Marami ang pinabilib ng kakayahan ng dating boksingero na si Onyok Velasco sa loob ng ring. Ang lakas nga ng kanyang kamao at nakapagpatumba ng ilang katunggali sa loob ng ring. Kaya naman, noong taong 1994 ay nagkamit siya ng gold medal sa Asian Games at silver medal naman noong 1996 sa Summer Olympics.

Credits: Instagram | Ry Velasco

Sa ipinamalas na husay ni Onyo sa mundo ng boxing ay talaga namang pinahanga niya ang publiko, kung saan ay tumatak sa puso’t isipan ng bawat Pilipino ang tagumpay na hatid niya sa bansa. Matapos naman ang matagumpay na karera sa mundo ng boxing, ay pinasok naman niya ang mundo ng showbiz bilang isang komedyante.

Maliban naman sa pagiging boksingero at komedyante, ay isa rin siyang mabuti at responsableng ama sa apat niyang anak sa kanyang asawang si May Balisi-Velasco. At isa sa kanyang mga anak ay si Angel “Ry” Velasco na taglay ang mala-artistahing ganda.

Credits: Instagram | Ry Velasco

Si Ry ay isang aspiring make up guru na kadalasang ibahagi ang kanyang kakayahan at husay sa kanyang sariling Youtube Channel. Ayon naman sa Showbiz Reader, si Ry ay nag-aral ng Export Management Sa De La Salle-College of Saint Benilde.

Minsan naman ng nasilayan ang angking kagandahan ni Ry sa telebisyon matapos magguest sa programang Magandang Buhay kasama ang kanyang ama noong 2016. At sa nasabing panayam sa dalaga, ay naihalintulad ni Karla, Melai at Jolina ang taglay nitong ganda sa aktres na si Kathryn Bernardo.

Ibinahagi naman ni Ry sa programa, kung gaano kabuti bilang isang ama sa kanilang magkakapatid si Onyok.

Credits: Instagram | Ry Velasco

“Siya yung parating nagmo-motivate sa ‘min. Alam mo yung tipong kahit small, like… sumasali kasi kami sa mga competitions, kaming mga siblings. Tapos kahit small competition, big competition, parati siyang nandiyan para sumuporta.”

Ayon pa nga kay Ry, ay si Onyok ang humihikayat at nagtuturo sa kanila na huwag sumuko sa buhay, gaano man kahirap ang sinusuong na pagsubok.

Marami naman sa mga netizens ang humanga sa napakagandang mukha ni Ry kung saan ay hindi maikakaila na maaari itong pumasok sa showbiz upang mag-artista. Ang ilan nga sa mga netizens, ay nagbigay ng positibong komento na puno ng paghanga sa dalaga.

Credits: Instagram | Ry Velasco

“Hi po ate ang ganda nyo po fan nyo po ako!!!”

“so pretty naman this girl!!!”

“kamukha mo kapatid ni yassi, ry hahaahhaah <3”

“Your’e so pretty ate.I’m always subscribing on your channel”

Source: Ptama

Ang sikat na aktor na si Richard Yap ay kinakikiligan ng kanyang mga tagahanga dahil sa napakagwapo niyang mukha. Samahan pa nga ito ng galing niya sa pag-arte na talagang damang-dama ng mga manonood ang bawat eksena.

Si Richard ay full-blooded Chinese ngunit sa Pilipinas na lumaki. Kaya naman pala singkit at mamula-mula ang kutis ng aktor ay dahil sa pagkakaroon niya ng lahing Chinese. Wala ngang duda kung bakit habolin siya ng mga kababaihan, at sadyang napakagwapo sa kabila ng kanyang edad.

Kinakiligan at pinaibig nga ng aktor ang mga manonood matapos niyang gampanan ang karakter ni “Sir Chief” sa teleseryeng “Be careful with my Heart” kung saan nakasama niya ang mahusay na aktres na si Jodie Sta. Maria, at bilang si “Papa Chen” sa “My Binondo Girl”.

Ngunit, kung may maswerte namang babae na nakabihag ng puso ni Richard, ay ito na nga ang kanyang asawang si Melody Yap. Ang tamis ng pagmamahalan nina Richard at Melody ay pinagbuklod noong 1993 sa isang civil wedding. Ngunit, matapos ang dalawang taon, ay nagpasya ang dalawa na magpakasal sa simbahan.

Photo credits: Richard Yap | IG

Hindi naman nagtagal ay nagbunga ang kanilang pagmamahalan ng dalawang anak. Ito ay sina Ashley at Dylan na talagang bumuo ng kanilang pamilya at nagbigay sa kanilang pagsasama ng saya.

Photo credits: Richard Yap | IG

Photo credits: Richard Yap | IG

Sa kabila naman ng matamis na pagmamahalan, ay parte rin ng kanilang pagsasama ang dumaan sa kanila ang mga pagsubok upang maging matatag ang kanilang relasyon bilang mag-asawa.

Sa paglipas nga ng panahon ay nagtagumpay silang lampasan ang mga problema at pagsubok na dumaan sa kanilang pagsasama.

Photo credits: Richard Yap | IG

Ang tamis ng pagmamahalan nina Richard at Melody, pati na rin ang mga pagsubok na dumaan sa kanilang pagsasama, ay minsang nang napanood ng publiko sa telebisyon sa “Magpakailanman”. At sa takbo ng kwento ng love story ng mag-asawa ay matindi ang pinagdaanan nilang dalawa. Ito nga ay dahil mas nais ng ama ni Richard na ang pakasalan niya ay isang Chinese. Ngunit, hindi nagtagumpay ang kanyang ama, dahil mas piniling ipaglaban ni Richard ang pagmamahalan nila ni Melody.

Photo credits: Richard Yap | IG

Pag-amin naman ni Richard, noong una raw ay ayaw nilang pumayag na isapubliko ang kanilang love story. Pero sa huli nga ay nakumbinsi na silang ipalabas sa telebisyon ang kanilang kwento upang makainspire rin ng ibang tao na kapareho ng kanilang sitwasyon.

“We were asked if we wanted to share our story. Noong una, ayaw namin pero na-convince din kami in the end. Sabi nila kasi it might be inspiring for others to hear about it.”

Photo credits: Richard Yap | IG

Noong nakaraang taon naman, ay masayang ipinagdiwang ng mag-asawang Richard at Melody ang kanilang silver wedding anniversary. At sa isang Instagram post, ay ipinaabot ni Richard ang mensaheng puno ng pagmamahal sa kanyang asawa.

“Celebrating our 25th anniversary today with my love, the wind beneath my wings and my forever partner and best friend. Even though we’re in ECQ, the most important thing is that we’re together through all this. Here’s to the next 25 years and beyond! Cheers my love.”

Source: Ptama

Excited na nga ang vlogger na si Zeinab Harake sa nalalapit na pagdating ng panganay na anak nila ng kanyang boyfriend na si Skuta Clee, isang rapper at miyembro ng Ex Batalion na kilala rin sa tunay na pangalan niyang Daryl Ruiz. At nito lamang ika-25 ng Marso, araw ng Huwebes, ay ipinasilip na ni Zeinab ang inihanda nilang silid para sa kanilang baby girl.

Sa vlog na ibinahagi ni Zeinab na mapapanod sa kanyang Youtube Channel, ay inilibot niya ang kanyang mga viewers sa napakagandang garden-inspired nursery room ng kanilang prinsesa.

At ang napakagandang disenyo ng magiging silid ng kanilang anak ay naisakatuparan sa tulong ng mahusay na interior designer na si Elle Uy. Matapos nga makita ni Zeinab ang disenyo ay hindi maitago ang kanyang saya at mas lalo siyang nasabik sa nalalapit niyang pagsilang sa kanyang baby girl.

Masisilayan nga ang mala-prinsesang silid na pinalamutian ng disenyo ng bulaklak at butterflies, na mas pinaganda naman ng mga kagamitang kulay pink at puti na talagang bagay na bagay sa garden-themed room na napili ni Zeinab para sa kanyang baby.

Makikita sa loob ng nursery room ang kompletong kagamitan para sa isang sanggol tulad ng crib at baby rocker. Ngunit, maliban rito ay may makikita ring sofa beds, shelves, at may sarili rin itong comfort room para magamit anumang oras habang inaalagaan si baby.

“Para kung abutin ng kung anu ano, may sarili rin siyang CR. Naka-warm water naman ‘pag pinaliguan siya. Bibili na lang siguro ng patungan niya para safe and cute,”pagbabahagi ni Zeinab.

Samantala, sa nasabing vlog rin ay ibinunyag na ng soon to be mommy na si Zeinab ang pangalan ng kanilang baby girl. Sa pamamagitan ng pagpapakita ng disenyo ng wallpaper kung saan nakakabit ang pangalang “Bia”, ay inihayag ng vlogger na ito ang napiling pangalan nila para sa kanilang anak. Ang nasabing logo ng pangalan naman ni Bia sa wallpaper, ay mismong si Daryl ang nagdisenyo.

Nilinaw rin ni Zeinab ang pagkalito ng mga viewers sa kanilang video noong nakaraan sa pangalan ng kanilang anak. Ito nga ay hindi “Pia” at hindi rin “Via” kundi ay “Bia”.

“Kung makikita niyo, [sa wallpaper], merong Bia. Nagtatalo talo sila sa comment section [doon sa last] vlog ko [about] BLACKPINK [kasi] nasabi ko ‘yung Bia. Sinasabi ng iba nun Pia [or] Via. Hindi po. Bia po,”saad ni Zeinab.

Matatandaan na noong buwan ng Enero lamang inamin ng magkasintahan, ang kanilang muling pagbabalikan matapos ang on-and-off nilang relasyon ng ilang taon. At ngayon nga, ay nalalapit na silang maging ganap na mga magulang sa kanilang panganay na anak.

Source: Ptama

Game Over, ito ang proud caption ni Ellen Adarna sa kanyang naging post sa kanyang Instagram Account, Makikita ang isang sing sing na may napakalaking diamond stone suot suot sa daliri ni Ellen Adarna habang nakatakip sa muka ni Derek Ramsay.

Ito nga ang rebelasyon ng magkasintahan na si Derek Ramsay at Ellen Adarna na sila nga ay Engaged na. Sa instagram account ni Ellen, ipinakita nya ang series ng larawan kung saan kasama nila ang anak nitong si Elias at ang ilan sa kanyang mga kaibigan. Makikita din na emosyunal si Ellen sa kanilang mga larawan.

Viral nga sa social media ngayon ang naging proposal ni Derek. Matatandaan nga na kamakailan lang ay usap usapan ang dalawa dahil sa kanilang rebelasyon ng kanilang relasyon, naging mainit ang kanilang mga pangalan sa social media dahil sa kanilang nakakagulat na rebelasyon at mas lalo pang pinanit ngayon dahil sa kanilang naging mas bongang pasabog.

“Game Over” Ito ang naging caption ni Ellen sa kanyang instagram post kasabay ng mga larawan na makikitang talagang nagulat sya sa naging surpresang engagement prosposal ng kanyang nobyo.

 

View this post on Instagram

 

A post shared by EA (@maria.elena.adarna)

 

Matatandaan nga na kagagaling lang ng dalawa pareho sa hiwalayan sa kanilang mga nakaraang partner.

Sa isang panayam nga kay Derek sinabi nito kay ellen na, Everything in my heart tells me she’s the one’. Kombinsidong kombinsido na si Derek na si Ellen na nga ang gusto nyang makasama hangang pagtanda, kaya agad nauwi sa engagement proposal na agad naman sinagot ni Ellen ng isang malaking “YES”.

Congratulations Derek at Ellen.

 

Source: Ptama

Isang masayang getaway ang ipinasilip ng aktres na si Erich Gonzales sa kanyang latest vlog nito lamang ika-28 ng Marso na mapapanood sa kanyang Youtube Channel.

Kung ang ilang celebrity sa showbiz ay hanap ang mga malalamig na lugar, at mga beach para sa kanilang bakasyon, ang aktres na si Erich naman, ay may kaugnayan sa kasaysayan ang pinuntahan para sa kanyang getaway.

Photo credits: Erich Gonzales | Youtube

Isang napakagandang view ang hanap ni Erich, kung saan matatagpuan ang mga heritage houses na talaga namang hahangaan ang istraktura. At ito nga ay matatagpuan sa Bagac, sa probinsya ng Bataan, ang Las Casas Filipinas De Acuzar.

 

View this post on Instagram

 

A post shared by Erich Gonzales (@erichgg)

Pagdating nga ni Erich sa lugar kasama ang kaibigang si Krystal, ay kumain muna sila matapos ang mahabang biyahe. Nang mabusog na ay agad niyang ipinasyal ang kanyang mga tagahanga.

Sa Las Casas Filipinas de Acuzar masisilayan ang napakagandang lugar na hatid ng mga makalumang gusali, kung saan ay may malaking ambag sa kasaysayan ng bansa. At ngayon nga ay isa na itong private resort kung saan ang adbokasiya ng may-ari nito, ay ang panatilihin ang heritage sa pamamagitan ng buo ng mga gusali sa isang lugar.

Photo credits: Erich Gonzales | IG

Photo credits: Erich Gonzales | Youtube

Photo credits: Erich Gonzales | IG

Kasama ang kanilang tour guide ay inilibot sila nito sa lugar. Nakakatuwang makita na ang ilan sa mga gusaling ito, ay maayos na nakatayo at talagang napakagandang pagmasdan kahit pa noong 18th century pa ito naipatayo.

Photo credits: Erich Gonzales | Youtube

Photo credits: Erich Gonzales | Youtube

Ayon naman sa kasama nilang tour guide, ay nagmula pa sa iba’t ibang bahagi ng bansa ang ilan sa makikitang gusali dito. Ito nga ay inilipat para mapreserved sa pamamagitan ng paggiba sa gusali, at muling itinayo sa Bataan. Ilan nga sa mga ito ay mula pa sa Gapan, Nueva Ecija, Origon Sorsogon, at New Manila. Ang pinakamalayo namang pinagmulan ng isa sa mga inilipat na gusali ay mula pa sa Maranao Mindanao na kung saan ay isang bahay ng Datu.

Photo credits: Erich Gonzales | Youtube

Ipinakita rin ang replika ng isang malaking simbahan sa Balanga, Bataan, ang St. Joseph Cathedral. Makikita rin ang natural na ilog na ngayon nga ay naka-declare na bilang fish sanctuary.

Photo credits: Erich Gonzales | Youtube

Upang mas masilip ang iba pang bahagi ng resort, ay sumakay ng balsa sina Erich na talaga namang naenjoy ng aktres. Dito naman ay binaybay nila ang Estero De Binondo na hango sa inspirasyon ng estero ng Binondo, Manila noong unang panahon. Nag-enjoy rin sina Erich sa kanilang pamamasyal nang makasakay sa kalesa.

Makikita naman kung gaano kasaya si Erich na masilayan ang mga kahanga-hangang heritage building. Marami ang natuwa sa mga viewers ng aktres, dahil ipinasilip nito ang isang lugar na talagang dapat na mahalin at pahalagahan ng mga Pilipino.

Photo credits: Erich Gonzales | IG

Sa huli ay hinikayat ni Erich ang kanyang mga viewers na bumisita rin sa napakagandang lugar na ipinagmamalaki ng Bataan.

Source: Ptama

Bilang isang magulang ay ano nga ba ang dapat gawin upang mapalaking maayos at mabuti ang mga anak?

Sa latest vlog ng celebrity mommy na si Bianca Gonzales, ay nakakwentuhan niya tungkol sa pagiging magulang ang isang komedyante at creator, na isa ring mabuti at reponsableng magulang na si Michael V o kilala ng lahat sa pangalang Bitoy.

Photo Credits: Youtube.com | Bianca Gonzales

Sa loob ng halos 13 minutong pag-uusap ay napuno ito ng makabuluhang bagay patungkol sa values, quality time, at pagiging masinop sa bahay. Mga bagay na mahalaga na magtuturo sa mga magulang kung paano palakihin ng tama ang kanilang mga anak.

At upang tanungin si Bitoy sa kanyang pagiging isang magulang sa kanyang mga anak, ay humingi ng tulong si Bianca sa 3 ina na may katanungan.

Photo Credits: Youtube.com | Bianca Gonzales

“I asked the help of three moms to ask their parenting questions,”saad ni Bianca.

Una ngang katanungan ay ‘Ang values ba ay itinuturo o nakukuha ng mga bata?’

Photo Credits: Youtube.com | Bianca Gonzales

Mahalaga na malaman kung ang values ba ng isang bata ay naituturo, o kaya naman ay nakukuha ng bata sa kanilang kapaligiran. Paano nga ba matututo ang isang bata ng mabuting asal?

Photo Credits: Youtube.com | Bianca Gonzales

Sagot naman ni Bitoy, ay pareho umanong naituturo at nakukuha. Pagbibigay halimbawa ni Bitoy, hindi lahat ng itinuro ng kanyang daddy ay natutunan niya, kaya naman kailangan niya umano itong alamin sa kanyang sariling paraan.

Dagdag naman ni Bitoy, ay nakadepende rin ito sa kung anong parenting style ang ginagawa ng mga magulang.

Photo Credits: Youtube.com | Bianca Gonzales

“Minsan nagwo-work for their parenting style, but not for yourself.”

“I think more than my wife, bihira akong magsalita, pero ‘pag nagsalita, ang haba. Kulang na lang Powerpoint,” biro pa niya. “I have illustrations minsan. When I am trying to tell them something, dino-drawing ko talaga to get the point across more clearly,”paliwanag pa ni Bitoy.

Samantala, ibinahagi rin ni Bianca ang paraan kung paano natututo ng values ang kanyang mga anak. Dahil nga maliliit pa ang kanyang anak, ay mas madali umano sa mga ito ang manggaya, kaysa sa matuto sa pamamagitan ng pakikinig.

Photo Credits: Youtube.com | Bianca Gonzales

Pangalawa namang katanungan ay patungkol naman sa quality time. Ito nga ay tanong na ‘Bakit mahalaga ang quality time with the kids na wala ang isang magulang?’

Pagbabahagi ni Bianca, ay talagang pinagtuunan nilang mag-asawa na magkaroon ng masayang bonding moments ang kanilang pamilya kasama ang kanilang mga anak. Ngunit, may pagkakataon raw na hindi kasama si Bianca, kung kaya’t ang kanyang asawa lang ang nakakabonding ng kanilang mga anak.

Photo Credits: Youtube.com | Bianca Gonzales

Sagot naman ni Bitoy ay ginagawa rin niya ito sa kanyang mga anak pero sa kakaibang paraan, kung saan minsan ay kasama niya ang kanyang apat na anak. Ngunit, may tinatawag ring boys night at all girls lang si Bitoy.

Kwento nga ni Bitoy, ang boys night ay kadalasang dinadala niya ang mga anak na lalaki sa barbershop na talaga namang gustong gusto ng mga bata. Samantalang ang mga girls ay binibigyan naman niya ng romantikong dinner. Dahil nga mas nais ng mga girls, ang nilalambing at iniingatan sila.

Photo Credits: Youtube.com | Bianca Gonzales

“Dapat taasan mo ‘yung standard mo as a guy in their life. Para kapag lumaki sila at nagkaroon ng sariling mga partners, hahanapin nila ‘yung ginagawa mo for them at with them, ‘dun sa future partner nila.”

Photo Credits: Youtube.com | Bianca Gonzales

Huling katanungan naman ay ‘Okay lang bang maging magulang na neat freak?

Pag-amin nga ni Bitoy, noon raw na wala pa siyang anak ay neat freak siya. Ngunit, nabago ito ng magkaroon na siya ng mga anak. Dahil natural sa isang bata ang marumihan paminsan-minsan. Dagdag naman ng komedyante, kapag magulo ang bahay dahil sa mga bata, ay dapat mahalaga na turuan rin silang maglinis at magligpit ng kanilang mga kalat.

Photo Credits: Youtube.com | Bianca Gonzales

“It’s fun to be messy at time. Basta you teach them how to clean up, especially if you’re doing something [like] mga crafts.”

“Messy talaga ‘yun, pero at the same time, tinuturuan mo rin sila na after you make that mess, you clean it up,” dagdag pa niya.”

 

Source: Ptama

Napakaimportante naman talagang magkaroon ng oras sa piling ng mga mahal sa buhay, kahit gaano pa karami ang pinagkakaabalahang mga bagay. Malaking tulong nga ang isang bakasyon upang makapagpahinga ang katawan, at makapag-relax ang isipan kasama ang mga taong malalapit sa ating puso. At ngayong summer season nga, ay talagang kaliwa’t kanan ang getaway ng mga sikat na personalidad sa industriya ng showbiz, upang mag-enjoy at magrelax.

Photo Credits: Youtube.com | Super Tekla

Katulad na lamang nga ng komedyanteng si Super Tekla, na sinulit ang panahong bakante ang kanyang schedule sa trabaho upang makasama ang kanyang unica hija na si Aira sa isang bakasyon. Isa nga itong magandang pagkakataon upang mag-enjoy at makapag-bonding silang mag-ama, matapos mawalay sa isa’t isa ng mahabang panahon noon.

Photo Credits: Youtube.com | Super Tekla

“Importante po mga ka-Talsik na minsan, hindi naman natin kailangan gumastos ng bongga para mag-enjoy, mag-relax at umiwas sa stress. So this is the perfect getaway, it’s a perfect summer with Aira.”

At dahil nga, summer na summer na kung saan ramdam ang mainit na panahon, ay napakasarap naman talagang mag-swimming sa beach. Kaya naman, para sulitin ang kanilang bakasyon ay nagtungo sila sa resort na Searenity Suites sa San Isidro, Cabangan na matatagpuan sa Zambales.

Photo Credits: Youtube.com | Super Tekla

Sa pagdating sa lugar ng kanilang bakasyon ay makikita kung gaano ka-enjoy ang mag-ama sa kanilang masayang bonding moments. Sa ikalawang araw naman ay inilibot ni Tekla ang kanyang mga ka-Talsik sa lugar na kanilang tinutuluyan.

Photo Credits: Youtube.com | Super Tekla

Makikita nga ang napakagandang view mula sa kanilang kinaroroonan. Paglabas sa silid na kanilang tinutuluyan, ay bubungad ang infinity pool kung saan ay napapalibutan ng mga cottages. Makapigil-hininga naman ang masisilayang view na hatid ng malawak na karagatan. Mas lalo naman itong pinaganda ng pinong buhangimg tinatakay ng alon. Pagsapit naman ng dapit-hapon ay kitang-kita naman ang napakagandang view na hatid ng sunset.

Photo Credits: Youtube.com | Super Tekla

May pasilip rin si Tekla sa dining area ng resort kung saan makikita ang katabi nitong billiards na pwede ring maging libangan nila habang nasa bakasyon.

Nag-enjoy rin ang mag-ama sa kanilang bonding moments pagsapit ng gabi habang nagswi-swimming sa pool.

Photo Credits: Youtube.com | Super Tekla

Mas lalo namang naenjoy nina Tekla at Aira ang kanilang bakasyon ngayong summer dahil kasama rin nila ang katandem ng komedyante na si Donita Nose at kaibigan nilang si Tart Carlos.

Isa na naman ngang masayang alaala ang nabuo nina Tekla at Aira sa kanilang panandalian ngunit masayang bakasyon sa beach. At ang sayang hatid nito sa kanila sa mga sandaling sila’y magkasama, ay hindi matutumbasan ng anumang bagay.

 

Source: Ptama

Ang singer na si Angeline Quinto, ay pinabilib ang publiko sa unang pagkakataong ipinamalas niya ang kanyang talento at husay sa pagbirit sa singing competition na “Star for a Night” kung saan ay naging katunggali niya si Sarah Geronimo.

Magmula ng madiskubre ang talento sa pag-awit, ay pinatunayan niya na isa nga siyang Diva na may kahanga-hangang tinig. Dahilan upang maging matagumpay at mamayagpag ang karera sa mundo ng musika.

Sa kabila naman ng matagumpay niyang karera, ay ang buong pusong pagsuporta sa kanya ng kanyang Mama Bob, kung saan nakasama niya magmula ng isilang siya. Malayo na nga ang narating ni Angeline sa buhay, at isa sa naipundar na bunga ng kanyang pagsisikap ay ang dream house ng kanyang Mama Bob.

At kamakailan lamang sa latest vlog ni Angeline ay ipinasilip niya sa kanyang mga tagahanga ang dream house ng kanyang Mama Bob. Dahil nga, wala na rin ito ay nagpasya na ang singer na ipasilip ang humble home na naging tahanan nila sa loob ng walong taon. Matatandaan na noong nakaraang taon buwan ng Nobyembre nang pumanaw si Mama Bob.

Pagpasok pa lang sa loob ng tahanan ay talagang nakakamangha na ang ganda nito. At ang unang mapapansin ay ang hugis star na nakaukit sa pintuan ng bahay. Sa mga tagahangang nagtatanong kung bakit may star sa pinto, ay ipinaliwanag ito ni Angeline.

Aniya,“Ito talaga ‘yung laging tinatanong sa akin. Bakit daw ako mayrong malaking nakaukit na star dito sa main door? Nagkaroon ng koneksyon sa bawat mga singing contest na sinalihan ko kasi Star for a Night ‘yung pinagsamahan namin ni Ms. Sarah Geronimo tapos ‘yung Star Power.”

Ipinakita din ni Angeline ang isang silid kung saan ginawa nyang music room at kung saan nakalagay ang kanyang mga natangap na awards.

Ipinakita naman ni Angeline ang ilan sa mga kagamitang makikita sa loob ng bahay. Kabilang na nga rito ang mga furniture, at ilan sa mga ito ay regalo sa kanya ng mga kaibigan niya sa showbiz tulad lamang nina Vice Ganda at Vicki Belo. Ang dining table nga, ay bigay sa kanya ni Vice.

May pasilip rin si Angeline sa swimming pool ng bahay, kung saan ay paboritong lugar ng kanyang pamilya. Dahil dito sila madalas magbonding ng sama-sama.

Samantala, ipinakita rin ni Angeline ang mga abo ni Mama Bob na nakalagay sa isang urn na nakadisplay sa altar na matatagpuan sa isang sulok ng kanilang bahay. Ayon naman sa singer, ay plano niyang ilagay sa columbarium ang abo ni Mama Bob matapos ang ilang buwan.

Kapansin-pansin naman na sa paglilibot sa bahay, ay hindi maiwasan ni Angeline ang ibahagi ang masayang alaala kasama ang yumaong ina sa loob ng kanilang tahanan. Tila nga miss na miss na ni Angeline ang yumaong ina dahil mula sa living area, dining area at ilan pang bahagi ng bahay ay kasama niya ang kanyang Mama Bob noong nabubuhay pa ito.

Samantala, ang bedroom at ilan pang bahagi ng bahay ay mapapanood naman sa 2nd part ng vlog ni Angeline.

Source: Ptama