Parte na ng buhay natin ang subaybayan ang buhay ng mga iniidolo nating personalidad sa showbiz. May ilan nga na talagang sumikat sa larangan, at ang iba naman ay naging pansamantala lamang kung saan ay mas piniling lisanin ang showbiz upang hanapin ang kaligayahan sa kanilang buhay ng wala sa harap ng camera.

Isa naman sa programa kung saan nagsisimula ang karera ng ilang artista, ay ang reality talent search na Pinoy Big Brother sa ABS-CBN. Maraming artista ang naging produkto ng PBB ang talagang sumikat, may ilan rin namang sumikat man ngunit panandalian lamang.

 

Photo credits: google.com

Isa na nga rito ang dating PBB Housemate na si Franzen Fajardo. Nang pumasok si Franzen sa bahay ni Kuya ay agad niyang nabihag ang puso ng mga manonood dahil sa kanyang masayahin at kwelang personalidad.

Photo credits: google.com

Bagama’t, maraming manonood ang natutuwa kay Franzen dahil sa kanyang personalidad, ay hindi naman siya ng nagtagal sa bahay ni Kuya dahil sa nagawa niyang sunod-sunod na violations.

Photo credits: google.com

Madalas na nakakasama ni Franzen sa pagbibigay saya at sa kanyang mga kalokohan ang kanyang housemate na si Jayson Gainza. Maraming nagawang violations si Franzen, dahilan nga ng mabilis niyang pagkawala sa bahay ni Kuya. Ilan sa mga ito ay pagsusulat ng sikretong mensahe sa lamesa at pagbubulungan na mahigpit na ipinagbabawal sa loob ng bahay ni Kuya.

Dahil sa sunod-sunod na paglabag ni Franzen, bagama’t inako ng ibang housemate ang kanyang pag-alis ay nagdesisyon parin si Kuya na siya’y parusahan at patawan ng force eviction na kauna-unahang naganap sa PBB history.

Sa kanyang paglabas sa bahay ni Kuya ay nagkaroon ng mangilan-ngilang proyekto si Franzen sa industriya ng showbiz. Ngunit sa huli ay nagpasya parin siyang tuluyang iwan ito upang hanapin ang kaligayahan sa ibang larangan.

Photo credits: google.com

Ayon sa ulat ng Bandila noong 2018, ay masaya na ngayon si Franzen sa buhay na kanyang napili at ngayon nga, ay naninirahan na ang dating PBB housemate sa Singapore. Ang pinagkakaabalahan naman ngayon ni Franzen bilang kanyang trabaho ay buy and sell.

Photo credits: google.com

Bagama’t, nasaksihan ng publiko ang kanyang pagiging pasaway noon, ay patuloy namang pinapatunayan ni Franzen na inaayos niya ang kanyang buhay ngayon. Hindi naman makikitaan ng pagsisisi si Franzen sa kanyang napiling landas, na ngayon nga ay tahimik at masayang namumuhay sa Singapore kasama ang kanyang pamilya.

Photo credits: google.com

Kahit wala na siya sa mundo ng showbiz ay hindi naman nakakalimutan ni Franzen ang mga taong naging bahagi na ng buhay niya sa PBB na kanyang naging kaibigan, at paminsan-minsan nga ay nakakausap niya parin ang mga ito. Katulad na lamang nina Say Alonzo, Nene Tamayo, at Sam Milby.

Source: Ptama

Si Anthony Alarcon sa tunay na buhay at kilala rin bilang si Jestoni Alarcon sa industriya ng showbiz ay isang batikang aktor. Naging matinee idol si Jestoni noong dekada 80 hanggang 90. Hindi naman ito nakapagtataka dahil talaga namang kahanga-hanga ang kanyang pagiging magandang lalaki.

Hindi naman nagpapahuli si Jestoni sa kanyang husay pagdating sa pag-arte. Ilan nga sa kanyang mga naging proyekto na kanyang ipinamalas ang kanyang husay ay “Ang Lihim ng Golden Buddha” noong 1989, “Makapiling Kang Muli” noong 2012 at Encantadia noong 2016.

Photo credits: Jestoni Alarcon | IG

Maliban sa pagiging isang mahusay na aktor sa showbiz, ay pinasok rin ni Jestoni ang mundo ng politika. Noong early 2000, ay naging Councilor siya ng Antipolo City at naging Vice Governor rin ng probinsya ng Rizal. Dahil sa ipinakitang husay sa pamamalakad sa kanyang nasasakupan ay naging board member rin siya ng 1st District ng Rizal sa loob ng dalawang termimo.

Photo credits: Jestoni Alarcon | IG

Hindi lamang nga karera sa showbiz at politika naging matagumpay si Jestoni, dahil maging ang kanyang marraige life ay matagumpay rin kung saan puno ng saya at pagmamahal. Pinakasalan ni Jestoni ang kanyang napakagandang misis na si Lizette Capili na isang dating modelo sa Los Angeles, California. Ang kanilang masayang pagsasama sa loob ng halos 26 na taon ay biniyayaan ng tatlong anak, sina Jessica, Angela at Anthony.

Photo credits: Jestoni Alarcon | IG

Ang tatlong anak na ito ng batikang aktor, ay hindi maikakaila ang angking katangian na pawang mala-artistahin at good-looking. Walang duda nga na ang mga magaganda at gwapong anak na ito ni Jestoni ay nagmana sa kanilang mag-asawa ng magandang katangian.

Photo credits: Jestoni Alarcon | IG

Ang dalawang babaeng anak ni Jestoni na si Jessica at Angela, ay pawang magaganda na nagmana ng kagandahan sa kanilang ina. Ngunit, maraming netizens ang nagsasabi na mas malakas raw ang appeal ni Jessica kesa sa kanyang kapatid. Si Jessica ay nagtatrabaho sa medical field samantalang si Angela naman ay isang student-athlete sa University of the Philippines Diliman kung saan siya ay may angking galing sa sport ma taekwondo. Ang nag-iisang anak na lalaki naman ni Jestoni na si Anthony ay nakuha naman ang magandang katangian ng kanyang ama.

Photo credits: Jestoni Alarcon | IG

Bagama’t, isang bukas na libro sa publiko ang buhay ng kanilang mga magulang sa social media, ay mas pinili parin ng magkakapatid na manatiling pribado ang kanilang buhay at hindi gaanong nagbabahagi ng detalye patungkol sa kanilang sarili. Hindi naman maiwasan ng magkakapatid na mapansin ng mga netizens dahilan nga para dumami ang kanilang mga followers.

Photo credits: Jestoni Alarcon | IG

Sa kabila ng pagiging pribado ng magkakapatid sa kanilang buhay, ay maraming netizens naman ang umaasa na balang-araw ay makita rin nila ang mga ito na sumunod sa yapak ng kanilang ama sa showbiz upang mag-artista.

Source: Ptama

Ang mahusay at napaka-gwapong Filipino-Spanish aktor na si Stephen Ian Lopez Veneracion o mas kilala bilang si Ian Veneracion ay dating napapanood sa GMA Network bago pa man siya nalipat sa management ng ABS-CBN.

Credits : Image from Google

Sa kaniyang pagiging charming at good-looking dad, isa siya sa mga kinakikiligan na Kapamilya aktor. Sa kaniyang edad na 42, nanatili pa rin ang kaniyang kagwapuhan. Na siya namang namana ng kaniyang anak si Tristan Draco. Si Draco ay ang panganak na anak ni Ian sa kaniyang asawa na si Pam Gallardo.

Credits : Ian Veneracion | Instagram

Sa mga IG post ni Draco, makikita na namana niya sa kaniyang ama ang kagwapuhan at napaka-charming na mukha nito. Mapapansin na look-a-like siya ng kaniyang ama at pareho silang sportsminded. Ang mga larawan ni Draco sa kaniyang mga social media account ay tinitilian ng maraming kababaihan. Hindi makakaila ang kagwapuhan nito kagaya na kaniyang ama na kahit saang anggulo ay talagang napaka-gwapo.

Credits : Ian Veneracion | Instagram

Si Draco ang panganak sa 3 mga anak ni Ian, siya ay 18 taong gulang pa lamang. Ang sinundan niya na kapatid na babae na si Deidre ay 15 taong gulang at ang kanilang bunso na si Buccio na 9 na taong gulang. Kasalukuyang nag-aaral sa kolehiyo si Draco sa De La Salle University at kumukuha ng kursong Bachelor‘s Degree in Legal Management. Ang pangalan ni Draco ay kinuha ni Ian sa isang polar constellation at sa isang fantasy movie na Dragonheart (1996).

Credits : Ian Veneracion | Instagram

Pagbabahagi pa ng aktor, “Ang pangalan ng dragon dun Draco, which is named after the constellation, meaning dragon. Kaya yun”. Samantala ayon naman sa kaniyang ina na si Pam, mayroon pa sanang ibang pangalan ang kanilang anak si Draco na mula naman sa isang hollywood movie na Legends of the Fall (1994).

Ang anak ng aktor ay mahilig din sa mga outdoor sports kagaya na lamang ng motorbiking na siya ring kinahihiligan ng kaniyang ama. Ito rin ang nagiging bonding ng mag-ama, at nakakapag motorbiking sila sa Sagada ng Mountain Province.

Nagbahagi rin ang aktor ng isang larawan na may caption na, “After a night in Sagada, I discovered the most beautiful road I’ve ever seen while following dirt-roads that aren’t on the maps. (Not even in google maps!) Me and my boy Draco enjoying our bikes”

Credits : Ian Veneracion | Instagram

Namana rin Draco at ng kaniyang mga kapatid ang hobbies na gustong-gusto ng kaniyan ama, katulad na lamang hiking, sailing at snowboarding. Sa kabila ng kasikatan ngayon ng aktor, gumagawa naman ng sariling pangalan ang kaniyang anak upang mas makilala pa sa kaniyang taglay na talento.

Source: Ptama

Magmula nang dumating ang pandemya ay talagang naranasan ng marami ang matinding hirap. Marami sa ating mga kababayan ang naapektuhan at nawalan ng trabaho at kabuhayan dahilan nga ng kakulangan ng pera na pantustos sa pangangailangan ng kani-kanilang pamilya.

Mabuti na lamang nga, na may ilang may-ari ng mga negosyo na iniisip parin ang kapakanan ng kanilang empleyado sa gitna ng pandemya. Katulad na lamang nga ng aktres, TV host at negosyanteng si Judy Ann Santos na pinapahalagahan at hangarin na tulungan ang kanyang mga empleyado para may maipakain sa kani-kanilang pamilya sa gitna ng pandemya.

Credits: Niceprint Photo

Mahigit tatlong taon na magmula ng gumawa ng YouTube channel si Juday na pinangalanan niyang Judy Ann’s Kitchen. Ibinunyag ni Juday na maliban sa pag-arte, ay kailangan niya pang mag-explore ng mga bagay na makakatulong sa kanya at sa kanyang pamilya. Noong una raw ay nag-aalangan si Juday dahil hindi niya alam ang gagawin sa pag-aakalang hindi siya madaldal sa harap ng camera kapag mag-isa lang siya. Hanggang sa natutunan na nga niya ang mga bagay-bagay at nagagawa na niyang mag-isa ang magsalita sa harap ng kanyang mga viewers.

Nilinaw naman ni Juday sa interview ni G3 San Diego sa Instagram Live noong May 24, na hindi ibig sabihin na ayaw na niyang sumunod sa ibang tao, kundi nais niya lang mag-explore ng mga challenging na bagay, at ito nga ang pagluluto. Hindi raw siya takot ipagluto ang kanyang pamilya at mga kaibigan, ngunit kapag ibang tao na, ay alam niya na huhusgahan o kaya naman ay gagayahin ang kanyang luto.

Credits: Niceprint Photo

“Not that I’m saying na I’m sick and tired of following people no I’m just saying that I want to validate lang myself na kaya ko ba? Kaya ko bang gawin ‘to? At that time sa edad ko I was actually challenging myself already na ano pa ba yung natatakot kang gawin. So, it was actually cooking. I’m not afraid of cooking for my family and friends. To take my food to a lot of people, it’s something na puwede ka i-judge kasi gagawin nila, gagayahin nila.”

Ibinahagi naman ni Juday na sa loob lamang ng kanilang bahay ang mga content na ginagawa nila para sa kanilang YouTube channel. At ngayon nga, ay ang asawa niyang si Ryan ang namamahala ng kanilang channel. Sa kabila ng pandemya, ay ipinagpasalamat naman ni Juday, na kahit hindi makalabas ng bahay, ay nakaisip sila ng paraan para kumita at makatulong rin sa iba.

Sa nasabing panayam rin ay ibinunyag ni Juday na sa kabila ng marami nilang food business, ay tiniyak niya na hindi sila magtatanggal ng empleyado sa gitna ng pandemya. Kakasimula lang rin ng bagong online business nina Juday kung saan ay nagbebenta ng chicken galantina.

“Ni-launch na lang namin yan two weeks ago. We started selling special items ng Angrydobo on Sunday Market Live nung January. It was Ryan’s idea actually. He had this segment in Eat Bulaga na Bawal Judgmental and yung mga contestants nag-se-sell sa Facebook Live ng mga apparels, ganyan.”

Credits: Judy Ann Santos- Agoncillo | Instagram

Hindi naman maitatanggi na napakabuti ng puso ni Juday, kung saan iniisip ang kapakanan ng mga empleyado sa gitna ng pandemya. Sa halip nga na magtanggal dahil sa kawalan ng kita, ay hindi ito ginawa ng aktres. Bagkus, ay nagpatuloy sa negosyo upang makatulong sa kanyang mga empleyado.

“Kasi pag nasa food business ka sa gitna ng pandemya, ayaw mo madagdagan yung mga taong walang trabaho. So basically, we thought let’s keep on going hanggang mahanap natin yung sweet spot as long as may ipapa-suweldo tayo at may pambayad ng monthly bills.”

“Kung ano yung kikitain natin kahit maliit okay na din. Kung walang kikitain okay lang din basta wala tayong empleyadong tatanggalin or whatever kasi ang hirap na ng buhay as it is. So that’s what happened.”

Maliban naman sa kanyang food business, ay ipinapakita rin ni Juday ang kanyang pagsuporta sa iba pang small business ngayong pandemya.

Credits: Image from Google

Sa kabila nga ng hirap na nararanasan ng marami dahil sa pandemya, ay nananatiling positibo ang pag-iisip ni Juday. At bilang isang business owner sa gitna ng pandemya, gaano man kahirap ang buhay ngayon, ay naniniwala at umaasa si Juday na magiging maayos rin ang lahat.

“I’m just so grateful and thankful na bilang Pilipino, maabilidad kasi tayo. Naniniwala ako diyan. Gagawa at gagawa tayo ng paraan para mabuhay, para makapagpatawa, kasi yung lungkot mo dadaanin mo na lang sa gagawa ka ng outlet mo para ilabas mo yun. And at the same time makakapag pasaya ka ng mga tao. It is something that I should say na nagpapasalamat ako na hindi ako malugmok na tao.”

“Hindi ko dinidibdib masyado ang mga bagay bagay. Wala na tayong magagawa. Si Lord na ang gumawa nito. Alangan namang kuwestiyunin natin si Lord di ba? May ibig sabihin ito. Hanapan na lang natin ito ng sagot.”

Source: Ptama

Ang buhay sa industriya ng showbiz ay may hangganan. Ang ilang celebrities ay nagawang mapanatili ang matagumpay na karera sa showbiz at sa minahal na larangan na nga napiling tumanda. Ang ilan naman, ay mas piniling lisanin ang mundo ng showbiz sa paniniwalang may mas magandang buhay na naghihintay sa kanila sa labas ng showbiz. Sila nga ang mga dating artista na nagpasyang iwan ang showbiz upang tahimik at masayang manirahan sa ibang bansa.

1. Nancy Castiglione

Ang dating aktres at modelong si Nancy Castiglione ay iniwan ang showbiz upang manirahan sa Canada kasama ang kanyang pamilya. Masaya na rin siya ngayon sa kanyang trabaho bilang Business Development Manager ng Sharp Insurance.

Photo credits: google.com

2. Carol Banawa

Si Carol Banawa ay isa na ngayong registered nurse sa US at kasama ang kanyang asawang si Ryan Crisostomo at dalawa nilang anak na sina Chelsea at River. Nakilala si Carol sa showbiz noong dekada 90 hanggang taong 2000, bilang isang mahusay na singer at aktres. Ilan naman sa kanyang mga TV shows na ginampanan ay “Tabing Ilog”, “Sa Dulo ng Walang Hanggan” at “Bituin”. Pinabilib rin ni Carol ang publiko sa husay niya sa pag-aawit kung saan malaki ang naging ambag niya sa mundo ng OPM. Ilan naman sa kanyang mga naging kanta ay “Bakit Di Totohanin” at “Iingatan Ka”.

Photo credits: google.com

3. Beth Tamayo

Ang dating aktres na si Beth Tamayo na sumikat noong dekada 90 ay masaya na ngayong naninirahan sa San Francisco California kasama ang kanyang boyfriend na si Alexander Gredysa.

Photo credits: google.com

4. Cindy Kurleto

Nasa Austria na ngayon ang dating VJ at modelo na si Cindy Kurleto kasama ang kanyang partner at kanilang mga anak.

Photo credits: google.com

5. Krista Ranillo

Iniwan ng dating aktres na si Krista Ranillo ang kasikatan sa showbiz upang tapusin ang kanyang pag-aaral ng Law. Masaya na ngayong naninirahan sa US kasama ang kanyang businessman na asawa at apat nilang anak.

Photo credits: google.com

Photo credits: google.com

6. Joyce Jimenez

Ang tinaguriang Pantasya ng Bayan at dating sexy star na si Joyce Jimenez ay iniwan ang showbiz upang manirahan sa US. Tahimik at masaya na ang buhay ngayon ng dating aktres sa US kasama ang kanyang asawa na isang Filipino-American US Airforce Officer na si Paul Ely Egbalic at tatlo nilang anak.

Photo credits: google.com

7. G Toengi

Nagpasyang lisanin ni G Toengi ang showbiz upang ipagpatuloy ang pag-aaral. Ngayon ay nasa US na siya naninirahan kasama ang kanyang asawa na si Tim Walters at dalawa nilang anak. Matagumpay rin ang karera ng dating aktres sa US bilang isang TV producer.

Photo credits: google.com

Photo credits: google.com

8. Anjanette Abayari

Ang dating aktres na gumanap bilang sikat na Pinoy superhero na Darna na si Anjanette Abayari ay nasa California na ngayon kasama ang dalawa niyang anak. Ayon rin sa ulat ay engaged na ang dating aktres sa isang pastor roon.

Photo credits: google.com

9. Kim Delos Santos

Nasa Jersey, USA na ngayon ang dating TGIS star na si Kim Delos Santos. At doon ay masayang nagtatrabaho si Kim bilang isang nurse.

Photo credits: google.com

Photo credits: google.com

10. Serena Dalrymple

Ang child star na kinagiliwan natin noong dekada 90 na si Serena Dalrymple ay may matagumpay ma karera na ngayon sa New York bilang isang corporate professional sa isang sikat na media company.

Photo credits: google.com

Source: Ptama

Hindi maikakaila na marami ang humahanga at nakakakilala sa tinaguriang “Dubsmash Queen” na nakilala rin ng publiko bilang si Yaya Dub sa segment ng noontime show na Eat Bulaga. Siya lang naman ang sikat na aktres at TV host na si Maine Mendoza. Marami ang naaaliw at napapasaya ni Maine, sa kanyang masayahin at palabirong personalidad.

Photo credits: google.com

Ngunit, lingid sa kaalaman ng marami sa likod ng pagiging simple ni Maine, ay ang taglay niyang kayamanan. Bago pa man makilala at sumikat si Maine sa showbiz ay sadyang napakayaman na niya.

Nagmula si Maine sa isang mayamang pamilya. Sa katunayan nga nito, ay sa De La Salle College of St. Benilde nakapagtapos ng pag-aaral si Maine, isang paaralang may pinakamahal na tuition fee sa Pilipinas. Tanging mayayaman lamang ang may kakayahang ipasok ang kanilang mga anak sa kilalang paaralan na ito, at isa nga si Maine sa mapalad na mag-aaral.

Photo credits: google.com

Photo credits: google.com

Ang kanyang pamilya ay nagmamay-ari rin ng maraming negosyo. Isa na nga rito ang gasoline station at kapag usapang petroleum business nga, ay hindi biro ang kita rito. Ibig sabihin lamang nga nito ay malaking pera ang napupunta sa kanilang pamilya dahilan nga upang magkaroon sila ng marangyang pamumuhay.

Photo credits: google.com

At nang makilala na sa showbiz, ay inulan naman si Maine ng napakaraming endorsement kung saan ayon sa ulat ng KAMI ay kumikita siya ng P87,985,540 sa kanyang mga product endorsements.

Photo credits: google.com

Bukod rito, ay nagmamay-ari rin si Maine ng franchise ng McDonald branch, hindi lamang isa kundi apat na branches. Isa sa mga branch ay matatagpuan sa Sta. Clara Bulacan. Hindi naman biro ang halaga ng franchise ng bawat branch dahil ang isang franchise ay nagkakahalaga ng P30 million hanggang P50 million.

Photo credits: google.com

Ayon naman sa YouTube Channel ng Star News, magmula noong September 2017, ay may net worth na $12 million o nagkakahalaga ng P606,980,273.14 kada taon. At dahil sa napakalaking perang kinikita ni Maine ay nabigyan siya ng award na Top Regional Indivudual Taxpayer ng Bureau of Internal Revenue (BIR). Patunay lamang na nito na nagbabayad ng tamang buwis si Maine base sa perang kanyang kinikita.

Photo credits: google.com

Walang duda ang angking kayamanan ni Maine dahilan upang mapabilang siya sa listahan ng mga pinakamayamang celebrities sa showbiz.

Source: Ptama

Ang ating mga anak ay talagang iniingatan natin at bilang mga magulang ay handa nating gawin ang lahat para lamang mapangalagaan at maprotektahan sila. Kaya naman, pagdating sa usapang puso ay nagbibigay tayo ng payo sa kanila bago pa man sila masaktan at dahil nga hindi natin hinahayaang mangyari ito.

Credits: Richard Gomez | Instagram

Katulad na lamang nga ng Mayor ng Ormoc City na si Richard Gomez na iniingatan ang kanyang unica hija na si Juliana mula sa pagkabigo sa pag-ibig. At upang huwag masaktan pagdating ng panahon, ay nasa tabi siya ng kanyang anak upang magbigay ng payo.

Hindi lamang ng isang mahusay na aktor, at politiko si Richard, kundi isa rin siyang mapagmahal at responsableng asawa kay Lucy Torres at butihing ama ng kanyang anak na si Juliana.

Credits: Juliana Gomez | Instagram

Ngayon nga, ay mabilis na ang paglipas ng panahon kung saan ang kanyang unica hija, ay isa nang ganap na dalaga ngayon na talaga namang napakaganda. Kaya naman, tiyak na maraming mga binata ang nagnanais nang manligaw kay Juliana ngayon. Bilang ama ni Juliana, ay nagbigay ng payo sa buhay, at pag-ibig si Richard sa kanyang anak.

Pag-amin naman ni Richard nang minsang makapanayam ni Boy Abunda, ay mas nagkukwento raw ang kanyang anak na si Juliana lalo na sa buhay pag-ibig sa ina nitong si Lucy.

“It’s more of Lucy. Nakikiramdam lang ako. Nakukuwentuhan na lang niya ako pagkatapos,”aniya.

Credits: Juliana Gomez | Instagram

Natanong naman ang gwapong Mayor kung pinahintulutan na niyang tumanggap ng manliligaw ang kanyang anak. Ayon kay Richard, ay alam niya na may mga manliligaw na si Juliana at alam rin niya na darating ang panahon na iibig at papasok sa isang relasyon ang kanyang anak. At ang magagawa niya lang sa ngayon ay bigyan ng advice ang anak upang makatulong siya dito.

Inamin rin ni Richard sa panayam, na noong kabataan niya ay nagkaroon siya ng mga pagkakamali sa buhay, at hindi niya naman ito itinatanggi. Kaya naman, ang nais ni Richard ay maturuang mabuti si Julia sa pagpili ng karapat-dapat na lalaking kanyang iibigin.

“Kaya nga marami akong tinuturo sa kanya, eh. She needs to choose them well.”

Credits: Juliana Gomez | Instagram

At ang pinakaimportanteng tip na ibinigay ni Richard sa kanyang anak pagdating sa pagpili ng lalaking mamahalin, ay:

“Kung hahanap ka ng isang boyfriend, huwag kang hahanap ng isang boyfriend na katulad ng Daddy mo. Pero kung maghahanap ka ng asawa, hanapin mo ‘yung katulad ng Daddy mo.”

Source: Ptama

Gulat na gulat ang mga kaibigan ng aktres at vlogger na si Riva Quenery, matapos ibalita ang kanyang pagbubuntis sa panganay na anak nila ng kanyang boyfriend na si Vern Flores Ong.

Credits: Riva Quenery | Instagram

Sa latest vlog ni Riva, ay ipinakita niya ang naging reaksyon ng kanyang mga kaibigan matapos malaman ang kanyang pagbubuntis. Ilan nga sa mga kaibigan ni Riva na nakunan ang mga nakakatuwang reaksyon ay ang kaibigan niyang sina Kathryn Bernardo at Liza Soberano. Si Kathryn ay nakasama ni Riva sa “The House Arrest of Us”, habang si Liza naman ay nakasama niya sa “Make It With You”.

Ang aktres na si Kathryn Bernardo ay nagulat at hindi makapaniwala na magiging mommy na ang kanyang kaibigan. Inakala pa nga ni Kathryn na prinaprank lamang siya ni Riva. At nang makumbinsi nga na totoo talaga ang ibinalita ng kaibigan, ay nagbiro naman si Kath na tinotoo nito ang ginampanang karakter ni Abi na buntis rin sa digital series.

Credits: Riva Quenery | Youtube

“What?! This is a prank, guys. … Totoo? … Oh my God. … Tinotoo mo ‘yung role mo ha?”

Sa huli ay binati rin ni Kath si Riva sa blessing na dumating sa buhay nila ng kanyang boyfriend. May paghanga naman si Kath sa kaibigan, dahil naging maayos agad at natanggap agad ng mga magulang ni Riva ang sitwasyon nito.

“Yung pinaka-major diyan ‘yung sa parents. Tapos okay sa kanila, okay sa inyo. That’s nice, okay ‘yan. Congratulations.”

Credits: Riva Quenery | Youtube

Samantala, nang si Liza naman ang sinabihan ni Riva ng kanyang pagdadalantao, ay inisip agad ng aktres na prank lamang ito. Ngunit, sa huli nga ay narealized na ni Liza na totoo pala talaga ang sinasabi ng kaibigan. Makikita naman na masaya at excited na rin si Liza para sa kanyang kaibigan na soon to be mommy na.

“Oh my God, I’m so happy for you. Oh my God, are you serious? Wait lang hindi to prank ha? … I’m so happy, I am so excited for you.”

Credits: Riva Quenery | Youtube

Maliban kina Kathryn at Liza, ay ibinalita rin ni Riva ang magandang balita sa iba pa niyang kaibigan sa showbiz tulad nina Awra Briguela, “The House Arrest of Us” co-stars Alora Sasam, Ruffa Gutierrez, at Arlene Muhlach.

Si Riva Quenery ay 22 taong gulang na aktres at vlogger na unang nakilala bilang mahusay na dancer sa It’s Showtime. Taong 2016 nang mapabilang siya sa Star Magic.

Source: Ptama

Matapos ianunsiyo noong Marso ang engagement ng magkasintahang aktres na si Carla Abellana at aktor na si Tom Rodriguez, nito lamang ika-21 ng Mayo, ay ipinahayag naman ni Carla na maghihiwalay muna sila ng kanyang nobyo ng apat na buwan.

Sa isang vlog na ibinahagi ni Carla, ay sinabi niya na sa September na raw sila magkikita ni Tom, matapos ang apat na buwang lock in taping sa kani-kanilang trabaho. Nakatakdang ikasal ang mag-fiancee sa darating na Oktubre 23, 2021 sa Madre de Dios Chapel ng Tagaytay Midlands, ngunit dahil nga sa kanilang trabaho ay magtitiis muna sila ng apat na buwan nang hindi nagkikita at nagkakasama.

Sa ngayon ay nasa lock-in taping na si Tom sa bago nitong proyekto na World Between Us kung saan makakasama niya sina Alden Richards at Jasmine Curtis-Smith. Ito ay kaabang-abang na Kapuso Primetime series, at nag-umpisa na nga ang taping ni Tom noong Mayo 18 para sa teleserye. Habang si Carla naman ay sasabak rin sa lock-in taping sa loob ng isang buwan sa proyekto niyang Kapuso drama series na To Have and To Hold sa Bataan.

Photo credits: Carla Abellana | Instagram

Dahil nga sa mahabang panahong mawawalay sa isa’t isa, ay hindi maiwasan ni Carla ang makaramdam ng lungkot, lalo na’t ito ang unang beses na magkakahiwalay sila ng matagal.

“I’m a bit sad because… ahh, Tom also has a new show, not that I’m sad he has a new show—but I’m sad because we won’t be seeing each other in the next couple of months.”

Photo credits: Carla Abellana | Instagram

Kahit pa nga raw may break sila sa kanilang lock-in taping, ay hindi naman raw tugma sa break ng bawat isa, kaya hindi rin sila magkikita at magkakasama.

“So, even if may break in between lock-in taping… unfortunately, ang mga break namin, hindi nagtugma. Hindi common.”

“Meaning, the time he will be back from lock-in taping, ako, nasa lock-in taping pa rin. And vice versa.”

Photo credits: Carla Abellana | Instagram

At matapos ang apat na buwan, at lock-in taping nila pareho ay aabutin pa ng September, na kung saan ay pinakamahabang panahon na nagkahiwalay sila sa unang pagkakataon. Isa rin sa isipin ni Carla, ay ang preparations ng kanilang kasal. Dahil nga, pareho silang naka-lock in taping ay hindi sila makapaghanda ng maayos.

“So, unfortunately, it’s going to be like that until September. It’s going to be the longest time we’ll be apart, which is more or less four months.”

“Ahh, nagkataon pa na kung kailan preparing kami to get married, di ba, wedding preps and all.”

Photo credits: Carla Abellana | Instagram

Sa kabila nito, ay nananatiling positibo si Carla at mas tininggan ang kagandahang dulot ng sitwasyon nila ngayon ni Tom. Nagkahiwalay man, ay nagpapasalamat naman si Carla dahil may trabaho sila sa gitna ng pandemya. Malaking bagay rin ito para sa aktres upang matulungan at masuportahan ang pangangailangan ng kanilang pamilya. Makakapag-ipon rin raw umano sila hindi lamang para sa kanilang nalalapit na kasal kundi para na rin sa kanilang dream house.

“But thankfully, we have work. We are very grateful that we both have work. Magkahiwalay man kami ng show, we are so thankful.”

“Kasi, at least, we get to continue to put food on our table, support our families, of course.”

“And at the same time, siyempre, prepare na rin financially not just for the wedding but for our dream home na rin.”

Photo credits: Carla Abellana | Instagram

Handa ring magtiis si Carla sa loob ng apat na buwan dahil pagkatapos naman ng kanilang trabaho, ang mahalaga para sa kanila ni Tom ay ang maikasal sila.

“So, OK iyan. Tiis-tiis na lang muna. Hindi muna magkikita at magsasama nang ilang buwan. Pero for sure, e, worth it naman iyan. Because ang importante, ikakasal naman kami, di ba, at the end of our shows.So, yeah, wish us luck!”

Source: Ptama