Isang magandang balita ang hatid ng aktres na si Kaye Abad sa kanyang mga tagahanga. Ito nga ay matapos ianunsiyo ng aktres na isa nang ganap na kuya ang kanyang panganay na anak na si Joaquin.

Nito lamang ika-27 ng Pebrero, araw ng Sabado ay masayang ibinahagi ni Kaye sa Instagram na nasundan na nga at may inaasahan nang kapatid ang panganay na anak nila ng kanyang asawang si Paul Jake Castillo. Isang larawan ang ibinahagi ng aktres kung saan makikita si Joaquin na may hawak na isang sonogram.

Nilakipan naman ito ng caption ni Kaye na:

“Yey!!!!! I’m going to be a kuya! #anotherblessing.”

 

View this post on Instagram

 

A post shared by Katherine Grace Castillo (@kaye_abad)

Walang pagsidlan ng saya ang mag-asawang Kaye at Paul sa panibagong biyaya na ipinagkaloob sa kanilang pamilya. At ang pagdating ng sanggol na nasa sinapupunan ng 38 taong gulang na aktres, ngayon pa lang nga ay kanila nang inaabangan. Tiyak na kapag lumabas na ang munting anghel ng kanilang pamilya, ay mas lalong magiging masaya at makulay ang kanilang buhay.

Samantala, bumuhos naman ang pagbati mula sa kanilang mga kaibigan sa showbiz. Narito ang kanilang komento:

“Waaaaahhhhhh! Wow! Congratz my mars i love u so much @kaye_abad,” komento ni Kitkat.

“Yeheeey marsss! Ayan na! Congrats!”saad naman ni Regine Angeles.

“Congrats ate Kaye!!! 😘😘😘”pahayag ni Charee Pineda.

Bumati rin ang ilan pa nilang kaibigan na tulad nina Heart Evangelista, Jodi Sta. Maria, Mariel Rodriguez, Carlo Aquino, LJ Reyes, Ynna Asistio, at Kris Bernal.

Matatandaan na ikinasal si Kaye Abad noong Disyembre 2016 sa kanyang asawang si Paul Jake Castillo na dating Pinoy Big Brother housemate at ngayon ay isa nang matagumpay na negosyante sa Cebu.

Photo credits: kaye_abad | IG

Photo credits: kaye_abad | IG

Isang taon matapos ang kanilang pag-iisang dibdib ay isinilang ni Kaye ang kanilang panganay na anak na si Pio Joaquin noong Disyembre 2017, at ngayon nga ay tatlong taong gulang na ito. Magmula naman ng ikasal sila, ay sa Cebu na sila nanirahan ng kanyang pamilya na talaga namang masaya at puno ng pagmamahal.

Photo credits: kaye_abad | IG

Photo credits: kaye_abad | IG

Noong 2018, nang makapanayam sa Rated K, ay sinabi ng aktres na ang maging isang ina ay maituturing niyang pangarap na nabigyang katuparan.

“Dream come true siya super saya. Kasi dati sabi ko parang hindi pa ako ready. Eto na siya, totoo na talaga ito, may anak na ako.”

Source: Ptama

Marami nga ang humahanga sa taglay na talento pagdating sa kantahan ng mag-asawang Jessa Zaragoza at Dingdong Avanzado. Sa kanilang mga nakakaantig na awitin nga, ay talagang dalang-dala ang emosyon ng mga tagapakinig dahil sa maganda nilang tinig.

Photo credits: Jessa Zaragoza | IG

Kaya naman, hindi nakapagtataka na hanggang sa kasalukuyan ay patuloy na tinatangkilik ang kanilang mga sikat na awitin. Ngunit, hindi lamang magandang tinig bilang mga sikat na singer sa bansa, ang kahanga-hanga sa mag-asawa.

Photo credits: Jessa Zaragoza | IG

Dahil, taglay rin nina Jessa at Dingdong ang natatanging kagandahan at kagwapuhan.

Photo credits: Jessa Zaragoza | IG

Hindi naman na lingid sa kaalaman ng publiko, na mayroon silang isang babaeng anak na sadyang napakaganda, siya si Jayda. At makikita na ang taglay na napakagandang mukha ni Jayda, ay namana niya sa kanyang mga magulang. Nang masilayan nga ng publiko ang natural na ganda ni Jayda ay talagang umani ito ng papuri.

 

View this post on Instagram

 

A post shared by Jessa Zaragoza (@jessazaragoza)

Makikita nga sa social media ng dalaga na madalas itong magbahagi ng kanyang mga larawan at video. Katulad na lamang nga ng isang video kung saan makikita ang kanyang before and after transformation.

Makikita na inaayusan si Jayda ng kanyang hair and make up stylist, at sa huling bahagi nga ng video, ay ipinakita ng dalaga ang napakagandang resulta ng kanyang kagandahan.

 

View this post on Instagram

 

A post shared by Jayda (@jayda)

Hindi naman maikakaila na kahit walang bahid ng make up ang mukha ni Jayda ay sadyang napakaganda parin niya. Kaya naman, ang mga netizens ay talagang nabighani sa kanyang natatanging ganda. At hindi nga napigilan ng mga ito, na magbigay ng mga komentong puno ng paghanga.

Photo credits: Jessa Zaragoza | IG

May ilan pa nga na inahalintulad siya international singer na si Ariana Grande.

“Ariana Grande 😍😍😍”

“Mas maganda pa sya kay Barbie Doll. So gorgeous.”

Ariana Grande ikaw ba yan? Grabe ganda ng bb girl ko.”

“Grabe kamukang kamuka mo talaga si mommy mo. Ganyan rin sya noon naalala ko.”
“That final glamorous shot.. biglang tingin Mommy Jessang, mommy Jessa eh! Napakaganda!”

Bukod naman sa natatanging kagandahan ni Jayda, ay kahanga-hanga rin ang angking talento nito sa pag-awit. At tulad nga ng kanyang mga magulang, ay napakahusay rin niya. Patunay lamang nga nito, ang bagong kanta na inawit ni Jayda kasama ang kanyang Daddy Dingdong na may pamagat na “Paano kung naging tayo” ay inilabas na kamakailan sa publiko. Ito ang kauna-unang Filipino song na kanyang ginawa.

Source: Ptama

Ang mga sikat na artista sa showbiz, ay palaging abala sa dami ng kanilang ginagawang proyekto. Kaya naman, karamihan sa kanila ay wala nang oras upang magkaroon ng mahabang bakasyon para magrelax at libangin ang sarili.

Kaya naman, ngayong panahon ng pandemya kung saan ay nabawasan ang pinagkakaabalahang proyekto, ay talagang sinusulit ng ilang artista ang kanilang bakanteng oras upang mapuntahan ang kanilang mga nais na lugar upang magbakasyon at mag-enjoy kasama ang kanilang mga mahal sa buhay.

Photo credits: Kim Chiu | IG

Katulad na lamang nga ng magkasintahang Kim Chiu at Xian Lim na napapadalas ang pagbabakasyon sa mga magagandang lugar sa bansa. Matatandaan na sa mala-paraisong lugar ng Coron, Palawan, ipinagdiwang ng celebrity couple ang Valentine’s Day.

Photo credits: Xian Lim | IG

At ang masaya nilang bakasyon na ito sa Palawan, ay agad nasundan ng exciting at nakakaenjoy na bakasyon sa Balesin nito lamang weekend.

 

View this post on Instagram

 

A post shared by Kim Chiu 🌸 (@chinitaprincess)

Sa kani-kanilang social media account, ay ipinasilip ng magkasintahan ang kanilang masayang paglalakbay at bakasyon sa napakagandang lugar ng Balesin.

Photo credits: Xian Lim | IG

Sa Instagram, ibinahagi ni Kim ang ilang larawan kasama ang nobyong si Xian habang lulan ng sinasakyang eroplano. May larawan ring kuha, habang naglalakad ng magkaholding hands ang dalawa. Nilakipan naman ito ng caption ng aktres na:

“Hold my hand and I’ll go anywhere with you. Thank you @xianlimm for always making me feel special! Weekly na ba to? Hehe charot lang!”

 

View this post on Instagram

 

A post shared by Kim Chiu 🌸 (@chinitaprincess)

Samantala, ang aktor naman na si Xian Lim ay nagbahagi ng sweet photos nila ng kanyang nobyang si Kim, kung saan ay makikita na tila nakaupo sila sa isang lounge.

Ang magkasintahang Kim Chiu at Xim Lim, ay isa sa hinahangaang celebrity couple sa industriya ng showbiz. Magmulang nang mapabalita noong 2012, ang kanilang relasyon na kanilang kinumpirma sa publiko noong 2018, ay talagang pinatunayan ng magkasintahan ang tibay at tatag ng kanilang samahan.

 

View this post on Instagram

 

A post shared by Xian Lim (@xianlimm)

Makikita nga sa social media ng magkasintahan ang mga sweet photos na kanilang ibinahagi, ang kanilang kasweetan at pagmamahal sa isa’t isa. Patunay lamang nga nito na ang tunay nilang pagmamahalan, ay maaaring humantong sa pag-iisang dibdib. Makikita rin sa celebrity couple ang saya sa kanilang mga mata sa tuwing kasama ang bawat isa.

Source: Ptama

Ang pagtatalo ay natural lamang sa buhay ng mag-asawa. Pero sa kabila nga pagtatalo, ay mas lalo namang napagtitibay at nagiging matatag ang relasyon ng mag-asawa.

Ngunit, paano nga ba dalhin ng mga sikat artista na tulad ng aktres na si Heart Evangelista kapag nagkakaroon ng pagtatalo sa pagitan nila ng kanyang asawa? Kamakailan nga, sa vlog ng celebrity beauty doctor na si Aivee Aguilar, ay ibinahagi ng fashion icon na si Heart ang kanyang ginagawa sa tuwing may pagtatalo sila ng kanyang asawang si Sorsogon Governor Chiz Escudero.

Photo credits: iamhearte | IG

Ayon nga kay Heart, ay iniiwasan niya ang kanyang asawang si Chiz sa tuwing nagkakaroon sila ng pagtatalo dahil sa galing nitong magsalita at makipag-debate. Kaya naman, sa halip na makipagtalo, ay nagwowalk out na lamang siya lalo na kapag mainit na ang diskusyon at pareho na silang galit.

“When we argue, si Chiz kasi magaling magsalita, he’s really good with debate. I choose my battles so I’m quiet and it pisses him more when I’m quiet.”

Photo credits: iamhearte | IG

Maliban rito, ay tinutulugan rin umano niya ang kanyang asawa upang matahimik na lamang.

“So I’m guilty also of going up and sleeping. Tinutulugan ko siya.”

Ibinunyag rin ni Heart na hindi siya mahilig mag-confront kay Chiz sa tuwing may hindi sila pagkakaunawan. Kaya naman, ang ginagawa niya ay idinadaan niya sa sulat ang nilalaman ng kanyang damdamin na nais iparating kay Chiz. At matapos niya ngang mag-walk out ay ito ang kanyang ginagawa, para mabawasan ang dinadala ng kanyang dibdib. Sa ganitong paraan nga, ay mas naiintindihan ni Chiz ang nais sabihin ni Heart.

Photo credits: iamhearte | IG

“I’m more of I’ll write you a letter first so if you write a letter, they can actually digest it more and better because they don’t see your face. He’s not irritated na galit ka.”

“So ‘yung tone, according sa tone sa utak niya so mas maiintindihan niya ang mga gusto kong i-explain.

Dagdag pa ni Heart, ay mahalaga rin na magpalipas muna ng galit sa tuwing mag-aaway bago mag-usap ng maayos.

“There’s no point kasi arguing and fighting. When you guys are angry at the very moment, let it pass.”.

Photo credits: iamhearte | IG

Pagbabahagi naman ni Heart, ay marami siyang pagsubok na pinagdaanan sa relasyon nila ni Chiz. At dahil sa labis niyang pagmamahal sa public servant, ay nagawa niyang lampasan ang anumang pagsubok na dumaan sa kanya.

“He also really loved me. He understood my immaturity or whenever I get mad and unreasonable. Naging maalaga rin siya with my feelings.”

Photo credits: iamhearte | IG

Kamakailan lamang nang masayang ipagdiwang ng mag-asawang Chiz at Heart ang kanilang 6th wedding anniversary.

“Six years and a lifetime more to go with us at each other’s side. I wouldn’t have it any other way.”

“Thankful for all the big and small moments we’ve had, and everything else in between! Happy Anniversary, mon amour.”

Source: Ptama

Tila nga hindi na mapaghiwalay ang aktor na si Derek Ramsay at aktres na si Ellen Adarna magmula nang magkasama sa dinner party sa bahay ng aktor. Dahil sa kanilang mga larawan, na talagang agaw atensyon sa social media, ay nakatuon na ang pansin ng mga netizens sa kanila.

May mga netizens nga na nagsabi na mas mabuting magpakatotoo na lamang sina Derek at Ellen sa tunay na estado ng kanilang relasyon dahil makikita naman sa kanilang mga larawan sa Instagram kung gaano sila kasweet sa isa’t isa.

At sa mga sweet photos na ibinabahagi nina Derek at Ellen, ay iba’t ibang espekulasyon ang kumakalat. Para nga sa ilang netizens, ay dinadahan-dahan lamang ng dalawa ang paglalantad sa tunay nilang relasyon. May ilan namang suportado kung anuman ang meron sa pagitan nila. Ngunit, mas marami ang basher na hindi gusto ang ginagawa ng dalawa.

 

View this post on Instagram

 

A post shared by Roxy Coco (@roxycoco12)

Bagama’t sanay na sina Derek at Ellen na magkaroon ng basher dahil sa pagiging sikat na personalidad sa showbiz, ay hindi pa rin sila nakapagpigil na sagutin ang maaanghang na salitang ibinabato sa kanila ng mga basher.

May isang basher nga na nagkomento sa Instagram post ni Ellen kung saan makikita na nilalambing niya si Derek. Komento nga nito, ay hindi umano magandang ehemplo ang tulad nilang public figure sa mga kabataan.

“Public figure but not a good influence to youths,”saad ng basher.

Agad naman itong sinagot ng diretsahan ni Ellen.

Aniya,“Yet you follow me, judge me, and allow your mind to be exposed to ‘our’ influence. Whose choice is that now? Shouldn’t you be protecting yourself and your peace?”

Samantala, may isang basher naman na may kabastusan ang naging pahayag kay Derek. Komento nga nito, ay babaero umano si Derek, at tila tinitikman lamang ang nais nitong babae.

“Womanizer talaga, eh haha pahinga mo naman t*t* mo @ramsayderek07 same to Ellen, ayaw ipahinga ang p*kp*k ehh. Nagtitikiman lang…Tinikman mo.”

Hindi naman nakaligtas kay Derek ang nasabing basher, at agad ring renesbakan ni Derek ang mahalay nitong sinabi.

“I hope you find joy with the words you have expressed to me and Ellen.”

Samantala, sa kabila ng maraming basher ay may mga netizens namang nakasuporta sa relasyon nina Derek at Ellen.

“DEREK – Single dad, gwapo, mayaman, happy, hindi perfect at walang paki sa bashers. ELLEN – Single mom, gwapa, mayaman, happy, hindi perfect at walang paki sa bashers. BASHERS – Single, pangit, pobre, feeling perfect at pinoproblema ang buhay ng ibang tao! 2021 na uy!”

Tuwang-tuwa naman si Ellen sa komentong ito ng netizen at sinabi na “Genius” umano ito.

Matatandaan na inamin ni Derek sa isang panayam na masaya siya dahil nakilala niya si Ellen, at naging kaibigan niya ang aktres. Ito nga ay dahil magkasundong-magkasundo sila sa maraming bagay.

“Kami ni Ellen, we are the same in so many ways.Hindi kami takot na ipakita ang nararamdaman namin o ipakita ang naiisip namin. We really enjoy each other’s company,”saad ni Derek.

Samantala, nito lamang ika-26 ng Pebrero, araw ng Biyernes, ay inamin na ni Derek sa exclusive interview ng Pep.ph ang tunay na estado ng kanilang ni Ellen. Sa wakas nga, ay inamin na ng aktor sa publiko na may relasyon sila ng dating sexy star.

Source: Ptama

Ang hinahangaan ng lahat na si Willie Revillame o Kuya Wil, ay kilala bilang isang mabuting tao sa kanyang programang Wowowin na napapanood sa GMA. Sa kanyang programa nga ay marami ang taong kanyang natutulungan.

Ngunit, maliban sa pagkakaroon ni Kuya Wil ng mabuting kalooban sa mga mahihirap, ay isa ring mabuting ama si Kuya Wil sa kanyang mga anak. At isa ring mapagmahal na lolo sa kanyang mga apo.

Si Kuya Wil ay may tatlong anak sa kanyang mga nakarelasyon. Ang panganay na si Meryll Soriano, ay anak niya kay Becbec Soriano. Ang pangalawa ay si Marimonte Shanelle Viduya-Revillame, na non-showbiz ang ina at sa Baguio naninirahan. Ang bunsong anak naman ni Kuya Wil ay si Juan Emmanuel na anak niya sa dating asawang si Liz Almoro-Aliwalas na may sariling pamilya na rin ngayon.

Tila naman ayaw nang mahiwalay ni Kuya Wil sa bagong silang niyang apo na anak ng kanyang panganay na si Meryll Soriano na si Baby Gido. Dahil, talagang natutuwa si Kuya Wil sa tuwing nakikita at nakakasama ang kanyang apo. Si Baby Gido ay anak ni Meryll kay Joem Bascon. Maliban naman sa 2 months old na baby na si Gido, ay may isa pang anak si Meryll. Siya si Elijah Palanca, 13 years old na anak naman niya sa dating asawang si Bernard Palanca.

Sa isang panayam sa online endorsement ay ibinahagi ni Kuya Wil kung gaano siya kasaya na makasama ang kanyang mga apo.

Samantala, hindi naman lingid sa kaalaman ng marami ang angking kayamanan ni Kuya Wil sa dami ng kanyang ari-arian. At sa nasabing online endorsement nga, ay nabanggit ni Kuya Wil na ang mana ng kanyang tatlong anak at dalawang apo, ay inihanda na niya para sa future ng mga ito.

Talaga nga namang napakapalad ng mga anak at apo ni Kuya Wil dahil ngayon pa lang ay inihanda na niya ang mamanahin ng mga ito upang pagdating ng panahon ay wala ng problemahin ang mga ito.

Bagama’t iba iba ang ina ng tatlong anak ni Kuya Wil, ay masaya naman siyang makita na malapit sa isa’t isa ang kanyang mga anak. Matatandaan nga nang minsang ibinigay ni Kuya Wil sa panganay niyang si Meryll na imanage ang kanilang negosyo, ay tinanggihan ito at ibinigay sa kanyang bunsong kapatid na si Juami.

“Siguro eventually, ako rin, pag-aaralan ko kasi masyadong bata pa si Juami,”saad ni Meryll.

Hindi naman maitatanggi na mahal na mahal ni Kuya Wil ang kanyang mga apo. Sa panayam nga sa Wowowin host ng 24 Oras, ay sinabi nito na nais niyang maging barkada ang kanyang apo paglaki ng mga ito.

“Hindi lang lolo, hindi lang apo, parang gusto ko na kaibigan mo, kabarkada mo ‘yung apo mo, ‘yung ganu’n. Kung ano ‘yung nakikita mo sa akin on TV, parang gusto ko ganu’n. ‘Yung iniinis mo, ‘yun ang gusto ko, eh.”

“Pag dinadala sa akin ni Meryll ‘yung bata, sabi ko, ‘eto ‘yung mga mag-aalaga sa akin, ‘yung mga batang ‘yun. Parang feeling ko, ganu’n na.”

Tunay nga na napakabuti ng puso ni Kuya Wil, hindi lamang nga sa kanyang pamilya kundi pati na rin sa mga taong nangangailangan ng tulong. Kaya naman, maliban sa kanyang pamilya, ay mahal na mahal siya ng taumbayan na nagdarasal na bigyan pa siya ng mahabang buhay at malusog na pangangatawan upang mas marami pang matulungan.

“Every time na may nagba-Viber sa amin nagpapasalamat, pinapakita ‘yung pinamili, bigas, ‘yung gamot ng nanay, ‘yung gamot ng tatay. I think ‘yung realization nito is kailangan na kailangan natin ng tulong sa mga kababayan natin,” saad ni Willie.
“Minsan pag may nakikita akong bata, ‘Ito ako dati, dito ako nanggaling.’ So nararamdaman ko ‘yon.”

Source: Ptama

Maraming netizens ang naiintriga sa tunay na estado ng relasyong namamagitan sa aktres na si Ellen Adarna at aktor na si Derek Ramsay. Samu’t saring espekulasyon ang kumalat sa social media nitong nakaraang linggo patungol sa relasyon nina Ellen at Derek.

Ngunit, nito lamang ika-26 ng Pebrero araw ng Biyernes, ay tinuldukan na ng dalawa ang isyu, matapos tahasang aminin sa publiko ang kanilang relasyon. Sa exclusive interview ng Pep.ph, ay inamin ng dalawa na isang buwan na silang nagde-date.

“May relasyon kami, oo,”pag-amin ni Derek sa Pep.ph.

Samantala, bago pa man ang pag-amin ng dalawa, umaga pa lang, ay nagpost na sina Derek at Ellen sa kani-kanilang Instagram ng kanilang sweet photos kung saan ay may magkaparehong caption.

Sa post nga nina Derek at Ellen, ay tila nagpapahiwatig ang dalawa ng nag-aalab nilang relasyon. Sa Instagram ni Ellen, ibinahagi niya ang larawan kung saan makikita na pareho silang nakasuot ng kulay puting tshirt. At base sa lokasyon ng larawan, makikita na nakaupo sila sa pool area sa lounge ng sofa. Makikita nga ang kasweetan nila sa isa’t isa.

Simple man ang naging caption ng post ni Ellen kung saan nilakipan niya ng dragon at fire emojis, ay tila puno naman ito ng kahulugan. Tila nais ipahiwatig ng aktres na nag-aalab ang kanilang kombinasyon ng aktor.

Samantala, agaw-pansin naman ang komento ni Derek sa comment section ng post ng aktres, kung saan sinabi nito na may “crush” siya kay Ellen. Sinakyan naman ni Ellen ang komento ni Derek, at sinagot ng pabiro na:

“@ramsayderek07 crush mo palang ako dito.. wow hhahhahaha.”

Ang aktor naman na si Derek, ay nagbahagi rin ng larawan nilang dalawa ni Ellen kung saan makikita na kuha sa hangout area ng 2nd floor ng bahay ni Derek. Ang nasabing larawan naman ay nilakipan ni Derek ng caption ng puro dragon emojis. Tila nga, sang-ayon rin ang aktor sa naging caption ng aktres, na nangangahulugan ng maalab at intense nilang kombinasyon.

Bagama’t, ilang beses na itinanggi nina Derek at Ellen ang namumuong pagtitinginan nila, ay tila hindi na nga nila ito maitago. Magmula nga nang magkasama sa dinner party sa bahay ni Derek, ay madalas nang makitang magkasama ang dalawa sa kanilang bakasyon.

Anuman nga ang sabihin ng mga netizens patungkol sa kanila, ay nananatiling matatag at malapit sa isa’t isa sina Ellen at Derek na tila ba handang harapin ang anumang pagsubok na kaakibat ng kanilang relasyon.

Source: Ptama

Ang maybahay ng Pambansang Kamao at Senator na si Manny Pacquiao na si Jinkee Pacquiao, ay talaga namang nakilala na ng lahat bilang isang media personality, modelo at ambassador ng mga kilalang kompanya. Isa na ring matagumpay na negosyante si Jinkee kung saan ay may sarili siyang make-up line na inilaunch noong nakaraang Agosto.

Photo credits: Jinkee Pacquiao | IG

Hindi naman maitatanggi na malaki ang pagkahilig ni Jinkee pagdating sa pagpapaganda. Kaya naman ang pasukin ang beauty industry para sa kanyang make-up line, ay isang pangarap na kanyang minimithi na kanyang nabigyang katuparan. Ayon nga kay Jinkee, ay natupad niya ang pangarap na ito, dahil ito talaga ang hilig niya at buong puso at kaluluwa niya ang inilaan para rito.

Photo credits: Jinkee Pacquiao | IG

“Two years ago, having my own makeup line was just a dream and a vision. I knew it would take courage and passion to make it happen, and i was prepared to put my heart and soul into it.”

“Today, two years after, that vision has finally become a reality. My newest venture, Jinkee Cosmetics, is finally born. Like a rose in full bloom, now my passion for beauty [can] also [be] yours.”

Samantala, ang hilig ni Jinkee sa pagpapaganda ay noon pa pala niya taglay. Kamakailan nga, ay ibinahagi ni Jinkee ang kanyang pagbabalik tanaw sa masayang yugto ng buhay niya bilang isang beauty queen noong nasa kolehiyo pa siya.

Sa Instagram, ay proud na ibinahagi ni Jinkee na minsan sa buhay niya, ay sumali siya sa beauty pageant ng kanyang paaralan. Ito nga ay nang maging kalahok siya ng Ms. AMA Computer College noong 1995. Isang larawan ang ibinahagi ni Jinkee kung saan makikita ang kanyang crowning moment bilang Ms. AMA Computer College.

 

View this post on Instagram

 

A post shared by jinkeepacquiao (@jinkeepacquiao)

Caption naman sa post ng nasabing larawan ni Jinkee, ay nagliligpit umano siya ng gamit, at kanyang nakita ang throwback photo. Saad pa nga ni Jinkee, ay napakabilis ng paglipas ng panahon.

“College days! 😍 Habang ako’y nagliligpit ng mga gamit ko nahalungkat ko to sa aking mahiwagang baul. 😂 Nung sumali ako ng Ms. AMA Computer College. #crowningmoment Grabe ang bilis ng panahon! #verythrowback.”

Hindi naman ito ang unang pagkakataon na nagbahagi siya ng kanyang mga larawan na sumali siya sa beauty contest. Dahil noong taong 2018, ay minsan nang ibinahagi ni Jinkee sa Instagram ang kanyang larawan nang sumali naman siya sa Binibining Heneral Santos sa kanilang bayan sa General Santos City.

“Flashback Friday 👑 1996 when i joined “Binibining Heneral Santos” (Ms. Gensan 👑) Can you spot me in this picture?”

 

View this post on Instagram

 

A post shared by jinkeepacquiao (@jinkeepacquiao)

Talaga nga namang kahanga-hanga ang ganda ni Jinkee, na kung saan ay pinatunayan matapos magwagi sa mga sinalihang beauty contest. At ang masayang yugto ng buhay ni Jinkee bilang isang beauty queen, ay talagang dala-dala niya hanggang ngayong isa na siyang matagumpay na personalidad sa showbiz.

Source: Ptama

Ang mag-asawang Chito Miranda at Neri Naig, ay kilala na ng publiko bilang madiskarte at masipag pagdating sa pagnenegosyo. Noong nakaraang taon nga, matatandaan na maliban sa kanilang iba’t ibang klaseng negosyo, ay ipinagawa rin ng mag-asawa ang isang rest house na matatagpuan sa Alfonso, Cavite, at kamakailan nga ay inanunsiyo ng mag-asawa na bukas na ito sa publiko upang rentahan.

Noong nakaraang taong 2020, ay ipinasilip na ni Chito sa publiko ang loob ng kanilang bahay-bakasyunan habang ito’y pinapagawa . At ngayon nga ay natapos na ang pagsasaayos rito, at maaari nang rentahan ng magbabarkarda, pamilya o sinumang nais magbakasyon at magrelax. Maliban rito, ay bukas rin ang napakagandang “Miranda’s Resthouse” para sa mga taong naghahanap ng lugar na pagdarausan ng mga okasyon.

Samantala, nagbigay rin ng virtual tour si Chito sa kanilang rest house, kung saan masisilayan ang ganda at lawak nito. Bukod nga sa playground para sa mga bata, ay may swimming pool rin ito. Ang Miranda’s Rest house naman ay may apat na kwarto para sa mga nais magbakasyon rito. Ang dalawang silid nga, ay ang maters bedroom na kasya ang dalawa hanggang apat na tao. At ang ibang silid naman ay para naman sa magbabarkada kung saan ay kasya naman sa loob ang apat hanggang anim na tao.

“Gusto ko lang po i-share sa inyo yung laman ng aming resthouse, para makita [ninyo] kung anong meron, at kung ano ang mga pwede [ninyong] gawin if ever matripan nyo maki-stay at makibakasyon dito sa resthouse namin. Opo…pwede nyo na po i-rent starting this [February],” ani Chito sa kanyang Facebook post.

 

View this post on Instagram

 

A post shared by Chito Miranda (@chitomirandajr)

Napakaganda rin at nakakarelax sa loob ng bawat silid, dahil bukod sa malamig at preskong pakiramdam na hatid ng aircon, ay may malaking smart TV rin ito para sa mga nais manood ng telebisyon, o kaya naman ay manood ng mga pelikula.

Para naman sa mga batang nais mag-enjoy na tulad ng anak ng mag-asawa na si Miggy, ay may ipinagawa ring tree house at playground sina Chito at Neri. Tiyak naman na mag-eenjoy ang sinumang bibisita sa kanilang resthouse. Pinakiusapan naman ni Chito ang mga batang maglalaro sa playground na ingat ang mga makikitang laruan na naroon na pagmamay-ari ng kanilang anak na si Miggy.

May malawak rin itong pavillion na pwedeng pagdausan ng anumang okasyon. Ang nasabing rest house na ay kompleto na ang kagamitan para sa isang masayang bakasyon at okasyon.

Samantala, ibinahagi rin ni Chito ang halaga ng bawat silid, hanggang sa presyo ng kabuuang rest house kapag uupahan ito para sa okasyon.

Pwede kayo mag-rent ng isang room for P5,000, or pwede nyo din i-rent yung all 4 rooms for P20k para walang ibang guests kundi kayo, at para wala kayong kahati sa pool haha!…You could rent the entire place, including the pavilion/events place for P50k.”

Pakiusap naman ni Chito sa mga taong uupa sa kanilang rest house na ingatan at alagaan rin itong mabuti, katulad kung gaano nila itong iniingatan at inaalagaan.

Source: Ptama

Ang singer na si Jaya ay isa sa hinahangaang singer sa bansa. Kapag bumirit na nga si Jaya sa gitna ng entablado ay talagang hahanga ang makakarinig sa kanyang magandang tinig. At bilang isang sikat na mang-aawit, ay talagang tumatak na sa puso at isipan ng mga Pilipino ang kanyang mga nakakaantig na awitin.

Matatandaan na mas nakilala si Jaya ng publiko matapos mapabilang sa sikat ng programa noon ng GMA na SOP na mapapanood tuwing Linggo, kung saan nakasama rin niya ang mga batikang mang-aawit na taglay rin ang nakakabilib na talento na sina Regine Velasquez, Ogie Alcasid at Janno Gibbs.

Samantala, ang mahusay na mang-aawit na si Jaya ay kilala rin sa tunay na buhay ng kanyang pamilya at malalapit na kaibigan bilang si Maria Luisa Ramsey. Siya nga ay anak ng komedyante at singer na si Elizabeth Ramsey.

Katulad naman ng mga awitin ni Jaya, ay makulay rin ang kanyang buhay pag-ibig, kung saan ay una niyang napangasawa ang musician na si Andrew Buffington noong 1998. Ngunit, agad itong nagwakas noong 2001. Muli na namang tumibok ang puso ni Jaya sa katauhan ng kanyang asawa ngayon na si Garry Gotidoc na kanyang pinakasalan noong May 2006. At ang masaya nilang pagsasama ay biniyayaan ng dalawang anak, sina Sabriya at Dylan.

 

View this post on Instagram

 

A post shared by Jaya (@jaya)

Ang babaeng anak ni Jaya na si Sabriya, ay kanyang ipinagmamalaki maliban kasi sa namana nito ang taglay niyang ganda, at namana rin nito ang pagkahilig niya sa musika. Isa ngang talentadong bata si Sabriya, na kahanga-hanga ang talento sa pag-awit. Hindi nga lamang ito, dahil marunong ring tumugtog ng gitara si Sabriya.

Ngunit, ang mas kahanga-hanga pa sa anak na ito ni Jaya, ay ang talento nito sa pagsusulat ng mga kanta. Talaga nga namang proud na proud si Jaya sa kanyang anak kaya naman madalas rin niyang ibahagi sa Instagram ang larawan ng kanyang anak.

At bilang isang proud mommy, ay ipinapakita rin ni Jaya ang kanyang pagsuporta sa mga nais gawin ng kanyang anak na si Sabriya lalo na nga sa pagkahilig nito sa musika. Ipinagmamalaki nga ni Jaya, na sa murang edad ni Sabriya, ay marami na itong kaalaman pagdating sa musika, kaya naman mas lalo pang nahahasa ang angking talento nito.

 

View this post on Instagram

 

A post shared by Jaya (@jaya)

Samantala, ngayon pa lang nga ay marami ng mga netizens ang humahanga hindi lamang sa galing at husay ni Sabriya sa pag-awit, kundi pati na rin sa kanyang kahanga-hangang kagandahan na mala-Hollywood ang dating.

Narito ang pahayag ng mga netizens:

“Lakas maka Willow Smith ung vibe ni Sabriya.”

“Sabriya is radiating this confidence of believing her own beauty. Lovin’ it.”

“Ang ganda ni Sabriya. Pang Hollywood!”

“Ang ganda ni Sabriya!!! She can be model, beauty queen, musician.”

Source: Ptama

Ang mag-asawang Oyo Boy Sotto at Kristine Hermosa ay pinagtibay na ng panahon ang kanilang pagsasama mula ng ikasal noong taong 2011.

Hindi naman maikakaila na ang kanilang pagsasama ay puno ng saya, kung kaya’t nabiyayaan ng apat na anak ang kanilang pagmamahalan.

Samantala, ang aktor na si Oyo Boy Sotto, ay kilala na sa kanyang husay pagdating sa pag-arte. Kaya naman, talagang hinahangaan siya ng publiko dahilan nga upang mas lalo pa siyang makilala. Ngunit, maliban sa pagiging isang sikat na aktor, ay ipinagmamalaki rin si Oyo ng kanyang asawang si Kristine.

Ito nga ay dahil, napakabuting tao ni Oyo lalo na pagdating sa kanyang pamilya, na isang mabuting haligi ng tahanan. Isa ngang mabuting asawa at mapagmahal na ama si Oyo sa kanilang pamilya.

 

View this post on Instagram

 

A post shared by Kristine Hermosa-Sotto (@khsotto)

Hindi naman maikakaila kung gaano kamahal ni Oyo ang kanyang pamilya. Ang pagsusumikap at kasipagan nga ng aktor ay kanyang ginagawa para sa kanyang pamilya. Ang wagas at tunay na pagmamahal naman ni Oyo para kay Kristine, ay hindi kumukupas dahil hanggang ngayon, ay napapasaya at napapakilig niya parin ang kanyang maybahay.

At noong Valentine’s day nga, ay talagang naghatid ng kilig sa kanyang asawa si Oyo matapos itong regaluhan ng bulaklak. Sa Instagram, ay makikita sa larawang ibinahagi ni Kristine, na pati ang kanilang anak na babae na si Ondrea, ay nakatanggap rin ng bulaklak. Maging ang kapatid ni Kristine na si Kathleen ay nakatanggap rin ng bulaklak.

Sa caption ng post ni Kristine, ay mababakas na talagang napasaya siya ng kanyang asawang si Oyo. Isa ngang napakasweet na mensahe na puno ng pagmamahal ang ipinaabot ni Kristine.

“My forever 🙏🏻❤️ I thank the Lord for you every single day. @osotto Thank you for leading us and showing your love for all of us in your own unique way. 😘 I LOVE YOU.”

 

View this post on Instagram

 

A post shared by Kristine Hermosa-Sotto (@khsotto)

Talaga nga namang napakapalad ni Kristine, dahil may isang katulad ni Oyo sa kanilang pamilya, na isang mabuti at mapagmahal na haligi ng tahanan.

Samantala, isang biyaya na naman ang ipinagkaloob sa kanilang pamilya noong nakaraang taon. Ito nga ay ang pang-limang anak ng mag-asawa na ipinagbubuntis ngayon ni Kristine. Tiyak na mas lalo pang magiging masaya ang kanilang pamilya sa nalalapit na paglabas ng kanilang munting anghel.

Source: Ptama