Isa sa pinakasikat at kilalang vlogger ngayon sa bansa ay si Zeinab Harake na talaga namang hinahangaan ng marami. At ang bawat milestone sa buhay ni Zeinab ay hindi pinapalampas ng kanyang 10.9 Million followers sa kanyang YouTube channel.

Credits: Zeinab Harake | YT

Palaging updated ang mga tagahanga ni Zeinab sa mga kaganapan ng kanyang buhay, dahil na rin sa mga vlog na kanyang ibinabahagi sa kanyang YouTube Channel. At isa sa pinakamahalagang milestone sa buhay ni Zeinab, ay pagiging isang ganap niyang ina sa kanyang anak na si Bia na isinilang noong ika-1 ng Mayo 2021.

At sa pagsisimula nga ng pagbuo ng pamilya ni Zeinab, ay unti-unti na rin niyang tinutupad ang kanyang mga pangarap para sa kanilang pamilya kasama ang kanyang partner na si Daryl Ruiz na kilala ng madla bilang Skusta Clee, isang rapper.

Kamakailan nga, ay nabigyang katuparan na ni Zeinab ang makabili ng isang family van na talagang angkop para sa kanyang pamilya. Ang van na ito ay bunga ng pagsisikap ni Zeinab sa kanyang pagtatrabaho. At hindi lamang ito ordinaryong van, dahil para sa kanyang pamilya ay talagang pinili niya ang maganda at komportableng sasakyan na nagkakahalaga ng ilang milyong piso.

Sa isang vlog ni Zeinab ay ipinasilip niya ang kanyang pagbili ng family van sa isang car dealer store. Kwento naman ni Zeinab ay ito ang unang pagkakataon na bibili siya ng sasakyan na mula sa kanyang pera, at talagang ang prayodad niya ay ang kanyang pamilya.

Credits: Zeinab Harake | YT

“So iyong binili kong van ngayon is for family talaga…para kay Bia. Kasi kailangan [kasi] may bata kami…’Pag may trabaho, ‘pag may mga gig, shows or what, importante my service kami.”

Ibinunyag naman ni Zeinab na umaarkila sila noon ng van kapag may pinupuntahan. At ngayong panahon ng pandemya, ay mas iniisip ni Zeinab ang kaligtasan ng kanilang pamilya.

Dagdag niya, “Minsan po talaga seryoso nag-aarkila kami ng van. Kapag mga travel-travel (mahirap). So naisip ko mas magandang personal van lalo na ngayong pandemic mahirap sumakay-sakay kung saan-saan.”

Habang nasa loob ng store, ay umagaw sa atensyon ni Zeinab ang isang napakagarang pulang sports car na sinubukan pa niyang sakyan. At makikita naman na talagang masayang-masaya ang vlogger. Ngunit, sa kabila nito ay sinabi naman ni Zeinab na wala siyang planong bumili ng pang-flex na sasakyan.

Credits: Zeinab Harake | YT

Labis-labis nga ang kaligayahan ni Zeinab nang matanggap na niya ang susi ng napakagandang family van na kanyang nabili. Ang bagong family van na ito ni Zeinab ay isang itim na Toyota Alphard na tinatayang nagkakahalaga ng P3.9 milyon.

Proud na proud naman si Zeinab dahil ang katas ng kanyang kasipagan at pagsusumikap ay magagamit na ng kanyang pamilya saan man sila magpunta. Dahil nga marami ring tinutulungan si Zeinab, ngayon nga ay panahon para pagbigyan niya naman ang kanyang sarili.

Credits: Zeinab Harake | YT

Sa huli nga ay abot langit ang pasasalamat ni Zeinab sa Diyos, lalo na nga’t tila hindi natatapos ang kanyang mga natatanggap niyang biyaya. Pangako pa ng sikat na vlogger, ay mas lalo pa niyang sisipagan ngayong may anak na siya.

“Sobrang nagti-thank you ako…Gusto ko talaga magpasalamat…unang-una kay God, sa family ko, sa Zebbies and siyempre sa sarili ko. Sinisipagan ko lang lalo na nang nagkaanak ako,” saad niya

Source: Ptama

Ang aktres na si Arci Muñoz ay talaga namang enjoy na enjoy kanyang bakasyon sa US. Matatandaan na unang linggo pa lang ng buwan ay lumipad na patungong Amerika si Arci upang magbakasyon. At una nga niyang ibinahagi nito lamang ika-9 ng Agosto sa Instagram para masilayan ng kanyang mga tagahanga ay ang larawan nila ng Pambansang Kamao na si Manny Pacquiao nang bisitahin niya ito sa Las Vegas.

Credits: Arci Muñoz | Instagram

Credits: Arci Muñoz | Instagram

Makikita rin na maliban sa kanilang larawan, ay nakakuha rin ng autograph si Arci mula kay Manny sa kanyang boxing gloves.

Matapos nito, ay makikita ring dumalo pa si Arci sa kasal ng isa sa kanyang mga best friends na si Carla Carnduff sa Albuquerque, New Mexico. Mas sinulit pa ng aktres ang kanyang pamamasyal dahil matapos niyang mag-sightseeing sa Old Albuquerque, ay nagtungo naman siya sa Denver, Colorado para makasama naman niya ang iba pa niyang mga kaibigan.

Credits: Arci Muñoz | Instagram

At pagdating nga sa Denver, Colorado na isa sa pinakakilalang lungsod sa USA, ay walang pinalampas na sandali si Arci na libutin ang ganda ng lugar. Maliban sa kanyang pagsa-sightseeing, ay makikitang enjoy na enjoy rin ang aktres sa pagkain ng iba’t ibang dishes. Sa Instagram, ay ibinahagi ni Arci ang nakakatagam na mga pagkain sa kanyang harapan at nilakipan ng caption na:

“I’m a big fan of food/cooking/travel shows!!!! I love to eat as much as I love to cook. So Ain’t gonna miss ze chance to try these restos from ze netflix show #freshfriedandcrispy #bikerjims #bigmacandlittlelus when yer in town swing by and try ze rattle snake hotdogs!! Hehe.”

Credits: Arci Muñoz | Instagram

Ngunit, hindi pa dito natatapos ang masayang adventure ni Arci dahil nito lamang ika-21 ng Agosto, ay ibinahagi na naman niya ang kanyang latest trip sa USA. Sa Instagram, ay ibinahagi ni Arci ang larawan kung saan makikitang sakay at minamaneho niya ang isang RV o recreational vehicle. Ito ay isang trailer na kung saan ay may kasamang living quarters na nagsisilbing pahingahan habang nasa mahabang biyahe.

Masaya ring ibinahagi ng BTS fan ang isang video kung saan makikita pinapatugtog niya ang musika ng kanyang paboritong K-Pop group habang nasa biyahe. Isinama naman ng aktres sa isang IG post ang larawan ng road map mula sa Colorado hanggang sa makarating siya ng Arizona. At ayon nga kay Arci, ay inabot siya ng 11 oras para marating ang kanyang destinasyon.

Credits: Arci Muñoz | Instagram

“Cray cray!! I drove 11hrs, 706 miles, crossed 3 states! Welcome to Arizona!!!”

Matatandaan na noong nakaraang taon sa isa ring US trip, ay masaya rin ang naging bakasyon ni Arci. Iba’t ibang party ang kanyang dinaluhan katulad na lamang nga ng pagdalo niya sa Hollywood Gala and the Oscars after-party. At dito nga ay nakadaupang palad niya ang mga sikat na Hollywood stars tulad ng aktres na si Michelle Rodriguez sa Fast and The Furious at Parasite actor na si Sang Kang-ho at director na si Bong Joon-ho.

 

View this post on Instagram

 

A post shared by Arci Muñoz 🌻 ラモナ 🌸 라모나 (@ramonathornes)

Source: Ptama

Ang magkapatid na Alex Gonzaga at Toni Gonzaga ay kilalang-kilala na hindi lamang sa industriya ng showbiz kundi maging sa online world. Sa kasalukuyan ay parehong umaarangkada ang kasikatan ng magkapatid na Gonzaga online.

Credits: Bopin | YT

At ang dahilan nga nito ay ang pagiging aktibo nila sa kanilang mga YouTube channel para magbigay ng inspirasyon at saya sa kanilang mga tagasubaybay. Si Toni ay may sariling Youtube channel na kanyang pinangalanan ng “Toni Talks”. At dito niya ibinabahagi ang kanyang mga vlog kung saan ay nakakapanayam niya ang mga kilalang personalidad para magbigay ng inspirasyon at leksyon sa buhay. Samantalang si Alex naman, ay apat na taon nang nagbibigay kasiyahan sa kanyang mga tagahanga sa kanyang mga vlog na puno ng katatawanan na mapapanood sa kanyang sariling YouTube channel.

Tila naman nasa dugo na ng pamilya Gonzaga ang pagiging vlogger. Dahil maging ang mga magulang nina Alex at Toni na sina Daddy Bonoy at Mommy Pinty ay pinasok na rin ang mundo ng vlogging para magbigay rin ng saya sa kanilang mga tagahanga.

Credits: Bopin | YT

Nito lamang ika-21 ng Agosto ay inilabas na nina Daddy Bonoy at Mommy Pinty ang kanilang kauna-unahang vlog sa kanilang YouTube Channel na hango sa kanilang mga pangalan, ang BoPin kung tawagin. Sa isang vlog ni Alex, ay kanyang inanunsyo ang launching ng YouTube channel ng kanyang mga magulang.

“Magla-launch na sila finally netizens after ilang taon ng pagmuni-muni finally nandito na si Bonoy at Pinty na kung tawagin ay BoPin sa netizens.”

At para sa first vlog ng mag-asawang Daddy Bonoy at Mommy Pinty, ay ibinahagi nila ang isang video na naglalaman ng mahigit anim na minuto kung saan makikita ang kanilang pagdalo sa birthday ng kapatid ni Mommy Pinty na ginanap sa isang korean restaurant.

Credits: Bopin | YT

Napuno naman ng tawanan ang kanilang vlog dahil sa tila hindi alam ni Daddy Bonoy ang kanyang sasabihin at gagawin sa harap ng camera. Samantalang si Mommy Pinty naman ay natatawa na lang rin sa ginagawa ng kanyang asawa dahil sa pagkuha nito ng video sa lakad nila. Mas lalo namang naghatid ng saya ang bawat eksena sa vlog lalo na nga’t naroon rin si Alex na kung saan ay umiral ang pagiging komedyante.

Tila naman agad na nagustuhan ng mga netizens ang nakakatuwang unang vlog ng mag-asawa para sa pagbubukas ng kanilang YouTube Channel dahil ngayon nga ay may mahigit 600K subscribers na sila.

Hindi naman maitago ni Alex ang kanyang pagiging proud sa nakamit na tagumpay ng kanyang mga magulang na ngayon ay mga vlogger na rin. At sa isang Instagram post, ay ibinahagi ni Alex ang kanyang pagiging proudest daughter.

Credits: Bopin | YT

“I am the proudest daughter! Within 24 hrs ng wala pa sila video meron na sila silver play button! Now they have 230k+ subs!!! Ang galing nyo mga ka-maintenance! Sobra masaya sila at tutok and basa sa comments nyo. Ibigay na natin sa mga tanders! Follow and watch nyo na sila.”

Ang first vlog ng BoPin ay may 2.7 million views na, makalipas lamang ang limang araw.

Source: Ptama

Ang sikat vlogger at aktres na si Ivana Alawi ay talaga namang napakaraming tagahanga ang nagmamahal at sumusuporta. Patunay na nga rito ang 13.7 Million subscribers niya sa kanyang YouTube channel magmula nang simulan niya noong 2019.

Credits: Mona Alawi | IG

Hinahangaan rin ng marami ang pagiging isang mapagmahal na anak at kapatid ni Ivana. At kamakailan lamang nga, sa pagdiriwang ng ika-17th birthday ng kanyang kapatid na si Mona ay muli niya ipinakita ang pagiging isang mabuti at mapagmahal na kapatid.

Sa kanyang vlog na ibinahagi sa kanyang Youtube channel nito lamang ika-23 ng Agosto, apat na araw magmula ng ipagdiwang ni Mona ang kanyang ika-17 taong kaarawan noong ika-19 ng Agosto, ay ipinasilip niya ang simple ngunit masayang selebrasyon ng kanilang pamilya para sa birthday ni Mona na ginanap sa kanilang tahanan.

Credits: Ivana Alawi | YT

Maliban sa vlog ni Ivana, ay ibinahagi rin niya ang isang larawan kung saan kasama niya si Mona habang nakasuot sila ng twinning tshirt. Ang napakagandang larawan nilang magkapatid ay nilakipan naman niya ng caption na:

“Happy birthday to my forever love, best friend, videographer, editor, prankerista, bebegirl, strong, tech expert and best sister”

Sa video na naglalaman ng 25 minuto, ay makikita nga ang napakasimpleng selebrasyon ng kaarawan ni Mona na ginanap sa loob ng kanilang tahanan. Ayon naman kay Ivana, ay kinausap raw siya ni Mona na wag ng magkaroon ng bonggang selebrasyon para hindi gumastos ng malaki. At ang pera nga na gagastusin sa handa, ay ipapamahagi na lamang nila sa mga netizens.

Credits: Ivana Alawi | YT

“Nag-prepare kami ng very, very simple celebration at isasama namin kayo kung saan nag-celebrate ang 17th birthday niya. Alam niyo naman na ECQ ngayon so hindi kami makalabas pero ang gagawin namin is mag-se-celebrate na lang kami ng very simple at also guys, kinausap ako ni Mona last week. Inupo niya ako sa upuan at ito yung nangyari. Sabi niya, ‘Ate huwag kang gagastos.’ Ayaw niyang gumastos. Mas gusto niya ipamigay ulit sa inyo kesa igastos namin. Bumili ako ng balloon, yung flower set-up, ayaw niya ng ganun so sabi ko okay behave ako today. So we’ll just hold a simple celebration.”

Maliban naman sa kahilingan ni Mona na simpleng handa kung saan ay magkaroon ng salo-salo sa lunch, ay hindi naman nagawang tuparin ni Ivana ang lahat ng kahilingan ni Mona. Sa kabila ng pakiusapni Mona na huwag siyang ibili ng regalo, ay may inihanda paring birthday gifts sina Ivana at kanyang pamilya para mapasaya ang kanyang kapatid.

Credits: Ivana Alawi | YT

“Naghanda kami ng food and ng mga gifts niya. Ayaw din niya actually niya magpabili ng gift kasi pag tinatanong ko siya kung anong gusto mo. Pero as a strong girl dapat deserve niya talaga na mabalik man sa kanyang kaarawan ang konti sa mga pasaya niya sa akin at sa pamilya namin at sa pagpapasaya din sa inyo. Kasi alam niyo naman yun, prankster tapos matalino sa mga gadget. So she’s my baby girl and she will always be our baby girl. Si Mona ang request niya ngayong birthday niya pare parehas buhok namin kaso yung kuya hindi mai-perm eh yun lang.”

Maliban nga sa natanggap na gaming console, ay nakatanggap rin si Mona mula sa kanyang pamilya ng baking mixer at isang high end fan para sa kanyang kwarto. At ang wish list ni Mona na ito para sa kanyang birthday ay nalaman ni Ivana bago sumapit ang araw ng birthday ng kanyang kapatid.

Credits: Ivana Alawi | YT

Sa nasabing vlog rin, ay ibinunyag ni Ivana na noong bata siya ay ayaw niyang mag-debut dahil walang pupunta. Ang kaarawan kasi ni Ivana, ay mismong pagdiriwang rin ng araw ng Pasko.

“Actually ako nung bata ako ang gusto ko talaga ayoko mag-debut kasi nga wala ako ma-invite lalo na pasko ang birthday ko alam ko walang pupunta. Pero yung mama ko pinilit niya ako mag-debut so meron akong picture.”

Samantala, ipinaabot naman ni Ivana ang kanyang sweet na pagbati sa kanyang kapatid kung saan nga mababasa ang kanyang birthday wish at paalala para sa magiging manliligaw ni Mona.

“I wish you happiness and I wish you all the love and I wish you all the success in life. I wish that all your dreams will come true. Sana lahat ng dream mo magkatotoo. Wish ko din magkaroon ka rin ng boyfriend na magmamahal sa ‘yo. Sana hindi mapunta sa ‘yo ang sumpa ng Alawi family (laughs). Huwag kayo loloko loko talaga sa kanya kasi ako makakalaban ninyo. Huwag niyo kakalimutan yun ah.”

Source: Ptama

Maliban sa pagmamahal na alay natin sa ating mga asawa, ay responsibilidad rin nating ingatan at pangalagaan sila. Ang mga misis nga, ay talaga namang hindi magkamayaw sa pag-aalaga at pag-aasikaso sa kanilang pagod na mister mula sa maghapong pagtatrabaho.

Credits: Jinkee Pacquiao | IG

At isang patunay na ang mga misis, ay talaga namang “loving and caring” pagdating sa kanilang mga mister ay ang maybahay ng Pambansang Kamao na si Manny Pacquiao na si Jinkee Pacquiao.

Matatandaan na noong ika-22 ng Agosto nang masaksihan ng buong mundo ang laban ni Manny Pacquiao sa loob ng ring kontra kay Cuban boxer na si Yordenis Ugas na naganap sa Las Vegas.

Ipinakita ng mga taong nagmamahal kay Manny ang kanilang suporta para magwagi ito sa laban. Kabilang na nga rito, ang kanyang pamilya na kung saan ay personal na dumalo para masaksihan ang laban ng kanilang padre de pamilya. Bagama’t, hindi nagtagumpay si Manny sa mainit na bakbakan nila ni Ugas, ay siya parin ang panalo sa puso ng mga taong nagmamahal sa kanya, lalo na sa puso ng kanyang asawang si Jinkee Pacquiao.

Credits: Jinkee Pacquiao | IG

Matapos nga ang laban ni Manny, ay hindi umalis si Jinkee sa tabi ng kanyang asawa para alagaan at asikasuhin ito. Agaw atensyon nga si Jinkee sa social media kamakailan, matapos niyang ibahagi ang isang video kung saan makikitang inaalagaan niya ang kanyang asawang si Manny.

Sa maikling video na ibinahagi mismo ni Jinkee sa Instagram, ay makikitang sinusubuan niya ng pagkain si Manny matapos ang laban nito kay Ugas. Kapansin pansin ang pasa sa mukha ni Manny, at masisilayan rin sa mukha nito ang pagod. Mabuti na lamang nga, at may isang Jinkee na handang mag-alaga at umalalay sa kanya sa mga ganitong pagkakataon.

Samantala, dahil pinatunayan ni Jinkee sa maikling video ang kanyang pagiging loving and caring wife, ay agad itong nag-viral sa social media at umani ng mga positibong komento na puno ng paghanga mula sa kanyang mga followers. Ilan naman sa mga celebrities sa showbiz na nag-iwan ng kanilang komento sa post ni Jinkee, ay sina KC Concepcion, Ruffa Gutierrez, Mariel Rodriguez, Dianne Medina, Phoemela Baranda, Miriam Quiambao, at Melissa Ricks.

Credits: Jinkee Pacquiao | IG

Maliban naman sa ipinakitang pag-aalaga ni Jinkee kay Manny sa nasabing video, ay nauna nang ibinahagi ng social media star ang kanyang nakakaantig na mensahe para sa kanyang asawa na talaga namang puno ng paghanga at pagmamahal. Hindi man nga nagwagi, ay talaga namang proud na proud parin si Jinkee kay Manny dahil ibinigay nito ang abot ng makakaya sa naging laban nila ni Ugas.

“To my dear husband Manny, words cannot express how proud I am of the man you are. I’m proud to be your wife. You mean the world to me and all our children. We love you so much. We, your family have seen how much you have toiled, sacrificed, and given of yourself blood, sweat, and tears since the beginning when you dreamed of becoming world champion. You never think of yourself and not afraid to risk your life in the ring time and time again because you love to make the people happy. You have achieved by the Grace of God far more than you ever imagined. Yet you never stop working to be your best.”

“Over the years we have become even more proud to be by your side as you inspire us to be kind giving and helpful to all. More than your record feats in Boxing, it is your love for God, dedication to the Word, and desire to share Jesus to every person you meet that makes us admire you more. Always here for you, my babe!”

Credits: Jinkee Pacquiao | IG

“Win or lose in the ring you are forever the champion of our hearts. To all our kababayans all over the world, thank you for loving Manny. He loves you more than you know. To You LORD, we continue to offer our lives. To God be all the glory!”

 

View this post on Instagram

 

A post shared by jinkeepacquiao (@jinkeepacquiao)

Source: Ptama

Ang mag-asawang Aga Muhlach at Charlene Gonzalez ay ikinasal noong May 28, 2001 sa pamamagitan ng isang intimate wedding ceremony na naganap sa St. Joseph the Worker Parish sa Pacdal, Baguio matapos ang kanilang engagement. Isang taon lamang nga ang lumipas ay agad na biniyayaan ang kanilang pagsasama ng kambal na anak na sina Andres at Atasha, na isinilang ni Charlene noong Nobyembre 5, 2002.

Credits: Charlene Gonzales | IG

Sa hindi namalayang paglipas ng panahon, ngayon nga ay 19 taong gulang na ang kambal na anak nina Aga at Charlene. Hindi rin maikakaila na sa edad nilang ito, ay tila natututo na rin silang tumayo sa sarili nilang mga paa. Katulad na lamang nga ng unico hijo ng mag-asawa na si Andres, na talaga namang nagiging independent ngayong nasa kolehiyo na ito.

Credits: Charlene Gonzales | IG

Matatandaan na noong nakaraang taon lamang nang magtapos sa Brent International School ang kambal nina Aga at Charlene na sina Andres at Atasha kung saan nga ay talagang naeenjoy nila ang college life. Si Atasha ay kasalukuyang nasa ilalim ng online schooling sa isang university sa United Kingdom. Samantalang si Andres naman, ay matatandaan na lumipad patungong Spain noong nakaraang Enero para makadalo sa kanyang klase sa loob mismo ng kanilang campus. Ngunit, bumalik ng Pilipinas noong Mayo para sa kanilang summer break.

Credits: Charlene Gonzales | IG

At nito lamang ika-23 ng Agosto, ay tapos na nga ang summer break ni Andres at muli na naman siyang lilipad patungong Spain para magbabalik eskwela at ipagpatuloy ang kanyang pag-aaral sa kolehiyo. Kaya naman, ang mag-asawang Aga at Charlene ay hindi maiwasang malungkot, dahil muli na naman silang mawawalay sa kanilang gwapong anak.

Sa Instagram, ay idinaan ng mag-asawang Aga at Charlene ang kanilang nakakaantig na mensahe para sa kanilang anak, bilang pamamaalam sa muli nitong pag-alis. Para sa mensahe ni Charlene kay Andres, ay ipinaabot niya ang kanyang mga bilin, para sa ikabubuti nito.

“And just like that… The summer went by so fast.. Back to Spain today for your sophomore year in college. What a wonderful summer it was having you at home with us. We will be missing you, like we always do my son. Be inspired & inspire. Spread your wings and continue to fly.. Continue to praise, glorify & put God in the center of all that you do. love you very much, Andres.”

Credits: Charlene Gonzales | IG

Samantalang sa mensahe naman ni Aga para sa journey ni Andres sa kanyang sophomore year, ay binalikan ng aktor ang masaya nilang bonding sa kanilang nagdaang summer vacation kung saan nag-out of town ang kanilang pamilya. Tanging hangad rin ni Aga para sa kanyang anak, ay mag-enjoy ito sa pag-aaral sa kolehiyo.

“My son, my partner, my gym partner, my buddy!! Summer well spent with you! Hope you had a blast as well. Enjoy your 2nd year in college. I’ll miss you and you know that. See you soon! Continue to be nice and kind. God loves you. We love you!!! Cheers, buddy!”

Source: Ptama

Sa isang vlog ay nakapanayam ng celebrity doctor na si Aivee Teo ang aktres at celebrity mom na si Judy Ann Santos, kung saan isang rebelasyon ang ibinunyag sa kanilang masinsinang pag-uusap.

Credits: Judy Ann Agoncillo | IG

Nitong weekend lamang inilabas sa YouTube channel ang vlog ng celebrity doctor, kung saan nga ay inamin ni Juday na wala sa plano niya noon ang pagkakaroon ng makakasama sa buhay, o isang asawa.

“Wala akong planong mag-asawa,” ito nga ang diretsahang pahayag ni Juday na nasabing panayam. At ang rebelasyong ito ng aktres ay agad naman niyang naipaliwanag.

Ayon nga kay Juday, bago pa man niya makilala ang ama ng kanyang mga anak na si Ryan Agoncillo, ay hindi sumagi sa isip niya ang pag-aasawa. At ang dahilan nga nito, ay nasaksihan niya ang failed relationships ng ilan sa miyembro ng kanyang pamilya at pati na rin ng kanyang mga malalapit na kaibigan. At dahil nga dito, ay dumating raw sa punto na pakiramdam niya ay hindi niya kailangan ng asawa sa kanyang buhay.

“Kasi parang galing ako sa… My mother had a failed relationship with my dad. My sister had a failed relationship as well. And I had friends na medyo hindi maganda mga experience nila sa mga asawa nila. Kaya feeling ko hindi kailangan ng asawa.”

Credits: Judy Ann Agoncillo | IG

Kwento pa nga ni Juday, ay ayos lang raw sa kanya na wala siyang mapangasawa. Ngunit, isang magandang pagkakataon ang dumating sa kanya, dahil ang kanyang asawang si Ryan ay tulad rin niyang nais na mag-asawa sa edad na 30.

“Ang sa akin, at 30, kung may partner eh ‘di magpakasall—kapag talagang worth it siyang pakasalan. Kung wala talaga okay lang din,” she went on. “Tapos nagkataon lang na pareho naming gusto magpakasal ni Ry at 30. Kasi he proposed when I was 29.”

Pag-amin pa ni Juday, nang mga sandaling hindi pa sumasagi sa isip niya ang pag-aasawa, ay nais niya talagang magkaanak sa kahit na anong paraan. At sa edad niya na 26, ay ipinagkaloob sa buhay niya ang kanyang adopted child na si Yohan.

“I prayed to have a baby at 26. It doesn’t matter on how,” saad ni Juday.

“Lo and behold, Lord blessed me with Yohan at the age of twenty six.”

Credits: Judy Ann Agoncillo | IG

Matatandaan nga na bago pa man ikasal si Juday kay Ryan noong 2009, ay nasa poder na si Juday si Yohan. Kaya naman, pagkatapos lamang ng kanilang kasal ay legal nang inadopt ni Ryan si Yohan. Si Yohan na nga ang nagsisilbing panganay na anak ng mag-asawang Juday at Ryan. Maliban naman kay Yohan, ay may dalawang biological children ang celebrity couple, sina Lucho at Luna.

Taong 2004 nang makakilala sina Ryan at Juday sa teleseryeng Krystala. At ang kanilang matamis na pag-iibigan ay nagsimula na nga noong 2005. Hindi naman na pinalampas ng dalawa ang pagkakataon na ang kanilang pagmamahalan ay mauwi sa pag-iisang dibdib. Pagsapit nga ng 2009, ay nagpalitan na ng kanilang wedding vows sina Ryan at Juday matapos maengaged noong 2008.

Credits: Judy Ann Agoncillo | IG

Sa ngayon, ay talaga namang napakasaya ng mag-asawang Ryan at Juday kapiling ang kanilang tatlong anak na sina Yohan, Lucho at Luna.

Source: Ptama

Buong sambayanang Pilipino ang nagpakita ng pagsuporta sa Pambansang Kamao na si Manny Pacquiao sa nakaraang laban niya kontra kay Cuban boxer na si Yordenis Ugas noong nakaraang Linggo, ika-22 ng Agosto na naganap sa Amerika. Maging ang kanyang buong pamilya ay naroon rin para ipakita ang kanilang pagmamahal at pagsuporta sa kanilang padre de pamilya.

Credits: Jinkee Pacquiao | IG

Bagama’t, hindi nagtagumpay si Manny na patumbahin si Ugas sa kanilang laban, ay siya parin ang panalo sa puso ng kanyang may bahay na si Jinkee Pacquiao. At para nga bigyang pugay ang kanyang asawa, ay isang nakakaantig na mensahe ang ibinahagi ni Jinkee sa Instagram para kay Manny.

“To my dear husband Manny. Words cannot express how proud I am of the Man you are. I’m proud to be your wife. You mean the world to me and all our children. We love you so much.”

“We, your family, have seen how much you have toiled, sacrificed and given of yourself blood, sweat and tears since the beginning when you dreamed of becoming world champion. ”

“You never think of yourself and not afraid to risk your life on the ring time and time again because you love to make the people happy.

“More than your record feats in boxing, it is your love for God, dedication to the Word, and desire to share Jesus to every person you meet that makes us admire you more. Always here for you, my babe.”

Credits: Jinkee Pacquiao | IG

Samantala, bago pa man matapos ang laban ni Manny kontra kay Ugas, ay agaw na atensyon na agad sa publiko ang taglay na kagandahan ni Jinkee sa kanyang suot na bonggang OOTD habang nanonood ng laban ng kanyang asawa. Makikita si Jinkee na nakasuot ng pink dress na binagayan ng kanyang mga makikinang na accessories.

Dahil nga sa agaw pansing OOTD ni Jinkee, ay marami rin ang nagtatanong kung magkano nga ba ang halaga nito. At napag-alaman nga sa isang report, na ang all-pink OOTD ng asawa ng Senador ay nagkakahalaga umano ng mahigit P1.5 million.

Credits: Jinkee Pacquiao | IG

Ang nasabing ulat rin ay nagbigay ng breakdown sa kabuuang halaga ng bongga at napakagandang OOTD ni Jinkee. Ang kanyang mini dress (Zimmermann) ay nasa €740 o P43,549. Ang kanyang mamahaling Mini Lady Dior pink alligator bag ay nagkakahalaga ng $8,117 to $9,500 o P406,726 to P476,026.

Pagdating naman sa kanyang mga suot na alahas, ay talaga namang mapapa-wow sa nakakalulang presyo nito. Ang kanyang gold accessories na mula sa Tiffany and Co. na Bypass Ball 18k yellow gold bracelet ay may tumataginting na presyo na$1950 o P97,710; habang ang suot niyang City HardWear 18k yellow gold and diamond pave bracelet ay nagkakahalaga naman ng $18,500 o P926,998.

 

Credits: Jinkee Pacquiao | IG

Maliban nga rito, ay hindi rin nawala ang napakagandang necklace ni Jinkee na mula rin sa Tiffany and Co. Jewel Box, ito’y necklace (yellow gold) with emerald-cut pink Tourmaline na may presyo na USD5,500 o mahigit P275,000. Idagdag pa rito ang kanyang Boucheron 18k rose gold diamond Serpent Boheme earrings na may rhodolite garnet na aabot ang halaga sa mahigit P227,000.

Hindi rin papahuli ang nagkikintabang singsing ni Jinkee sa kanyang mga daliri. At kabilang na nga rito ang Van Cleef and Arpels’s Perlée “Pearls of Gold” ring na may presyo umanong P71,500.

Sadyang napakaganda rin ng sapatos ni Jinkee at talagang agaw eksena ang ganda nito. Ito ay isang Amina Muaddi Begum Glass Pumps na nagkakahalaga ng mahigit P112,500.

Source: Ptama

Isang masayang adventure at nakakatuwang vlog ang hatid ng aktres at vlogger na si Alex Gonzaga kamakailan. Tila naman, nag-eenjoy rin si Alex sa piling ng kanyang asawang si Mikee Morada at muli niya nga itong nakasama sa kanyang latest vlog.

Credits: Alex Gonzaga | Youtube

Ngunit, sa pagkakataong ito ay hindi bakasyon, kundi isang masayang adventure sa pamamasada ng tricycle ang hatid ng mag-asawang Alex at Mikee sa 11.3 milyong tagasubaybay ni Alex sa kanyang YouTube Channel.

Nito lamang ika-15 ng Agosto nang ibahagi ni Alex sa kanyang Youtube channel ang vlog ng kanilang nakakatuwang pamamasada ng tricycle sa Lipa, Batangas kasama ang kanyang asawa, at konsehal ng Lipa na si Mikee.

At para nga malibot rin ang mahal na bayan ng kanyang asawa, ay nakaisip si Alex na mamasada ng tricycle kung saan si Mikee ang driver at siya naman ang back ride para magsilbing tagaabot ng sukli sa mga pasahero.

“Andito tayo ngayon sa Lipa kung saan ang bayan ng aking pinakamamahal na mister. Binisita ko siya at sinabi kong diyan sa Lipa usong-uso ang motorsiklo at tricycle kaya naisip ko mamamasada kami ng aking mister na gamit ang tricycle,” bungad ni Alex sa kanyang vlog.

Credits: Alex Gonzaga | Youtube

Tila naman talagang pinaghandaan ni Alex ang pamamasada nila ng kanyang asawa, dahil ayon sa aktres ay nag-obserba na siya sa mga misis na nagba-back ride sa kanilang mga mister na tricycle driver, kung kaya’t nagdala na rin siya ng lampin na pamunas ng pawis, at mga baryang panukli sa mga pasahero.

“Siyempre naka-obserba ako na mga misis na naka-back ride sa kanilang mga mister kaya komplete na ako. May dala na akong lampin, mga panukli.”

Credits: Alex Gonzaga | Youtube

Nagsimula nang libutin nina Mikee at Alex ang bayan ng Lipa para maghanap ng mga isasakay na pasahero. At makikita naman, na agad silang nakakita ng pasahero para ihatid ito sa kanilang destinasyon. Sa bawat pasahero nga na mag-aabot ng bayad, ay siya namang pagbibigay ng sukli ni Alex. Ngunit, sa halip na barya, ay inaabutan niya ito ng perang papel na nagkakahalaga ng P500.

May naging pasahero namang sina Alex at Mikee na mga misyonaryo ng simbahan at nang makarating nga sa kanilang destinasyon, ay ibinigay na lahat ni Alex ang natitirang pera para magsilbing donasyon sa simbahan.

Credits: Alex Gonzaga | Youtube

Samantala, kapansin-pansin naman ang pagiging sweet at maalagang misis ni Alex kay Mikee habang ito’y nagmamaneho ng tricycle kung saan nga ay walang tigil sa pagpunas ng pawis ng kanyang asawa.

Matapos naman ang nakakapagod na byahe sa pamamasada, ay nakaramdam na ng gutom ang mag-asawa. Kaya naman, nagpasya silang kumain ng ipinagmamalaking lomi ng Batangas na talaga namang napakasarap.

Hindi naman nakaligtas sa mga netizens kung gaano kabuting public servant ang konsehal ng Lipa na si Mikee, at bumuhos nga ang paghanga at papuri mula sa mga viewers.

“This vlog also showed what kind of a public servant Mikee is—humble, compassionate, kind. Ahhh this couple, such cuties”.

“Kuya Mikee constantly asking ate Alex, ‘Okay ka lang, bi?’ I find it so sweet.”

Source: Ptama

Sa gitna ng busy schedule ng It’s Showtime host na si Ion Perez at Unkabogable star na si Vice Ganda, ay naisip ng celebrity couple na sandaling iwan ang kanilang trabaho upang magkasamang magbakasyon at magkaroon ng quality time sa isa’t isa.

Credits:Vice Ganda | IG

At para sa kanilang masayang bakasyon ay magkasamang nagtungo sina Ion at Vice sa napakagandang isla ng Boracay. Nitong mga nakaraang araw, ay naging sunod-sunod ang pagpost ng dalawa sa social media ng mga larawan na kuha sa kanilang bakasyon sa Boracay.

Espesyal naman ang panandalian ngunit masayang bakasyon na ito nina Ion at Vice, dahil ito ang unang pagkakataon na magkasama silang nagtungo sa Boracay para makapagbakasyon at mag-enjoy.

Naunang ibinahagi ni Ion sa Instagram ang sweet photo nila ni Vice kung saan nga ay nilakipan niya ng caption na “Pers taym”. Ibig sabihin nga nito, ay unang pagkakataon na magkasama silang nagbakasyon sa Boracay.

Credits: Vice Ganda | Youtube

Tila naman hindi pa huli ang summer para mag-enjoy sa beach at lasapin ng dalawa ang isang masayang bakasyon sa isla ng Boracay. Dahil sa kabila nga ng rainy season, ay talagang makikita na hindi ito naging hadlang para sa kanilang quality time.

Sa isang maikling video na ibinahagi ni Ion sa Instagram, ay makikita ang tila paghahabulan nila ni Vice sa beach, kung saan nga ay nasa likuran niya si Vice na humahabol sa kanya. Sa masayang ngiti ng dalawa ay walang duda na talagang enjoy na enjoy sila sa kanilang bakasyon. Isang sweet na caption naman ang kalakip ng video na ito ni Ion na nagpakilig sa kanilang mga tagahanga.

Credits:Vice Ganda | IG

“Ano man ang maging panahon basta kaSAMA ka!”

Samantala, ang komedyanteng si Vice ay nagbahagi rin ng isa sa sweet moments nila na Ion sa Instagram kung saan kasama niya ang kanyang mahal na si Ion na nakasakay sa swing.

“Look, we are so beautiful. Normalize seeing a love story that’s different from yours,”caption naman ni Vice sa kanyang post.

Credits: Ion Perez | IG

Matatandaan na noong October 2019, nang unang kumpirmahin ni Vice ang kanyang relasyon kay Ion matapos ang kanyang performance sa “Magpasikat” sa It’s Showtime.

Sa kabila naman ng maraming humahadlang at tumataas ang kilay sa kanilang relasyon, ay hindi naman maitatanggi na mas lalong nagiging matatag ang kanilang pagsasama at mas lalo pa nilang pinapatunayan ang kanilang pagmamahal sa isa’t isa.

Sa isang panayam kay Vice ni Ogie Diaz, ay inamin ng komedyante na kakaibang kaligayahan ang kanyang nadarama ngayon sa relasyom nila ni Ion. At ganun na lamang nga ang kanyang pasasalamat dahil ipinagkaloob sa kanya ang isang tulad ni Ion na tunay at tapat kung magmahal.

“Ang saya ng puso ko. Masaya kami ni Ion. Masaya ako kay Ion. Masaya ako sa relationship namin and every day I say thank you to God. ‘Ang bait mo binigyan mo ako ng ganito.’ Paano kung wala ‘to?”

Credits: Vice Ganda | Youtube

Labis ring pinapahalagahan ni Vice si Ion dahil magmula umano nang dumating ito sa buhay niya, ay natutunan niyang maging kampante at naging kalmado ang kanyang buhay.

“Anong lungkot ko ngayon kung wala akong ganitong katuwang? Anong lungkot ko ngayon na walang hahagod ng likod ko kapag umiiyak ako? Gaano ka-miserable ang buhay ko kapag buryong na buryong ako tapos walang tititig sa akin para kumalma ako? Si Ion kasi hindi masalita pero kapag tumitingin siya akin tapos nakita ko na siya kumakalma na ako. Pinakalma niya ‘yung buhay ko.”

Pag-amin pa ni Vice, ay napakahalaga para sa kanya ng relasyon nila ni Ion kaya naman doble ang pag-iingat na ginagawa niya para hindi masira ang kanilang relasyon na puno ng pagmamahalan.

“This relationship is so valuable to me right now kaya iniingatan ko siya. As much as possible hangga’t kaya ko hindi ako papayag na magbukas ng pinto sa ano mang magdi-delikado sa amin hangga’t kaya ko. Kung makakaapekto ‘yan sa amin and wala namang kakwenta-kwenta ‘yan, hindi ko na papayagan.”

Source: Ptama

Napakasarap naman talagang balikan ang masasayang kaganapan sa ating buhay noong tayo’y mga bata pa. At ang pinakapaborito nga natin sa lahat, ay ang pagkakaroon ng isang children birthday party.

Credits: Ella Cruz | Instagram

Tulad na lamang ng aktres at dancer na si Ella Cruz na tila bumalik sa kanyang pagkabata. Ito nga ay matapos siyang surpresahin ng kanyang pamilya at boyfriend na si Julian Trono ng isang kiddie-themed birthday party na ginanap sa kanilang tahanan.

Matatandaan na noong nakaraang taon, ilang araw lamang bago sumapit ang kanyang birthday, ay nakaranas ng stress si Ella matapos ma-hacked ang kanyang Facebook page. Hindi naman nagtagal ay na-recover ng aktres ang kanyang Facebook at masaya niyang naipagdiwang ang kanyang kaarawan.

Credits: Ella Cruz | Instagram

At para nga ngayong taon, ay napakaespesyal ng pagdiriwang ng ika-25th birthday ni Ella. Dahil sa halip na isang masayang pagdiriwang ng kaarawan para sa mga dalagang tulad niya, ay isang children birthday party ang inihanda ng mga taong nagmamahal sa kanya.

Sa Instagram, ay ibinihagi ni Ella ang mga larawan na kuha sa kanyang kiddie-themed birthday party. Ayon naman sa caption ng post ni Ella, dahil nga hindi makalabas para pumunta sa resort, ay ang resort na ang dinala sa kanilang bahay. Makikita nga sa mga larawan na masayang-masaya si Ella kasama ang kanyang pamilya at mga kaibigan na naglalaro sa inflatable slide at ball pit.

Credits: Ella Cruz | Instagram

“25th birthday party turned into kiddy party Thank you for this fun party. Again, my family, my friends and people who loves me, really never fail to surprise me! and mag isip ng mga pakulo lagi kong sinasabi ‘simple lang, 25 naman na ako eh.’ Pero binigyan nila ako ng children’s party! at dahil bawal lumabas para magresort, dinala na lang nila sa bahay kaya mama, my fam, hun @juliantrono, friends, @ellamazingofc & JEI !!! Thank you always!!! thank you for always making me feel like your baby i love you all! And salamat po sa lahat ng bumati at nakaalala.”

Credits: Ella Cruz | Instagram

Sa nasabing post rin, ay labis ang kanyang pasasalamat sa mga taong naghandog ng surpresa sa kanyang kaarawan para siya’y mapasaya. Pinasalamatan rin ni Ella ang mga taong nagpaabot ng pagbati para sa kanyang kaarawan.

Samantala, ang tatlong taon na niyang boyfriend at nagsisilbi ring on-screen partner ni Ella na si Julian Trono, ay nagpaabot naman ng isang ubod ng tamis na mensahe bilang pagbati.

Credits: Ella Cruz | Instagram

“As always, we forgot to take photos for the gram. but it doesn’t matter, cause these memories should be captured by the heart and not by the camera, right? Hope you enjoyed our little children’s party. hihi forever grateful, my hun. dreams are being fulfilled, goals are getting closer, and while we get busy building our own castle, let me lift it all up to Him, all the love and all the life. I appreciate you, and I will always choose you. Happiest birthday, woman. ”

Noong nakaraang taon, matatandaan na bumuo ng isang fundraiser ang magkasintahang Ella at Julian para suportahan ang mga kabataan at ilang frontliners na nakaranas ng matinding hirap at naapektuhan ng pandemya. Umabot nga ng halos ilang libong food packs, medical supplies at iba pang necessities ang kanilang naipamahagi sa mga pamilyang nangangailangan, health workers at mga frontliners.

Source: Ptama