Kakaiba ang naging pagdiriwang ng anibersaryo ng magkasintahang sina Kim Molina at Jerald Napoles. Kung ang ilang couple, ay ipinagdiriwang ang kanilang anibersaryo bilang tanda ng kanilang pagmamahalan, sa pamamagitan ng mga regalo at romantikong dinner date, mas pinili naman ng magkasintahang Kim at Jerald na magkaroon ng isang masayang adventure para sa kanilang anibersaryo.

Credit: Kim Molina | Instagram

Nito lamang araw ng Huwebes, ika-22 ng Hulyo ay inalala ng magkasintahang Kim at Jerald ang tamis ng kanilang pag-iibigan sa loob ng pitong taon sa pamamagitan ng isang masayang bakasyon sa Bohol.

Para sa kanilang 7th anniversary, ay hindi pinalampas ng magkasintahan na mag-enjoy at lasapin ang presensya ng isa’t isa sa napakagandang lugar sa Bohol. Sa Instagram, ay ibinahagi ng dalawa ang mga larawan mula sa ginawa nilang underwater shoot na naging bakasyon nila sa Bohol na talaga namang napakasweet sa kanilang diving photos.

Credit: Kim Molina | Instagram

Sa Instagram ay ibinahagi ni Kim ang larawan na kung saan ay makikitang magkayakap sila ni Jerald habang nasa ilalim ng tubig. Napakagandang pagmasdan ng larawan ng magkasintahan lalo na’t masisilayan rin ang napakagandang tanawin sa ilalim ng karagatan.

Nilakipan naman ng aktres ang kanyang post ng isang caption na kung saan ay mababakas ang labis na pagmamahal sa kanyang nobyo.

“With you next to me, I am no longer afraid. To more oceans to explore and dreams to achieve together! HAPPY 7th ANNIVERSARY, my @iamjnapoles! I love you.”

Samantala, para naman batiin ang kanyang nobya sa kanilang 7th anniversary ay dalawang larawan ang ibinahagi ni Jerald sa kanyang Instagram. Ang bawat larawan, ay binigyan naman ng paliwanag ni Jerald sa caption ng kanyang post. Sa unang larawan ay makikitang naka-floating sa dagat ang magkasintahan at ito’y binigyan ng matalinhagang kahulugan ni Jerald.

“Picture 1: That’s us, in our solitary world without the burden of solitude. Seeking freedom underneath and floating with dreams above. Limitless, but not reckless.”

Credit: Jerald Napoles | Instagram

Sa pangalawang larawan, ay makikita naman ang sweet photo nilang dalawa habang nakahalik sa pisngi ni Kim si Jerald. At nilakipan rin ng caption na puno ng sinseridad at pagmamahal sa aktres.

“Picture 2: That’s us, never a dull moment. Ridiculous but never stupid. We can’t figure out our own selves, but knowing each other makes us realize our worth and where we are heading. We will never be against all odds. We are the odds. I might not bet on myself. but I’m sure I’m winning with you. With us. HAPPY 7th ANNIVERSARY #KimJe Exciting times ahead of us. I love you.”

Credit: Jerald Napoles | Instagram

Matatandaan na sa isang panayam, ay minsang nang ibinahagi ni Kim ang nakakakilig na love story nila ni Jerald na nagsimula nang magkatrabaho sa musical na Rak of Aegis.

“Pero naka-focus kami talaga sa work kasi yung buong ano ng Rak, kumbaga tuloy-tuloy ang dating ng blessings,” she continued. “Kami yung, ‘Focus muna tayo sa ganito, ganyan. ‘Tapos huwag tayong mag-post ng kung ano-ano.’ Siyempre, support kami sa isa’t-isa when it comes to work. Okay, ‘tapos ngayong year, every time po na lalabas kami, halata na.”

“Actually, last year [2018], nagpo-post na kami ng mga bagay-bagay, ng out-of-town, especially me. I’d always post. Sabi namin, ‘Sige na nga, bahala na.”

Credit: Kim Molina | Instagram

Nilinaw naman ni Kim, na limang taon na silang nagdedate ni Jerald ngunit noong 2019 lamang sila naging opisyal na magkasintahan sa mata ng publiko. Ang relasyon ng aktres na si Kim, at aktor na si Jerald ay mas lalong pinagtitibay ng kanilang pagmamahalan, hindi lamang sa tunay na buhay kundi pati na rin sa mga pelikula kung saan ay ilang ulit nang nagkasama. Tulad na lamang ng mga pelikulang WalangForever, Camp Sawi, The Write Moment, at Jowable.

Source: Ptama

Kamakailan lamang ay inanunsiyo ng gobyerno ang muling pagbabalik ng ECQ sa Metro Manila. Ibig sabihin lamang nito, ay ang paghihigpit sa pagpapatupad ng safety protocols bilang pag-iingat sa pagkalat ng nakahahawang sakit.

Credit: Nguyasquad | Instagram

At isa nga sa muling ipinagbawal ay ang outdoor at indoor sa mga kilalang kainan sa bansa. Kaya naman, bago pa sumapit ang itinakdang oras sa August 6, para sa pagsisimula ng ECQ ay sinamantala na ng marami na makasamang kumain sa labas ang kanilang mga mahal sa buhay.

Hindi nga pinalampas ng magkasintahang Kathryn Bernardo at Daniel Padilla na magkaroon ng isang masayang dinner kasama ang kanilang mga celebrity friends. Ang kanilang samahan na kilala rin sa tawag na “Nguya Squad” ay kinabibilangan nina Daniel Padilla, Kathryn Bernardo, Ria Atayde, at Patrick Sugui at fiancée nitong Aeriel Garcia. Kasama rin nila ang aktor na si Joshua Garcia, at aktres na si Sofia Andres kasama ang boyfriend nitong si Daniel Miranda na nakasama rin ng KathNiel noong nakaraang buwan sa isang masayang camping.

Credit: Nguyasquad | Instagram

Samantala, espesyal naman ang dinner ng magkakaibigan dahil ginanap ito sa restored pre-war mansion na isa na ngayong events place na tinawag na Palacio de Momeria na matatagpuan sa Parañaque City kung saan isang reserved place na maeenjoy ang magagandang features nito tulad ng galleries, rooms, gardens, aircraft at isang museum na matatagpuan sa mansion grounds.

Credit: Nguyasquad | Instagram

At matapos nga ang isang masaya at masaganang dinner, at nag-enjoy ang magkakaibigan sa pag-inom ng wine sa Bunker Bar na isang military bunker-inspired theme.

Makikita naman sa mga larawan at video na ibinahagi Instagram page ng “Nguya Squad” ang masayang bonding ng magkakaibigan. Sa isang video nga, ay makikita ang pagbibiruan nina Ria at Kathryn. Samantalang nag-uumapaw naman sa kasweetan ang mga kuha ng larawan ng magkasintahang Kathryn at Daniel.

Credit: Nguyasquad | Instagram

Tila nga ang samahan at pagkakaibigan ng kanilang tropang Nguya Squad ay hindi matatawaran kung saan nga ay taglay ang isang tapat at tunay na pagkakaibigan. Kaya naman, hindi na nakapagtataka na sa paglipas ng panahon, ay mas lalo pang maging masaya at maging matibay ang kanilang samahan na handang harapin ang anumang pagsubok na darating.

Credit: Nguyasquad | Instagram

Matatandaan naman na noong July 9, ay nagkaroon ng isang masayang camping sina Kath at Daniel kasama ang kanilang mga kaibigan. At para sa kanilang unang out of town, ay masaya silang mag-trekking, naligo sa ilog, at nagluto rin ng kanilang sariling pagkain. Makikita nga na talagang iba ang saya sa kanilang mga mukha sa tuwing magkakasama silang magkakaibigan.

Source: Ptama

Napakasarap naman talagang ipagdiwang ang espesyal na araw kasama ang mga taong walang sawang nagmamahal at sumusuporta sa atin. Kahit nga simpleng okasyon lamang, ay nagiging masaya at makulay dahil kapiling natin ang ating mga mahal sa buhay.

At isa nga sa mapalad na taong nabigyan ng pagkakataong ipagdiwang ang kanyang espesyal na araw ng kapanganakan, kasama ang taong nagmamahal sa kanya ay ang nobyo ng aktres na si Maja Salvador na si Rambo Nuñez.

View this post on Instagram

A post shared by MAJA (@iammajasalvador)

Para batiin ang kanyang businessman boyfriend na si Rambo, ay isang espesyal at sweet na mensahe ang ipinaabot ni Maja na kanyang idinaan sa isang Instagram post.

Nito lamang ika-28 ng Hulyo, nang ibahagi ni Maja sa kanyang Instagram, ang larawan kung saan makikitang sweet na sweet sila ng kanyang boyfriend habang pinagsasaluhan ang matamis na halik at hawak-hawak ang kanilang mga alagang aso.

Sa caption ng post ng aktres, ay ipinaabot nito ang kanyang pagbati para sa kaarawan ng nobyo na may kasamang pagmamahal at tinag pa sa kanyang post ang nobyo.

“We love you, DADA!!! Happy happy birthday!!!”

 

View this post on Instagram

 

A post shared by MAJA (@iammajasalvador)

Samantala, ang nasabing mensahe ni Maja ay agad namang sinagot ni Rambo, kung saan nga ay isang matamis na “I love you” ang naging kasagutan na sinamahan pa ng blowing kiss emoji.

Base naman sa bagong post ng magkasintahan sa kanilang social media accounts, ay makikita na magkasama ang dalawa sa El Nido, Palawan para masayang ipagdiwang ang birthday ni Rambo.

Matatandaan na noong nakaraang March 2019 nang aminin ni Maja sa publiko na muli silang nagkaayos at nagkabalikan ni Rambo, na nauna niyang nakarelasyon siyam na taon na ang nakakaraan.

Minsan naman nang ibinahagi ni Maja nang makapanayam sa programa ni Toni Gonzaga na I Feel U, na masaya siya at naniniwala siya na tama ang naging desisyon nila ni Rambo na bigyan ng pangalawang pagkakataon ang kanilang naudlot na pag-iibigan.

“Kasi siguro hindi enough ‘yung ilang months lang kami noon. Naudlot talaga.”

Masaya rin ang aktres na maayos ang relasyon niya sa pamilya ni Rambo, na kung saan ay talagang nararamdaman niya na tanggap at mahal siya ng mga ito para sa kanyang nobyo.

“Tapos iba din ‘yung love ng family niya na ibinibigay sa akin. Ilang beses kaming may random na pagkikita, may certain feeling na ‘yung naramdaman mo dati, parang meron pa rin.”

 

View this post on Instagram

 

A post shared by MAJA (@iammajasalvador)

Sa isang vlog naman ay inamin ni Maja na nakikita na niya ang kanyang sarili na kasama si Rambo at nagpapalitan ng kanilang mga pangako sa isa’t isa. At sa loob nga ng limang taon, ay alam na ni Maja sa kanyang sarili na ikakasal siya kay Rambo pagdating ng tamang panahon.

Source: Ptama

Ang seksing aktres na si Sam Pinto ay pinahanga ang netizens sa kanyang mala-dyosang kagandahan, at sadyang napakaseksi pa rin kahit may kalakihan na ang kanyang baby bump.

Nalalapit na ang pagsilang ni Sam sa panganay na anak nila ng kanyang asawang si Anthony Semerad, isang professional basketball player. At bilang paghahanda, at bahagi na rin ng pregnancy journey ni Sam ay isang maternity photoshoot ang kanyang isinagawa kung saan ay mas lalong lumutang ang kanyang mala-dyosang kagandahan.

Sa Instagram ay ibinahagi ni Sam ang mga napakagandang kuha ng larawan sa fairytale-themed maternity photoshoot na isinakatuparan ng mahusay na photographer na si Niko Gonzales para sa blog na Baby and Breakfast.

Makikita sa ilang larawan na talaga namang mas lalong gumanda si Sam. Sa ilang lay outs naman, ay kapansin-pansin naman ang malaking umbok ng tiyan ni Sam, na hindi magtatagal ay malapit na ngang manganak. Ngunit, sa kabila nito, ay hindi maikakaila na masisilayan parin ang magandang hubog ng katawan ng seksing aktres. Sa kanyang suot na pearl beaded top at isang white see-through skirt at nude-colored bikini bottom, ay talaga namang walang kupas ang taglay na kagandahan at kaseksihan ni Sam.

 

View this post on Instagram

 

A post shared by Sam Pinto – Semerad (@sampinto_)

Samantala, ang nasabing larawan ay nilakipan naman ni Sam ng caption kung saan ay ibinahagi niya ang kanyang pregnancy journey at mga pagbabago sa kanyang katawan na dala ng kanyang pagbubuntis.

“I welcome the changes in my body. Honestly. This is one of the hardest things for me to accept. ‘Cause everything is so BIG. My face, belly, feet, and yes, my lips — natural filler ‘yan girl hahaha. “And I hear so much scary, horror stories about pregnancy and giving birth that I’m already getting terrified and nervous just thinking about it. [But] listening to pregnancy affirmations really, really helped me a lot.”

 

View this post on Instagram

 

A post shared by Sam Pinto – Semerad (@sampinto_)

Matatandaan na noong nakaraang buwan ng Mayo nang ianunsiyo ng mag-asawang Sam at Anthony na sila’y malapit nang maging ganap na magulang sa nalalapit na pagdating ng kanilang panganay na anak.Ito ay naganap dalawang buwan matapos ang kanilang pag-iisang dibdib na ginanap sa Conrad Manila sa Pasay.

 

View this post on Instagram

 

A post shared by Sam Pinto – Semerad (@sampinto_)

At sa susunod na buwan nga, ay masisilayan na nina Sam at Anthony ang kanilang pinakaaasam na munting anghel na isang baby girl. Matapos ianunsiyo ang pagbubuntis ni Sam sa panganay nilang anak, ay agad ring isinapubliko ng mag-asawa ang gender ng kanilang baby. Agad naman nilang binigyan ng pangalan ang kanilang anak ng Mia Aya Semerad na kung saan ang kahulugan ay “queen of the ocean”.

“Because we really love the ocean. Mia is queen of the ocean, so it’s the perfect name. And Aya, it’s a very lucky name. Siyempre we want her to be lucky.”

Source: Ptama

Mas lalo pa ngang lumitaw ang kagandahan ng aktres na si Dimples Romana ngayong siya’y nasa edad 36 na. At sa kabila nga ng kanyang edad ay nakamamangha na kahit ‘mother of two’ na si Dimples ay flat pa rin ang kanyang tummy.

Credit: Dimples Romana | Instagram

Marami nga sa mga kababaihan ngayon, lalo na sa mga mommy na ang pinapangarap ang magkaroon ng magandang pangangatawan. Kagaya na nga lamang ng mga mommy na malaki ang naging pagbabago sa hubog ng katawan magmula ng sila ay magka-anak.

Ang iba ngang mga momshie ay may kanya-kanyang nagiging fitness journey para lamang maibalik ang kanilang magandang hubog ng pangangatawan.

May iba nga na nagda-diet, may nagto-todo work out at ang ilan ay pinagsasabay ang pagdadiet at pagwo-work out upang mas ma-achieve nga nila ang magandang pangangatawan na pinapangarap nila.

Credit: Dimples Romana | Instagram

Ngunit tila nga para sa ibang mga kababaihan ay hindi mahirap gawin ang pagbabalik ng hubog ng katawan kahit na sila’y nagkaanak na, kagaya na nga lamang ng aktres na si Dimples Romana.

Nito nga lamang nakaraan, ay pina-wow ng Kapamilya actress na si Dimples Romana ang maraming netizens, matapos niyang i-flex sa kanyang Instagram ang dalawa niyang larawan na nagpapakita ng kanyang flat tummy.

Kalakip ng dalawang larawan na ito ng aktres ay ang caption niya na;

Credit: Dimples Romana | Instagram

“The womb that carried two of the kindest children you’ll ever meet it also carries plenty of amazing things like cake, chocolates, lots of rice, ham sandwiches, and lots of inasal and sisig PROGRESS REPORT, 2nd month of my health and fitness journey Morning world! Done with my photo na pwede na kumain.”

Pinasalamat rin ni Dimples ang mga taong sumuporta at tumulong sa kanya upang ma-achieve niya ang kanyang body goals, at pinaka-una na nga sa mga ito ay ang kanyang pamilya, ang kanyang asawang si Boyet at mga anak nila na sina Callie at Alonzo.

“Shout out to the best support system ever @papaboyetonline @callieahmee #AlonzoRomeJose and my ate @preetykhau06 for the outfit inspo @jumpman23 @nikepark_ph.”

Credit: Dimples Romana | Instagram

Bumuhos naman sa comment section ng post na ito ni Dimples ang napakaraming mga komento ng paghanga sa kanyang pagka-achieve sa body goal niya.

Maliban sa mga tagahanga ni Dimples at mga netizens, ay nagbigay komento rin ng kani-kanilang mga reaksyon ang ilan sa mga kaibigan ni Dimples sa industriya ng showbiz.

Ilan sa mga nagbigay komento na kaibigan ni Dimples ay sina Iza Calzado, at Krissy Achino. Sina Maxene Magalon, Ria Atayde, Joj Agpangan, Shaira Luna at Macoy Dubs ay nagbigay naman ng yes-wow at heart reactions sa post na ito ni Dimples.

Source: Ptama

Hindi nga maikakaila na napakaraming mga nagmamahal sa aktres na si Kiray Celis. Dahil sa kanyang kaarawan ay talaga namang umaapaw na pagmamahal ang natanggap ng Kapuso actress mula sa lahat ng taong nagmamahal, nagpapahalaga at sumusuporta sa kanya.

Credits: Kiray  Celis | Instagram

Nito lamang nakaraan, ay masayang ibinahagi ni Kiray sa kanyang Instagram account ang umaapaw na pagmamahal na natanggap niya.
Ayon sa Kapuso actress, hindi pa man talagang araw ng kanyang kaarawan ay agad ngang umapaw ng napakaraming cakes para sa kanya, dahil sa mahigit isang daang cakes (100) ang kanyang natangap para sa kaarawan niya.

“More than 100 cakes! Grabe! Hindi ko na-picturan yung iba kasi hindi na siya kasya. Maraming salamat po sa lahat ng pagbati! Sa 29 pa po mimso ang birthday ko. 27 na po ako by that time kaya sana pagbigyan niyo na po magpakita ng cleavage! HAHAHHA!”, ang naging saad ni Kiray sa kanyang IG post.

Credits: Kiray  Celis | Instagram

Sa ika-29 pa nga ng Hulyo ang mismong araw ng kapanganakan ni Kiray o ang kanyang kaarawan, at ayon mismo sa kanya, sa araw na iyon ay tutungtong na siya sa edad na 27.

Makikita sa naging IG post ni Kiray na nasa kanyang harapan ang napakaraming mga customize cakes, kaya naman talagang hindi na umano ito magkasya kapag pinicturan niya.

Credits: Kiray  Celis | Instagram

Hindi naman lihim sa lahat, na ang paboritong characters ng Kapuso actress ay si Sponge Bob, kaya naman karamihan sa mga cake design na kanyang natanggap ay may disenyong Sponge Bob at ang iba naman ay Stitch. Mayroon ding cake na ang spelling ng buong pangalan ni Kiray ang naka-disenyo.

Mababasa naman sa naging caption ni Kiray ang naging pagbibiro nga niya, na sana naman ay payagan na siyang ibahagi ang kanyang mga daring photo, dahil nasa tamang edad na rin naman siya.

Credits: Kiray  Celis | Instagram

Samantala, matatandaan na naging usap-usapan si Kiray sa social media kamakailan lamang, at ito nga ay dahil sa mga kumalat niyang larawan kung saan ay napaka-seksi niya at kitang-kita nga ang hubog ng kanyan pangangatawan.

Ang larawan na ito ni Kiray ay ‘yung nakasuot siya ng kanyang white top na talaga namang nagpalitaw ng kanyang alindog bilang isang babae.
Maliban naman sa napakaraming mga cakes na natanggap ni Kiray, ay ibinahagi rin niya sa kanyang IG post ang sorpresa sa kanya ng boyfriend niya si Stephen Estopia. Binigyan nga si Kiray ng boyfriend niya ng maraming bulalak at lobo, na may kasama pa ngang branded slip-ons, kaya naman hindi niya napigilan ang kiligin at makaramdam ng sobrang kaligayahan.

Credits: Kiray  Celis | Instagram

Kalakip naman ng larawan na ito na ibinahagi ni Kiray ay ang caption niya, kung saan ay sinabi nga niyang ngayon sa kanyang buhay pab-ibig ay masasabi niyang nasa tamang tao na siya.

“Araw-araw Valentine’s day kapag nasa tamang tao ka. Grabe naman yung surprise mo sakin. Nakalimutan kong birthday ko nga pala! HAHAHHA! Thank you so much, @stephen.estopia![red heart emoji] I love you!!!”

Source: Ptama

Marami ang pinabilib ng angking kagandahan at pagiging fit ng aktres na si Alice Dixson kahit na 51 taong gulang na ito. Kapansin-pansin nga na sa kabila ng kanyang edad ay talaga namang nagawa niyang mapanatili ang kanyang youthful glow dahilan para mas lalo siyang hangaan.

Credits: Alice Dixson | Instagram

At sa isang panayam nga kay Alice sa programang Tunay na Buhay, ay ibinahagi ng aktres ang kanyang sikreto sa likod ng kanyang fit na katawan at batang-batang hitsura. Ayon nga sa aktres, ay mahilig siya sa mga sports na nakakatulong para maging fit ang kanyang katawan.

“I love to swim, I also bicycle around, whenever I can kung malapit lang, I rather bike than take my car. Dati madalas akong nagvo-volleyball, group sports.”

Credits: Alice Dixson | Instagram

Pag-amin naman ni Alice, sa kabila umano ng kanyang edad na 51, ay marami pa rin ang nagsasabi na parang nasa late 30’s o 40’s lamang ang kanyang edad na siyang makikita sa kanyang katawan at hitsura. Hindi naman talaga ito maitatanggi dahil talaga namang biniyayaan ng fit at young looking na katawan at mukha si Alice.

Ayon pa sa aktres, sa tuwing tinitingnan niya ang kanyang mga larawan ay hindi niya makita ang hitsura na nasa 50’s na siya pero ang kanyang edad ay nararamdaman naman niya.

Credits: Alice Dixson | Instagram

Maliban naman sa kanyang magandang genes, ay proud rin si Alice na nagawa niyang mapanatili ang kanyang magandang mukha at fit na katawan sa pamamagitan ng pag-inom ng mga supplements na sinabayan rin niya ng pag-eehersisyo.

“Alam mo tinatanong ko din yan sa sarili ko, honestly kasi look at my  pictures and I don’t look fifty, I feel fifty but I don’t look fifty.”

“I think aside from good genes, it’s a product of really through the years parang being very mindful. I’ve been taking supplements since I was 30. I have been very conscious of exercise since I was very young,” pahayag pa ng aktres.

Credits: Alice Dixson | Instagram

Samantala, isang biyaya naman ang dumating sa buhay ni Alice matapos ang mahabang panahong paghihintay. Ito nga ang kanilang miracle baby na kanyang naisakatuparan sa tulong ng surrogacy. Sa ngayon ay masaya niyang inaalagaan ang kanyang miracle baby at inienjoy ang journey ng pagiging isang first time mom.

Credits: Alice Dixson | Instagram

Makikita nga ngayon sa social media ng aktres ang napakacute na larawan ng kanyang baby girl at masayang bonding moments nilang mag-ina. At sa bawat milestone ng kanyang baby, ay talagang nakasubaybay si Alice. Tila nga ang kanyang miracle baby, ang nagsisilbing kaligayahan ng aktres ngayon sa kanyang buhay.

Source: Ptama

Talaga namang dalang-dala tayo sa mga nakakaantig na awiting Pinoy na pinasikat ng mga mahuhusay na singer sa ating bansa. At sa tuwing maririnig nga natin ang mga love songs na ito ay talaga namang nabubuhay ang ating emosyon. Isa nga sa awiting talagang tumatak sa puso ng marami ay ang sikat na kantang “Bakit Nga Ba Mahal Kita” na tila ba damang-dama ang kabiguan ng puso at init ng pagmamahal.

Ngunit, nasaan na kaya ngayon ang sikat na singer na si Roselle Nava na nagpasikat ng kantang “Bakit Nga Ba Mahal Kita”?

Photo credits: google.com

Unang nakilala sa mundo ng showbiz si Roselle Nava noong taong 1992 hanggang 1997 nang mapabilang siya sa youth oriented show ng ABS-CBN na Ang TV kung saan nakasama niya ang ilan ring sikat na artista tulad na lamang nina Jolina Magdangal, Claudine Barretto, at Antoinette Taus. Napabilang rin siya sa Sunday noontime show na ASAP noong 1995 hanggang 2004 kung saan nga ay ipinamalas niya ang kanyang husay sa pag-awit.

Photo credits: google.com

At pagdating nga sa husay ni Roselle sa pag-awit, ay talaga namang hahangaan ang kanyang talento. Sa katunayan nga nito ay siya ang pinaka in-demand na diva noong dekada 90 at kilala ring multi-platinum female singer sa bansa. Dahil nga sa kanyang napakagandang tinig, at natatanging husay sa pag-awit ay binansagan rin siyang the Philippines’ Sentimental Diva at kinilalang former supreme songbird of ABS-CBN.

Siya rin ang binansagang Philippine Pop Queen noong dekada 90. Ilan naman sa mga kantang kanyang pinasikat ay Bakit Nga Ba Mahal Kita, Maniniwala Ba Ako, Dahil Mahal Na Mahal Kita, Laging Ikaw Parin, Ikaw Pala, Mahal Mo Ba’y Di Na Ako, at Huwag Ka Nang Babalik.

Photo credits: google.com

Samantala, matapos namang lisanin ni Roselle ang mundo ng showbiz, ay masaya siyang namumuhay ngayon sa piling ng kanyang asawang si Allen Ford Lee Tan na kanyang dating businesspartner.

Photo credits: google.com

Ang dalawa ay ikinasal noong January 18, 2010 sa Manila Cathedral kung saan ang kanilang pagsasama ay biniyayaan ng dalawang anak, sina Rafa at Ram.

Photo credits: google.com

Magmula nga noon ay hindi na muling nasilayan sa telebisyon si Roselle. Maliban kasi sa pagiging ina ng kanilang tahanan, ay pinasok rin ng dating singer ang mundo ng politika. Noong taong 2016 nang tumakbo siyang counsilor sa Parañaque at pinalad na magwagi sa eleksyon at maluklok sa pwesto.

Photo credits: google.com

Sa ngayon, ay 45 taong gulang na si Roselle kung saan nga ay masaya niyang ipinagdiwang ang kanyang kaarawan sa piling ng kanyang mga mahal sa buhay at pamilya noong nakaraang buwan ng Marso.

“I just turned another year older, today I turned 45. I have so many things to be thankful for! I have been really blessed and for that my heart is full and filled with appreciation.”

Huli namang nasilayan sa telebisyon si Roselle noong nakaraang taon matapos mapabilang sa Masked Singer Pilipinas bilang Adarna. Bagama’t, hindi nagwagi ay hindi naman maikakaila na marami ang nagulat at nakamiss sa kanya na muling makita sa telebisyon. Ayon naman kay Roselle, ay pumayag siyang gawin ang Masked Singer Pilipinas dahil madalas umano nilang panoorin ang American version nito.

Source: Ptama

Nitong nakaraang linggo lamang ay sunod-sunod na araw nang inuulan ang buong Metro Manila dahil na rin sa bagyo na mas pinalakas pa ng habagat. At ang matinding pag-ulan na ito, ay nagdulot rin ng pagbaha sa ilang bahagi ng lungsod. Dahilan nga, upang malagay sa alanganin at maipit sa gitna ng matinding trapik ang mga motorista.

Photo credits: Xian Lim | IG

Hindi naman talaga madali ang magmaneho sa gitna ng matinding baha, at ulan. Kaya naman, talagang dapat ring mag-ingat upang disgrasya ay maiwasan at huwag mapahamak sa pagmamaneho.

Photo credits: Xian Lim | IG

Katulad na lamang nga ng aktor na si Xian Lim na pinag-alala ang kanyang maraming mga tagahanga matapos matapang na sinagasa ang bagyo at magmotor sa rumaragasang baha sa gitna ng kalsada sa Metro Manila.

Sunod-sunod ang naging pagpost ni Xian sa kanyang Instagram, kung saan ay makikitang nasa gitna siya ng baha habang nakatigil sa pagmamaneho at tila ang tubig ng baha ay malapit ng umabot sa kanyang tuhod. Sa halip na mangamba ang aktor, ay tila inenjoy nito ang sandali habang lulan ng kanyang big bike sa gitna ng baha.

Caption nga ni Xian sa kanyang post,“Life is not about waiting for the storm to pass, it’s all about dancing (or in my case) RIDING in the rain. I’ll try to post a vlog in my channel later tonight, i’ll keep you guys updated!”

 

View this post on Instagram

 

A post shared by Xian Lim (@xianlimm)

Nagbigay rin ng paalala si Xian sa kapwa niya bikers na mag-ingat sa kanilang pagmamaneho lalo na ngayong panahon na maulan kung saan madulas ang kalsada at may baha.

“Ride safe mga ka-bikers!”

Samantala, matapos namang ibahagi ni Xian ang kanyang larawan sa social media ay agad itong dinagsa ng mga komento mula sa netizens.

Ang ilan nga ay talagang ipinakita ang pag-aalala sa aktor. At may ilan rin namang nagawang biruin ang aktor sa ginawa nitong pagragasa sa baha. May nagbanggit rin sa pangalan ng kasintahan ni Xian na si Kim Chiu na umanoy pinag-alala nito ang nobya sa anumang kapahamakan maaaring mangyari dahil sa kanyang pagmamaneho sa gitna ng baha.

The benefit of riding a big bike @xianlimm. Keeps you safe.”

“Nag alala tuloy si Kimmy sayo Xi next time tingin muna weather forecast, anyways mababait naman mga ksama mong bikers, ingat ingat lagi.”

“Ikaw talagang bata ka…..tini text ka na ng crush mo sa NDRRMC ng walang humpay…larga ka pa nang larga!”

“Bawal magkasakit Xian Lim! Ingat lagi kayo dalawa ni Kimmy! u both!”

“Ok na yan Xian…tama na. Madulas ang kalsada. Pag-umaraw na lang saka ulit mag-bike at sana kasama si Kim.”

“Kaya next time Xi, u listen to ur crush from NDRRMC bago mag motor day! Just be careful & stay safe!”

May humanga rin kay Xian dahil sa kanyang kakaibang karanasan bilang isang biker na pinatunayan na kaya niyang suungin ang matinding baha sakay ng kanyang magarang big bike.

“Bravo Xian, have more vivid experiences to share having actually gone through the depths of the flooded avenue. Take care, be home safely always with Ducati big motorbike.”

Source: Ptama

Sa kanyang taglay na napakagandang mukha at napakaseksing katawan, ay tunay nga na isa si Joyce Jimenez sa mga binansagang pantasya ng bayan. Si Joyce Herrin Reintegrado Egbalic o mas kilala ng publiko bilang si Joyce Jimenez, ay isa sa pinapantasya ng mga kalalakihan dahil sa kanyang mala-dyosang kagandahan at napakaseksing katawan.

Mas lalong nakilala ang pangalan ni Joyce sa kanyang paggawa ng mga seksing pelikula. At ang ilan nga sa mga ito, ay talagang pinilahan sa takilya katulad na lamang ng “Scorpion Nights”. Nakatambalan naman ni Joyce sa mga pinagbidahan niyang pelikula ang mga sikat na aktor na gaya nina Richard Gomez, Albert Martinez, Jomari Yllana, Piolo at Diether Ocampo.

Maliban sa pagiging isang mahusay na aktres, ay dinala rin si Joyce ng kanyang kaseksihan sa pagiging isang cover girl ng men’s magazine noong 2007. Sa kabila ng tinatamasang tagumpay sa showbiz, ay nagpasya parin si Joyce na lisanin ang kanyang karera sa industriya ng showbiz noong 2008. At sa pagtalikod niya sa kanyang karera, ay ang pagyakap naman niya sa buhay may asawa.

Matapos iwan ang showbiz, ay nagpakasal si Joyce sa kanyang asawa na half Filipino-American na si Paul Ely Egbalic na isang miyembro ng Air Force sa Amerika.

Si Paul ay ipinanganak sa Quezon City ngunit pagsapit ng apat na taong gulang ay nagmigrate na sa Amerika dahil ang kanyang ama ay naglilikod roon bilang US Navy.

Ang kanilang pag-iisang dibdib ay naganap sa Saint Lorenzo Ruiz, Walnut California. Ang kanilang matamis na pag-iibigan ay biniyayaan ng tatlong anak, sina Jorja Ely, Jansen Elise at Julian Elysson.

Para naman makatulong sa kanyang pamilya, ay pinasok na rin ni Joyce ang pagnenegosyo dahil alam ng dating aktres na hindi permanente ang kasikatan at buhay pag-aartista. At ang naisipan niyang itayong negosyo ay beauty products at lingerie products.

 

View this post on Instagram

 

A post shared by Paul Ely Egbalic (@elyegbalic)

Tila naman hindi makitaan ng anumang pagsisisi si Joyce sa kanyang naging desisyon na iwan ang showbiz para mamuhay ng masaya at tahimik sa Amerika kasama ang kanyang pamilya. Makikita naman sa mga larawang ibinabahagi sa social media na talagang kontento na si Joyce sa buhay na kanyang tinatamasa ngayon sa Amerika.

 

View this post on Instagram

 

A post shared by Paul Ely Egbalic (@elyegbalic)

Ang kanyang pamilya ang nagbibigay kaligayahan ngayon kay Joyce na ayon nga rito, ay hindi matutumbasan ng anumang bagay. Bagama’t, malabo ng makabalik siya ng showbiz dahil mas prayoridad niya ang kanyang pamilya, ay bukas pa rin naman siya sa mga guesting para masilayan ng kanyang mga tagahanga sa telebisyon.

Source: Ptama

Hindi natin maikakaila na sa taglay na talento at husay ng aktres na si Donita Rose, ay marami rin ang napahanga. Ngunit, matagal-tagal na ring hindi napapanood sa telebisyon si Donita magmula nang lisanin niya ang nakagisnang karera noong taong 2020.

Credit: Donita Rose | Instagram

At ngayon nga, ay masaya na siyang naninirahan sa Amerika kasama ang kanyang pamilya. Isa rin sa dahilan ni Donita kung bakit mas pinili niyang lisanin ang showbiz, ay upang tuparin ang isa sa kanyang mga pangarap, ang maging isang Chef.

Sa isang panayam ni Dyan Castillejo kay Donita ay inamin ng aktres na labis siyang naapektuhan ng pandemya kung saan nga ay talagang nahirapan siyang kumita ng pera dito sa Pilipinas, kung kaya’t pagpasya na siyang sa Amerika manirahan.

Hindi naman na lingid sa kaalaman ng marami na hiwalay na si Donita sa ama ng kanyang anak na ni Eric Villarama. At dahil dito, ay wala na siyang aasahan pa mula rito kahit na suporta man lang para sa kanilang anak.

Credit: Donita Rose | Instagram

Taong 2001 nang magkakilala sina Donita at Eric sa Angeles, Pampanga at matapos lamang ang dalawang taon, taong 2003 ay nagpasya na silang magpakasal. Ang kanilang pagsasama naman ay agad na biniyayaan ng isang lalaking anak na pinangalanang Joshua Paul na isinilang ni Donita noong 2004.

Nagsimula namang nagkaroon ng lamat ang kanilang pagsasama noong 2015. At matapos nga ang halos 12 na taong pagsasama bilang mag-asawa, ay tuluyan nang humantong sa paghihiwalay ang kanilang relasyon at napawalang bisa ang kanilang kasal noong Disyembre 2016.

Credit: Donita Rose | Instagram

Samantala, ngayong mag-isa na sa buhay si Donita ay nakatuon na lamang ang kanyang atensyon sa kanyang pamilyang nasa Amerika at kanyang anak. Kaya naman, talagang miss na miss niya ang kanyang pamilya doon habang siya’y nasa Pilipinas. At upang makasama ang pamilya lalo na ngayong pandemya, ay nagpasya na siyang lumipad patungong Amerika.

Credit: Donita Rose | Instagram

“My whole life, I’ve been there in the Philippines without my family, so pag bakasyon lang minsan, in the beginning, it was twice a year and then it became once a year and then it became every other year.”

“When I came back during the pandemic, I just realized how much I missed my family,” pahayag ni Donita sa isang panayam sa kanya ni Lhar Santiago sa Chika Minute.

Kahit nasa Amerika na ngayon si Donita kasama ang kanyang pamilya, ay ayaw pa niyang sabihin na for good na siya doon. Ito nga ay dahil hindi pa niya isinasara ang pinto na bumalik sa Pilipinas para muling magtrabaho. At ang dahilan ni Donita kung bakit nasa Amerika siya ngayon, ay dahil naroon lahat ang kanyang pamilya.

Credit: Donita Rose | Instagram

“I dont want to say for good because I had said that so many times before. I’m not closing my doors to the Philippines. Ang problema lang talaga is that my entire family is here in the US.”

“I think going back to the Philippines naman is not a problem because I love the Philippines, I have so many close friends, people I can always tell them na if ever I needed anything from you, I know I could call you.”

Credit: Donita Rose | Instagram

Inamin naman ni Donita na naibenta na niya ang halos lahat ng kanyang ariarian sa Pilipinas. Sa ngayon, ay masaya naman na si Donita sa kanyang buhay sa Amerika dahil isa na rin siyang Chef doon.

Ito naman ay kanyang inanunsiyo sa kanyang social media noong nakaraang buwan ng Abril. Siya ngayon ay corporate chef sa isang supermarket chain na pagmamay-ari ng isang Pinoy sa Amerika.

Source: Ptama

Pinatunayan ng mag-asawang Isabel Oli at John Prats na hindi kailangan ng maganda at mamahaling lokasyon para sa isang birthday party. Nito lamang ika-17 ng Hulyo ay masayang nagdiwang ng kanyang 1st birthday ang bunsong anak ng celebrity couple na si Lilla Forest Prats.

At para maging bongga ang birthday celebration ni Baby Forest ay naging resourceful at creative ang mag-asawang Isabel at John. Dahil nga sa nararanasang pandemya, ay nagpasya ang mag-asawa na sa garahe ng kanilang tahanan ganapin ang venue ng 1st birthday ni Baby Forest.

 

View this post on Instagram

 

A post shared by Niceprintphoto (@niceprintphoto)

Sa mga larawan na kuha ng Nice Print Photography, na ibinahagi ni John Prats sa kanyang social media ay makikita ang naging transformation ng kanilang garahe sa isang napakagandang teddy bear-themed birthday party na may kombinasyon ng disenyong yellow, orange at gold na isinakatuparan ng event designer na si Teddy Manuel.

Makikita naman na nakasuot ng kulay yellow ang kanilang buong pamilya para bumagay sa tema ng birthday party. At si Baby Forest nga ay napakacute pagmasdan sa suot nitong yellow dress.

Isa namang nakakaantig na mensahe ang ipinaabot ni John Prats sa social media para batiin ang kanyang bunsong anak sa espesyal na araw nito.

“Blessed 1st birthday my bunso. Sobrang saya ng puso ko at kasama ko kayo ngayong kaarawan mo. Maraming salamat sayo @forestprats sa ligayang dala mo sa aming lahat. Lagi lang kami andito ng mama mo para sa inyo. I love you anak!”

 

View this post on Instagram

 

A post shared by John Paulo Q. Prats (@johnprats)

Pinasalamatan rin ni John Prats ang mga taong nasa likod ng matagumpay na birthday party ni Baby Forest na ginanap sa garahe ng kanilang bahay.

Hindi naman ito ang unang pagkakataon na naging isang magical party place ang garahe ng tahanan ng Prats dahil noong nakaraag taon lang din nang ganapin rito ang birthday ni John at Christian dedication naman ni Baby Forest. At ito rin ay idinisenyo ng mahusay event designer na si Teddy Manuel.

Ikinasal sina Isabel at John noong May 16, 2015 kung saan ang kanilang wagas na sumpaan ay nasaksihan ng kanilang mga mahal sa buhay. Ang kanilang matamis na pagmamahalan naman ay nagbunga ng tatlong anak, sina Feather, Freedom at Forest.

Hindi naging madali ang pinagdaanan ni Isabel nang ipagbuntis ang kanyang bunsong anak na si Forest dahil nga sa nararanasang pandemya. Ang isilang rin ito sa gitna ng pandemya ay naghatid ng pangamba kay Isabel. Ngunit, matapos nga ang isang taon ay naging ligtas at malayo sa sakit si Baby Forest, ay ngayon nga ay malusog sa pagdiriwang ng kanyang 1st birthday.

Isinilang ni Isabel si Baby Forest noong July 17, 2020.

Source: Ptama

Nakamit na ng aktres na si Yam Concepcion ang kanyang inaasam sa kaligayahan sa kanyang buhay pag-ibig ngayon.

Nito lamang ika-25 ng Hulyo ay ikinasal na ang aktres na si Yam Concepcion sa kanyang non-showbiz at long time boyfriend na si Miguel Cuunjieng.

 

View this post on Instagram

 

A post shared by Yam Concepcion (@yamconcepcion)

Ang kanilang sagradong kasalan ay nasilayan ng publiko matapos ibahagi sa Instagram ng ABS-CBN entertainment reporter na si MJ Felipe ang isang larawan kung saan makikita ang bagong kasal kasama ang columnist na si Tim Yap.

Makikita naman sa background ng nasabing larawan ang sikat na Statue of Liberty na matatagpuan sa Liberty Island sa New York Harbor.

The newlyweds, me and Tim Yap. Congrats Yam and Miguel 💜 pic.twitter.com/UobWeZAdZ1

— MJ Felipe (@mjfelipe) July 25, 2021

Ayon kay MJ, ay naganap ang pag-iisang dibdib nina Yam at Miguel sa pamamagitan ng isang civil wedding ceremony na dinaluhan ng kanilang malalapit na kaibigan at pamilya.

“THIS JUST IN: Congratulations, Mr and Mrs Miguel and Yam Cuunjieng. The couple exchanged ‘I do’s’ in an intimate civil ceremony attended by family members and close friends,”caption ni MJ sa kanyang post sa Twitter.

THIS JUST IN: Congratulations, Mr and Mrs Miguel and Yam Cuunjieng. The couple exchanged ‘I do’s’ in an intimate civil ceremony attended by family members and close friends. pic.twitter.com/nBg0zps8a8

— MJ Felipe (@mjfelipe) July 25, 2021

Samantala, nagbahagi naman si Tim Yap ng mga larawan at video na kuha sa pag-iisang dibdib nina Yam at Miguel. Naging kakaiba naman ang pag-iisang dibdib ng dalawa, dahil nakasakay sila ng isang barko habang nagpapalitan ng kanilang sumpaan.

Ang nakakaantig namang parte ng wedding vow ng bagong kasal ay hindi rin pinalampas ni Tim Yap na makunan. Ang mensahe na puno ng emosyon at pagmamahal na pangako ni Yam sa kanyang asawa na ngayong si Miguel ay talaga namang nasaksihan ni Tim at iba pa nilang kasamahan.

“I will always believe that it wasn’t only fate that brought us together. It was our constant effort of making time for each other, whether it be video calls, leaving voice messages, or extra-long texts,” ayon kay Yam.

Ang aktres na si Yam at ang long-time boyfriend niyang si Miguel ay anim na taon ng magkarelasyon bago ma-engaged sa isa’t isa. Matatandaan na noong nakaraang buwan lamang ng ianunsiyo ni Yam sa publiko ang kanilang engagement.

Ngunit, base sa isang vlog na inilabas ng aktres ay noong 2018 pa siya engage sa kanyang boyfriend kung saan ay naganap sa Niseko, Japan.

Si Lorraine May “Yam” Concepcion ay isang sikat na aktres na kung saan nagsimulang makilala sa industriya ng showbiz noong 2013 sa teleseryeng Dugong Buhay kung saan ay nakasama niya si Ejay Falcon at Arjo Atayde. Sa ngayon, ay mas lalong pinapabilib ni Yam ang kanyang mga tagahanga sa kanyang husay sa pag-arte sa pinagbibidahan niyang teleserye na “Init sa Magdamag”.

Source: Ptama