Ang 44 taong gulang na aktor na si Derek Ramsay, ay pinagkakaguluhan ng maraming babae dahil bukod sa gwapo ay taglay rin niya ang matipunong pangangatawan. Hindi naman na nakapagtataka na sa kanyang taglay na katangian, ay marami ang babaeng nahumaling sa kanya at kanyang naging karelasyon.

At isa nga napaibig ni Derek ng kanyang angking karisma ay ang kanyang fiancee ngayon na si Ellen Adarna. Ang dalawa nga, ay masayang nagsasama ngayon na talaga namang mararamdaman ang init ng kanilang pagmamahal sa isa’t isa.

Photo credits: google.com

Photo credits: google.com

Ngunit, bago pa man dumating sa buhay ni Derek si Ellen, ay may naunang babaeng minahal at pinakasalan pa ang aktor. Ito nga si Mary Christine Jolly, dating Kapuso actress na kung saan ang kanilang pag-iibigan ay nauwi sa pag-iisang dibdib noong 2002. Ngunit, hindi naman nagtagal ay nauwi sa hiwalayan matapos lamang ang limang buwang pagsasama sa iisang bubong.

Photo credits: google.com

Samantala, inilihim naman ni Derek sa publiko ang naging relasyon niya sa dating asawa. Ngunit, noong taong 2014 ay nailantad rin ito sa publiko na bukod sa nagkaroon siya ng asawa, ay nagbunga rin ang kanilang pagmamahalan ng isang anak na lalaki. Nabunyag nga noong 2014, na may anak si Derek kay Mary Christine Jolly, na noong ay 11 na taong gulang na. Siya nga si Austin Gabriel Ramsay na pinalaki ni Mary sa Dubai matapos nilang maghiwalay ni Derek noon.

Photo credits: google.com

Samantala, nilinaw naman ni Derek sa isang pahayag na noong taong 2011 niya lang nakumpirma na siya nga ang ama ni Austin. Ang dahilan naman ni Derek kung bakit hindi niya ito isinapubliko, ay upang proteksyunan ang kanyang anak.

Nagkaroon naman ng legal battle sa pagitan nina Derek at Mary na natuldukan noong 2014. Isa nga sa napag-usapan ay ang support, visitation rights, at citizenship ng kanilang anak. Sa huli ay nauwi naman sa compromise agreement ang bawat panig para narin sa ikakabuti ng kanilang anak.

Photo credits: google.com

Hindi naman madali ang pinagdaanan ni Derek, para ipakilala ang kanyang sarili sa kanyang anak, lalo na nga’t matagal silang nawalay sa isa’t isa. Magmula naman ng maging isang ganap na ama si Derek kay Austin, ay wala na siyang pinalampas na sandali para iparamdam ang kanyang pagmamahal sa kanyang anak.

“But in the short time I spent with him he called me dad, so it was a nice feeling.”

“There’s a lot of things we had to work at, it’s not the perfect situation, it’s not the situation that I want. Yet at least now may opportunity ako na maayos ‘yon.”

“When it comes to family it’s the most important thing for me. That’s why I was so emotional through all of these, and that’s why I fought hard to fix this.”

Photo credits: google.com

Sa mabilis na paglipas ng panahon, ngayon nga ay 18 taong gulang na si Austin at binatang-binata na kung saan ay namana rin magandang katangian ng kanyang ama na taglay rin ang gwapong mukha.

Photo credits: google.com

Nito lamang ika-27 ng Hunyo 2021, ay masayang ipinagdiwang ni Austin ang kanyang 18th birthday. At sa espesyal na araw na ito, ay ipinaabot ni Derek ang kanyang pagbati sa kanyang unico hijo sa pamamagitan ng isang post sa Instagram. Bakas rin sa mensahe ng aktor ang kanyang labis na pagmamahal sa kanyang anak.

“My little boy turns 18 today. We have had our ups and downs son but you know that I love you and I will always have your back. Enjoy over in Dubai and I’ll see you soon. Happy birthday.”

Source: Ptama

Ang young aktres na si Andrea Brillantes ay talaga namang minamahal ng marami. Patunay lamang nito nang ipagdiwang niya ang kanyang ika-18 taong kaarawan noong nakaraang buwan ng Marso, kung saan ay talagang nag-uumapaw na regalo at surpresa ang kanyang natanggap mula sa mga taong nagmamahal sa kanya.

Hindi naman maikakaila na sa taglay na talento ni Andrea, at kahanga-hangang kagandahan ay talaga namang marami ang nagpapakita ng paghanga at pagmamahal. Idagdag pa nga rito ang kanyang pagiging masayahin at mabuting tao.

Isinilang si Anndrew Blythe Daguio Gorostiza o mas kilala ng lahat bilang si Andrea Brillantes noong Marso 12, 2003. At ang pagdating ni Andrea sa mundong ibabaw ay tila ipinagpapasalamat ng lahat dahil talagang ramdam na ramdam ng dalaga kung gaano siya kamahal ng mga taong nakapaligid sa kanya.

Photo credits: Gibsam Photo | Facebook

Matatandaan nga na maliban sa kanyang engrandeng pagdiriwang ng 18th birthday, ay nagkaroon rin siya ng kaliwa’t kanang photoshoot kung saan ay kanyang ipinamalas ang kanyang natatanging kagandahan na hinangaan ng publiko.

Minsan na ring nag-viral si Andrea matapos siyang ipagshopping ng kanyang kaibigan na si Miss Glenda bilang regalo sa kanyang birthday. At ito nga ay hindi birong shopping dahil umabot ng halos ilang daang libo ang nagastos ni Andrea para mabili ang mga bagay na nais niya.

Photo credits: Gibsam Photo | Facebook

Ngunit, tila hindi pa natatapos ang masayang pagdiriwang ng kaarawan ni Andrea, at kahit nga ilang buwan na ang nakalipas ay patuloy paring nakakatanggap ng regalo at surpresa ang aktres.

At kamakailan lamang nga, ay muling umagaw ng atensiyon ng publiko si Andrea matapos mag-viral ang kanyang mga larawan. Ngunit, sa pagkakataong ito, ay isang bonggang surprise birthday party naman ang inihanda ng kanyang mga malalapit na kaibigan. Makikita sa mga larawan na naroon ang kapatid ni Ivana na si Mona, na isa nga sa malalapit na kaibigan ni Andrea.

Samantala, ang bonggang supresa para sa kaarawan ni Andrea na inihanda ng kanyang mga kaibigan ay naganap sa Rancho Bernardo Luxury Villas and Resort sa Bataan. At makikita sa mga larawan na talagang plinanong mabuti ng kanyang mga kaibigan ang surpresa dahil sadyang napakaganda ng makikitang dekorasyon sa paligid.

Nang makita nga ni Andrea ang surpresa para sa kanya ay hindi nga halos makapaniwala ang aktres. At makikita nga sa magandang mukha ni Andrea ang labis na kaligayahan. Labis-labis nga ang pasasalamat ng aktres, matapos matanggap ang hindi inaasahang surpresa.

Photo credits: Gibsam Photo | Facebook

Makikita naman na sadyang napakaganda ni Andrea sa kanyang suot na red dress, na talagang nagpalutang sa kanyang angking ganda.

Tunay nga na napakapalad ni Andrea sa dami ng taong walang sawang sumusuporta at nagmamahal sa kanya. Hindi naman maikakaila na talagang deserve ni Andrea ang pagmamahal na kanyang natatanggap, lalo na nga’t isa rin siyang mabuting tao.

Source: Ptama

Tunay nga na natagpuan na ng dating aktres na si Andi Eigenmann ang hinahanap na kaligayahan sa napakaganda at malaparaisong isla ng Siargao sa piling ng kanyang soon to be husband na si Philmar Alipayo.

Unang nagkakilala sina Andi at Philmar tatlong taon na ang nakakaraan, taong 2018, nang magbakasyon si Andi sa isla ng Siargao. At matapos mabuo ang kanilang matamis na pag-iibigan at maging ganap na magkasintahan, ay agad itong nagbunga ng isang supling. Siya si Baby Lilo na isinilang ni Andi noong July 23, 2019.

Photo credits: Andi Eigenman | IG

Samantala, ang pag-iibigan nga nila Andi at Philmar, ay malapit na ring mauwi sa pag-iisang dibdib. Dahil noong buwan ng Disyembre ng nakaraang taon, ay inalok na nga ng kasal ni Philmar si Andi. At ito nga, ay naganap bago pa man dumating ang kanilang ikalawang anak na si Baby Koa.

Photo credits: Andi Eigenman | IG

Hindi naman talaga matatawaran ang pagmamahal ni Andi sa surfing champion na si Philmar Alipayo. At sa pagdaan nga ng panahon, ay mas lalo pa nilang napatunayan ang kanilang pagmamahal sa isa’t isa at mas lalo ring tumibay ang kanilang pagsasama sa gitna ng mga pagsubok at hamon ng buhay.

Photo credits: Andi Eigenman | IG

Kaya naman, nito lamang ika-27 ng Hunyo ay isang nakakakilig na mensahe ang ipinaabot ni Andi kay Philmar para sa pagdiriwang ng kanilang anniversary. At dahil nga espesyal ang araw na ito para sa kanilang dalawa, ay talaga namang napuno ang mensahe ng tamis ng pagmamahal ni Andi para kay Philmar.

Photo credits: Andi Eigenman | IG

Isang appreciation post ang kanyang inihanda para sa kanyang fiancee. Binigyang diin ni Andi sa kanyang post na ang relasyon na kanyang hindi inaasahan sa piling ni Philmar, ay binuo ng kanilang mga pangarap.

Ayon nga kay Andi, ay magkaibang-magkaiba ang mundong kanilang ginagalawan ni Philmar, ngunit isang bagay ang talagang pareho sila, ang kanilang mga pangarap. At ngayon nga, ay magkasama na nilang inaabot ang kanilang mga pangarap para sa kanilang pamilya.

“An appreciation post because it was our anniversary yesterday! A relationship built by dreams! We were from very different worlds, but what we had in common were our dreams. We had a lot of it! And I never thought it was possible but we took the leap anyway, and here we are now!”

 

View this post on Instagram

 

A post shared by Andi Eigenmann (@andieigengirl)

Matapos batiin sa kanyang post, ay ibinahagi rin ni Andi kung gaano siyang nagpapasalamat dahil si Philmar ang kasama niya sa buhay ngayon.

“Happy anniversary mahal ko @chepoxz! So so grateful to have you in my life, and for this life we’ve created together. Here’s to many more memories and achieving our dreams one step at a time!”

Samantala, ipinaabot rin ni Philmar ang kanyang pagbati para sa anibersaryo nila ni Andi sa pamamagitan ng simple ngunit sweet na mensahe kung saan ibinahagi niya ang larawan nila ni Andi.

“Happy lablab day sa ato mahal ko,” saad ni Philmar.

Source: Ptama

Isa na namang nakakatuwang vlog ang hatid ng aktres at vlogger na si Alex Gonzaga para sa kanyang mga tagahanga na mapapanood sa kanyang YouTube Channel.

Sa latest vlog ni Alex, ay tampok ang kanyang pagbisita sa bahay ng aktor at TV host na si Billy Crawford at asawa nitong si Coleen Garcia. Ang napakacute na anak ng mag-asawa na si Baby Amari, ay nagbibigay saya at kulay sa pamilya ng celebrity couple. At sa pagkakataon ngang ito, ay si Alex ang magsisilbing yaya ng kinagigiliwan ng lahat na si Baby Amari sa loob ng isang araw.

Sa unang bahagi ng video ay makikita na sinalubong ni Billy ang pagdating ni Alex sa kanilang tahanan. Saad nga ni Alex, ay nais niyang tulungan ang kanyang kaibigan na alagaan ang anak nito, kaya naman magiging yaya muna siya sa loob ng isang araw. Tila handang-handa na nga si Alex na maging yaya ni Baby Amari dahil nakasuot pa siya ng uniporme.

“Meron ako ngayong naisip dahil alam mo naging kaibigan ko na rin siya (referring to Billy Crawford, her co-host for a noontime show) so gusto ko makatulong sa kanilang mag-asawa so namasukan muna akong yaya for a day.”

“So ngayon nandito ako sa amo ko. Mag-yayaya muna ako sa anak nila dahil alam niyo tagal na akong walang taping at least may extra income.”

Photo credits: Alex Gonzaga | IG

Makikita naman na agad kinarga ni Alex ang napakacute na si Baby Amari habang umiiyak. Tinuruan naman ng mag-asawang Billy at Coleen si Alex ng mga aktibidad na gagawin bilang Yaya ni Baby Amari. At sa bawat ginagawa ni Alex at Baby Amari ay nakaalalay rin sina Billy at Coleen.

Photo credits: Alex Gonzaga | IG

Makikita nga na masayang nakipaglaro si Alex kay Baby Amari kung saan ay kanilang ginawa ang mga paboritong laro ni Baby Amari tulad ng pagsakay sa isang laruang kotse sa loob ng bahay. Hiningal naman si Alex sa pag-aalalay kay Baby Amari sa pag-akyat sa hagdan na ayon kay Coleen ay gustong magpasikat ng kanilang anak lalo na kung may audience.

Photo credits: Alex Gonzaga | IG

Photo credits: Alex Gonzaga | IG

Nagtungo rin sila sa playroom ni Baby Amari at doon naman naglaro paborito niyang laruan at nakipagkulitan si Alex sa anak nina Billy. Ilang saglit lamang, ay kailangang magbanyo ni Baby Amari sa tulong ng tunay nitong yaya, kung saan nga ay kasama rin si Alex para maghugas sa bata.

Photo credits: Alex Gonzaga | IG

Matapos naman mapagod sa pakikipaglaro, ay nakatulog naman si Baby Amari. Nang magising ay pinakain naman ito ni Alex, habang nakaalalay naman si Coleen. Makikita naman na talagang nag-enjoy si Alex sa pagiging yaya ni Baby Amari sa loob ng isang araw.

Photo credits: Alex Gonzaga | IG

Sa huling bahagi naman ng video, ay sinabi na mag-asawang Billy at Coleen na pasado naman si Alex bilang yaya ni Baby Amari at nagawa naman nito ng maayos ang kanyang trabaho. Ayon pa sa mag-asawa, ay handa na nga sina Alex at asawa nitong si Mikee Morada na magkaroon ng anak na kanilang aalagaan sa kanilang bahay.

“Pasado naman. In fairness ready na kayo. Excited na kami kung ano talaga ang plano ni God para sa inyo. Sana may kalaro na ang batang ito soon.”

Source: Ptama

Sa mabilis na paglipas ng panahon, ay hindi rin namalayan ang mabilis na paglaki ng anak ng aktres na si Ellen Adarna at aktor na si John Lloyd Cruz na si Elias Modesto.

Ang pag-iibigan noon nina Ellen at Lloydie na bagama’t nauwi sa hiwalayan, ay nagbunga ng isang anak na lalaki. Ito nga si Elias Modesto, na isinilang ni Ellen noong ika-27 ng Hunyo 2018. At nito lamang ngang araw ng Linggo, ay masayang ipinagdiwang ni Elias ang kanyang ika-3rd birthday sa piling ng mga taong nagmamahal sa kanya.

Hindi lamang isa kundi dalawang magkahiwalay na birthday party ang naganap na pagdiriwang para sa espesyal na araw ni Elias. Ang isa nga ay birthday party na inihanda ng kanyang ina na si Ellen at fiancee nitong si Derek Ramsay, at ang isa naman ay isang masayang selebrasyon sa piling ng kanyang amang si Joh n Lloyd.

Sa Instagram, ay makikita na parehong spiderman-themed birthday party ang inihanda ni John Lloyd at Ellen para sa kanilang anak. Sa Instagram nga ni Ellen ay ibinahagi niya ang ilang litrato at video na kuha sa masayang selebrasyon ng kaarawan ni Elias. Makikita nga na katuwang niya si Derek sa paghahanda at pagbibigay saya kay Elias. Si Ellen naman ang may hawak ng spideman-themed cake para i-blow ni Elias.

Napakacute namang pagmasdan ni Elias sa kanyang suot na spiderman custome. Makikita rin sa mukha ng munting bata na masayang-masaya sa pagdiriwang ng kanyang 3rd birthday.

 

View this post on Instagram

 

A post shared by Ellen Adarna (@maria.elena.adarna)

Samantala, para naman sa inihandang selebrasyon ni John Lloyd, ay makikita sa mga larawang ibinahagi sa Instagram ng kanyang kaibigan na si Maja Salvador, na isang simple ngunit masayang selebrasyon ang naganap para sa birthday ni Elias.

 

View this post on Instagram

 

A post shared by MAJA (@iammajasalvador)

Naroon rin sa selebrasyon ng birthday ni Elias, ang boyfriend ni Maja na si Rambo Nuñez at kaibigan rin ni John Lloyd na si Katrina Halili. Makikita naman sa isang video na inalalayan ni John Lloyd ang anak sa pag-blow ng cake na napakacute tingnan. At hindi nga maitago sa mukha ni Elias ang kasiyahan sa masayang pag-diriwang ng kanyang kaarawan.

 

View this post on Instagram

 

A post shared by Ellen Adarna (@maria.elena.adarna)

Nauwi man sa hiwalayan ang relasyon nina Ellen at John Lloyd, ay hindi naman sila nagkukulang na ipadama ang kanilang pagmamahal sa kanilang anak. Sa pamamagitan nga ng co-parenting set up nilang dalawa, ay tinitiyak nilang lalaking mabuting bata si Elias.

 

Matatandaan na noong 2017, nang magsimula ang relasyon nina Ellen at John Lloyd, at isang taon lamang matapos isilang ni Ellen si Elias, ang kanilang relasyon ay nagwakas noong 2019.

Nang mga panahong nasa piling ni John Lloyd si Ellen, ay nagpasya ang aktor na iwan ang showbiz. At ngayon nga, matapos ang ilang taong pamamahinga sa larangan ng parte, ngayon ay bumabalik na si Lloydie sa industriya ng showbiz, upang muling ipamalas ang kanyang husay at talento.

Source: Ptama

Ang aktor na si JC Santos na kilala rin sa kanyang tunay na pangalan na John Carlo de Vera, ay isa nga sa hunk actor na talaga namang hindi lang gwapo, kundi taglay rin ang kahanga-hangang talento sa pag-arte.

Sa kanyang husay nga, ay talaga namang nakapila ang kanyang mga proyekto. At noong 2019, ay napanood natin ang kanyang natatanging talento sa Kapamilya teleseye na “The General’s Daughter”.

Photo credits: JC De Vera | IG

Samantala, maliban sa pagiging isang aktor, ay abala rin si JC bilang isang butihing asawa at ama sa kanyang pamilya. Hindi naman maikakaila na magmula ng magkaroon ng sariling pamilya si JC, ay malaki ang nabago sa kanyang buhay. Kung noon nga, ay nakatuon lang ang kanyang atensyon sa trabaho, ngayon nga ay may dahilan na siya sa buhay upang mas lalo pang magsipag at pagbutihin ang kanyang trabaho para maitaguyod ang kanyang pamilya.

Photo credits: JC De Vera | IG

Ngayon nga ay masayang namumuhay si JC kapiling ang kanyang non-showbiz wife na si Rikka Alyssa Cruz at kanilang napakacute na anak na si Lana Athena.

Photo credits: JC De Vera | IG

Si Baby Lana ay isinilang ni Rikka noong May 2018, at ngayon nga ay tatlong taong gulang na ito. Matatandaan rin na noong, nang ianunsiyo ni JC na plano niyang pakasalan si Rikka sa simbahan, dahil nga nauna na silang nagkaroon ng civil wedding ceremony bago pa man isilang ng kanyang asawa ang kanilang panganay na anak.

Photo credits: JC De Vera | IG

Minsan na ring ibinahagi ni JC sa isang panayam, kung gaano siya kapalad at nagpapasalamat dahil pinagkalooban siya ng sariling pamilya. Ibinahagi rin ng aktor, kung paanong nabago ang buhay niya sa pagdating ng kanyang baby girl na si Lana. Ngayon nga na may sariling pamilya na siya, ay wala na siyang panahon pa para gumimik at magkaroon ng night life dahil nakatuon na ngayon ang kanyang buong atensyon sa kanyang pamilya. Ang pamilya na nga ni JC ang kanyang tanging prayoridad ngayon.

Photo credits: JC De Vera | IG

Makikita nga sa social media ng aktor, ang larawan ng kanyang masayang pamilya kung saan ay madalas ibahagi ang kanilang bonding moments. At kitang-kita rin na napakahands on ni JC sa kanilang anak ni Rikka. Hindi nga maikakaila na talagang isa ng family man ngayon si JC na ang tanging hangad ay kung anong makakabuti sa kanyang pamilya. Tunay nga na ang pagmamahal ni JC sa kanyang pamilya ay walang katulad.

Photo credits: JC De Vera | IG

Matatandaan naman na naging pribado ang pagsilang ni Rikka sa kanilang panganay na anak ni JC noong May 2018. At nalantad lamang sa publiko na isa nang ganap na ama si JC, matapos ang dalawang buwan. Isinapubliko nga ng aktor, na isa na siyang ganap na ama sa kanyang panganay sa pamamagitan ng isang post sa social media noong July 2018.

Source: Ptama

Hindi maikakaila na malayo na ang narating ng aktor na si Coco Martin sa industriya ng showbiz. Magmula nga ng mapabilang sa Star Circle Quest Batch 9 at maging talent ng Star Magic, ay isa na ngang matagumpay na aktor at direktor si Coco na maraming pinagbidahang teleserye at pelikula. At ngayon nga, ay mapapanood siya sa kanyang teleseryeng “FPJ’s Ang Probinsiyano” na mismong siya rin ang direktor.

Dahil nga sa ilang taon nang namamayagpag ang kanyang action-drama series, at palaging umero uno sa ratings sa telebisyon, ay binansagan si Coco bilang “Kapamilya Primetime King”. Samantala, maliban naman sa mga pelikula at teleserye, ay nag-uumapaw rin ang mga endorsement ni Coco mula sa iba’t ibang kilalang produkto.

Photo credits: google.com

Samantala, sa kabila naman ng tagumpay na tinatamasa ngayon ni Coco ay hindi nawawala sa kanyang puso’t isipan kung saan siya nagmula. At hanggang ngayon nga, ay nananatili paring mapagkumbaba ang loob ni Coco kahit na nasa tuktok na siya ng tagumpay.

Isa naman sa talagang nagbibigay saya sa aktor, ay ang kanyang pagkahilig sa mga motorsiklo. Sa isang panayam nga, ay ibinunyag ni Coco na nagbibigay sa kanya ng saya at relaxation ang pagmamaneho ng mga big bikes. Makikita naman na talagang maliban sa kanyang magagarang sasakyan, ay hilig rin ni Coco ang pangongolekta ng mga big bikes.

Photo credits: google.com

Hindi naman maikakaila na ang hilig ni Coco sa mga big bikes ay dala-dala na niya noon pa man. Sa edad kasing 16 ay natutunan na ni Coco ang pagmamaneho ng motorsiklo. At noon nga ay tricycle ng kanyang lola ang kanyang gamit pagkatapos ng pasok sa paaralan hanggang pagsapit ng gabi para kumita ng pera upang masuportahan ang kanyang pag-aaral at makatulong sa kanyang pamilya. Ibinahagi rin ni Coco na ang kabuhayan ng kanyang ama at lolo noon ay pamamasada ng jeep para mapunan ang kanilang pangangailangan.

Photo credits: google.com

Kaya naman, nang magsimula ang pamamayagpag ng karera sa mga indie films, ay nagpasya si Coco na bumili ng tatlong tricycle at isang bagong jeep para magamit ng kanyang ama at lolo sa kabuhayan ng kanilang pamilya. Ibinahagi rin ni Coco na noong nasa kolehiyo pa siya ay may underbine bike siya, ngunit nang makapasok na nga sa showbiz ay mga big bikes na ang kanyang pagmamay-ari. Kaya naman, hindi lamang dalawa, kundi 11 na motorcyles, at karamihan ng nasa koleksyon ni Coco ay mga big bikes na talaga namang magagara at mamahalin.

Naging malapit naman si Coco sa mga artistang kanyang nakakatrabaho, at isa na nga rito ang batikang aktres na si Dawn Zulueta na nakasama niya sa teleseryeng “Walang Hanggan” noong 2012.

Photo credits: google.com

Ibinunyag nga ni Coco na ang kanyang big bike na labis niyang iniingatan ay regalo sa kanya ng multi-awarded aktres.

Source: Ptama

Ang dating mag-asawa na sina Ricky Davao at Jackie Lou Blanco ay parehong mga sikat na artista sa showbiz. Sa halos ilang dekada nang nasa industriya ng showbiz at talagang masasabi na mga batikan na sila sa larangan ng pag-arte.

Kasabay naman ng umaarangkada nilang karera sa industriya ng showbiz, ay ang lumalaki rin nilang pamilya. Ang kanilang pag-iibigan na nagsimula nang magkasama sa isang show ay nauwi sa pag-iisang dibdib. Ngunit, sa kasamaang palad ang 13 taon nilang pagsasama bilang mag-asawa ay nauwi sa hiwalayan.

Photo credits: google.com

Ang kanilang pagsasama ay biniyayaan ng tatlong anak, sina Kenneth, Rikki Mae, at bunsong si Arabella. At ang bunsong anak nga ng dating mag-asawa na si Arabella, ay pumukaw sa atensyon ng mga netizens dahil sa kanyang mala-artistahin sa gandang mukha. Makikita nga namana ni Arabella na kilala rin bilang Ara, ang magandang katangian ng kanyang mga magulang.

Photo credits: google.com

Photo credits: aradavao | IG

Photo credits: aradavao | IG

Samantala, ang napakagandang si Ara, ay minsan na ring ipinagmalaki ng kanyang mga magulang sa nakamit nitong tagumpay. Sa edad na 22 taong gulang, ay natupad na ng dalaga ang kanyang pangarap na makapagtapos ng pag-aaral sa kolehiyo. At noong May 31, 2019, ay nakapagtapos si Ara sa kanyang Bachelor’s degree sa Ateneo de Manila University.

Photo credits: aradavao | IG

Sa kabila ng paghihiway ng kanyang mga magulang, ay makikita naman sa mga larawang ibinahagi sa social media na parehong dumalo sa espesyal na araw ng kanilang anak sina Ricky at Jackie Lou. Sa graduation ceremony ni Ara, ay parehong naroon ang dating mag-asawa upang ipakita ang suporta sa kanilang anak.

Photo credits: aradavao | IG

Makikita nga sa kanilang mga Instagram account na talagang proud parents sina Ricky at Jackie Lou sa nakamit na tagumpay ng kanilang anak. Sa Instagram ni Jackie Lou, ay ipinaabot niya ang kanyang pagsuporta at pagmamahal sa kanyang anak sa pamamagitan ng isang mensahe.

“I have and will always be proud of you, My Jacqueline Arabella Marie, my bunso!!! Congratulations on your graduation! Whatever path you choose to take, always know Mama will be behind you. Throughout your joys, troubles, fears, and triumphs, I will always be here with you. I love you so so much!!!”

Photo credits: aradavao | IG

Simple naman ang naging pagbati ng kanyang ama kay Ara para sa nakamit niyang tagumpay.

“Congratulations ARA, so proud of you!!! LOVE YOU!”

Photo credits: aradavao | IG

Sa ngayon ay gumagawa na rin ng sariling pangalan sa industriya ng showbiz si Ara. Sa isang panayam, ay sinabi ni Ara na hindi siya nagsisisi na sa edad na 24 na siya pumasok na showbiz. Ito nga ay dahil ang goal niya talaga ay makapagtapos muna siya ng pag-aaral bago siya sumunod sa yapak ng kanyang mga magulang sa mundo ng showbiz bilang artista.

Photo credits: aradavao | IG

“Kasi it was my goal talaga to finish my studies which thankfully nagawa ko naman before the pandemic happened so that was my focus at that time and now I feel it’s the right time.“

Source: Ptama

Si Richard Reyes Faulkerson Jr sa tunay na buhay at kilala naman ng kanyang mga tagahanga sa showbiz bilang si Alden Richards, ay isang sikat na aktor, endorser at TV host.

Isa si Alden sa itinuturing na pinakasikat at hinahangaang artista sa industriya ng showbiz. Kapag nga naririnig na ang kanyang pangalan ay kilala na siya ng madla. Ang kanyang gwapong mukha at nakakakilig na ngiti na sinamahan pa ng kanyang dimples, ay talaga namang hinahangaan ng maraming kababaihan.

Photo credits: google.com

Photo credits: google.com

Masasabi nga na malayo na ang narating na tagumpay ni Alden sa kanyang karera, kung saan ay marami na siyang naipundar at malaki na rin ang nabago sa kanyang pamumuhay.

Photo credits: google.com

Ngunit, paano nga ba nagsimula ang isang Alden Richards sa showbiz bago makamit ang tinatamasang tagumpay ngayon?

Photo credits: google.com

Hindi nga maging madali ang pinagdaanan ni Alden dahil nagsimula siya bilang isang modelo at naging kalahok rin sa mga male beauty pageant. Ito nga ay matapos niyang mabigo nang makipagsapalaran sa talent reality show ng GMA Network na StarStruck noong 2009 sa ikalimang season nito. Sinubukan ring mag-audition ni Alden sa Pinoy Big Brother: Teen Clash noong 2010, ngunit nabigo rin siya.

Photo credits: google.com

Unang napanood si Alden sa teleseryeng Alakdana sa GMA Network matapos makapasa sa audition, kung saan nakuha niya ang role bilang Joma, at nakatambalan ang aktres na si Louise delos Reyes. At dito na nga nagsimulang mamayagpag ang kanyang acting career.

At dahil nga sa kanyang ipinamalas na husay sa pag-arte, ay bumuhos ang napakaraming proyekto sa hanggang karera hanggang sa maging TV host siya ng GMA noon time show na Eat Bulaga.

Mas lalong nakilala ang pangalan ni Alden, nang makatambalan niya naman ang aktres at TV host na si Maine Mendoza o Yaya Dub na nagsimula sa segment ng Eat Bulaga na Kalyeserye at nakilala ang kanilang on screen love team sa bansag na AlDub.

Photo credits: google.com

Talaga namang kahanga-hanga ang kanyang husay at talento, patunay lamang dito ang mga nakamit niyang karangalan. At isa nga sa kanyang talagang naipagmamalaki ay ang mabansagang Asia’s Multimedia Star matapos maparangalan noong 2019 Seoul International Drama Award, Asian Star Prize award na katumbas na ng acting award, at ito ay naganap sa South Korea.

Pinahanga rin ni Alden ang marami sa naging tambalan nila ng aktres na si Kathryn Bernardo sa pelikulang “Hello Love, Goodbye”. At ito nga ang may pinakamalaking kinitang pelikula na may worldwide gross na P880, 603, 490, ayon sa Star Cinema.

Photo credits: google.com

Hindi nga halos makapaniwala si Alden sa tinatamasa niyang tagumpay ngayon. At ang lahat ng ito, ay iniaalay niya sa kanyang namayapang ina na si Rosario Faulkerson na pumanaw noong 2008 dahil sa pneumonia.

Ayon naman kay Alden sa isang panayam, ay ibinahagi niya na ang talagang pangarap niya ay maging isang piloto, ngunit hinikayat siya ng kanyang ina na maging isang artista. Kaya naman, tiyak na masaya ang ina ni Alden sa tagumpay na tinatamasa ng aktor ngayon, dahil ang pangarap na inaasam niya para sa kanyang anak ay nabigyang katuparan.

Source: Ptama

Si Judy Ann Santos ay halos tatlong dekada nang namamayagpag sa industriya ng showbiz. Kaya naman, isa siya sa mga sikat na artista sa showbiz at masasabi na talagang malayo na ang narating.

Maliban nga sa kanyang namamayagpag na karera, ay nakapagtayo na rin sila ng kanyang asawang si Ryan Agoncillo ng kanilang sariling negosyo na “Angrydobo” kung saan ay mga masasarap na Filipino dish ang kanilang inihahain sa kanilang mga customer. At ang ilan nga sa mga ito ay sariling recipe ni Juday.

Photo credits: Judy Ann Santos | IG

Ang restaurant na ito ng mag-asawa, ay pinagkukunan nila ng kabuhayan, at maliban rito ay malaki rin ang kinikita nila sa kanyang trabaho. Ngunit, sa kabila ng kanilang marangyang pamumuhay ay hindi naman nawala sa kanilang pahalagahan ang bawat salapi na kanilang pinaghirapan. Sa katunayan nga nito, ay tinuturuan rin nila ang kanilang mga anak ng tamang pamamaraan ng paghawak ng pera.

At sa naganap nga na launching ng isa sa kanyang mga endorsement, ay ibinahagi ni Juday na hindi nila sinasanay sa mga mamahaling bagay ang kanyang mga anak. Ito nga ang ginagawa nilang paraan para maturuan ang kanilang mga anak na magtipid at makontento sa simpleng pamumuhay at bagay na meron sila.

Saad nga ni Juday,“Doon sila sa mura”.

Photo credits: Judy Ann Santos | IG

Nang makapanayam nga ng PEP.ph si Juday, ay proud na ibinahagi ng aktres na sa murang edad ng kanyang mga anak ay marunong na ang mga itong gamitin ang pera sa tamang paraan. At ang bagay nga na ito, ay natutunan lamang ng kanilang mga anak na sina Yohan, Lucho at Luna.

“They’re not materialistic people, e. Basta nagustuhan nila ang isang bagay, regardless kung mura o mahal, doon sila sa mura. Kasi aware sila, conscious sila, hindi sila naniniwala na dapat mahal ang gamit mo.”

Photo credits: Judy Ann Santos | IG

Kwento pa nga ni Juday, sa tuwing mamimili sila ay hinihikayat niya ang kanyang mga anak na piliin ang mas mura at wag ang mamahalin.

Maliban sa turong ito nina Juday at Ryan sa kanilang mga anak, ay itinuro rin nila sa mga ito na maging mapagbigay at ibahagi ang kanilang blessings sa ibang bata na nakikita nila sa lansangan.

Photo credits: Judy Ann Santos | IG

Ibinahagi rin ni Juday na pagdating sa pagkain at pera, ay maituturing itong biyaya. Ngunit, mga materyal na bagay lamang ito, kung saan ay madaling mawala. Kaya naman mas mahalaga ang maging mapagbigay sa kapwa at sa mga taong nangangailangan. At kapag nga, ito’y ibinahagi sa iba ay mas lalo pang pagpapalain ang taong taglay ang mabuting puso. Ito’y isang magandang asal na turo ng mag-asawa sa kanilang mga anak, at makikita naman na ginagawa nila ang magandang kaugalian na ito.

“As much as possible, kami ni Ry [Ryan], we try to tell them na whatever we have is a blessing. So we also share. We share what God has given us because everything we have now is temporary. The material things are just there so you can buy it anytime and you can give it away.”

Photo credits: Judy Ann Santos | IG

Binigyang diin naman ni Juday na ang madalas nilang sabihin sa kanilang mga anak na ang permanenteng bagay sa mundo ay ang pamilya.

“The only thing that is permanent is family.”

Photo credits: Judy Ann Santos | IG

Ibinunyag rin ni Juday sa panayam, na pagdating sa pagbabudget ay naglalaan siya ng tatlong bagay para hatiin ang kita nilang mag-asawa. At dapat nga ay may nakatabi para sa family expenses, personal expenses at importante na may savings rin.

“Expenses sa house, suweldo ng mga angels [househelp],” tuition, insurance, and travels fall into the family expenses category.”

Ibinahagi naman ni Juday, na ang masasabing personal niyang luho ay ang paggrogrocery dahil hindi naman daw siya mahilig bumili ng mga mamahaling sapatos at bag.

Samantala, ang asawa naman niyang si Ryan ay hinayaan niyang bumili ng gusto nitong sasakyan, basta’t may nakatabi ng pera para sa kanilang pamilya mula sa kanilang mga sahod.

“Hindi isyu kung bumili si Ryan ng kotse basta may entrega.”

Source: Ptama