng Pambansang Kamao na si Manny Pacquiao na makabili ng isa sa pinakamahal na sasakyan. Ang magarang sasakyan na ito ni Sen. Manny ay two-door sports sedan na two seater at convertible na pwedeng buksan ang bubong. Ito naman ay may lakas na 449 hp at bilis na kayang tumakbo ng 250 kph.

Sa halagang P7.4 Million naman ito nabili ni Sen. Manny.

Chevrolet Suburban

Ang mamahalin at bulletproof na sasakyang ito ay pagmamay-ari ng journalist na si Raffy Tulfo. Ito ay full size SUV na may 8 standard seats at may lakas na 355 hp. Napakaelegante ng disenyo nito, at komportable ring sakyan.

Mayroon namang itong kabuuang halaga na P10.3 million, kasama na nga rito ang pagpapalagay ng bullet proof na may presyon mahigit P5 Million.

Tesla Model X

Ang napakagarang sasakyang ito ay pagmamay-ari ng komedyanteng si Jeff Tam. Bunga ng kanyang pagiging magician at pagiging komedyante ang sasakyang ito na isang electric SUV na 7 seater. Kapag ito’y fully charged ay nakakatakbo ito ng 550 kilometers.

Hindi naman biro ang kabuuang nagastos ni Jeff para makarating ng Pilipinas ang kanyang sasakyan kung saan ay gumastos siya ng P11 million.

Brabus Mercedes G63

Pagmamay-ari naman ito ng aktor at director na si Coco Martin. Isa si Coco sa pinakamayaman at pinakasikat na artista sa showbiz na nakilala noong 2001. Ito ay isang luxury SUV na 5 seater at may malaking cargo space. Napakaganda naman ng rugged look design nito, na talagang handa-handang ibyahe off road. May nakakalulang presyo naman ito na nagkakahalaga ng P12 Million.

Audi R8

Pagmamay-ari naman ito ng komedyante at TV host na si Willy Revillame.

Walang duda na kayang-kayang bumili ni Kuya Wil ng mamahaling sasakyan. Ang two-seater na sports car na ito ay four-wheel drive na may lakas na 525 hp at bilis na kayang umabot ng 320kph. Sa halagang P17.5 million naman ito nabili ni Kuya Wil.

Mclaren 720S

Ang aktor na si Enzo Pineda ang nagmamay-ari ng sasakyang ito. Ang sasakyang ito ni Enzo ay may lakas na 710 hp at bilis na aabot ng 340 kph. Ito naman ay gawa sa England at kayang umarangkada sa bilis na 100 kph sa loob lamang ng 2.9 seconds. Nabili ito ni Enzo sa halagang P27 million.

Mclaren 675LT

Pagmamay-ari naman ito ng aktor na si Alber Martinez. At dahil nga dekada 80 pa lamang ay pinasok na niya ang showbiz, malaki-laki na rin ang kanyang perang naipon. Sa taglay niyang kayamanan ay mayroong siyang 21 na sasakyan sa kanyang car collection.

Ang super car na ito ng aktor ay aabot ng 666 hp at bilis na kayang umabot ng 330 kph. Nabili niya naman ito sa halagang P32 million pesos.

Ferrari F12

Ito ay pagmamay-ari ng aktor na si Derek Ramsay. At tila nga mas lalong nadagdagan ang pogi points ng aktor dahil sa kanyang napakamahal na sports car. Ang sports car na ito ay gawa sa Italy kung saan nga ay nilagyan ng v-12 engine at may two-seats. Ito ay may lakas na 730 hp at bilis na kayang tumakbo ng 340 kph. Ang napakaganda at napakagarang sports car na ito ay nabili niya sa halagang P35 million pesos.

Source: Ptama

Ang magkasintahang aktres na si Loisa Andalio at aktor na si Ronnie Alonte ay kabilang sa mga celebrity couple sa showbiz na naghahatid ng saya at kilig sa kanilang mga tagahanga. Hindi naman na ito nakapagtataka dahil talagang bagay na bagay sa isa’t isa ang magkasintahan. Palagi rin silang magkasama na kung saan nga ay sweet na sweet sa isa’t isa.

Saksi nga ang kanilang mga tagahanga sa kanilang matamis na pagmamahalan na puno ng saya at kilig. At wala namang okasyon o mahahalagang kaganapan na pinapalampas ang magkasintahan para ipadama nila sa isa’t isa ang kanilang pagmamahal.

Kamakailan lamang, ay pinasaya ni Loisa ang kanyang nobyong si Ronnie, matapos niyang surpresahin ng isang masayang birthday party para ipagdiwang ang ika-25 taong kaarawan nito. Nito lamang ika-26 ng Oktubre, ay 25 taong gulang na si Ronnie, at ang inihandang birthday party ni Loisa para sa kanya ay dinaluhan ng kanilang pamilya at ilang malalapit na kaibigan.

Sa Instagram, ay ibinahagi ni Ronnie ang ilang kuha ng larawan sa masayang pagdiriwang ng kanyang 25th birthday. Nilakipan niya naman ito ng caption na “Last night!” at sinamahan ng hashtag na 25. Ipinaabot rin ni Ronnie ang kanyang pasasalamat sa nasabi niyang IG post.

 

View this post on Instagram

 

A post shared by Loisa Andalio (@iamandalioloisa)

Sa hiwalay namang post ay ibinahagi ni Ronnie ang ilang larawan kung saan kasama niya ang kanyang kasintahang si Loisa. At makikita ngang masayang-masaya ang dalawa, at sweet na sweet. Ang nasabing mga larawan naman, ay nilakipan ni Ronnie ng caption kung saan pinasalamatan niya si Loisa.

“Thank you and I love you, beh.”

Samantala, sa kanyang Instagram ay nagbahagi rin si Loisa ng mga larawan na kuha sa masayang kaganapan ng birthday party ni Ronnie. At dito nga ay ipinaabot ni Loisa ang kanyang pagbati sa kanyang nobyo at sinabi na kahit alam niyang ayaw ni Ronnie na magkaroon ng selebrasyon, ay sinurpresa niya parin ito. Pinasalamatan rin ni Loisa ang mga taong naging bahagi at tumulong para maisakatuparan ang masayang pagdiriwang ng birthday ni Ronnie.

“About last night. Happy birthday iamr2alonte! I love you.”
“Alam kong di mo gusto yung mga ganitong celebration, pero SURPRISE! Alam kong nag-enjoy ka!”
“Thank you so much team sa pagtulong niyo po sakin.”

 

View this post on Instagram

 

A post shared by Ronnie Alonte (@iamr2alonte)

Ilan naman sa kanilang mga kaibigan na dumalo sa dinner party ay sina Hashtags co-members Zeus Collins, Nikko Natividad, Wilbert Ross, at Tom Doromal. Naroon rin ang It’s Showtime mainstay na si Jackie Gonzaga at makeup artist RB Chanco.

 

View this post on Instagram

 

A post shared by Ronnie Alonte (@iamr2alonte)

Ang magkasintahang Loisa at Ronnie, ay nalalapit nang magdiwang ng kanilang ika-5 taong anibersaryo bilang magkasintahan sa darating na Nobyembre.

Source: Ptama

Ang mag-asawang Pauleen Luna at Vic Sotto kasama ang kanilang anak na si Tali at kanilang pamilya ay masayang nagbakasyon kamakailan sa isla ng Amanpulo sa Palawan. At makikita nga sa mga larawang ibinahagi ni Poleng sa kanyang Instagram account na talagang nag-enjoy ang kanilang pamilya habang nasa beach.

 

View this post on Instagram

 

A post shared by Marie Pauleen Luna- Sotto (@pauleenlunasotto)

At dahil nga matagal-tagal na ring hindi nakakapunta ng beach ang pamilya nina Poleng at Bossing, hindi naman pinalampas ni Poleng ang pagkakataon na ipamalas ang kanyang taglay na kaseksihan sa kanyang suot na swimsuit.

 

View this post on Instagram

 

A post shared by Marie Pauleen Luna- Sotto (@pauleenlunasotto)

Agaw pansin nga ang mga larawan ni Poleng na talagang nagpabilib sa mga netizens matapos niyang ibahagi ang larawan kung saan litaw na litaw ang kanyang kaseksihan.

Nito lamang ika-26 ng Oktubre, araw ng Lunes nang ibahagi ni Poleng sa kanyang Instagram account, ang kanyang larawan habang suot ang black two-piece swimsuit na kung saan nga ay masisilayan ang kanyang fit at seksing katawan. Nilakipan naman niya ito ng simpleng caption na:

“While everyone was sleeping”.

Hindi naman maikakaila na talagang malaki ang nabago sa katawan ni Poleng. Kaya naman, inulan ang kanyang larawan ng likes at komento ng paghanga mula sa kanyang mga tagahanga at ilang kaibigan sa showbiz. Kabilang na nga rito sina Isabel Oli, Mariel Rodriguez, Camille Prats, Kakai Bautista, at Geneva Cruz.

Maliban naman sa kanyang seksing larawan na nagpabilib sa mga netizens, ay ibinahagi rin ni Poleng ang larawan kasama ang kanyang asawang si Bossing kung saan nga sila’y sweet na sweet sa isa’t isa. Ang nasabing larawan, ay nilakipan naman ni Poleng ng caption na puno ng pasasalamat sa Diyos.

“Thank you Lord for this time.”

 

View this post on Instagram

 

A post shared by Marie Pauleen Luna- Sotto (@pauleenlunasotto)

Matatandaan naman na minsan nang ibinahagi ni Poleng sa social media ang kanyang fitness journey. At ngayon nga, ay kitang-kita ang magandang resulta sa kanyang napakaseksi at fit na fit na katawan.

Base naman sa mga ibinahaging updates ni Poleng, ay nakamit niya ang kanyag fit at seksing katawan sa pamamagitan ng healthy diet at mix of Pilates, walking, at indoor cycling. Bagama’t, makikita na malaki ang nabago sa katawan ni Poleng, at talagang malaki ang nabawas sa kanyang timbang, ay inamin ng aktres na mabagal ang kanyang progress. At ang dahilan nito, ay ang hirap na kanyang nararanasan na dulot ng PCOS o polycystic ovary syndrome.

 

View this post on Instagram

 

A post shared by Marie Pauleen Luna- Sotto (@pauleenlunasotto)

Ngunit, sa kabila nga nito ay nanatiling positibo ang isipan ni Poleng, kung saan nga ay binigyang diin na mas mabuti ang may pagbabago kahit mabagal ang progreso kesa sa walang pagbabago.

“Living with PCOS is no joke. Making good choices with my food intake and moving (it’s Pilates, walking, spinning for me) has been my priority lately.”

“So happy where I am right now and I really pray that God will sustain me.”

Source: Ptama

Ang napakagandang aktres na taglay rin ang kahanga-hangang kaseksihan na si Marian Rivera ay isa nga sa pinakahinahangaang celebrity sa industriya ng showbiz. Maliban sa kanyang husay sa pag-arte para bansagang Kapuso Primetime Queen, ay marami rin ang nakasubaybay at humahanga sa kanyang taste of fashion na talaga namang elegante at sosyal ang dating.

At kamakailan lamang nga, ay agaw pansin ang napakagandang fan-shaped Bvlgari necklace sa isa niyang larawan sa Instagram, kung saan nga ay bahagi ng pasilip para sa nalalapit niyang pagbubukas ng kanyang sariling clothing line na Flora Vida Clothing Line.

Bukod nga sa talagang agaw pansin ang suot na napakagandang Bvlgari necklace ni Marian, ay may makalaglag pangang katotohanan rin sa nasabing alahas na ito na taglay pala ang nakakalulang halaga. Una nga, ang nasabing jewelry ay kaparehong-kapreho ng necklace na suot ng miyembro ng K-Pop group na Black Pink na si Lisa Manoban. Pangalawa, ang nasabing Bvlgari fan-shaped necklace ay nagkakahalaga ng $30,000 o mahigit PhP1.5 million.

 

View this post on Instagram

 

A post shared by Marian Rivera Gracia Dantes (@marianrivera)

Ang napakagandang necklace ay tinatawag na Divas’ Dream Divina necklace, kung saan ay isang 18-karat gold necklace na binubuo mg disenyong pink sapphires, round rubies, at pave diamonds. Ang taglay nitong mosaic theme ay hango naman sa Roman Caracalla Baths sa Eternal City, Rome.

Ang K-Pop superstar na si Lisa Manoban, ay kilala naman bilang mukha ng Italian luxury brand at sa promotional photos nga ay makikitang suot ni Lisa ang Divas’ Dream Divina necklace.

Samantala, ang aktres na si Marian Rivera ay kilalang isa sa may pinakamaraming koleksyon ng mga mamahaling gamit pagdating sa fashion kagaya ng bag, damit, sapatos at mga alahas. Kaya naman, hindi na nakapagtataka kung mapabilang sa kanyang koleksyon ang nasabing Bvlgari necklace. Makikita rin na kadalasang suot ni Marian ang mga mamahaling brand ng alahas tulad ng Van Cleef & Arpels.

Pagdating naman sa mga OOTD ni Marian, ay talagang hindi nga mawawala ang kanyang pagiging sosyal sa mga suot niyang mamahaling alahas. Hindi naman maikakaila na ang asawa ni Dingdong Dantes, at ina ng dalawa nilang anak na sina Zia at Ziggy ay sadyang napakaganda parin.

View this post on Instagram

A post shared by Marian Rivera Gracia Dantes (@marianrivera)

Ang celebirty mom, ay napakaganda at kayang-kayang dalhin ang kanyang mga OOTD. Walang ngang duda na ang Kapuso Primetime Queen ay isang dyosa ng kagandahan. May mga pagkakataon naman na simple lamang ang suot ni Marian, ngunit masisilayan parin sa kanya ang pagiging sosyal lalo na nga’t ang simpleng suot ay binabagayan niya ng mamahaling brand ng alahas.

Dahil nga sa taglay na kagandahan ni Marian, kung paano niyang dalhin ang kanyang sarili suot ang kanyang mga kahanga-hangang OOTD ay hindi na nakapagtataka kung marami sa kanyang tagahanga ang nabibigyan niya ng inspirasyon.

Source: Ptama

Sa pagdating ng pandemya ay mas mahabang oras tayong nananatili sa loob ng ating mga tahanan dahil sa pinatupad na Enhanced Community Quarantine. At sa mga panahong ito, ay naghanap tayo mapaglilibangan katulad na lamang nga ng pag-aalaga ng iba’t ibang klase ng halaman.

Marami nga sa atin ang naging certified plantita at plantito na kung saan ay nagkaroon ng koleksyon ng iba’t ibang klase ng halaman. At kabilang na nga rito ang maybahay ng komedyante at TV host ma si Vic Sotto na si Pauleen Luna.

Hindi naman na nakapagtataka kung mahilig talaga si Pauleen sa mga indoors plants. Makikita nga sa kanyang Instagram account, ang ilang kuha ng larawan kung saan masisilayan ang ganda ng kanyang indoor plants. Ang nagsisilbing tahanan ng mag-asawang Pauleen at Bossing kasama ang kanilang anak na si Tali, ay makikita nga na napapalamutian ng magaganda at naglalakihang indoor plants.

 

View this post on Instagram

 

A post shared by Marie Pauleen Luna- Sotto (@pauleenlunasotto)

Ilan lamang sa mga indoor plants na masisilayan sa loob ng kanilang tahanan na nagsisilbi na ring dekorasyon ay fiddle leaf fig tree, snake plant, Snow White at marami pang iba. Sa larawan nga kung saan kasama niya ang kanyang mga indoor plants, ay makikita ang masayang kngiti ni Pauleen.

 

View this post on Instagram

 

A post shared by Marie Pauleen Luna- Sotto (@pauleenlunasotto)

Makikita rin na may isa pang mas malaking fiddle fig tree si Pauleen sa loob ng kanilang tahanan. Napakaganda ring pagmasdan ng kanyang Zz plant.

Hindi lamang nga sa living room ng kanilang tahanan makikita ang naggagandahang indoor plants ni Pauleen, dahil maging sa kusina ng kanilang tahanan ay may naka-display ring indoor plants.

Photo credits: Pauleen Luna | IG

Makikita nga rito ang isang pothos na nakapatong sa counter at sa kabilang bahagi naman nito ay isang munting palm tree. Hindi naman mahirap alagaan ang pothos, na kahit nga hindi man gaanong naaarawan, ay hindi naman ito malalanta. Low-maintenance lang ang pothos, na kung saan ay kaunting sikat ng araw ang kailangan at hindi rin kailangan ng madalas na pagdidilig.

Photo credits: Pauleen Luna | IG

Sa isang sulok naman ng kanilang living room ay makikita ang isang mataas na rubber tree. Napakagandang pagmasdan ng nasabing halaman, na talagang bumagay sa disenyo ng bahay nina Pauleen.

Si Pauleen Luna-Sotto ay kilalang aktres at TV host ng long-running Philippine variety show na Eat Bulaga. Samantala, noong 2011 naman nang magsimula ang relasyon nila ni Vic Sotto na kanilang kinumpirma noong 2013. Ang kanilang pagmamahalan naman ay tuluyang nauwi sa pag-iisang dibdib noong January 30, 2016 na naganap sa Ayala Alabang, Muntinlupa matapos ma-engaged noong 2015.

Sa ngayon, ay masayang nagsasama ang mag-asawang Pauleen at Vic kapiling ang kanilang anak na si Tali na isinilang ng aktres noong November 6, 2017.

Source: Ptama